မုံရွာ၊ ဩဂုတ် ၁၅

စစ်ကိုင်းတိုင်းဒေသကြီး ရင်းနှီးမြှုပ်နှံမှုကော်မတီ (၇/၂၀၂၅) အစည်းအဝေးကို ဩဂုတ်လ ၁၅ ရက်၊ နံနက်ပိုင်းက တိုင်းဒေသကြီး အစိုးရအဖွဲ့ရုံး အစည်းအဝေးခန်းမ တွင်ကျင်းပပြုလုပ်ရာ အစည်းအဝေးသို့ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသ ကြီး ရင်းနှီးမြှုပ်နှံမှုကော်မတီ အဖွဲ့ဝင်များနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီချုပ် ဦးမြတ်ကျော်က ကော်မတီအဖွဲ့ဝင်များအနေဖြင့် နိုင်ငံတော်၏ ဦးတည်ချက်၊ လမ်းညွှန် ချက်၊ လိုလားချက်များနှင့်အညီ တိုင်းဒေသကြီးအတွင်း ရင်းနှီးမြှုပ်နှံမှုလုပ်ငန်းအသစ်များ ဝင်ရောက်လာစေရန်နှင့် ဝင်ရောက်ပြီးသည့် ရင်းနှီးမြှုပ်နှံမှုလုပ်ငန်းများအတွက် လုပ်ငန်း စဉ်များအား လွယ်ကူချောမွေ့အောင် တာဝန်ရှိသူများနှင့် ဝိုင်းဝန်းပူးပေါင်း ကူညီဆောင် ရွက်ပေးသွားကြရန် လိုအပ်ပါကြောင်း၊ မိမိတို့တိုင်း‌ဒေသကြီးအတွင်းရှိ အသေးစား၊ အငယ် စား၊အလတ်စား စီးပွားရေးလုပ်ငန်းများ ဖွံ့ဖြိုးတိုးတက်စေရန်အတွက် ကော်မတီအဖွဲ့ဝင် အားလုံးမှ အလေး ထားကာ ဌာနများအချင်းချင်း ပူးပေါင်းဆောင်ရွက်သွားကြရန် လိုအပ်ပါ ကြောင်း ပြောကြားသည်။

ယင်းနောက် တိုင်းဒေသကြီး ရင်းနှီးမြှုပ်နှံမှုကော်မတီ အတွင်းရေးမှူး၊ တိုင်းဒေသကြီးရင်းနှီး မြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူး ဒေါ်ဆင့်ဆင့်သန်းက ယခင်အစည်း အဝေးဆုံးဖြတ်ချက်များ၏ ဆောင်ရွက်ပြီးစီးမှု၊ ၂၀၂၅-ခုနှစ်၊ ဇူလိုင်လအတွင်း စိစစ်ကြပ်မတ်ခဲ့သည့် ရင်းနှီးမြှုပ်နှံမှု လုပ်ငန်းအခြေအနေများနှင့် စစ်ကိုင်းစက်မှုဇုန်တွင် ဆောင်ရွက်နေသည့် Sagaing Steel Industry Co., Ltd. ၏ သံနှင့်သံမဏိအခြေခံပစ္စည်းများ ထုတ်လုပ်ရောင်းချခြင်းလုပ်ငန်းအား တည်ဆောက်မှုသက် တမ်းတိုး တင်ပြလာခြင်းကိစ္စနှင့် ပတ်သက်၍ Power Point ဖြင့် ရှင်းလင်းတင်ပြသည်။

ယင်းနောက် အစည်းအဝေးသို့ တက်ရောက်လာကြသော တိုင်းဒေသကြီး ရင်းနှီး မြှုပ်နှံမှုကော်မတီအဖွဲ့ဝင်များက မိမိတို့တာဝန်ယူဆောင်ရွက်နေသည့် လုပ်ငန်းများနှင့် ပတ်သက်၍ ပူးပေါင်းဆောင်ရွက်ပေးသွားမည့် အခြေအနေများအား ရှင်းလင်းပြောကြား သည်။

ထို့နောက် တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာသူများ၏ အသီးသီးရှင်းလင်း ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ ဩဂုတ် ၁၄

၂၀၂၅-ခုနှစ်၊ တက္ကသိုလ်စာမေးပွဲတွင် ထူးချွန်စွာအောင်မြင်ခဲ့သည့် ကျောင်းသား၊ ကျောင်းသူများ၊ အောင်ချက်အကောင်းဆုံးဆုရ မြို့နယ်များနှင့် ကျောင်းများအား ဂုဏ်ပြု ဆုချီးမြှင့်ပွဲ အခမ်းအနားကို ဩဂုတ်လ ၁၄ ရက်၊ နံနက်ပိုင်းက မုံရွာမြို့၊ ချင်းတွင်းခန်းမတွင် ကျင်းပပြုလုပ်ရာ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေ သကြီး/ခရိုင်/မြို့နယ်အဆင့် ဌာနဆိုင်ရာများ၊ တက္ကသိုလ်/ဒီဂရီကောလိပ်များမှ ပါမောက္ခ ချုပ်များနှင့် ကျောင်းအုပ်ကြီးများ၊ ဆရာ/ဆရာမများ။ ဂုဏ်ထူးရကျောင်းသား၊ကျောင်းသူ များနှင့်မိဘများ တက်ရောက်ကြသည်။

ဦးစွာ မုံရွာမြို့၊ အမှတ်(၂)အခြေခံပညာအထက်တန်းကျောင်းမှ ကျောင်းသား၊ ကျောင်းသူများက “မြန်မာ့ကျောင်း”တေးသီချင်းဖြင့် သီဆိုဖျော်ဖြေကြပြီးနောက် တိုင်းဒေသကြီး ဝန်ကြီးချုပ်က ဒေသတစ်ခု၊ နိုင်ငံတစ်ခု ဖွံ့ဖြိုးတိုးတက် တည်ငြိမ်အေးချမ်းစေရန်အတွက် အဓိကသည် ပညာရေးဖြစ်ပြီး လူတိုင်း လူတိုင်း ပညာတတ်မြောက်ပြီး အတွေးမှန်၊ အသိမှန်၊ အလုပ်မှန်လျင် မိမိတို့လူမှုအသိုက် အဝန်းသည် သာယာပျော်ရွှင်ဖွယ်ရာ လူနေမှုဘဝများအား ရရှိခံစားကြရမည် ဖြစ်ပါ ကြောင်း၊ တက္ကသိုလ်ဝင်တန်းစာမေးပွဲအောင်ချက်သည် ဒေသတစ်ခု၏ ဂုဏ်သိက္ခာနှင့် ပညာရေးအပေါ်စိတ်ဝင်စားမှုအား မြှင့်တင်ဖော်ညွှန်းပေးသည့် အညွှန်းအမှတ်တစ်ခုဖြစ်ပါ ကြောင်း၊ မိမိတို့တိုင်းဒေသကြီး၏ ပညာရည်အဆင့်နှင့် အောင်ချက်ရာခိုင်နှုန်းများ နိမ့်ကျ မသွားစေရန်၊ ပိုမိုမြင့်မားလာစေရန်နှင့် လာမည့်နှစ်တွင်လည်း အောင်ချက်ရာခိုင်နှုန်းများ မျှော်မှန်းထားသည့်အတိုင်း ရရှိအောင် တာဝန်ရှိသူအားလုံးမှ ယခုကတည်းက အစီအမံ များချမှတ်ပြီး ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း ပြောကြားသည်။

ထို့နောက် တိုင်းဒေသကြီး ဝန်ကြီးချုပ်က ၂၀၂၅-ခုနှစ်၊ တက္ကသိုလ်စာမေးပွဲတွင် တိုင်းဒေသကြီးအတွင်း အောင်ချက်အကောင်းဆုံးမြို့နယ်ဆုနှင့် အောင်ချက်အကောင်းဆုံး ကျောင်းဆု ပထမ၊ ဒုတိယ၊ တတိယဆုရရှိခဲ့ကြသည့် မြို့နယ်ပညာရေးမှူးများနှင့် ကျောင်း အုပ်ကြီးများအား လည်းကောင်း၊ နိုင်ငံတော်အဆင့် မြန်မာတစ်နိုင်ငံလုံး Top Ten ဝင် အမှတ်အများဆုံး ၁၀ ဦးဝင် ဆုရရှိသူ ကျောင်းသား၊ကျောင်းသူ ၂ ဦးနှင့် ၆ ဘာသာဂုဏ် ထူးရရှိသူ ထူးချွန်ကျောင်းသား၊ကျောင်း သူ ၃ ဦးတို့ထံ ဂုဏ်ပြုချီးမြှင့်ငွေများနှင့် ဂုဏ်ပြု ဆုတံဆိပ်များအား လည်းကောင်း ပေးအပ်ချီးမြှင့်ပြီး တိုင်းဒေသကြီး ဝန်ကြီးချုပ်၏ဇနီးက ၅ ဘာသာဂုဏ်ထူးရရှိသူ ထူးချွန်ကျောင်း သား၊ကျောင်းသူ ၅ ဦးထံ ဂုဏ်ပြုချီးမြှင့်ငွေများ နှင့်ဂုဏ်ပြုဆုတံဆိပ်များအား ပေးအပ်ချီးမြှင့်ကြသည်။

ဆက်လက်၍ တိုင်းဒေသကြီး အစိုးရအဖွဲ့ဝင်များက ၂၀၂၅-ခုနှစ်၊ တက္ကသိုလ်စာမေး ပွဲတွင် ၄ ဘာသာဂုဏ်ထူးရရှိသူ ထူးချွန်ကျောင်းသား၊ကျောင်းသူ ၂၇ ဦးထံ ဂုဏ်ပြုချီးမြှင့် ငွေများနှင့် ဂုဏ်ပြုဆုတံဆိပ်များအား လည်းကောင်း၊ မုံရွာမြို့ပေါ်ရှိ တက္ကသိုလ်/ဒီဂရီ ကောလိပ်များမှ ပါမောက္ခချုပ်များ၊ ကျောင်းအုပ်ကြီးများနှင့် တိုင်းဒေသကြီးအဆင့် ဌာန ဆိုင်ရာများက ၄ ဘာသာဂုဏ်ထူးရရှိသူ ထူးချွန်ကျောင်းသား၊ကျောင်းသူ ၂၈ ဦးနှင့် သိပ္ပံ ဘာသာတွဲ၊ ဝိပ္ပံဘာသာတွဲ၊ ဝိဇ္ဇာဘာသာတွဲများတွင် ထူးချွန်ဆုရ ကျောင်းသား၊ကျောင်းသူ ၉ ဦးတို့ထံ ဂုဏ်ပြုချီးမြှင့်ငွေများနှင့် ဂုဏ်ပြုဆုတံဆိပ်များအား လည်းကောင်း ပေးအပ်ချီး မြှင့်ကြသည်။

ထို့နောက် ၂၀၂၅-ခုနှစ်၊ တက္ကသိုလ်စာမေးပွဲတွင် ဂုဏ်ထူးများဖြင့် ထူးချွန်စွာအောင် မြင်ခဲ့ကြသည့် ကျောင်းသား၊ကျောင်းသူများကိုယ်စား ၆ ဘာသာဂုဏ်ထူးရ ကျောင်းသူ တစ်ဦးက ကျေးဇူးတင်စကား ပြန်လည်ပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူ များမှ မုံရွာမြို့ပေါ်ရှိ အခြေခံပညာအထက်တန်းကျောင်းမှ ကျောင်းသား၊ကျောင်းသူများ ၏တေးသီချင်းများဖြင့် သီဆိုကပြဖျော်ဖြေမှုများအား ကြည့်ရှုအားပေးခဲ့ကြပြီး သီဆိုကပြဖျော်ဖြေခဲ့ကြသည့် ကျောင်းသား၊ ကျောင်းသူများအား ဂုဏ်ပြုချီးမြှင့်ငွေများ ပေးအပ်ချီးမြှင့်သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ထူးချွန်ဆုရ ကျောင်းသား၊ကျောင်းသူများနှင့်အတူ အမှတ်တရ စုပေါင်းမှတ်တမ်းတင်ဓါတ်ပုံရိုက်ကူးကာ ခန်းမ အတွင်းခင်းကျင်းပြသထားသည့် ပညာရေးကဏ္ဍဖွံ့ဖြိုးတိုးတက်ရေး လုပ်ငန်းများဆောင် ရွက်မှု မှတ်တမ်းဓါတ်ပုံများအား လိုက်လံကြည့်ရှုခဲ့ကြသည်။

အဆိုပါ ၂၀၂၅-ခုနှစ်၊ တက္ကသိုလ်ဝင်စာမေးပွဲတွင် စစ်ကိုင်းတိုင်းဒေသကြီးအနေဖြင့် ၉၇၀၅ ဦး ဝင်ရောက်ဖြေဆိုခဲ့ပြီး ၄၂၄၁ ဦး အောင်မြင်ခဲ့ရာ အောင်ချက်ရာခိုင်နှုန်း ၄၃.၇၀ ရာခိုင်နှုန်းဖြစ်ပြီး ၆ ဘာသာဂုဏ်ထူးရှင် ၃ ဦး၊ ၅ ဘာသာဂုဏ်ထူးရှင် ၆ ဦး၊ ၄ ဘာသာဂုဏ် ထူးရှင် ၅၅ ဦး၊ ၃ ဘာသာဂုဏ်ထူးရှင် ၁၂၈ ဦး၊ ၂ ဘာသာဂုဏ်ထူးရှင် ၁၈၁ ဦး၊ ၁ ဘာသာ ဂုဏ်ထူးရှင် ၇၀၂ ဦး ဂုဏ်ထူးများဖြင့် အောင်မြင်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် မုံရွာမြို့၊ ချင်းတွင်းခန်းမတွင် ကျင်းပပြုလုပ်သည့် ၂၀၂၅-၂၀၂၆ ပညာသင်နှစ်၊ တိုင်းဒေသကြီးအဆင့် ကျောင်းကျန်းမာရေးသီတင်းပတ် အထိမ်းအမှတ် အခမ်းအနားသို့ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၅-၂၀၂၆ ပညာသင်နှစ်၊ ကျောင်းကျန်းမာရေးသီတင်းပတ်လှုပ်ရှားမှု အထိမ်းအမှတ် ဆောင်ပုဒ်ဖြစ်သည့် “လူငယ် များ ဗလငါးတန်ဖွံ့ဖြိုးဖို့ ကျောင်းကျန်းမာရေး မြှင့်တင်စို့”ဆိုသည်အတိုင်း ဗလငါးတန်နှင့် ပြည့်ဝသည့် ကျောင်းသားလူငယ်များ ပေါ်ထွက်လာစေရေးအတွက် ကျန်းမာရေးအဆင့် မြှင့်ကျောင်းလုပ်ငန်စဉ်များအား ကျန်းမာရေးဝန်ထမ်းများနှင့် ပညာရေးဝန်ထမ်းများအနေ ဖြင့် နှီးနွယ်ဌာနများ၏ ပံ့ပိုးကူညီမှုများနှင့်အတူ ရည်မှန်ချက်များအောင်မြင်သည်အထိ အရှိန်အဟုတ်မြှင့်တင်၍ ဆက်လက်ပူးပေါင်း ဆောင်ရွက်သွားကြရန် လိုအပ်ပါကြောင်း ပြောကြားသည်။

ယင်းနောက် ၂၀၂၅-၂၀၂၆ ပညာသင်နှစ်၊ ကျောင်းကျန်းမာရေးသီတင်းပတ် အထိမ်းအမှတ် Video Clip အား ကြည့်ရှုကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက မုံရွာမြို့၊ အမှတ် (၆)အခြေခံပညာအထက်တန်းကျောင်းမှ ကျောင်းသား၊ကျောင်းသူများက “အဓိကမျှော် တွေးကျန်းမာရေး”သီချင်းဖြင့် လည်းကောင်း၊ မုံရွာမြို့၊ လေ့ကျင့်ရေးအလယ်တန်းကျောင်း မှကျောင်းသား၊ကျောင်းသူများက “Exercise medicine ”သီချင်းဖြင့် လည်းကောင်း သီဆိုကပြဖျော်ဖြေမှုများအား ကြည့်ရှုအားပေးခဲ့ကြပြီး တိုင်းဒေသကြီး အစိုးရအဖွဲ့ရုံးမှ ညွှန်ကြားရေးမှူး ဦးကျော်ဇေယျက ဂုဏ်ပြုချီးမြှင့်ငွေများ ပေးအပ်ခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ တိုင်းဒေသကြီး မိခင်နှင့်ကလေးစောင့် ရှောက်မှုကြီးကြပ်ရေးအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး မိခင်နှင့်ကလေးစောင့်ရှောက်မှုကြီးကြပ် ရေးအဖွဲ့ ဥက္ကဌနှင့် အဖွဲ့ဝင်များက အခမ်းအနားသို့ တက်ရောက်လာကြသည့် ကျောင်း သား၊ကျောင်းသူများအား သန်ချဆေးနှင့်သံဓာတ်အားဆေးများ တိုက်ကျွေးခဲ့ကြပြီး အမှတ် တရလက်ဆောင်ပစ္စည်းများ ပေးအပ်ကာခန်းမအတွင်းခင်း ကျင်းပြသထားသည့် ကျောင်းကျန်းမာရေးသီတင်းပတ် လှုပ်ရှားမှုမှတ်တမ်းဓါတ်ပုံများ အားကြည့်ရှုခဲ့ကြောင်း သိရသည်။

မုံရွာ၊ ဩဂုတ် ၁၃

၂၀၂၅-ခုနှစ်၊ အာဟာရဖွံ့ဖြိုးရေးရက်သတ္တပတ်များ တိုင်းဒေသကြီးအဆင့် အထိမ်း အမှတ် အခမ်းအနားကို ဩဂုတ်လ ၁၃ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာ မြို့၊ ချင်းတွင်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသ ကြီးအစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ အမျိုးသမီးရေးရာအဖွဲ့ဝင်များ၊ မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ဝင်များ၊ မုံရွာမြို့ပေါ်ရှိ မူလတန်းကြိုကျောင်းများမှ ဆရာ/ဆရာမများ၊ ကျောင်းသား/ကျောင်းသူ များ၊ ကိုယ်ဝန်ဆောင်မိခင်များနှင့် နို့တိုက်မိခင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အာဟာရပြည့်ဝခြင်းသည် လူ တစ်ဦးတစ်ယောက်၊ မိသားစုတစ်စုမှစ၍ နိုင်ငံတော်ဖွံ့ဖြိုးမှုအတွက် အရေးပါသည့် အခန်း ကဏ္ဍတွင် တည်ရှိနေပါကြောင်း၊ အာဟာရချို့တဲ့ခြင်းသည် ကျန်းမာရေးပြဿနာ အတော် များများ၏ အခြေခံအကြောင်းအရင်းဖြစ်ပြီး ကမ္ဘာ့စစ်တမ်းများအရ (၅) နှစ်အောက်က လေးသေဆုံးမှု၏ ၄၅ ရာခိုင်နှုန်းသည် အာဟာရချို့တဲ့ခြင်းနှင့် ဆက်စပ်လျက်ရှိပြီး ကိုယ် ဝန်ဆောင်မိခင်များတွင်လည်း အာဟာရချို့တဲ့ပြီး သွေးအားနည်းရောဂါ ခံစားရပါက မွေး ပြီးသွေးသွန်ခြင်းအား ပိုမိုဆိုးရွားစေပြီး မိခင်အသက်ဆုံးရှုံးရနိုင်ပါကြောင်း၊ အာဟာလွန်ကဲ ခြင်းပြဿနာသည်လည်း အဝလွန်ခြင်းနှင့် သွေးတိုး၊ နှလုံး၊ ဆီးချိုစသည့် မကူးစက်နိုင် သည့်ရောဂါများ ဖြစ်ပွားစေနိုင်ပါကြောင်း၊ အာဟာရဖွံ့ဖြိုးရေးလုပ်ငန်းများအား ယခုနှစ်၏ဆောင်ပုဒ်ဖြစ်သည့် “ကလေးများ အနာဂတ် လှပဖို့၊ မိခင်နို့ချို တိုက်ကျွေးလို့၊ ရင်းနှီးမြှပ်နှံကြပါစို့”နှင့်အညီ မိခင်နို့တိုက် ကျွေးခြင်းမှ အစပြုပြီး အသက်အရွယ်အလိုက် အာဟာရစောင့်ရှောက်ခြင်းလုပ်ငန်းများ အား ပိုမိုခိုင်မာအောင် အရှိန်အဟုန်မြှင့်တင်ပြီး အားလုံးပူးပေါင်း ရင်းနှီးမြှုပ်နှံဆောင်ရွက် သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး မိခင်နှင့်ကလးစောင့်ရှောက်မှုကြီးကြပ်ရေးအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးက စံပြမိခင်ဆု ပထမ၊ ဒုတိယ၊ တတိယဆု ရရှိကြသူများအား ဂုဏ်ပြုချီးမြှင့်ငွေများအား ပေးအပ်ချီးမြှင့်သည်။
ဆက်လက်၍ တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူ များမှ ၂၀၂၅-ခုနှစ်၊ အာဟာရဖွံ့ဖြိုးရေးရက်သတ္တပတ်များ အထိမ်းအမှတ်အဖြစ် “ကိုယ်ဝန် ဆောင်ကာလ အဟာရ ပြည့်ပြည့်ဝဝ စားကြစို့” Video Clip အား ကြည့်ရှုခဲ့ကြပြီး တာဝန်ရှိ သူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့တက် ရောက်လာကြသည့် မူလတန်းကြိုကျောင်းများမှ အသက်(၅)နှစ်အောက် ကလေးငယ်များ အား အင်အားပြည့် ဗီတာမင်အေဆေးလုံးများ တိုက်ကျွေးခဲ့ကြပြီး အမှတ်တရ လက် ဆောင်ပစ္စည်းများ ပေးအပ်ကာ တိုင်းဒေသကြီး မိခင်နှင့်ကလေးစောင့်ရှောက်မှုကြီးကြပ် ရေးအဖွဲ့ နာယက၊ ဥက္ကဌနှင့် အဖွဲ့ဝင်များက ကိုယ်ဝင်ဆောင်မိခင်များအား အဏုအာဟာ ရဆေးပြားနှင့် လက်ဆောင်ပစ္စည်းများ ပေးအပ်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါခန်းမ အတွင်း ခင်းကျင်းပြသထားသည့် အာဟာရဖွံ့ဖြိုးရေးရက်သတ္တပတ် လှုပ်ရှားမှုမှတ်တမ်းဓါတ်ပုံများနှင့် သန်ချဆေးများ၊ အဏုအဟာရမှုန့်များ၊ ဖျူရာမင်းဘီစီဆေးများအား လိုက် လံကြည့်ရှုခဲ့ကြောင်း သိရသည်။

မုံရွာ၊ ဩဂုတ် ၁၂

၂၀၂၅-ခုနှစ်၊ အပြည်ပြည်ဆိုင်ရာ လူငယ်များနေ့ အခမ်းအနားကို ဩဂုတ်လ ၁၂ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ ချင်းတွင်းခန်းမတွင် ကျင်းပပြုလုပ် ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အမျိုးသမီး ရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး တရားသူကြီး ချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ် အဆင့် ဌာနဆိုင်ရာများ၊ မုံရွာမြို့ပေါ်ရှိ တက္ကသိုလ်/ဒီဂရီကောလိပ်များမှ ဆရာ/ဆရာမ များနှင့် ကျောင်းသား၊ကျောင်းသူများ တက်ရောက်ကြသည်။

ဦးစွာ အခမ်းအနားသို့ တက်ရောက်လာသူများက ပြည်ထောင်စုသမ္မတမြန်မာနိုင်ငံ ‌တော်အလံအား အလေးပြုကြပြီး ပညာရေးဒီဂရီကောလိပ်(မုံရွာ)မှ လူငယ်လေးများက “လူငယ့်စွမ်းရည်”တေးသီချင်းဖြင့် ကပြဖျော်ဖြေကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က လူငယ်များသည် နိုင်ငံ တစ်နိုင်ငံ၏ အနာဂတ်ဖြစ်သည်နှင့်အညီ အနာဂတ်ကြယ်ပွင့်ကလေးများ၏ ဖွံ့ဖြိုးတိုး တက်မှုသည် နိုင်ငံတော် ဖွံ့ဖြိုးတိုးတက်မှုဖြစ်ခြင်းကြောင့် လူငယ်များဘက်စုံဖွံ့ဖြိုးတိုး တက်ရေးလုပ်ငန်းများအား တာဝန်ရှိသူများအပါအဝင် မျိုးဆက်သစ်၊ မျိုးဆက်ဟောင်း များ၏ စုစည်းညီညွတ်မှုစွမ်းအားဖြင့် ဘက်ပေါင်းစုံမှ ဟန်ချက်ညီညီ ဝိုင်းဝန်းပူးပေါင်း ဆောင်ရွက်မှသာ အနာဂတ်တွင် ကျန်းမာကြံ့ခိုင်သည့် ကိုယ်ကျင့်တရား ကောင်းမွန်သော၊ တိုင်းချစ်ပြည်ချစ်စိတ်ရှိသော၊ တာဝန်ယူမှု၊ တာဝန်ခံမှု ရှိသည့် လူ့ကျင့်ဝတ် လူ့တန်ဖိုးအား အလေးထား၍ စိတ်ဓါတ်စည်းကမ်း ကောင်းမွန်သော လူကောင်းလူတော်များ မွေးထုတ် ပေးနိုင်မည်ဖြစ်ရာ ဘက်စုံထူးချွန်သည့် ယင်းလူငယ်များ၏ စွမ်းပကားဖြင့် စဉ်ဆက်မပြတ် ဖွံ့ဖြိုးတိုးတက်မှုများအား ဖော်ဆောင်ပေးနိုင်မည်ဖြစ်ပြီး သက်ရွယ်စုံညီပါဝင်သည့် လူမှုစီး ပွားဘဝ သာယာဖွံ့ဖြိုးတိုးတက်သော သဟဇာတဖြစ်သည့် အနာဂတ် လူ့ဘောင်အဖွဲ့ အစည်းအား ဖန်တီးပုံဖော်နိုင်မည် ဖြစ်ပါကြောင်း ပြောကြားခဲ့သည်။

ဆက်လက်၍ ၂၀၂၅-ခုနှစ်၊ အပြည်ပြည်ဆိုင်ရာ လူငယ်များနေ့တွင် ကုလသမဂ္ဂ အထွေထွေအတွင်းရေးမှူးချုပ်ထံမှ ပေးပို့လာသည့် သဝဏ်လွှာအား တိုင်းဒေသကြီး လမ်း ပန်းဆက်သွယ်ရေး ဝန်ကြီး ဦးခင်မောင်အေးက ဖတ်ကြားသည်။

ထို့နောက် တိုင်းဒေသကြီး တရားသူကြီးချုပ် ဦးဇော်ထူးက ၂၀၂၅-ခုနှစ်၊ အပြည် ပြည်ဆိုင်ရာ လူငယ်များနေ့ အထိမ်းအမှတ် စာစီစာကုံးပြိုင်ပွဲတွင် ပထမ၊ ဒုတိယ၊ တတိယ ဆုရရှိကြသူများအား လည်းကောင်း၊ တိုင်းဒေသကြီး လုံခြုံရေးနှင့်နယ်စက်ရေးရာ ဝန်ကြီး ဗိုလ်မှူးကြီး ဝင်းတင်စိုးက စကားရည်လုပြိုင်ပွဲတွင် ပထမ၊ ဒုတိယ၊ တတိယဆု ရရှိကြသူ များအား လည်းကောင်း ဂုဏ်ပြုချီးမြှင့်ငွေများ ပေးအပ်ချီးမြှင့်ကြပြီး မုံရွာမြို့ပေါ်ရှိ တက္ကသိုလ်/ဒီဂရီကောလိပ်များမှ လူငယ်လေးများနှင့် “ရောင်ခြည်သစ်”မျက်မမြင်ကျောင်းမှ မသန်စွမ်းသူတစ်ဦးတို့က တေးသီချင်းများဖြင့် ကပြ သီဆိုဖျော်ဖြေကြသည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ကပြဖျော်ဖြေ ပေးခဲ့ကြသည့် လူငယ်လေးများအား ဂုဏ်ပြုချီးမြှင့်ငွေများအား လည်းကောင်း၊ တိုင်းဒေ သကြီး ဥပဒေချုပ် ဒေါ်လှလှဝင်းက တေးသီချင်းသီဆိုဖျော်ဖြေပေးခဲ့သည့် မသန်စွမ်းသူ တစ်ဦးတို့နှင့် လူငယ်စကားဝိုင်းတွင် ပါဝင်ဆွေးနွေးသူများအား ဂုဏ်ပြုချီးမြှင့်ငွေများအား လည်းကောင်း ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူများ မှ ၂၀၂၅-ခုနှစ်၊ အပြည်ပြည်ဆိုင်ရာ လူငယ်များနေ့ အထိမ်းအမှတ် စကားရည်လုပြိုင်ပွဲ တွင်ဆုရရှိခဲ့ကြသည့် အဖွဲ့ ၂ ဖွဲ့မှ ပြန်လည်တင်ဆက်မှုအား ကြည့်ရှုအားပေးကြပြီး လူငယ် လှုပ်ရှားမှု Video Clip အားကြည့်ရှုကာ တာဝန်ရှိသူများနှင့်အတူ အမှတ်တရ စုပေါင်းမှတ် တမ်းတင်ဓါတ်ပုံရိုက်ကူးကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လူငယ်များ ဗဟုသုတရရှိစေရန် အတွက် ခင်းကျင်းပြသထားသည့် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ပြခန်း၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန ပြခန်း၊ မူးယစ်ဆေးဝါးအသိပညာပေး ပြခန်း၊ အားကစားနှင့်လူငယ်ရေးရာကဏ္ဍ ပြခန်း၊ လူဝင်မှုကြီးကြပ်ရေးနှင့် ပြည်သူ့အင်အားဝန် ကြီးဌာန ပြခန်း၊ ပတ်ဝန်းကျင်ထိန်းသိမ်းရေးဦးစီးဌာန ပြခန်းနှင့် မီးသတ်ဦးစီးဌာန ပြခန်း တို့အား လိုက်လံကြည့်ရှုခဲ့ကြသည်။

ဆက်လက်ပြီး တိုင်းဒေသကြီး ဝန်ကြီချုပ်နှင့် တာဝန်ရှိသူများသည် မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်သည့် ၂၀၂၅-ခုနှစ်၊ တိုင်းဒေသကြီးနှင့်ပြည်နယ် အသက်(၂၃)နှစ်အောက် ပိုက်ကျော်ခြင်းပြိုင်ပွဲတွင် စစ်ကိုင်း တိုင်းကိုယ်စားပြု ဝင်ရောက်ယှဉ်ပြိုင်ခဲ့ကြသည့် အမျိုးသားတံခွန်စိုက်ဆုရအသင်းအား ဂုဏ်ပြုချီးမြှင့်ခြင်း အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး ကိုယ်စား ပြု ဝင်ရောက်ယှဉ်ပြိုင်ခဲ့ကြသည့် အမျိုးသားပိုက်ကျော်ခြင်းအသင်းမှ အားကစားသမား များနှင့် အသင်းအုပ်ချုပ်သူများအား ယခုလိုအောင်မြင်မှုရရှိအောင် စွမ်းဆောင်နိုင်ခဲ့မှုများ အား မိမိတို့တိုင်းဒေသကြီး အစိုးရအဖွဲ့နှင့် တိုင်းဒေသကြီးအတွင်းရှိ ပြည်သူများအားလုံးမှ ကျေးဇူးတင်ဝမ်းမြှောက်ပါကြောင်းနှင့် နောင်အားကစားပြိုင်ပွဲများတွင်လည်း အောင်မြင် မှုများရရှိအောင် ကြိုးပမ်းလေ့ကျင့် ယှဉ်ပြိုင်သွားကြစေလိုပါကြောင်း ဂုဏ်ပြုပြောကြားခဲ့ သည်။

ယင်းနောက် တိုင်းဒေသကြီး ဝန်ကြီးချုပ်ထံ အသက်(၂၃)နှစ်အောက် ပိုက်ကျော် ခြင်းအသင်းမှ အသင်းအုပ်ချုပ်သူနှင့် အားကစားသမားများက တံခွန်စိုက်ဒိုင်းဆုဖလား အား အပ်နှံကြပြီး တိုင်းဒေသကြီး ဝန်ကြီးချုပ်က အသက်(၂၃)နှစ်အောက် ပိုက်ကျော် ခြင်းအသင်းမှ အားကစားသမားများထံ ဂုဏ်ပြုချီးမြှင့်ငွေကျပ် သိန်း - ၅၀ နှင့် အသင်းအုပ် ချုပ်သူနှင့်နည်းပြထံ ငွေကျပ် ၁၀ သိန်းအား ပေးအပ်ချီးမြှင့်သည်။

ဆက်လက်၍ တိုင်းဒေသကြီး အားကစားနှင့်ကာယပညာဦးစီးဌာနမှ ညွှန်ကြားရေး မှူးက ပြိုင်ပွဲဝင်ရောက်ခဲ့မှုနှင့် စပ်လျဉ်း၍ လည်းကောင်း၊ အသင်းအုပ်ချုပ်သူမှ ပြိုင်ပွဲတွင် ဆုရရှိခဲ့မှုနှင့် စပ်လျဉ်း၍ လည်းကောင်း ရှင်းလင်းပြောကြားကြပြီး ဆုရအားကစားသမား များကိုယ်စား အားကစားသမားတစ်ဦးက ကျေးဇူးတင်စကား ပြန်လည်ပြောကြားပြီးနောက် တိုင်းဒေသကြီး ဝန်ကြီးချုပ်က နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ ဩဂုတ် ၁၁

စစ်ကိုင်းတိုင်းဒေသကြီးအတွင်း နိုင်ငံ့စီးပွားမြှင့်တင်ရေးရန်ပုံငွေ ထုတ်ချေးထားမှု နှင့်အသေးစား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး ညှိနှိုင်း အစည်းအဝေးကို ဩဂုတ်လ ၁၁ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရာခရိုင်/ယင်းမာပင်ခရိုင် စီမံခန့်ခွဲရေးနှင့်အုပ်ချုပ်မှုကော်မတီ ဥက္ကဌများ တက်ရောက် ကြပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာ ခရိုင်၊ ကောလင်းခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်းခရိုင် စီမံခန့်ခွဲရေးနှင့်အုပ်ချုပ်မှုကော်မတီ ဥက္ကဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း စိုက်ပျိုးမွေးမြူရေးလုပ်ငန်းများ ဆောင်ရွက်ရန်အတွက် အခြေခံကောင်းများရှိပြီးဖြစ်ပါ၍ ယင်းအခြေခံကောင်းများအား မျိုး၊ မြေ၊ ရေ၊ နည်းတို့ကို အသုံးချကာ စိုက်ပျိုးရေးထုတ် ကုန်များအား တိုးတက်ထုတ်လုပ်နိုင်အောင် ကြိုးပမ်းဆောင်ရွက်သွားကြရန်နှင့် MSME လုပ်ငန်းများ ဆောင်ရွက်ရာတွင်လည်း ကုန်ကြမ်းများရရှိရေးသည် အရေးကြီးသဖြင့် ဒေသ မှထွက်ရှိသည့် ကုန်ကြမ်းပစ္စည်းများအားအခြေခံသည့် MSME လုပ်ငန်းများကို အောင်မြင် အောင် ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း၊ MSME လုပ်ငန်းများ အား စဉ်ဆက်မပြတ် ဖွံ့ဖြိုးတိုးတက်စေရန်၊ ဒေသတွင်းစီးပွားရေး ခိုင်မာလာစေရန်နှင့် အလုပ်အကိုင်အခွင့်အလမ်းများ ဖန်တီးပေးရန်အတွက် အဓိကရည်ရွယ်ချက်များဖြင့် ယခု အစည်းအဝေးအား ကျင်းပရခြင်းဖြစ်ပါကြောင်း၊ အစည်းအဝေးသို့ တက်ရောက်လာသူများ အနေဖြင့်လည်း မိမိတို့အကောင်အထည်ဖော် ဆောင်ရွက်နေသည့် MSME လုပ်ငန်းများ အား အောင်မြင်အောင် ဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက မိမိတို့ဌာနများအလိုက် တိုင်းဒေသကြီးအတွင်း ခရိုင်/မြို့နယ်များရှိ အသေးစား၊ အငယ်စားနှင့် အလတ်စား စီးပွား ရေးလုပ်ငန်းများ လုပ်ကိုင်ဆောင်ရွက်နေသည့် လုပ်ငန်းရှင်များအား နိုင်ငံ့စီးပွားမြှင့်တင် ရေးရန်ပုံငွေများ ထုတ်ချေးထားမှု အခြအနေများ၊ အတိုးငွေများပြန်လည်ရရှိမှု အခြေ အနေများနှင့် ချေးငွေများဖြင့် လုပ်ငန်းများလုပ်ကိုင်ဆောင်ရွက်နေမှု အခြေအနေများအား အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ကသာခရိုင်၊ ကောလင်းခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ် ဖြင့်လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက မိမိတို့ ခရိုင်များအလိုက် မြို့နယ်များအတွင်း နိုင်ငံ့စီးပွားမြှင့်တင်ရေးရန်ပုံငွေ ထုတ်ချေးထားမှု အခြေအနေများနှင့် အသေးစား၊ အငယ်စားနှင့်အလတ်စား စီးပွားရေးလုပ်ငန်းများ ဆောင် ရွက်နေမှု အခြေအနေများအား အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း နိုင်ငံ့ စီးပွားမြှင့်တင်ရေးရန်ပုံငွေ ထုတ်ချေးထားမှုနှင့် အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်းများ ဆောင်ရွက်နေမှုများအပေါ် လိုအပ် သည်များကို ဖြည့်စွက်ဆွေးနွေး ပြောကြားကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာကြ သူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ ဩဂုတ် ၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ ကလေးတပ်နယ်မှူးနှင့် တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများသည် ဩဂုတ်လ ၉ ရက်၊ နံနက်ပိုင်းတွင် ကလေးမြို့၊ ကုတင် ၃၀၀ဆံ့၊ ပြည်သူ့ဆေးရုံကြီးဝန်းအတွင်းရှိ ဥပုသ်ချောင်းဝဲ/ယာအတွင်းရှိ ရေစီးရေလာကောင်းစေရန်အတွက် သစ်ပင် ခြုံနွယ်များ၊ ပေါင်းမြက်များ၊ ပလပ်စတစ်အမှိုက်များအား မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ဌာနဆိုင်ရာဝန်ထမ်းများ၊ ရပ်ကွက်နေပြည်သူများ၊ ဆေးရုံဝန်ထမ်းများနှင့် လူမှုရေးအသင်းအဖွဲ့များမှ စုပေါင်း၍ သန့်ရှင်းရေးလုပ်ငန်းများ ဆောင်ရွက်နေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူ များ နှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက်တိုင်းဒေသကြီးဝန်ကြီးချုပ်နှင့်တာဝန်ရှိသူ များက စုပေါင်းသန့်ရှင်းရေးလုပ်ငန်းများဆောင် ရွက်ခဲ့ကြသည့် ဝန်ထမ်းများနှင့ရပ်ကွက်နေပြည်သူ များအား နံနက်စာများဖြင့် ဧည့်ခံကျွေးမွေးနေမှုများအား ကြည့်ရှုအားပေးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၀၀၀ ဦး ကျော်ဖြင့် ပြည်သူ့ဆေးရုံများ၌ စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့၊ ကုတင် ၃၀၀ ဆံ့၊ ပြည်သူ့ဆေးရုံကြီးရှိအစည်းအဝေးခန်းမတွင် ခေတ္တ ဆေးရုံအုပ်ကြီး၊ ဆရာဝန်ကြီးများ၊ သူနာပြုများ၊ ဝန်ထမ်းများနှင့် တွေ့ဆုံပွဲအခမ်းအနားသို့ တက်ရောက်ကြသည်။

ဦးစွာ ကလေးမြို့၊ ကုတင် ၃၀၀ ဆံ့၊ ပြည်သူ့ဆေးရုံကြီး၊ ခေတ္တဆေးရုံအုပ်ကြီးက ပြည်သူများအား ကုသရေးလုပ်ငန်းများဆောင်ရွက်ပေးနေမှု အခြေအနေများနှင့် ပတ်သက်၍ ရှင်းလင်းတင်ပြပြီး ဆရာဝန်ကြီးများနှင့် သူနာပြုများက မိမိတို့လုပ်ကိုင်ဆောင်ရွက်နေသည့်လုပ်ငန်းများနှင့် ပတ် သက်၍ လိုအပ်သည်များ ဆွေးနွေးတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က တွေ့ဆုံပွဲသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးကာ ခေတ္တဆေးရုံအုပ်ကြီးထံ ဆေးရုံဝန်ထမ်းများအတွက် ငွေကျပ် (၁၀) သိန်းအား ပေးအပ်ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါဆေးရုံကြီးရှိ ခွဲစိတ်ခန်း၊ ဓါတ်ခွဲခန်းနှင့် သွေးလှူဘဏ်တို့အတွက် တပ်ဆင်ပြီးစီးခဲ့သည့် ဆိုလာခန်းနှင့် တိုင်းဒေသကြီး အစိုးရအဖွဲ့ ရန်ပုံငွေဖြင့် ပြန်လည်ပြုပြင်ပေးခဲ့သည့် ရေကန်တို့ အားကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးခရိုင် အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် ကျင်းပပြုလုပ်သည့် ကလေးမြို့ ဖွံ့ဖြိုးတိုးတက်ရေးနှင့် သန့်ရှင်းသာယာလှပရေး ညှိနှိုင်းအစည်း အဝေးသို့တက်ရောက်ရာ ဝန်ကြီးချုပ်က မိမိတို့တိုင်းဒေသကြီးအစိုးရအဖွဲ့အနေဖြင့် တိုင်းဒေသကြီးအတွင်းရှိ မြို့များအား မြို့အင်္ဂါရပ်နှင့်အညီ ဖွံ့ဖြိုးတိုးတက်စေရေးအတွက် မြို့မိမြို့ဖများ၊ ဌာနဆိုင် ရာများနှင့် ဝိုင်းဝန်းပူးပေါင်း ဆောင်ရွက်ပေးလျက် ရှိပါကြောင်း၊ ဌာနဆိုင်ရာများအနေဖြင့်လည်း ကလေးမြို့အား ခေတ်နှင့်အညီ သာယာလှပပြီးသန့်ရှင်းသပ်ရပ်သည့် မြို့တစ်မြို့ဖြစ်လာစေရေးအတွက် ဌာနများအချင်းချင်း ပူးပေါင်းကာ အလေး ထား ဆောင်ရွက်သွားကြရန် လိုအပ်ပါကြောင်း၊ မြို့နေပြည်သူများအနေဖြင့်လည်း နေ့စဉ်အသုံးပြုနေသည့် မီးဖိုချောင်သုံးအမှိုက်များနှင့် ပလပ်စတစ်အမှိုက်များအား စနစ်တကျစွန့်ပစ်သွားရေးတို့အား အသိပညာပေးလုပ်ငန်းများ ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ကလေးမြို့နယ်၊ စည်ပင်သာယာရေးအဖွဲ့မှ အမှုဆောင်အရာရှိက ကလေးမြို့ ဖွံ့ဖြိုးတိုးတက်ရေးနှင့် သန့်ရှင်းသာယာလှပရေးလုပ်ငန်းများ ဆောင်ရွက်နေမှု အခြေအနေများအားလည်း ကောင်း၊ ကလေးခရိုင် လမ်းဦးစီးဌာနမှ ခေတ္တဦးစီးမှူးက ကလေးခရိုင်အတွင်းလမ်းများအား ဘဏ္ဍာနှစ်အလိုက် ပြုပြင်ဆောင်ရွက်နေမှု အခြေအနေများအား လည်းကောင်း၊ရေအရင်းအမြစ်နှင့်မြစ်ချောင်း များဖွံ့ဖြိုးတိုးတက်ရေးဦးစီးဌာနမှ ကလေးမြို့၊ ဥပုသ်ချောင်း ကမ်းပြိုကာကွယ်ရေးလုပ်ငန်းများ ဆောင်ရွက်ထားရှိမှု အခြေအနေများအား လည်း ကောင်း၊ ခရိုင်/မြို့နယ် စီမံခန့်ခွဲရေးနှင့်အုပ်ချုပ်မှုကော်မတီ ဥက္ကဌများက ကလေးမြို့ ဖွံ့ဖြိုးတိုးတက်ရေးလုပ်ငန်းများ ဆောင်ရွက်နေမှု အခြေအနေများအား လည်းကောင်း ရှင်းလင်းတင်ပြကြသည်။

ထို့နောက် အစည်းအဝေးသို့ တက်ရောက်လာကြသည့် မြို့မိမြို့ဖများက ကလေးမြို့ ဖွံ့ဖြိုးတိုးတက်ရေးနှင့် သန့်ရှင်းသာယာလှပရေးအတွက် လိုအပ်သည်များကို ဆွေးနွေးတင် ပြကြပြီး ဌာနဆိုင်ရာများနှင့် တိုင်းဒေသကြီး အစိုးရ အဖွဲ့ဝင်များက ကလေးမြို့ ဖွံ့ဖြိုးတိုးတက်ရေးနှင့် သန့်ရှင်းသာယာလှပရေး လုပ်ငန်းများ နှင့်ပတ်သက်၍ ဖြည့်စွက်ဆွေးနွေး ပြောကြားကြသည်။

ယင်းနောက် တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာသူများ၏ ဆွေးနွေးတင် ပြချက်များအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ်ဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့ရှိ တာဟန်းဈေးနှင့် မြို့မဈေးများသို့ သွားရောက်၍ ဈေးဆိုင်ခန်းများ စနစ်တကျရောင်းချရေး၊ ဈေးများအတွင်း သန့်ရှင်းသပ်ရပ်မှုရှိစေရေးတို့အတွက် သွားရောက်ကြည့်ရှုစစ်ဆေးခဲ့ကြပြီး ဈေးရောင်းဈေးဝယ် လာရောက်ကြသူများအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။