မုံရွာ၊ မေ ၂၇

စစ်ကိုင်းတိုင်းဒေသကြီး ၂၀၂၄ -၂၀၂၅ ပညာသင်နှစ်၊ တိုင်းဒေသကြီးအဆင့် ကျောင်းအပ်နှံရေးနေ့အခမ်းအနားကို မေလ ၂၇ ရက်နေ့ နံနက်ပိုင်းတွင် မုံရွာမြို့၊ အမှတ်(၂) အခြေခံပညာအထက်တန်း ကျောင်းဝန်းအတွင်း ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ မုံရွာမြို့ပေါ်ရှိ အခြေခံပညာကျောင်းများမှ ကျောင်း အုပ်ကြီးများ၊ ဆရာ၊ဆရာမများ၊ ကျောင်းသားမိဘများနှင့် ကျောင်းသား၊ကျောင်းသူများ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများအား ဆရာ/ဆရာမများနှင့် ကျောင်းသား/ကျောင်းသူများမှ ကြိုဆိုနှုတ်ဆက်ကြပြီးနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီး ချုပ် ဦးဇော်ထူး၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်၊ တိုင်းဒေသကြီးပညာ ရေးမှူးရုံးမှ ညွှန်ကြားရေးမှူး ဦးစိုးသိုက်တို့က ၂၀၂၄-၂၀၂၅ ပညာသင်နှစ်၊ တိုင်းဒေသကြီးအဆင့် ကျောင်းအပ်နှံရေးနေ့ အခမ်းအနားအား ဖဲကြိုးဖြတ်ဖွင့်လှစ်ပေးကြပြီး စုပေါင်းမှတ်တမ်းတင် ဓါတ်ပုံရိုက်ကူးခဲ့ကြသည်။

ဆက်လက်ပြီး ကျောင်းအပ်နှံရေးနေ့ ဒုတိယပိုင်း အခမ်းအနားကို ဆက်လက်ကျင်းပရာ အမှတ်(၂) အခြေခံပညာအထက်တန်း ကျောင်း မှ ကျောင်းသား၊ကျောင်းသူများက “ မြန်မာ့ကျောင်း ” သီချင်းသီဆိုဖွင့်လှစ်ပြီးနောက်တိုင်းဒေသကြီး ဝန်ကြီးချုပ် ဦးမြတ်ကျော်က အမှာ စကားပြောကြားရာတွင် ပညာရေးကဏ္ဍဖွံ့ဖြိုးတိုးတက်ရေး အတွက်ပြောင်းလဲလာသည့် ခေတ်စနစ်နှင့်အညီ လိုက်လျောညီထွေစွာ အချိုးကျပြောင်းလဲလာ ရန်လည်း လိုအပ်ပါကြောင်း၊ အခြေခံပညာတိုးတက်ပြောင်းလဲ ရေးတွင်အဓိကပါဝင်သည့် ဆရာ၊ ဆရာမများ၏ သင်ကြားမှုအရည်အသွေး၊ ဆရာ့အတတ် ပညာ၊ အရည်အချင်း၊ ရုပ်ဝတ္ထုပစ္စည်း ဖြစ်သည့် ကျောင်းတွင်း၊ကျောင်းပြင် သန့်ရှင်းသပ်ရပ်ရေးနှင့် ကျောင်းဥပဓိရုပ်ကောင်းမွန် လာ စေရေးတို့အား အမြဲတစေကြိုးစားနေရမှာ ဖြစ်ပါကြောင်း၊ ယခု ပညာသင်နှစ်တွင် ကျောင်းနေအရွယ်ကလေးအားလုံး ကျောင်းနေနိုင်ရေးအတွက် အခြေခံကျောင်းများမဖွင့်မီ ရက် သတ္တပတ်ဖြစ်သည့် မေလ ၂၃ ရက်နေ့မှ ဇွန်လ ၂ ရက်နေ့အထိအား ကျောင်းအပ်နှံရေး သီတင်း ပတ်အဖြစ်သတ်မှတ်ပြီး ကျောင်းအပ်နှံရေးလက်ခံ ဆောင်ရွက် လျက်ရှိပါကြောင်း၊ ကျောင်းနေအရွယ်လွန်ကလေးများနှင့် မူလတန်းပညာမပြီးဆုံးမီ ကျောင်း ထွက်ခဲ့ရသည့် ကျောင်းနေအရွယ်ကလေးအားလုံး ကျောင်းနေနိုင်ရေးနှင့်ကျောင်းအပ်နှံရေး အတွက်မူလတန်းအဆင့်ကိုသာမက အလယ်တန်းနှင့် အထက်တန်းအဆင့်ကိုပါ အခမဲ့သင်ယူ နိုင်ရေးအစီအစဉ်နှင့် အားဖြည့်ပေးလျှက်ရှိပါကြောင်း၊ ၂၀၂၄-၂၀၂၅ ပညာသင်နှစ်၊ ကျောင်းအပ်နှံ ရေးဆောင်ပုဒ်သည် "ကျောင်းနေအရွယ်ကလေးအားလုံး အခြေခံ ပညာသင်ယူဖို့ ကျောင်းအပ်နှံ ကြပါစို့"ဟူသည့် ဆောင်ပုဒ်နှင့်အညီ ကျောင်းသား၊ကျောင်းသူများအားလုံး အခြေခံပညာသင် ကြားနိုင်ရေး ဝိုင်းဝန်းဆောင်ရွက်ပေးသွားကြရန် တိုက်တွန်းပြောကြားခဲ့သည်။

ယင်းနောက် ဝန်ကြီး ချုပ်က ကျောင်းသား၊ကျောင်းသူများအတွက် ကျောင်းသုံးပုံနှိပ်စာအုပ်များကို လည်းကောင်း၊ တိုင်းဒေသကြီး တရားသူကြီးချုပ်က ဗလာ စာအုပ်၊ ဘောပင်နှင့်ခဲတံများအား လည်းကောင်း၊ တိုင်းဒေသကြီး လူမှုရေးရာဝန်ကြီးက ကျောင်းဝတ်စုံများအား လည်းကောင်း၊ တိုင်းဒေသကြီးအစိုးရအဖွဲ့ အတွင်းရေးမှူးက တိုင်းဒေသကြီး ပညာရေးမှူးရုံးမှ ညွှန် ကြားရေးမှူးထံ ထောက်ပံ့ငွေများကို ပေးအပ်ခဲ့ကြသည်။

ဆက်လက်ပြီး မုံရွာမြို့ပေါ်ရှိ အခြေခံပညာကျောင်းများမှ ကျောင်းသား၊ ကျောင်းသူများ ကတေးသီချင်းဖြင့် သီဆိုကပြဖျော်ဖြေကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာကြသည့် ဆရာ၊ဆရာမများ၊ ကျောင်းသားမိဘများနှင့် ကျောင်း သား၊ကျောင်းသူများအား ရင်းရင်းနှီးနှီးလိုက်လံနှုတ်ဆက်ပြီး သင်ထောက်ကူပစ္စည်းများအား ကြည့်ရှုစစ်ဆေးခဲ့ကြသည်။

ထို့နောက် ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းတွင် ကျောင်းသား၊ကျောင်းသူများ စိတ်အေးချမ်းသာစွာဖြင့်ပျော်ရွှင်စွာ ကျောင်းအပ်နှံနေမှုများအား လိုက်လံကြည့်ရှုခဲ့ကြပြီး ကျောင်းသား/ကျောင်းသူများ အား ကျောင်းသုံးပုံနှိပ်စာအုပ်များ၊ ဗလာစာအုပ်များ၊ ဘောပင်၊ ခဲတံများနှင့်ကျောင်းဝတ်စုံများ အား အခမဲ့ ပေးအပ်ခဲ့ ကြောင်းသိရသည်။‌

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျောင်းအုပ်ကြီးများ၊ ဆရာ/ဆရာမများ၊ ကျောင်းအပ်နှံလာရောက်ကြသည့် ကျောင်းသားမိဘများနှင့် ကျောင်းသား၊ ကျောင်းသူများအား နံနက်စာများဖြင့် ဧည့်ခံကျွေးမွေးနေမှုများကို လိုက်လံကြည့်ရှုအားပေး ခဲ့ကြောင်း သိရသည်။

မုံရွာ၊ မေ ၂၆

၂၀၂၄-၂၀၂၅ ပညာသင်နှစ်တွင် ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင်ကြားနိုင်ရေးနှင့် ကျောင်းဉပဓိရုပ်ကောင်းမွန်စေရန် ကြိုတင်ပြင်ဆင်မှုအနေဖြင့် မေလ ၂၅ ရက်နေ့၊ နံနက်ပိုင်းတွင် မုံရွာမြို့၊ သလ္လာရပ်ကွက်ရှိ ကျောင်းအဝင်လမ်းနှင့် အမှတ်(၄) အခြေခံပညာအထက်တန်း ကျောင်းဝန်း၌ သစ်ပင်ခြုံနွယ်များ၊ ပေါင်းမြက်များခုတ်ထွင် ရှင်းလင်း ခြင်း၊ ခြင်များပေါက်ပွားနိုင်သည့် ရေနုတ် မြောင်းများ ရေစီးရေလာကောင်းမွန်စေရေးတို့အတွက် တိုင်းဒေသကြီး/ခရိုင်/မြို့နယ် အထွေထွေအုပ်ချုပ်ရေးဦးစီး ဌာနမှဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာဝန်ထမ်းများ၊ ရပ်ကွက်နေပြည်သူများ၊ ဆရာ/ဆရာမများနှင့်ကျောင်းသားမိဘများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီး ချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက လိုက်လံကြည့်ရှု အားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ရပ်ကွက်နေပြည်သူများနှင့် ဌာနဆိုင်ရာဝန်ထမ်းများအား တိုင်းဒေသကြီး စည်ပင်သာယာရေးအဖွဲ့နှင့် ဆီကုန်သည် ကြီးများ အသင်းမှ တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှင့် စားသုံးဆီများအား ဈေး နှုန်းသက်သာစွာဖြင့်ရောင်းချပေးခဲ့ပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူ များနှင့်အတူ နံနက်စာသုံးဆောင်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းတွင် တိုင်းဒေသကြီး/ခရိုင်/မြို့နယ် ပညာရေးမှူးများ၊ ကျောင်းအုပ်ဆရာမကြီးနှင့် ဆရာ/ဆရာမများ၊ ကျောင်းသားမိဘများနှင့် တွေ့ဆုံရာ ကျောင်းအုပ်ဆရာမကြီးက ၂၀၂၄-၂၀၂၅ ပညာသင်နှစ်၊ ကျောင်းအပ်နှံမှု အခြေအနေများ၊ကျောင်း ဆောင်အဆောက်အဦများ ကြံ့ခိုင်မှုဆောင်ရွက်ထား ရှိမှု၊ သန့်ရှင်းသောသောက်သုံးရေရရှိရေး၊ ကျောင်းပတ်ဝန်း ကျင်သန့်ရှင်းသပ်ရပ်စေရေးနှင့် ကျောင်း ၏ လိုအပ်ချက်များအား ဆွေးနွေးတင်ပြသည်။

ယင်းနောက် တိုင်းဒေသကြီး/ခရိုင်/မြို့နယ် ပညာရေးမှူးများက အမှတ်(၄) အခြေခံပညာ အထက်တန်းကျောင်း၏ သင်ကြားရေးလုပ်ငန်းများနှင့် ပတ်သက် ၍ လိုအပ်ချက်များအပေါ် ဖြည့်စွက် တင်ပြကြပြီး တိုင်းဒေသကြီးအဆင့် ဌာနဆိုင်ရာများနှင့် တိုင်းဒေသကြီး အစိုးရအဖွဲ့ ဝင်များက ဖြည့်စွက်‌ ဆွေးနွေးကြသည်။

ထို့နောက် တိုင်းဒေသကြီး တိုင်းဒေသကြီး ဝန်ကြီးချုပ်ကအထက်တန်း ကျောင်းဝန်းကျင်ရှိ ရပ်ကွက်နေပြည်သူများ၏ ကျောင်းနေအရွယ်ကလေးများအားလုံး ရာနှုန်းပြည့်ကျောင်း အပ်နှံရေး၊ သင်ကြားရေးသုံးပစ္စည်းများဖြစ်သည့် ကျောင်းသုံးပုံနှိပ်စာအုပ်၊ ဗလာစာအုပ်၊ ကျောင်းဝတ်စုံများ၊ စာရေးကိရိယာများနှင့် ပရိဘောဂပစ္စည်းများ ပြည့်စုံမှုရှိအောင်ဆောင်ရွက် ထားရေး၊ ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင်ကြားနိုင်ရေးအတွက် လုံခြုံရေးနှင့် သင်ကြားစီမံရေးဆိုင်ရာများကို တာဝန်ရှိသူများအနေဖြင့် လိုအပ်ချက်မရှိအောင် ဆောင်ရွက်ထားရှိရေးတို့အား မှာကြားကာ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၁ မြို့နယ်တို့တွင် တပ်မတော်သားများ၊ မြန်မာ နိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၂၈၀၀ ကျော်ဖြင့် ကျောင်းများဥပဓိရုပ်ကောင်းမွန်ရေးနှင့် မြို့သန့်ရှင်းသာယာလှပရေး လုပ်ငန်း များကို စုပေါင်းဆောင်ရွက်ခဲ့ကြောင်း သိရသည်။

မုံရွာ၊ မေ ၂၄

၂၀၂၄-ခုနှစ်၊ ရွှေမင်းဝံဒိုင်း ဖိတ်ခေါ်အမျိုးသားဘောလုံးပြိုင်ပွဲကျင်းပရေး ညှိနှိုင်းအစည်း အဝေးကို ယမန်နေ့၊ နံနက်ပိုင်းတွင် တိုင်းဒေသကြီးအစိုးရ အဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး အားကစားနှင့်ကာ ယပညာဦးစီးဌာနမှ တိုင်းဒေသကြီးဦးစီးမှူးနှင့် ဝန်ထမ်းများ၊ ဘောလုံးအဖွဲ့ချုပ်မှ တာဝန်ရှိသူ များတက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မြန်မာ့အားကစားအဆင့် အတန်းမြင့် မားလာစေရေးအတွက် နိုင်ငံတော်အကြီးအကဲများ၏ လမ်းညွှန်မှုဖြင့် မိမိတို့တိုင်းဒေသကြီး အစိုး ရအဖွဲ့အနေဖြင့် စစ်ကိုင်းမြို့တွင် ရွှေမင်းဝံဒိုင်းနှင့် မုံရွာမြို့တွင် သလ္လာဝတီဖလား ဖိတ်ခေါ်အား ကစားပြိုင်ပွဲများအား ဇွန်လဒုတိယပတ်မှစတင်၍ ကျင်းပသွားဆောင်ရွက်သွားမည် ဖြစ်ပါ ကြောင်း၊ ဆုကြေးများကိုလည်း ထိုက်တန်စွာချီးမြှင့်သွားမည်ဖြစ်ပြီး ပွဲစဉ်တစ်လျှောက်နှင့် နေရာအလိုက် အကောင်းဆုံးဆုများကိုလည်း ချီးမြှင့်သွားမည်ဖြစ်ပါကြောင်း၊ ပြိုင်ပွဲများအား တာဝန်ယူဆောင်ရွက်သွားမည့် ဒိုင်လူကြီးများမှလည်း အားကစားနည်းဥပဒေများအညီ တရားမျှ တစွာ အကောင်းဆုံးဆောင်ရွက်သွားကြရန် လိုအပ်ပါကြောင်း၊ လာရောက်ယှဉ်ပြိုင်မည့် အားက စားသမားများအတွက် တည်းခိုနေထိုင်ရေး၊ စားသောက်ရေး၊ သွားလာရေး၊ လျှပ်စစ်မီးရရှိရေး၊ ကျန်းမာရေးနှင့် လုံခြုံရေးကိစ္စရပ်များအား တာဝန်ရှိသူများမှ စနစ်တကျအလေးထား ကြိုတင်စီ မံဆောင်ရွက်သွားကြရန် လိုအပ်ပါကြောင်း၊ အားကစားနှင့်ကာယပညာဦးစီးဌာနမှ တာဝန်ရှိသူ များအနေဖြင့် တိုင်းဒေသကြီးနှင့်ပြည်နယ်များသို့ ချိတ်ဆက်၍ လာရောက်ယှဉ်ပြိုင်နိုင် ရေးဖိတ် ခေါ်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ထို့နောက် တိုင်းဒေသကြီး အားကစားနှင့်ကာယပညာဦးစီးဌာနမှ ညွှန်ကြားရေးမှူးက ၂၀၂၄-ခုနှစ်၊ ရွှေမင်းဝံဒိုင်း ဖိတ်ခေါ်အမျိုးသားဘောလုံးပြိုင်ပွဲ စည်ကားသိုက်မြိုက်စွာ ကျင်းပနိုင် ရေးလုပ်ငန်းများ ကြိုတင်စီမံဆောင်ရွက်ထားရှိမှုများနှင့် ဆက်လက်ဆောင်ရွက်သွားမည့် လုပ် ငန်းများအား ရှင်းလင်းပြောကြားသည်။

ယင်းနောက် တိုင်းဒေသကြီးအဆင့် ဌာနဆိုင်ရာများမှ ၂၀၂၄-ခုနှစ်၊ ရွှေမင်းဝံ ဒိုင်းဖိတ်ခေါ် အမျိုးသားဘောလုံးပြိုင်ပွဲ စည်ကားသိုက်မြိုက်စွာကျင်းပနိုင်ရေး မိမိတို့ဌာနများအလိုက် တာဝန် ယူ ဆောင်ရွက်သွားမည့် လုပ်ငန်းကဏ္ဍများအား အသီးသီး ရှင်းလင်းဆွေးနွေး တင်ပြကြသည်။

ဆက်လက်၍ အစည်းအဝေးသို့တက် ရောက်လာသူများနှင့် တိုင်းဒေသကြီး အစိုးရအဖွဲ့ ဝင်များက ၂၀၂၄-ခုနှစ်၊ ရွှေမင်းဝံဒိုင်း ဖိတ်ခေါ်အမျိုးသားဘောလုံးပြိုင်ပွဲ စည်ကားသိုက်မြိုက်စွာ ကျင်းပနိုင်ရေး လုပ်ငန်းများနှင့်ပတ်သက်၍ အထွေထွေဆွေးနွေး အကြံပြုတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ်ဆောင်ရွက်ပေးခဲ့ကြောင်း သိရသည်။

မုံရွာ၊ မေ ၂၄

၂၀၂၄-ခုနှစ်၊ စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဖလား ခရိုင်ပေါင်းစုံ အသက် (၂၁)နှစ်အောက် အမျိုးသားဘောလုံးပြိုင်ပွဲ ဖွင့်ပွဲအခမ်းအနားကို ယမန်နေ့၊ မွန်းလွဲပိုင်းတွင် မုံရွာမြို့၊ ပြည်သူ့အားကစားကွင်း၌ ကျင်းပပြုလုပ်ရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင် ရာများ၊ တိုင်းဒေသကြီး အားကစားနှင့်ကာယပညာဦးစီးဌာနမှ တိုင်းဒေသကြီးဦးစီးမှူးနှင့် ဝန် ထမ်းများ၊ ပြိုင်ပွဲဝင်အားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားပြီး ၂၀၂၄-ခုနှစ်၊ စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဖလား ခရိုင်ပေါင်းစုံ အသက်(၂၁)နှစ်အောက် အမျိုးသား ဘောလုံးပြိုင်ပွဲအား ဖွင့်လှစ်ပေးသည်။

ယင်းနောက် ပြိုင်ပွဲဝင်အသင်းများမှ အားကစားသစ္စာအဓိဌာန်ရွတ်ဆိုကြပြီး တိုင်းဒေသကြီးဝန်ကြီးချုပ်နှင့် တာဝန်ရှိသူများမှ ပြိုင်ပွဲဝင်အသင်းများအား ရင်းရင်းနှီးနှီး လိုက်လံနှုတ် ဆက်၍ လေ့ကျင့်ရေးဘောလုံးများပေးအပ်ကာ ပြိုင်ပွဲဝင်အားကစားအသင်းများမှ ကွင်းအတွင်း မှပြန်လည်ထွက်ခွာကြပြီး အမှတ်(၂)အခြေခံပညာအထက်တန်း ကျောင်း(အလုံ)မှ ဘင်ခရာ/ပန်းပွားအဖွဲ့များက တီးမှုတ်ကပြဖျော်ဖြေကြသည်။

ဆက်လက်ပြီး တိုင်းဒေသကြီးဝန်ကြီးချုပ်က ဘင်ခရာ/ပန်းပွားအဖွဲ့များနှင့် အလံကိုင်/ ဆိုင်းဘုတ်ကိုင်အဖွဲ့များအား ဂုဏ်ပြုဆုငွေများ ပေးအပ်ချီးမြင့်ကာ တာဝန်ရှိသူများနှင့်အတူ အဖွင့်ပွဲစဉ်အဖြစ် မုံရွာခရိုင်ဘောလုံးအသင်းနှင့် ရွှေဘိုခရိုင်ဘောလုံး အသင်းတို့ ယှဉ်ပြိုင်ကစား နေမှုများအား ကြည့်ရှုအားပေးကြပြီး မုံရွာခရိုင်အသင်းမှ ရွှေဘိုခရိုင်အသင်းအား အနိုင်ရရှိသွား သည်။

အဆိုပါ စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဖလား ခရိုင်ပေါင်းစုံ အသက်(၂၁) နှစ်အောက် အမျိုးသားဘောလုံးပြိုင်ပွဲအား မေလ ၂၃ ရက်နေ့မှ ဇွန်လ ၃ ရက်နေ့အထိ မုံရွာမြို့၊ ပြည်သူ့အားကစားကွင်းတွင် ကျင်းပသွားမည်ဖြစ်ပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသနှင့် ခရိုင်(၁၃)ခရိုင်မှ ပြိုင်ပွဲဝင်အားကစားသမား ၁၅၀ ဦးကျော် ဝင်ရောက်ယှဉ်ပြိုင် သွားမည်ဖြစ်ကြောင်း သိရသည်။

မုံရွာ မေ ၂၄

စစ်ကိုင်းတိုင်းဒေသကြီးအစိုးရအဖွဲ့နှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍အခြေခံပညာကျောင်းများမှ ကျောင်းသား၊ ကျောင်းသူ လူငယ်လေး များအား နွေရာသီကျောင်းပိတ်ရက်ကာလအတွင်း အချိန်ကိုအကျိုးရှိရှိ အသုံးချနိုင် စေရန် နည်းပညာများ၊အတတ် ပညာများ သင်ယူတတ်မြောက်စေရန်ရည်ရွယ်ပြီးဖွင့်လှစ်ခဲ့သည့် နွေရာသီ အခြေခံပန်းချီသင်တန်း၊ ကွန်ပျူတာပန်းချီသင်တန်း၊ အင်္ဂလိပ်စာ(Grammar) သင်တန်းများ(၂/၂၀၂၄)နှင့်အခြေခံကွန်ပျူ တာသင်တန်း (၃/၂၀၂၄) သင်တန်း များဆင်းပွဲအခမ်းအနားကို မေလ ၂၄ ရက်နေ့ နံနက် ၈ နာရီခွဲ အချိန်က ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ မုံရွာခရိုင်ရုံး၊ လူထုအခြေပြုဗဟိုဌာန ၊ (Community Centre) ခန်းမ၌ ကျင်းပပြုလုပ်ရာအခမ်းအနားသို့စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဦးမြတ်ကျော်နှင့် အစိုးရအဖွဲ့ဝင်များ၊တိုင်းဒေသကြီးဥပဒေချုပ်၊ တိုင်းဒေသကြီး အဆင့် ဌာနဆိုင်ရာ တာဝန်ရှိ သူများ၊ နည်းပြဆရာ၊ ဆရာမများ၊ကျောင်းသား မိဘများနှင့် ကျောင်းသား၊ ကျောင်းသူများတက်ရောက်ခဲ့ကြသည်။

ရှေးဦးစွာ ဝန်ကြီးချုပ်က ယခုလိုနွေရာသီ ကျောင်းပိတ်ရက်ကာလအတွင်းကလေးများအတွက်အကျိုး ဖြစ်ထွန်းစေမည့် အင်္ဂလိပ်စာ (Grammar)သင်တန်းအပါအဝင် အခြေခံပန်းချီ၊ကွန်ပျူတာပန်းချီ သင်တန်းတို့ကို ဖွင့်လှစ်ပို့ချပေးနိုင်ခဲ့လို့ ကျောင်းသား၊ကျောင်းသူလူငယ်မောင်မယ် များ အတွက်အကျိုးကျေးဇူးများစွာ ရရှိမှာဖြစ်ပါ ကြောင်း၊ ဒါ့အပြင်အခြေခံကွန်ပျူတာ သင်တန်းများလည်း အပတ်စဉ်ဖွင့်လှစ်ပို့ချနိုင်ခဲ့လို့ဒေသတွင်း လူငယ်လေးများအတွက် အလုပ် အကိုင် အခွင့်အလမ်းများ ရရှိစေရေး ဖန်တီးပေးနိုင်သည့်အတွက် များစွာ ဝမ်းမြောက်မိကြောင်းနှင့် ကွန်ပျူတာသင်တန်းများ ဆက်လက်ဖွင့်လှစ်နိုင်ရေး အမှာစကားပြောကြားသည်။

ထို့နောက် စစ်ကိုင်းတိုင်းဒေသကြီး ပြန်ကြားရေးနှင့် ပြည်သူ့ဆက်ဆံရေးဦးစီးဌာန ညွှန်ကြားရေးမှူး ဒေါ်ခင်စောလင်းက တိုင်းဒေသကြီးအတွင်း နွေရာသီ သင်တန်းများဖွင့်လှစ်ပို့ချခဲ့မှုအခြေအနေများနှင့် ပတ်သက်၍ ရှင်းလင်းတင်ပြရာ ဝန်ကြီးချုပ်က သင်တန်းများဆက်လက်ဖွင့် လှစ်နိုင်ရေး သက်ဆိုင်ရာဌာနများ၊ နည်းပြများ ၊ ကျောင်းသားမိဘများနှင့်ပူးပေါင်း ဆောင်ရွက်ရေး ၊ နိုင်ငံတော်အကြီးအကဲ ၏လမ်းညွှန်ချက်နှင့်အညီ အောင်မြင်စွာဆောင်ရွက်နိုင်ရေး လမ်းညွှန်မှာကြားသည်။

ထို့နောက် ဆုပေးပွဲကိုဆက်လက်ကျင်းပရာ တိုင်းဒေသကြီးဝန်ကြီးချုပ် ဦးမြတ်ကျော်က အင်္ဂလိပ်စာ (Grammar) သင်တန်းတွင် ထူးချွန်ဆုရရှိသည့် ကျောင်းသား များအားလည်းကောင်း ၊ တိုင်းဒေသကြီး တရားလွှတ်တော် တရားသူကြီးချုပ် ဦးဇော်ထူးက ကွန်ပျူတာပန်းချီသင်တန်းတွင် ထူးချွန်ဆုရရှိသည့် ကျောင်းသား ၊ကျောင်းသူများအား လည်းကောင်း ၊လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက အခြေခံ ပန်းချီသင်တန်း (စိတ်ကြိုက်ပန်းချီပြိုင်ပွဲ) တွင် ဆုရရှိကြသည့် ကျောင်းသားကျောင်းသူများအားလည်းကောင်း၊စီးပွားရေးရာဝန်ကြီး ဒေါ်ရီရီသန်းက အခြေခံပန်းချီသင်တန်း ပုံတူ(ပန်းချီ ပြိုင်ပွဲ)တွင် ဆုရရှိသည့် ကျောင်းသား၊ ကျောင်းသူများအား လည်းကောင်း ဆုများအသီးသီးပေးအပ်ခဲ့ကြသည်။

ဆက်လက်ပြီး တိုင်းဒေသကြီး အစိုးရ အဖွဲ့ သယံဇာတရေးရာဝန်ကြီး ဦးတင်သန်းဝင်းက အခြေခံကွန်ပျူတာသင်တန်း အမှတ်စဉ် (၃/ ၂၀၂၄) တွင်တက်ရောက်ခဲ့ကြသည့် သင်တန်းသားသင်တန်းသူများအား သင်တန်းဆင်းလက်မှတ်များကိုလည်းကောင်း ၊ တိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင် နှင့် လမ်းပန်းဆက်သွယ်‌ရေးဝန်ကြီး ဦးခင်မောင်အေးက သင်တန်းနည်းပြ ဆရာ ၊ဆရာမများအား ဂုဏ်ပြုမှတ်တမ်းလွှာနှင့်ဂုဏ်ပြုလက်ဆောင်များကိုလည်းကောင်းအသီးသီးပေးအပ်ခဲ့ကြပြီးနောက် Englisn Grammarသင်တန်း အမှတ်စဉ် (၂/၂၀၂၄)မှ သင်တန်းသား၊ သင်တန်းသူများက Group Song ဖြင့် သီဆိုဖျော်ဖြေမှုအား ကြည့်ရှုအားပေးခဲ့ကြသည်။

ယင်းနောက် အခြေခံကွန်ပျူတာသင်တန်း အမှတ်စဉ် (၃/၂၀၂၄ ) သင်တန်းသား ၊သင်တန်းသူများကိုယ်စား သင်တန်းသူ မခင်ဖြူဝေကျော်က ကျေးဇူးတင်စကားပြန်လည်ပြောကြားခဲ့ ပြီးနောက်ဝန်ကြီးချုပ်နှင့် တက်ရောက်လာကြသူများ၊ ဆုရကျောင်းသားကျောင်းသူများ၊ ကွန်ပျူတာသင်တန်းသား၊ သင်တန်းသူများက အမှတ်တရစု‌ ပေါင်း မှတ်တမ်းတင်ဓါတ်ပုံ ရိုက်ကူးခဲ့ကြပြီး နောက် သင်တန်းသား သင်တန်းသူများ၏ ဆုရပန်းချီလက်ရာများ၊ ကွန်ပျူတာပန်းချီလက်ရာများအား ဝန်ကြီးချုပ်နှင့်တက်ရောက် လာကြသူများကလှည့်လည်ကြည့်ရှုအား ပေးခဲ့ကြကြောင်း သိရသည်။

စစ်ကိုင်းတိုင်းဒေသကြီးအစိုးရအဖွဲ့နှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်းဖွင့်လှစ်သည့် နွေရာသီသင်တန်းများကို တိုင်းဒေသကြီးအတွင်း မုံရွာမြို့အပါအဝင် ခရိုင်၊မြို့နယ်နှင့်မြို့ရုံးပေါင်း( ၁၇ ) ရုံးတို့တွင် နွေရာသီကျောင်းပိတ်ရက်ကာလမှာ သင်တန်းများကို သင်္ကြန်မတိုင်မီကာလနှင့် သင်္ကြန်အပြီးကာလ (၂)သုတ်ခွဲကာ ဖွင့်လှစ်ခဲ့ခြင်းဖြစ်ပြီး ပထမ အသုတ်မှာတိုင်းဒေသကြီးအတွင်း သင်တန်းစုစုပေါင်း (၃၉)ကြိမ်၊ သင်တန်းသား၊ သင်တန်းသူ စုစုပေါင်း (၁၁၂၆)ဦး၊ ဒုတိယအသုတ်မှာ တိုင်းဒေသကြီးအတွင်းခရိုင်/မြို့နယ်များတွင် သင်တန်းစုစုပေါင်း (၂၈)ကြိမ်၊ သင်တန်းသား၊ သင်တန်းသူ (၆၉၁)ဦးတက်ရောက်သင်ယူခဲ့ကြကြောင်း သိရှိရသည်။

မုံရွာ၊ မေ ၂၁

၂၀၂၄-ခုနှစ်၊ စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် တိုင်းဒေသကြီး လူငယ် ရေးရာကော်မတီမှ ကြီးမှူးဖွင့်လှစ်သည့် နွေရာသီအခြေခံနှင့်အဆင့်မြင့် အားကစား သင်တန်း များဆင်းပွဲအခမ်းအနားကို မေ ၂၁ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်းပခဲ့ကြောင်း သိရသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့ တိုင်းဒေသကြီးအနေဖြင့် နွေရာ သီအားကစားသင်တန်း ဖွင့်လှစ်ရခြင်း၏ ရည်ရွယ်ချက်ဖြစ်သည့် လူငယ်လူရွယ်များ စာရိတ္တနှင့် စိတ်ဓါတ်ကြံ့ခိုင်ပြီး ဘက်စုံဖွံ့ဖြိုးတိုးတက်သော အားကစားသမားလူတော်၊လူကောင်းများပေါ် ထွက်လာစေရေး၊ လူငယ်များအားကစားနည်းအလိုက် နည်းစနစ်များ၊ ဥပဒေများကျွမ်းကျင် လိုက်နာမှုရှိစေရန်နှင့် ကျောင်းသားလူငယ်များ နွေရာသီအားလပ်ရက်ကာလများတွင် အချိန်ကို အကျိုးရှိစွာ အသုံးပြုနိုင်ရန်ဆိုသည့် ရည်ရွယ်ချက်(၃)ရပ်ဖြင့် အားကစားနည်း(၁၄)မျိုးအား ဖွင့် လှစ်ပေးခဲ့ရာတွင် မိဘများကိုယ်တိုင် စိတ်ပါဝင်စားစွာ လာရောက်ပို့ဆောင် တက်ရောက်သင် ကြားစေကြသည်ကို တွေ့ရှိရသည့်အတွက် ကျေးဇူးတင်ဝမ်းမြောက်ပါကြောင်း၊ မိမိတို့ တိုင်းဒေ သကြီးအနေဖြင့်လည်း လူငယ်/လူရွယ်၊ကျောင်းသား/သူများ ဘက်စုံဖွံ့ဖြိုးတိုးတက်ရန် ယခုသင် တန်းအား ဒုတိယအကြိမ် ထပ်မံဖွင့်လှစ်ပေးခဲ့ခြင်းဖြစ်ပါကြောင်း၊ သင်တန်းသား/သူများအနေဖြင့် ယခုသင်တန်းများမှ နည်းပြများ၏ သင်ကြားပို့ချ ချက် များအားကြိုးစားသင်ယူ လေ့ကျင့်ခဲ့ကြသည်ကို ရပ်တန့်မနေဘဲ ဆက်လက်ကြိုးစား လေ့ကျင့်ပြီး ရပ်ကွက်/ကျေးရွာ/မြို့နယ်အဆင့်မှနေပြီး တိုင်းဒေသကြီးနှင့်နိုင်ငံတော်မှ အားထားရသည့် နိုင်ငံ့ ဂုဏ်ဆောင် အားကစားမောင်မယ်များ အဆင့်အထိရောက်ရှိအောင် ကြိုးစားအားထုတ်ကြိုး ပမ်းသွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က နွေရာသီအခြေခံနှင့်အဆင့်မြင့် အားကစား နည်းများအလိုက် သင်တန်းဆင်းလက်မှတ်များအား သင်တန်းသား/သူများကိုယ်စား သင်တန်း သား/သူ ၂ ဦးထံပေးအပ်ခဲ့ပြီး အားကစားသင်တန်းသား/သူများမှ ကွင်းအတွင်းမှပြန် လည်ထွက် ခွာကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ မြန်မာ့သိုင်း၊ ကရာတေး၊ ဘောလုံး၊ တင်းနစ်၊ Fitness Dance အဖွဲ့၏ သရုပ်ပြသဖျော်ဖြေမှုများအား ကြည့်ရှုအားပေးကြ သည်။

ယင်းနောက် တိုင်းဒေသကြီး ဝန်ကြီးချုပ်က နွေရာသီအခြေခံနှင့်အဆင့်မြင့် သင်တန်း ဆန်းစစ်ချက် ဘောလုံးသက်ငယ်တန်း(အတော့)ပြိုင်ပွဲတွင် ပထမ၊ ဒုတိယ၊ တတိယ ဆုရရှိကြ သည့် အားကစားသမားများအား ဂုဏ်ပြုဆုတံဆိပ်နှင့်ငွေသားဆုများအား လည်းကောင်း၊ တိုင်း ဒေသကြီး ဝန်ကြီးချုပ်၏ဇနီးမှ နွေရာသီအခြေခံနှင့်အဆင့်မြင့် သင်တန်းဆန်းစစ်ချက် ဘောလုံး သက်ငယ်တန်း(အဖွဲ့လိုက်ဂိုးကျဉ်း)ပြိုင်ပွဲတွင် ပထမ၊ ဒုတိယ၊ တတိယ ဆုရရှိကြသည့် အားက စားသမားများအား ဂုဏ်ပြုဆုတံဆိပ်နှင့်ငွေသားဆုများအား ပေးအပ်ချီးမြှင့်သည်။

ဆက်လက်၍ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင် များက နွေရာသီအခြေခံနှင့်အဆင့်မြင့်သင်တန်း ဆန်းစစ်ချက်ပြိုင်ပွဲများဖြစ်သည့် ဘောလုံး၊ မြန်မာ့သိုင်း၊ တင်းနစ်၊ ကရာတေး တစ်ဦးချင်းနှင့်အသင်းလိုက်ပြိုင်ပွဲများတွင် ပထမ၊ ဒုတိယ၊ တတိယနှင့် နှစ်သိမ့်ဆုများရရှိကြသည့် အားကစားသမားများအား ဂုဏ်ပြုဆုတံဆိပ်နှင့် ငွေသား ဆုများအား အသီးသီးပေးအပ်ချီးမြှင့်ခဲ့ကြပြီး တိုင်းဒေသကြီးအစိုးရအဖွဲ့ အတွင်းရေးမှူးက သရုပ်ပြသခဲ့ကြသည့် မြန်မာ့သိုင်း၊ ကရာတေး၊ ဘောလုံး၊ တင်းနစ်၊ Fitness Dance အဖွဲ့များအား ဂုဏ်ပြုငွေများအား ပေးအပ်ချီးမြှင့်သည်။

အဆိုပါ ၂၀၂၄-ခုနှစ်၊ နွေရာသီအခြေခံနှင့်အဆင့်မြင့် အားကစားသင်တန်း၌ ဘော လုံး၊ ကရာတေး၊ Fitness Dance၊ ဘတ်စကက်ဘော၊ စားပွဲတင်တင်းနစ်၊ တင်းနစ်၊ မြန် မာ့သိုင်း၊ ကြက်တောင်၊ ကာယဗလနှင့်ကာယအလှ အားကစား(၁၄)မျိုးအား ဧပြီလ ၂၂ ရက်နေ့မှ မေလ ၂၁ ရက်နေ့ထိ ဖွင့်လှစ်သင်ကြားပေးခဲ့ရာ သင်တန်းသား၊သင်တန်းသူ ၃၅၀ ဦး တက်ရောက်ခဲ့ ကြောင်း သိရသည်။

အဆိုပါ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသ ကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ အားကစားနည်းအလိုက် နည်းပြများ၊ သင်တန်းသား၊သင် တန်းသူများနှင့်မိဘများ တက်ရောက်ကြခဲ့ကြောင်း သိရသည်။