မုံရွာ၊ ဇွန် ၅

၂၀၂၄-ခုနှစ်၊ ကမ္ဘာ့ပတ်ဝန်းကျင်ထိန်းသိမ်းရေးနေ့ အခမ်းအနားကို ဇွန်လ ၅ ရက်နေ့၊ နံနက်ပိုင်းက မုံရွာမြို့၊ စစ်ကိုင်းတိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင်ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသ ကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် အမျိုးသမီး ကော်မတီအဖွဲ့ ဝင်များ၊ မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ဝင်များနှင့် တာဝန်ရှိသူများ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ကမ္ဘာတစ်ဝှမ်းတွင် ရာသီဥတုပြောင်း လဲမှု၊ သဘာဝပတ်ဝန်းကျင်နှင့် ဇီဝမျိုးစုံမျိုးကွဲများ ပျက်စီးဆုံးရှုံးမှု၊ ပတ်ဝန်းကျင်ညစ်ညမ်းမှု၊ စွန့်ပစ်ပစ္စည်းဆိုင်ရာပြင်းထန်သည့် စိုးရိမ်ဖွယ်သုံးပွင့်ဆိုင် ကမ္ဘာ့အကျပ်အတည်းများ ကြုံတွေ့ နေကြရသည့်အတွက် ဖြေရှင်းဆောင်ရွက်မှုများ အရေးတကြီးလိုအပ်လျက်ရှိပါကြောင်း၊ မြေယာ ပြန်လည်ထိန်းသိမ်းခြင်းလုပ်ငန်းအား ဆောင်ရွက်ခြင်းဖြင့် မြေယာအဆင့်အတန်းလျော့ကျမှု၊ မိုးခေါင်မှုနှင့်သဲကန္တာရဖြစ်ထွန်းမှုများအားတားဆီးနိုင်ပြီး ကာဗွန်သိုလှောင်မှုအားတိုးမြင့်စေ၍ ရာသီဥတုပြောင်းလဲမှုကို လျော့ကျစေမှာ ဖြစ်ပါကြောင်း၊ မြေယာ၏ ၁၅% အား ပြန်လည်ထိန်းသိမ်းပေးခြင်းဖြင့် မျိုးစိတ်များ၏ ၆၀% ကိုလည်းမျိုး သုဉ်းခြင်းမှ ကာကွယ်ပေးနိုင်မှာ ဖြစ်ပါကြောင်း၊ ကမ္ဘာ့နိုင်ငံများအနေဖြင့် မြေယာပြန်လည်ထိန်း သိမ်းခြင်း၊ ရာသီဥတုပြောင်းလဲမှုလျှော့ချခြင်း၊ သဘာဝပတ်ဝန်းကျင်အား ကာကွယ်ခြင်းနှင့် ကမ္ဘာ့တစ်ဝှမ်းလုံးရှိလူသားသန်းပေါင်းများစွာ၏ အသက်မွေးဝမ်းကြောင်း မှုနှင့်စားရေရိက္ခာ ဖူလုံမှုမြှင့်တင်ပေးခြင်းစသည့် ရည်မှန်းချက်ပန်းတိုင်များအား အရှိန်အဟုန်ဖြင့် အကောင် အထည်ဖော်သွားမည် ဖြစ်ပါကြောင်း၊ မိမိတို့တိုင်းဒေသကြီးအနေဖြင့်လည်း ရာသီဥတုပြောင်း လဲမှု၊ သဘာဝပတ်ဝန်းကျင်နှင့် ဇီဝမျိုးစုံမျိုးကွဲများ ပျက်စီးဆုံးရှုံးမှု၊ ပတ်ဝန်းကျင်ညစ်ညမ်းမှု ဖြစ်စဉ်များအား လျှော့ချနိုင်ရေး မြေယာပြန်လည်ထိန်းသိမ်းခြင်း လုပ်ငန်းများနှင့်အတူ သဘာဝ ပတ်ဝန်းကျင် ထိန်းသိမ်းရေးလုပ်ငန်းများအား ကျယ်ကျယ်ပြန့်ပြန့် အကောင်အထည်ဖော် ဆောင်ရွက်နိုင်ရေး အလွန်ပင်အရေးကြီးပါကြောင်း၊ တိုင်းဒေသကြီးအစိုးရအနေဖြင့် သစ်တောဖုံး လွှမ်းမှုရာခိုင်နှုန်းအား ပြန်လည်တိုးတက်စေရန်အတွက် သစ်တောဦးစီးဌာနနှင့် အပူပိုင်းဒေသ စိမ်းလန်းစိုပြေရေးဦးစီးဌာနများနှင့်အတူ အကောင်အထည်ဖေါ်ဆောင်ရွက်သွားမည် ဖြစ်ပါ ကြောင်း ပြောကြားခဲ့သည်။

ယင်းနောက် တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာနမှ ညွှန်ကြားရေးမှူး ဦးကျော်အောင်မိုးက ပတ်ဝန်းကျင်းထိန်းသိမ်းရေးနေ့ ဖြစ်ပေါ်လာပုံအကြောင်းအား Power Point ဖြင့် ရှင်းလင်းတင်ပြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ၂၀၂၄-ခုနှစ်၊ ကမ္ဘာ့ပတ် ဝန်းကျင်ထိန်းသိမ်းရေးနေ့ အထိမ်းအမှတ် Video Clip နှင့် ကုလသမဂ္ဂအတွင်းရေးမှူးချုပ်မှ ပေးပို့သည့် သဝဏ်လွှာ Video Clip တို့အား ကြည့်ရှုအားပေးကြသည်။

ထို့နောက် တိုင်းဒေသကြီး ဝန်ကြီးချုပ်က တိုင်းဒေသကြီးအဆင့် သန့်ရှင်း၍စိမ်းလန်း စိုပြည်မှုဆု ပထမ၊ ဒုတိယ၊ တတိယရရှိကြသည့် အခြေခံပညာကျောင်းများမှ ကျောင်းအုပ် ကြီးများအား ဂုဏ်ပြုဆုလက်မှတ်နှင့်ချီးမြှင့်ငွေများအား လည်းကောင်း၊ တိုင်းဒေသကြီး တရားသူကြီးချုပ်မှ ပတ်ဝန်းကျင်စီမံခန့်ခွဲမှုကောင်းမွန်သော စက်ရုံ/အလုပ်ရုံ/လုပ်ငန်းဆု ပထမ၊ ဒုတိယ၊ တတိယရရှိကြသည့် လုပ်ငန်းရှင်များအား ဂုဏ်ပြုဆုလက်မှတ်နှင့်ချီးမြှင့်ငွေများအား လည်းကောင်း၊ တိုင်းဒေသကြီး သယံဇာတရေးရာဝန်ကြီးမှ နိုင်ငံ့ဝန်ထမ်းဥပဒေ၊နည်းဥပဒေ၊ စည်းမျဉ်းများနှင့် ဝန်ထမ်းကျင့်ဝတ်ဆိုင်ရာစံတန်ဖိုးများ အမှုထမ်းအဆင့် ရေးဖြေစာမေးပွဲတွင် ပထမ၊ ဒုတိယ၊ တတိယဆုရရှိကြသည့် ဝန်ထမ်းများအား ဂုဏ်ပြုဆုလက်မှတ်နှင့်ချီးမြှင့်ငွေများ အားလည်းကောင်း အသီးသီးပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်က တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကြပြီး အခမ်းအနားသို့ တက်ရောက်လာသူများအား ရင်းရင်းနှီးနှီးလိုက် လံနှုတ် ဆက်အားပေးကာ ခန်းမအတွင်းပြသထားသော ရေ၊ မြေ၊ လေ တိုင်းတာရေးစက်ကိ ရိယာများ၊ ပတ်ဝန်းကျင်ထိန်းသိမ်းရေး နည်းဥပဒေ၊ဥပဒေစာအုပ်များနှင့်လှုပ်ရှားမှုမှတ် တမ်းဓါတ်ပုံများ အား လိုက်လံကြည့်ရှုအားပေးခဲ့ကြောင်း သိရသည်။

မုံရွာ၊ ဇွန် ၅

၂၀၂၄-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အသက်(၂၁)နှစ် အောက် အမျိုးသားဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲအခမ်းအနား အခမ်းအနားကို ဇွန်လ ၄ ရက်နေ့၊ ညနေပိုင်းတွင် မုံရွာမြို့၊ ပြည်သူ့အားကစားကွင်းတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင် ရာများ၊ အသင်းအုပ်ချုပ်သူများနှင့် ပြိုင်ပွဲဝင်အားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ ဗိုလ်လုပွဲစဉ်အဖြစ် ကလေးခရိုင် အသင်းနှင့် စစ်ကိုင်းခရိုင်အသင်းတို့ ယှဉ်ပြိုင်ကစားနေမှုအား ကြည့်ရှုအားပေးကြရာ ကလေး ခရိုင်အသင်းမှ စစ်ကိုင်းခရိုင်အသင်းအား အနိုင်ရရှိသွားသည်။

ယင်းနောက် ဆုချီးမြင့်ပွဲအခမ်းအနားကို ကျင်းပရာ တိုင်းဒေသကြီး လမ်းပန်းဆက်သွယ် ရေးဝန်ကြီးနှင့် တိုင်းဒေသကြီး လူမှုရေးရာဝန်ကြီးတို့က ပွဲစဉ်တစ်လျှောက်နေရာ အလိုက် အကောင်းဆုံးဆုရရှိကြသည့် အားကစားသမားများအား ဆုတံဆိပ်နှင့်ငွေသားဆုများအား လည်း ကောင်း၊ တိုင်းဒေသကြီး သယံဇာတရေးရာဝန်ကြီးက တတိယဆုရရှိသော ဟုမ္မလင်းခရိုင် ဘောလုံးအသင်းအား တစ်ဦးချင်းဆုတံဆိပ်နှင့် ငွေသားဆုများအား လည်းကောင်း၊ တိုင်းဒေသ ကြီးလုံခြုံရေးနှင့်နယ်စပ်ရေးရာဝန်ကြီးက ဒုတိယဆုရရှိသော စစ်ကိုင်းခရိုင်ဘောလုံးအသင်း အား တစ်ဦးချင်းဆုတံဆိပ်နှင့်ငွေသားဆုများအား လည်းကောင်း ပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး တရားသူကြီးချုပ်မှ ပထမဆုရရှိသော ကလေးခရိုင်ဘော လုံးအသင်းအား တစ်ဦးချင်းဆုတံဆိပ်များအား လည်းကောင်း၊ တိုင်းဒေသကြီး ဝန်ကြီးချုပ်မှ ပထမဆုရရှိသော ကလေးခရိုင်ဘောလုံးအား ဂုဏ်ပြုချီးမြှင့်ငွေနှင့်ဒိုင်းဆုအား ပေးအပ်ချီးမြှင့်ပြီး တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးခဲ့ကြောင်း သိရသည်။

မုံရွာ၊ ဇွန် ၄

၂၀၂၄-ခုနှစ်၊ ပဉ္စမအကြိမ်၊ အမျိုးသားအားကစားပွဲတော် အားကစားပြိုင်ပွဲများသို့ ဝင် ရောက်ယှဉ်ပြိုင်နိုင်ရေးနှင့်အောင်နိုင်ရေး ညှိနှိုင်းအစည်းအဝေးကို ဇွန်လ ၄ ရက်နေ့၊ မွန်းလွဲပိုင်း တွင် စစ်ကိုင်းတိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေး သို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေ သကြီးအဆင့် ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် အားကစားနှင့်ကာယပညာဦးစီး ဌာနမှူးများ၊ အားကစားနှင့်ကာယပညာသိပ္ပံ(မုံရွာ)မှ ကျောင်းအုပ်ကြီးနှင့်နည်းပြများ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တာဝန်ရှိသူများအနေဖြင့် ၂၀၂၄-ခုနှစ်၊ ပဉ္စမအကြိမ်၊ အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက်ယှဉ် ပြိုင်မည့် နည်းပြများနှင့်အားကစားသမားများအား မှန်မှန်ကန်ကန်ဖြင့် အရည်ချင်းရှိသူများ အားစနစ်တ ကျရွေးချယ်၍ စခန်းသွင်းလေ့ကျင့်သွားကြရန် လိုအပ်ပါကြောင်း၊ မိမိတို့တိုင်းဒေသကြီး အနေ ဖြင့် အားကစားနည်း ၂၃ မျိုးတွင် ၂၁ နည်းဝင်ရောက်ယှဉ်ပြိုင်သွားမည် ဖြစ်ပါကြောင်း၊ သွား ရောက်ယှဉ်ပြိုင်ရာတွင်လည်း အားကစားသမားများအနေဖြင့် အောင်မြင်မှုများရရှိအောင် ကြိုး စားယှဉ်ပြိုင်သွားကြရန် လိုအပ်ပါကြောင်း၊ ကော်မတီအသီးသီးမှ တာဝနှ်ရှိသူများအနေဖြင့် မိမိ တို့တိုင်းဒေသကြီး အောင်မြင်မှုများရရှိအောင် အလေးထားကြိုးပမ်းဆောင်ရွက်သွားကြရန် လို အပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး အားကစားနှင့်ကာယပညာဦးစီးဌာနမှ ညွှန်ကြားရေးမှူး ဦးအောင်ဇော်လွင်က ၂၀၂၄-ခုနှစ်၊ ပဉ္စမအကြိမ်၊ အမျိုးသားအားကစားပွဲတော် အားကစားပြိုင် ပွဲများသို့ ဝင်ရောက်ယှဉ်ပြိုင်နိုင်ရေးအတွက် ကြိုတင်စီစဉ်ဆောင်ရွက်ထားရှိမှု အခြေအနေများ အား ရှင်းလင်းတင်ပြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာ များက ၂၀၂၄-ခုနှစ်၊ ပဉ္စမအကြိမ်၊ အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက်ယှဉ်ပြိုင်နိုင်ရေး၊ အောင်နိုင်ရေးလုပ်ငန်းများနှင့် ပတ်သတ်၍ လိုအပ်သည်များကို အသီးသီးဆွေးနွေးတင်ပြကြပြီး အစည်းအဝေးသို့ တက်ရောက်လာကြသည့် တိုင်းဒေသကြီး အားကစားနှင့်ကာယပညာဦးစီးဌာနနှင့် အားကစားနှင့်ကာယပညာသိပ္ပံ (မုံရွာ)မှ နည်းပြများမှ မိမိတို့တာဝန်ယူဆောင်ရွက်နေသည့် အားကစားနည်းများအလိုက် ကြိုတင်စီမံဆောင်ရွက်သွား မည့်အခြေအနေများအား ရှင်းလင်းဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီး ချုပ်က အစည်းအဝေးသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ ဇွန် ၄

ပြည်သူများအနေဖြင့် သစ်တောသစ်ပင်များ၏တန်ဖိုးကို နားလည်မြတ်နိုးသည့် စိတ် ဓါတ်ဖြစ်ပေါ်စေရေးနှင့် သဘာဝပတ်ဝန်းကျင် စိမ်းလန်းစိုပြည်ရေး၊ ဂေဟစနစ်ညီညွှတ်မျှ တစေရေး၊ ရာသီဥတုကောင်းမွန်ရေး၊ အရိပ်အာဝါသနှင့် မျက်စိပသာဒအကျိုးများရရှိစေရေး အတွက် ရည်ရွယ်၍ ဇွန်လ ၄ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာစီးပွားရေး တက္ကသိုလ်ကျောင်းဝန်းအတွင်း၌ ၂၀၂၄-ခုနှစ်၊ မိုးရာသီစုပေါင်း သစ်ပင်စိုက်ပျိုးပွဲတော် အခမ်း အနားကိုကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေ သကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး /ခရိုင်/မြို့နယ်အဆင့် ဌာနဆိုင်ရာများနှင့်ဝန်ထမ်းများ၊ မုံရွာစီးပွားရေးတက္ကသိုလ် ဒုတိယပါမော က္ခချုပ်၊ ပါမောက္ခ/ဌာနမှူးများ၊ ဆရာ/ဆရာမများ၊ ကျောင်းသား/ကျောင်းသူများ တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ်မှ မုံရွာစီးပွားရေးတက္ကသိုလ် ဒုတိယပါမောက္ခချုပ်ထံ တမာပင်အား လည်းကောင်း၊ တိုင်းဒေသကြီး ဝန်ကြီးချုပ်၏ဇနီးမှ တိုင်းဒေသကြီး ပြန်ကြားရေး နှင့်ပြည်သူ့ဆက်ဆံရေးဦးစီးဌာန၊ ညွှန်ကြားရေးမှူးထံ မယ်ဇယ်ပင်အား လည်းကောင်း၊ တိုင်းဒေ သကြီး တရားသူကြီးချုပ်မှ မုံရွာခရိုင်စီမံအုပ်ချုပ်ရေးအဖွဲ့ ဥက္ကဌထံ မယ်ဇလီပျိုးပင်အား လည်း ကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးမှ လူဝင်မှုကြီးကြပ်ရေးနှင့်ပြည်သူ့ အင်အားဝန်ကြီးဌာန၊ မုံရွာခရိုင်ဦးစီးမှူးထံ ခရေပျိုးပင်အား လည်းကောင်း၊ တိုင်းဒေသကြီး သယံ ဇာတရေးရာဝန်ကြီးမှ တိုင်းဒေသကြီး မီးသတ်ဦးစီးမှူးထံ ကံ့ကော်ပျိုးပင်အား လည်းကောင်း၊ တိုင်းဒေသကြီး သစ်တောဦးစီးဌာန၊ ညွှန်ကြားရေးမှူးမှ တိုင်းဒေသကြီး ပတ်ဝန်းကျင်ထိန်းသိမ်း ရေးဦးစီးဌာန၊ ညွှန်ကြားရေးမှူးထံ ကျွန်းပျိုးပင်အား လည်းကောင်း အသီးသီးပေးအပ်ကြသည်။

ယင်းနောက် တိုင်းဒေသကြီး ဝန်ကြီးချုပ်က မဟော်ဂနီပျိုးပင်အား စိုက်ပျိုးပေးပြီး တိုင်း ဒေသကြီး ဝန်ကြီးချုပ်၏ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်ဌာနဆိုင်ရာ ဝန်ထမ်းများနှင့် ဒုတိ ယပါမောက္ခချုပ်၊ ပါမောက္ခ/ဌာနမှူးများ၊ ဆရာ/ဆရာမများနှင့် ကျောင်းသား၊ကျောင်းသူများမှ သက်မှတ်နေရာများတွင် ပျိုးပင်များအား တပျော်တပါးစိုက်ပျိုးပေးကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းသစ်ပင်စိုက်ပျိုးပေးနေမှုများအား လိုက်လံကြည့်ရှု အားပေးကာ တာဝန်ရှိသူများနှင့် စုပေါင်းမှတ်တမ်းတင် ဓါတ်ပုံရိုက်ကူးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ တိုင်းဒေသကြီး ပတ်ဝန်း ကျင်ထိန်းသိမ်းရေးဦးစီးဌာနမှ စုပေါင်းသစ်ပင်စိုက်ပျိုးပွဲတော်သို့ လာရောက်ကြသည့် ဌာနဆိုင် ရာဝန်ထမ်းများ၊ ဆရာ/ဆရာမများ၊ ကျောင်းသား၊ကျောင်းသူများ နေအိမ်များတွင် စိုက်ပျိုးနိုင်ရန် အတွက် အရိပ်ရပျိုးပင် ၅၀၀ အား အခမဲ့ ဖြန့်ဝေနေမှုများအား ကြည့်ရှုအားပေးပြီး တာဝန်ရှိ သူများနှင့် အရိပ်ရပျိုးပင်များအား ပေးအပ်ခဲ့ကြသည်။

အဆိုပါ မုံရွာစီးပွားရေးတက္ကသိုလ်ကျောင်းဝန်းအတွင်း၌ ကျင်းပသော ၂၀၂၄-ခုနှစ်၊ မိုးရာ သီစုပေါင်းသစ်ပင်စိုက်ပျိုးပွဲတော်တွင် ၂ ပေနှင့်အထက် ၂ နှစ်သားအရွယ်ရှိ တမာကျွန်း၊ ကုက္ကိုလ်၊ ခရေ၊ စိန်ပန်းကြီး၊ တပေဘူတ၊ မယ်ဇယ်၊ မယ်ဇလီ၊ မာတာကွတ်၊ ငုရွှေဝါ၊ ပိတောက်၊ ဝါး၊ စုစုပေါင်းပျိုးပင် ၁၀၀၀ ပင်အား စိုက်ပျိုးခဲ့ကြောင်း သိရသည်။

မုံရွာ၊ ဇွန် ၃

စစ်ကိုင်းတိုင်းဒေသကြီး၊ ၂၀၂၄-၂၀၂၅ ပညာသင်နှစ်၊ တိုင်းဒေသကြီးအတွင်း အခြေခံပညာ ကျောင်းများဖွင့်လှစ်မှုနှင့် ကျောင်းအပ်နှံပြီးစီးမှု ညှိနှိုင်းအစည်းအဝေးကို ဇွန်လ ၃ ရက်နေ့၊ မွန်းလွဲပိုင်းက တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်း အဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့်ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် ပညာရေးမှူးများ၊ ကျောင်းအုပ်ဆရာကြီး၊ ဆရာမများကြီးများနှင့် ဆရာ/ဆရာမများ တက်ရောက်ကြပြီး နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဌနှင့် တိုင်းဒေသကြီးအတွင်းရှိ ခရိုင်စီမံအုပ်ချုပ် ရေးအဖွဲ့ ဥက္ကဌများမှ Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်းရှိခရိုင်/ မြို့နယ်များတွင် အခြေခံပညာကျောင်းများ ဖွင့်လှစ်နိုင်မှု၊ ကျောင်းသား၊ကျောင်းသူများ ကျောင်း အပ်နှံပြီးစီးမှုအခြေအနေများ အခြေခံပညာကျောင်းများနှင့် စက်မှု၊စိုက်ပျိုးနှင့် မွေးမြူရေး အထက်တန်းကျောင်းများရှိ ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင် ကြားနိုင်ရေးအတွက် တာဝန်ရှိသူများအနေဖြင့် အလေးထားပူးပေါင်းဆောင်ရွက်သွားကြ ရန်လို အပ်ပါကြောင်း၊ မိမိတို့တိုင်းဒေသကြီး အစိုးရအဖွဲ့ထံသို့လည်း လိုအပ်ချက်များရှိပါက အချိန်နှင့် တပြေးညီ တင်ပြပေးသွားကြရန်လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပညာရေးမှူးရုံးမှ ညွှန်ကြားရေးမှူး ဦးစိုးသိုက်က တိုင်းဒေ သကြီးအတွင်းရှိ ခရိုင်/မြို့နယ်များ၌ အခြေခံပညာကျောင်းများ ဖွင့်လှစ်ထားရှိ မှုနှင့်ကျောင်း သား၊ကျောင်းသူများ ကျောင်းအပ်နှံပြီးစီးမှု အခြေအနေများအား Power Point ဖြင့် ရှင်းလင်းတင် ပြသည်။

ဆက်လက်ပြီး နာဂကိုင်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဌနှင့် တိုင်းဒေသ ကြီးအတွင်းရှိ ခရိုင်စီမံအုပ်ချုပ်ရေးအဖွဲ့ ဥက္ကဌများက မိမိတို့ခရိုင်အတွင်း ရှိမြို့နယ်များတွင် အခြေခံပညာကျောင်းများဖွင့်လှစ်နေမှု၊ ကျောင်းအပ်နှံပြီးစီးမှု၊ သင်ကြားရေးလုပ်ငန်းများ ဆောင် ရွက်နေမှုအခြေအနေများအား Video Conferencing စနစ်ဖြင့် ရှင်းလင်းတင်ပြကြပြီး မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက ခရိုင်အတွင်းရှိ မြို့နယ်များ၌ အခြေခံပညာကျောင်းများ ဖွင့်လှစ် ထားရှိမှုများနှင့် ကျောင်းသား၊ကျောင်းသူများ ကျောင်းအပ်နှံပြီးစီးမှုအခြေအနေများအား ရှင်း လင်းတင်ပြသည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက်လာသူ များမှ ၂၀၂၄-၂၀၂၅ ပညာသင်နှစ်၊ တိုင်းဒေသကြီးအတွင်း အခြေခံပညာကျောင်းများဖွင့်လှစ် ထားရှိမှုနှင့် ကျောင်းအပ်နှံပြီးစီးမှု အခြေအနေများနှင့် ပတ်သက်၍ လိုအပ်သည်များကို အထ ွေထွေဆွေးနွေးတင်ပြကြသည်။

ဆက်လက်၍ တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ ဇွန် ၃

စစ်ကိုင်းတိုင်းဒေသကြီး၊ အားကစားနှင့်ကာယပညာသိပ္ပံ(မုံရွာ) ၂၀၂၄-၂၀၂၅ ပညာသင် နှစ်၊ အားကစားနှင့်ပညာရေးပေါင်းစပ် သင်တန်းဖွင့်ပွဲအခမ်းအနားကို ဇွန်လ ၃ ရက်နေ့၊ နံနက် ပိုင်းက အဆိုပါကျောင်းရှိ မိုးလုံလေလုံအားကစားခန်းမတွင် ကျင်းပရာ အခမ်းအနားသို့ တိုင်း ဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ အားကစားနှင့်ကာယပညာသိပ္ပံ(မုံရွာ) ကျောင်းအုပ်ကြီး၊ နည်းပြဆရာ/ဆရာမများနှင့် သင်တန်းသား၊သင်တန်းသူများ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံ့အားကစားအဆင့် အတန်းတိုး တက်မြင့်မားရေးအတွက် အားကစားနှင့်ကာယပညာဦးစီးဌာန၊ အားကစား နှင့်ကာယပညာသိပ္ပံ ကျောင်းများအနေဖြင့် ဒေသအသီးသီးမှ ထူးချွန်ထက်မြက်သည့် မျိုးဆက်သစ်ရွက်ပုန်းသီး လူငယ်အားကစားသမားများရှာဖွေဖော်ထုတ်ပြီး လေ့ကျင့်ဆောင်ရွက်ပေးရာတွင် လူငယ်အားက စားသမားများ ရွေးချယ်ရေး၊အားကစားကွင်း/ရုံများတွင် လေ့ကျင့်ရေးနှင့်ပြိုင်ပွဲများတွင် ပါဝင် ယှဉ်ပြိုင်နိုင်ရေးလုပ်ငန်းများအား စနစ်တကျစီမံဆောင်ရွက်ဆောင်ရွက်သွားကြရန် လိုအပ်ပါ ကြောင်း၊ ယခုသင်တန်းတွင် စစ်ကိုင်းတိုင်းဒေသကြီးနှင့် ချင်းပြည်နယ်အတွင်းရှိမြို့နယ်အသီး သီးမှတိုင်းရင်းသားလူငယ်များ တက်ရောက်နေကြသည်ဖြစ်၍ တိုင်းရင်းသားအချင်းချင်း စည်း စည်းလုံးလုံးညီညီညွတ်ညွတ်ဖြင့် ပြည်ထောင်စုစိတ်ဓာတ် မွေးမြူနေထိုင်သွားကြရန် လိုအပ်ပါ ကြောင်း၊ အားကစားနှင့်ကာယပညာသိပ္ပံ(မုံရွာ)မှ ပညာရေးတွင်ထူးချွန်ပြီး အားကစားဖြင့် နိုင်ငံ့ ဂုဏ်ဆောင်နိုင်မည့် လူချွန်လူကောင်းများ ပေါ်ထွက်လာနိုင်ရေးအတွက် မိမိတို့တိုင်းဒေသကြီး အစိုးရအနေဖြင့်လည်း လိုအပ်သည်များအား ပံ့ပိုးကူညီဆောင်ရွက်ပေးသွားမည်ဖြစ်သကဲ့သို့ ကျောင်းအုပ်ကြီးအပါအဝင် အရာထမ်း/အမှုထမ်းများအားလုံးမှလည်း စွမ်းအားရှိသမျှဝိုင်းဝန်း လက်တွဲ ကြိုးပမ်းဆောင်ရွက်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က တိုင်းဒေသကြီး လူမှုရေးရာဝန်ကြီးထံ အား ကစားနှင့်ကာယပညာသိပ္ပံ(မုံရွာ)ကျောင်းအတွက် ထောက်ပံ့ငွေများအားပေးအပ်ပြီး ဂုဏ်ပြုမှတ်တမ်းလွှာအား ပြန်လည်ပေးအပ်ကာ တိုင်းဒေသကြီး လူမှုရေးရာဝန်ကြီးထံ အလှူရှင်များက ထောက်ပံ့ငွေများအားပေးအပ်ကြပြီး ဂုဏ်ပြုမှတ်တမ်းလွှာများ ပြန်လည်ပေးအပ်သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ အားကစားနှင့် ကာယပ ညာသိပ္ပံ(မုံရွာ)ကျောင်းမှ ကျောင်းသား၊ကျောင်းသူများ၏ တေးသီချင်းများဖြင့် သီဆိုကပြဖြေ ဖျော်မှုများအား ကြည့်ရှုအားပေးကြပြီး ကျောင်းသား၊ကျောင်းသူများနှင့် စုပေါင်းမှတ်တမ်းတင် ဓါတ်ပုံရိုက်ကူးကာ ခန်းမအတွင်းခင်းကျင်းပြသထားသည့်အား ကစားသင်ထောက်ကူပစ္စည်း များ၊ ကျောင်းသား၊ကျောင်းသူများ၏ အသုံးအဆောင်ပစ္စည်းများနှင့် ကျောင်း၏လှုပ်ရှားမှုမှတ် တမ်းဓါတ်ပုံများအား လိုက်လံကြည့်ရှုစစ်ဆေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝနှ်ရှိသူများသည် အဆိုပါ ကျောင်းဝန်း အတွင်းရှိ အားကစားရုံများတွင် ကျောင်းသား၊ကျောင်းသူများ၏ ကရာတေးဒို၊ Gym၊ အလေးမနှင့် လက်ဝှေ့အားကစားနည်းများ လေ့ကျင့်နေမှုများနှင့် ကျောင်းစာကြည့်တိုက်အတွင်း လိုက်လံ ကြည့်ရှုစစ်ဆေးခဲ့ကြပြီး ကျောင်း၏လေ့ကျင့်သင်ကြားရေးလုပ်ငန်းများအတွက် လိုအပ်သည် များကို တာဝနှ်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းရှိ စားရိပ် သာဆောင်၌ ကျောင်းအုပ်ကြီးနှင့် နည်းပြဆရာ/ဆရာမများ၊ ဝန်ထမ်းများ၊ ကျောင်းသား/ ကျောင်းသူများနှင့်အတူရင်းရင်းနှီးနှီး နေ့လယ်စာအတူတကွ သုံးဆောင်ခဲ့ကြောင်း သိရသည်။