မုံရွာ၊ ဧပြီ ၃

စစ်ကိုင်းတိုင်းဒေသကြီး ၂၀၂၄-၂၀၂၅ ဘဏ္ဍာရေးနှစ်၊ ပြည်ထောင်စု၏ ဘဏ္ဍာငွေအရ အသုံးဆိုင်ရာဥပဒေအရ လုပ်ပိုင်ခွင့်အပ်နှင်းထားသည့် ရငွေသုံးငွေများနှင့်စပ်လျဉ်း၍ ရှင်းလင်း မှာကြားခြင်း အခမ်းအနားကို ဧပြီလ ၃ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရအဖွဲ့ အနေဖြင့် ဘဏ္ဍာငွေအရအသုံးဆိုင်ရာကိစ္စရပ်များအား အဆင်ပြေချောမွေ့စွာ အကောင်အထည် ဖော်ဆောင်ရွက်နိုင်ရန် နိုင်ငံတော်စီမံအုပ်ချုပ်ရေးကောင်စီမှ အတည်ပြုပြဋ္ဌာန်းထားသည့် အတိုင်း ရငွေများအားရည်မှန်းထားသည့်ထက် လျော့နည်းခြင်းမရှိစေရုံသာမက ပိုမိုရရှိရန် စီမံ စည်းကြပ်ကောက်ခံသွားရန်နှင့် သုံးငွေများအား ရည်မှန်းသည်ထက် ပိုမိုသုံးစွဲခြင်းမပြုကြဘဲ ခြိုးခြံချွေတာသုံးစွဲကြရန် လိုအပ်ပါကြောင်း၊ ရငွေ၊သုံးငွေများအတွက် ပြဋ္ဌာန်းထားသည့် ဥပဒေ များ၊ နည်းဥပဒေများ၊ စည်းမျည်း၊ စည်းကမ်း၊ အမိန့်ညွှန်ကြားချက်များ၊ လုပ်ထုံးလုပ်နည်းများ အညီ တာဝန်ရှိသူများမှ အလေးထားဆောင်ရွက်သွားကြရန် လိုအပ်ပါကြောင်း၊ ပြည်သူ လူထုအား တိုက်ရိုက်အကျိုးပြုသည့် လမ်း၊တံတားတည်ဆောက်ခြင်း၊ လျှပ်စစ်မီး ရရှိရေးတို့အတွက် ပိုမိုလျာထားဆောင်ရွက်နိုင်ရန်အတွက် ရငွေများအားပိုမို ရရှိစေရန် ကြိုးပမ်း ဆောင်ရွက်သွားကြရန်နှင့် အသုံးစရိတ်အား ခြိုးခြံချွေတာသုံးစွဲခြင်းဖြင့် အမှန်အခြေအနေတွင် ပြည်ထောင်စုမှထောက်ပံ့ရသည့် လိုငွေဖြည့်ဆည်းမှု လျော့နည်းသွားမည် ဖြစ်ပါကြောင်း၊ စစ်ကိုင်းတိုင်းဒေသကြီး၏ ၂၀၂၄-၂၀၂၅ ဘဏ္ဍာရေးနှစ်၊ ဒေသန္တရစီမံကိန်းဥပဒေအရ ခွင့်ပြုထား သည့် လုပ်ငန်းစီမံကိန်းနှင့်လုပ်ငန်းများအား အောင်မြင်စွာအကောင်အထည်ဖော်ခြင်းဖြင့် တိုင်း ဒေသကြီးအတွင်း အလုပ်အကိုင်အခွင့်အလမ်းများ ပေါများလာစေပြီး လူတစ်ဦးချင်းဝင်ငွေများ တိုးတက်ရရှိကာ ဒေသစီးပွားရေးအခြေအနေအား အဖက်ဖက်မှ ဖွံ့ဖြိုးတိုးတက်လာမည်ဖြစ်သဖြင့် တာဝန်ရှိသည့်ဌာနဆိုင်ရာများအားလုံးက ဝိုင်းဝန်းကြိုးပမ်းသွား ဆောင်ရွက်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ၂၀၂၄-၂၀၂၅ ဘဏ္ဍာ ရေးနှစ်၊ ပြည်ထောင်စု၏ဘဏ္ဍာငွေ အရအသုံးဆိုင်ရာဥပဒေအရ လုပ်ပိုင်ခွင့်အပ်နှင်းထားသည့် ရငွေသုံးငွေများနှင့်စပ်လျဉ်း၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီးအဆင့်ဌာနဆိုင်ရာများမှ မိမိတို့ဌာနများအလိုက် ၂၀၂၄-၂၀၂၅ ဘဏ္ဍာရေးနှစ်အတွင်း ရငွေများအား စီမံစည်းကြပ်ကောက်ခံသွားမည့် အခြေအနေများနှင့် ရငွေ၊သုံးငွေများအား ပြဌာန်းထားသည့် လုပ်ထုံးလုပ်နည်းများနှင့် အညီစနစ်တကျစီမံ ဆောင်ရွက်ထားရှိမှု လုပ်ငန်းအခြေအနေများအား Power Point ဖြင့် အသီးသီးရှင်း လင်းဆွေးနွေး တင်ပြကြသည်။

ဆက်လက်၍ တိုင်းဒေသကြီး အစိုးရ အဖွဲ့ဝင်များက မိမိတို့သက်ဆိုင်ရာဝန်ကြီးဌာနများ အောက်ရှိ ဌာနဆိုင်ရာများ၏ ရငွေများရည်မှန်းထားသည့်ထက် လျော့နည်းမသွားအောင် ဆောင်ရွက်သွားရေးနှင့် အသုံးစရိတ်များအား စနစ်တကျစီမံဆောင်ရွက်ကာ ခြိုးခြံချွေတာသုံးစွဲ သွားရေးနှင့် ဆောင်ရွက်မည့်အစီအမံများကို အကြံပြုဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ၊ ဧပြီ ၂

စစ်ကိုင်းတိုင်းဒေသကြီးအတွင်းရှိ ကျေးလက်ဒေသနေပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေး (တတိယအကြိမ်) လုပ်ငန်းညှိနှိုင်း အစည်းအဝေးကို ဧပြီလ ၂ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ဒေသ၊ ကလေးခရိုင်၊ ကသာခရိုင်၊ ခန္တီးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ ကျေးလက် ဒေသနေပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေးလုပ်ငန်းများ ရည်ရွယ်ချက်များအတိုင်း အောင်မြင်စေရေးအတွက် ကော်မတီအဖွဲ့ဝင်အားလုံးမှ ဝိုင်းဝန်းကြိုးပမ်းဆောင်ရွက်ပေးသွားကြရန် လိုအပ်ပါကြောင်း၊ တာဝန်ရှိသူများအနေဖြင့် စာသင်ဝိုင်းများသို့ အခါအားလျော်စွာ သွားရောက်ကြည့်ရှုအားပေးပြီး လိုအပ်ချက်များကို ပေါင်းစပ်ဆောင်ရွက်ပေးခြင်းများဆောင်ရွက်သွားကြရန် လိုအပ်ပါကြောင်း၊ စာသင်ဝိုင်းများတွင်အသုံးပြုမည့် စာရေးကိရိ ယာများ၊ ပုံနှိပ်စာအုပ်များနှင့် ဗလာစာအုပ်များ၊ သင်ထောက်ကူပစ္စည်းများအား သက်ဆိုင်ရာ မြို့နယ်များသို့ အချိန်မီရောက်ရှိရေး တာဝန်ရှိသူများမှ အလေးထားဆောင်ရွက်သွားကြရန် လိုအပ်ပါကြောင်း၊ ပညာခေတ်တွင် ကျေးလက်နေပြည်သူများ၊ တိုင်းရင်းသားပြည်သူများ၏ ပညာရည်မြင့် မားရေးအား ဦးစားပေးဆောင်ရွက်သွားရန်လိုအပ်ပြီး ရပ်ကွက်အတွင်းရှိ စာမတက်သူများ၊ ကျောင်းမနေဖူးသူများအား စာသင်ကြားနိုင်ရေးအတွက် စာသင်သားများစာရင်းနှင့် စာသင်ဝိုင်းစု ဖွဲ့စာရင်းများ ကောက်ယူ၍ စေတနာ့လုပ်အားပေး နည်းပြစာရင်းများ ကောက်ယူခြင်းတို့အား အချိန်နှင့်တစ်ပြေးညီ ဆောင်ရွက်သွားကြရန်လိုအပ်ပြီး သင်ကြားရေးအစီအစဉ်များ အဆင်ပြေ ချောမွေ့စွာဖြင့် အကောင်အထည်ဖော် ဆောင်ရွက်နိုင်ရေးအတွက် အမျိုးသားရေးတာဝန် တစ်ရပ်အနေဖြင့်ကျရာ အခန်းကဏ္ဍမှ ကြိုးပမ်းဆောင်ရွက်ပေးသွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ပညာရေးမှူးက တိုင်းဒေသကြီးအတွင်းရှိ မြို့နယ်များတွင် ကျေးလက်ဒေသနေပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေးလုပ်ငန်းများ ဆောင်ရွက်ထားရှိမှုများနှင့် ဆက်လက်ဆောင်ရွက်သွားမည့်လုပ်ငန်းများအား ရှင်းလင်း ဆွေးနွေး တင်ပြသည်။

ဆက်လက်ပြီး တိုင်းဒေသကြီး ကျေးလက်ဒေသနေပြည်သူများနှင့် တိုင်းရင်းသားပြည် သူများ အခြေခံစာတတ်မြောက်ရေး လုပ်ငန်းကြီးကြပ်မှုကော်မတီ အဖွဲ့ဝင်များက မိမိတို့ကဏ္ဍ များအလိုက် လုပ်ငန်းများဆောင်ရွက်နေမှုများနှင့် ပေါင်းစပ်ဆောင်ရွက်သွားမည့် လုပ်ငန်းအခြေ အနေများအား ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ ခရိုင်စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များအတွင်း ကျေးလက်ဒေသနေ ပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေးလုပ်ငန်းများ ဆောင်ရွက် ထားရှိမှုများအားလည်းကောင်း၊ မုံရွာခရိုင်စီမံအုပ်ချုပ်ရေးအဖွဲ့ ဥက္ကဋ္ဌက ခရိုင်အတွင်း ကျေး လက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာတတ်မြောက်ရေး လုပ်ငန်းများဆောင်ရွက်နေမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြကြ သည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့တက် ရောက်လာသူ များက တိုင်းဒေသကြီးအတွင်း ကျေးလက်ဒေသနေပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေးလုပ်ငန်းများနှင့် ပတ်သက်၍ အထွေထွေ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့ တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ၊ ဧပြီ ၁

စစ်ကိုင်းတိုင်းဒေသကြီး ပြည်သူ့စစ်မှုထမ်းဆင့်ခေါ်ရေးအဖွဲ့ (တတိယအကြိမ်) လုပ်ငန်း ညှိနှိုင်း အစည်းအဝေးကို ဧပြီလ ၁ ရက်နေ့၊ မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင် ပြည်သူ့စစ်မှုထမ်းဆင့်ခေါ်ရေး အဖွဲ့ဝင် များနှင့် တာဝန်ရှိသူများ တက်ရောက်ကြပြီး တိုင်းဒေသကြီးအတွင်းရှိ ကလေးခရိုင်၊ ကသာခရိုင် စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဋ္ဌများမှ Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ ခရိုင်/ မြို့နယ်များမှ တာဝန်ရှိသူများအနေဖြင့် ပြည်သူ့စစ်မှုထမ်းဥပဒေအရ အကြုံးဝင်သည့် အချက် အလက်နှင့်ကိုက်ညီသော အင်အားများအတိုင်း သင်တန်းတက်ရောက်မည့်သူများအား ရွေးချယ် စေလွှတ်ပေးနိုင်ရေးအား Time Frame အတိုင်း ဆောင်ရွက်သွားကြရန် လိုအပ်ပါကြောင်း၊ ပြည်သူ့စစ်မှုထမ်းဆင့်ခေါ်ရေး အဖွဲ့ဝင်များမှလည်း လုပ်ငန်းတာဝန်များအား အောင်မြင်အောင် ကြိုးပမ်းဆောင်ရွက်သွားကြရန် လိုအပ်ပါကြောင်း၊ ပြည်သူ့စစ်မှုထမ်း နည်းဥပဒေနှင့်ပတ်သက်ပြီး ပြည်သူလူထုအတွင်း ကျယ်ကျယ်ပြန့်ပြန့် သိရှိနားလည်အောင် ကြိုးပမ်းဆောင်ရွက်ကာ ပြည်သူ့စစ်မှုထမ်းများအား သက်မှတ်အရေအတွက်အတိုင်း အချိန်မီစုဆောင်းရရှိရေး ကြိုးပမ်း ဆောင်ရွက်သွားကြရန်နှင့် သင်တန်းတက်ရောက်ရာတွင်လည်း နွေးထွေးပျူဌာစွာဖြင့် ကြိုဆို လက်ခံကာ နေထိုင်စားသောက်ရေးမှအစ လိုအပ်ချက်များမရှိအောင် တာဝန်ရှိသူများမှ ဆောင် ရွက်ပေးသွားကြရန် ပြောကြားခဲ့သည်။

ယင်းနောက် ပြည်သူ့စစ်မှုထမ်းဆင့်ခေါ်ရေးအဖွဲ့ အဖွဲ့ဝင်၊ တိုင်းဒေသကြီး လူမှုရေးရာ ဝန်ကြီး ဦးညွှန့်ဝင်းအောင်က ပြည်သူ့စစ်မှုထမ်းဥပဒေဆိုင်ရာများဖြစ်သည့် ပြည်သူ့စစ်မှုထမ်း ဥပဒေရည်ရွယ်ချက်၊ ခံစားခွင့်များ၊ ပြည်သူ့စစ်မှုထမ်းဆောင်ခြင်းမှ ကင်းလွတ်ခြင်း၊ ယာယီရွေ့ ဆိုင်းနိုင်သည့် ပုဂ္ဂိုလ်များ၊ ပြစ်မှုနှင့်ပြစ်ဒဏ်များအား Power Point ဖြင့် ရှင်းလင်းတင်ပြသည်။

ဆက်လက်ပြီး တိုင်းဒေသကြီးအတွင်းရှိ ခရိုင်စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် မိမိတို့ ခရိုင်/မြို့နယ်များအတွင်းရှိ ပြည်သူ့စစ်မှုထမ်းဆင့်ခေါ်ရေး စာရင်း ကောက်ယူရေး လုပ်ငန်းများဆောင်ရွက်နေမှုများနှင့် ဆက်လက်ဆောင်ရွက်သွားမည့် လုပ်ငန်း အခြေအနေများအား လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌက ခရိုင်အတွင်း ပြည်သူ့စစ်မှုထမ်းဆင့်ခေါ်ရေး လုပ်ငန်းများဆောင်ရွက်နေမှုအခြေအနေများနှင့် ပတ်သက်၍ အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး/ခရိုင် ပြည်သူ့စစ်မှုထမ်းဆင့်ခေါ်ရေးအဖွဲ့ဝင်များက တိုင်းဒေသကြီးအတွင်းရှိ ခရိုင်/မြို့နယ်များ၌ မိမိတို့ဌာနများအလိုက် ပြည်သူ့စစ်မှုထမ်း ဆင့်ခေါ်ရေး စာရင်းကောက်ယူရေးလုပ်ငန်းများ ဆောင်ရွက်နေမှုနှင့် ဆောင်ရွက်နေသည့် လုပ်ငန်းအခြေအနေများအား ရှင်းလင်းဆွေးနွေးတင်ပြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့တက် ရောက်လာသူ များမှ တိုင်းဒေသကြီးအတွင်း ပြည်သူ့စစ်မှုထမ်းဆင့်ခေါ်ရေး လုပ်ငန်များဆောင်ရွက်နေမှု အခြေ အနေများနှင့် ပတ်သက်၍ အထွေထွေ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားခဲ့ကြောင်း သိရသည်။

မုံရွာ၊ မတ် ၃၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌများနှင့် တာဝန်ရှိသူများလိုက်ပါလျက် ယမန်နေ့၊ နံနက်ပိုင်းတွင် မုံရွာမြို့၊ မြို့သစ်ရပ်ကွက်ရှိ အားသစ်လမ်းနိုင်လွန်ကတ္တရာလမ်းခင်းခြင်း လုပ်ငန်းခွင်သို့ရောက်ရှိရာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က အရှည် ၂၅၀၀ ပေ၊ အကျယ် ၁၈ ပေ၊ ၃ လက်မခွဲထု နိုင်လွန်ကတ္တရာလမ်း ခင်းကျင်းနေမှုနှင့် မုံရွာမြို့အတွင်းရှိ ရပ်ကွက်လမ်းများ၌ နိုင်လွန်ကတ္တရာလမ်း ခင်းခြင်းလုပ်ငန်းများဆောင်ရွက်သွားမည့် လုပ်ငန်းအခြေအနေများအား ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က မုံရွာမြို့အတွင်းရှိ ရပ်ကွက်လမ်းများ၌ နိုင် လွန်ကတ္တရာလမ်း ခင်းခြင်းလုပ်ငန်းများ ဆောင်ရွက်သွားမည့် လုပ်ငန်းအခြေအနေများနှင့် ပတ် သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မြို့သစ်ရပ်ကွက်ရှိ ထင်းရှူးလမ်း အရှည် ၂၅၀၀ ပေ၊ အကျယ် ၁၈ ပေ၊ ၃ လက်မခွဲထု နိုင်လွန်ကတ္တရာလမ်း ခင်းကျင်းပြီးစီးမှုအား တာဝန်ရှိသူများနှင့်အတူ ဖြတ်သန်းကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့ပေါ်ရှိ ရပ်ကွက် နေပြည်သူများ စိတ်အေးချမ်းသာစွာဖြင့် နေထိုင်သွားလာနိုင်စေရေး၊ ရပ်ကွက်များအတွင်းရှိ လမ်းများအား သန့်ရှင်းသပ်ရပ်စေရေးနှင့် သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်း ခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်း မွန်စေရေးအတွက် မုံရွာမြို့၊ မြို့သစ်ရပ်ကွက်၊ မဂ်လာလမ်း လမ်းဘေးဝဲ/ယာများအား တပ်မတော်သားများ၊ မြန်မာ နိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများ၊ စည်ပင်သာယာရေးအဖွဲ့ များနှင့် လူမူရေးအသင်းအဖွဲ့များနှင့် ဌာနဆိုင်ရာဝန်ထမ်းများနှင့် ရပ်ကွက်နေပြည်သူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်နေမှုအား ကြည့်ရှုစစ်ဆေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းသန့်ရှင်းရေး လုပ်ငန်းများ ဆောင်ရွက်နေသူများ၊ ဌာနဆိုင်ရာဝန်ထမ်းများနှင့် ရပ်ကွက်နေပြည်သူများအား စားသုံးဆီများနှင့် တန်ဖိုးသင့်စားသောက်ကုန်များ၊ ဟင်းသီးဟင်းရွက်များအား ဈေးနှုန်းသက်သာစွာဖြင့် ရောင်းချပေးနေမှုအား ကြည့်ရှုစစ်ဆေးခဲ့ကြပြီး ရပ်ကွက်နေပြည်သူများအား ရင်းရင်း နှီးနှီးနှုတ်ဆက်ကာ စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူများနှင့် ရပ်ကွက်နေ ပြည်သူများအား စားသောက်ဖွယ်ရာများဖြင့် ဧည့်ခံကျွေးမွေးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၂ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၃၀၀ ကျော်ဖြင့် မြို့သန့်ရှင်းသာယာလှပရေးလုပ်ငန်းများကို စုပေါင်းဆောင်ရွက်ခဲ့ကြောင်း သိရ သည်။

မုံရွာ၊ မတ် ၃၀

စစ်ကိုင်းတိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီ (၃/၂၀၂၄) အစည်းအဝေးကို ယမန်နေ့၊ မွန်းလွဲပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ ဒေသဆိုင်ရာခရီးသွားလုပ်ငန်းကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ ဒုတိယဥက္ကဋ္ဌ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ခရီးသွားလုပ်ငန်းကော်မတီ အတွင်းရေးမှူးနှင့်အဖွဲ့ဝင်များ၊ ဟိုတယ်/တည်းခို ရိပ်သာလုပ်ငန်းရှင်များ တက်ရောက်ကြသည်။

ဦးစွာ ဒေသဆိုင်ရာခရီးသွားလုပ်ငန်းကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး၏ ခရီးသွားလုပ်ငန်း ဖွံ့ဖြိုးတိုးတက်ရေးအတွက် ကော်မ တီဝင်ဌာနဆိုင်ရာများ၊ ပုဂ္ဂလိကလုပ်ငန်းရှင်များနှင့် အခုလိုလစဉ်အစည်းအဝေးများ ပြုလုပ်ရ ခြင်းဖြစ်ပါကြောင်း၊ တိုင်းဒေသကြီး၏ ခရီးသွားလုပ်ငန်းများအား လေ့လာသုံးသပ် ကြည့်သည့် အခါ စစ်ကိုင်းခရီးသွားဇုန်သည် ပြည်တွင်းခရီးသွားနှင့် နိုင်ငံခြားသားပြည်ပဧည့်သည်များပါ အဆက်မပြတ် ဝင်ရောက်သည်ကို တွေ့ရှိရသည့်အတွက် အဆင်ပြေအချော မွေ့ဆုံးအအောင် မြင်ဆုံး ခရီးသွားဇုန်တစ်ခု ဖြစ်ပါကြောင်း၊ စစ်ကိုင်းမြို့ပေါ်ရှိ လိုင်စင်ရရှိပြီး ဟိုတယ်၊တည်းခို ရိပ်သာများအားလုံး ဖွင့်လှစ်ထားနိုင်သကဲ့သို့ လုပ်ငန်းလိုင်စင်အသစ်အ တွက်လျှောက်ထားလာ သည်ကိုလည်း တွေ့ရပါကြောင်း၊ လျှောက်ထားလာသည့် လိုင်စင်များအတွက် လိုအပ်ချက်များ အား လွယ်ကူချောမောအောင် ဟိုတယ်ခရီးနှင့်ထောက်ခံရမည့် ဌာနဆိုင်ရာများအနေဖြင့် အမြန် ကူညီဆောင်ရွက်ပေးသွားကြရန် လိုအပ်ပါကြောင်း၊ မိမိတို့ တိုင်းဒေသကြီးအနေဖြင့်လည်း ဟိုတယ်၊တည်းခိုရိပ်သာများ၏ ဝန်ဆောင်မှု ကောင်းမွန်ရေး၊ ခရီးစဉ်ဒေသအလိုက် လိုအပ်ချက်များအား ဖြည့်ဆည်းပေးကာ ရေရှည်တည် တံ့သည့် ခရီးသွားလုပ်ငန်းများ ဖြစ်စေရေးအတွက် အကောင်အထည်ဖော် ဆောင် ရွက်ပေး လျက်ရှိပါကြောင်း၊ တိုင်းဒေသကြီးအတွင်းရှိ ဘုရားဖူးခရီးသွားလုပ်ငန်း၊ ယဉ်ကျေးမှုအခြေခံ ခရီး သွားလုပ်ငန်း၊ သဘာဝအခြေခံခရီးသွားလုပ်ငန်းများနှင့် အခြားခရီးသွားလုပ် ငန်းအမျိုးအစား များစွာ ဖော်ဆောင်နိုင်သည်ကို တွေ့ရှိရပါကြောင်း၊ ပြည်တွင်းခရီးသွား ဖွံ့ဖြိုးတိုးတက်ရေး
အတွက် အားထည့်ဆောင်ရွက်နေသကဲ့သို့ ပြည်ပခရီးသွားဧည့်သည်များ ပိုမိုလာရောက်လည် ပတ်ရေးအတွက်လည်း ဈေးကွက်မြှင့်တင်ကြော်ငြာခြင်း လုပ်ငန်းများအား အွန်လိုင်းမီဒီယာများ မှတစ်ဆင့် ကျယ်ပြန့်စွာဆောင်ရွက်ကြရမှာ ဖြစ်ပါကြောင်း၊ တိုင်းဒေသကြီးအတွင်း ခရီးသွား လုပ်ငန်းဖွံ့ဖြိုးတိုးတက်ရေး ခရီးသွားပြည်သူများ စိတ်အေးချမ်းသာစွာ တည်းခိုနေထိုင်ရေးတို့ အတွက် ကော်မတီအဖွဲ့ဝင်များနှင့် ဟိုတယ်/တည်းခိုရိပ်သာ များမှလုပ်ငန်းရှင်များက ဝိုင်းဝန်းပူးပေါင်း ဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ဒေသဆိုင်ရာခရီးသွားလုပ်ငန်းကော်မတီ ဒုတိယဥက္ကဋ္ဌ၊ တိုင်းဒေသကြီး စီးပွားရေးရာ ဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ်ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွားလုပ်ငန်း ကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ ၂/၂၀၂၄ ကြိမ်မြောက် အစည်းအဝေးဆုံးဖြတ်ချက်များအပေါ် ဆောင်ရွက်ထားရှိမှုနှင့် ဆောင်ရွက်ဆဲအခြေအနေများ၊ ယခုအစည်းအဝေးတွင် ဆုံးဖြတ်အတည် ပြုပေးရမည့် ကိစ္စရပ်များနှင့် တိုင်းဒေသကြီးအတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်းတင်ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များနှင့် ဟိုတယ်/တည်းခိုရိပ်သာ လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီးသွား လုပ်ငန်းဆိုင်ရာကိစ္စရပ်များ၊ ခရီးသွားဝင်ရောက်မှု၊ ခရီးသွားဒေသများပတ်ဝန်းကျင်များတွင် သန့်ရှင်းသာယာလှပရေး လုပ်ငန်းများဆောင်ရွက်နေမှု၊ လမ်းပန်း ဆက်သွယ်ရေး၊ လုံခြုံရေး အခြေအနေများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် ဒေသဆိုင်ရာခရီးသွားလုပ်ငန်းကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ်က အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ၊ မတ် ၂၈

(၇၉)နှစ်မြောက်၊ တပ်မတော်နေ့အထိမ်းအမှတ် စစ်ကိုင်းတိုင်းဒေသကြီးအတွင်း အဓိက သီးနှံများပန်းတိုင်အထွက်နှုန်းရရှိရေး ဆွေးနွေးပွဲနှင့် ပြပွဲအခမ်းအနားကို မတ်လ ၂၇ ရက်၊ နံနက် ပိုင်းတွင် မုံရွာမြို့၊ စစ်ကိုင်းတိုင်းဒေသကြီး စိုက်ပျိုးရေးဦးစီးဌာနရုံး သင်တန်းခန်းမတွင် ကျင်းပ ရာအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် ဒေသခံတောင်သူများ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းတိုင်းဒေသကြီးသည် ရေသယံဇာတ၊ မြေသယံဇာတ ပေါကြွယ်ဝပြီး လယ်ယာကဏ္ဍ ဖွံ့ဖြိုးတိုးတက်မှုအတွက် အခြေခံကောင်းများ တည်ရှိနေသည့် တိုင်းဒေသကြီးတစ်ခုဖြစ်ပြီး ပြည်နယ်နှင့် တိုင်းအားလုံး တွင် ဒုတိယအကျယ်ဆုံး တိုင်းဒေသကြီး ဖြစ်ပါကြောင်း၊ လယ်ယာစိုက်ပျိုးရေးကဏ္ဍ အနေဖြင့် လည်း သီးနှံမျိုးစုံဖြစ်ထွန်းရာ တိုင်းဒေသကြီးတစ်ခုဖြစ်တာကြောင့် စိုက်ပျိုးရေးကဏ္ဍတွင် လည်း အားထားရသည့် တိုင်းဒေသကြီး ဖြစ်ပါကြောင်း၊ တိုင်းဒေသကြီးအတွင်း အဓိကစိုက်ပျိုး ထုတ်လုပ်လျှက်ရှိသည့် စပါး၊ ပဲမျိုးစုံနှင့် ဆီထွက်သီးနှံများ၏ စိုက်ပျိုးထုတ်လုပ်မှု တိုးတက်ရေး ကြိုးစားဆောင် ရွက်နေသကဲ့သို့ မြန်မာနိုင်ငံ၏ အဓိကသီးနှံ(၁၀)မျိုးတွင် ပါဝင်သည့် ဝါသီးနှံ စိုက်ပျိုးထုတ်လုပ်မှု တိုးတက်မြင့်မားရေးကိုလည်း အလေးထား ဆောင်ရွက်လျက် ရှိပါကြောင်း၊ မိမိတို့ တိုင်းဒေသကြီးအစိုးရအဖွဲ့ အနေဖြင့်လည်း သီးနှံမျိုးစုံစိုက်ပျိုးနိုင်ရေးအတွက် ရေလိုအပ်ချက်အား လုံလောက်စွာ ဖြည့်ဆည်းပေးနိုင်ရေး ဆည်မြောင်းတာတမံများ တည် ဆောက်ပေးခြင်း၊ ယခင်သမားရိုးကျ စိုက်ပျိုးနေသည့် လက်မှုလယ်ယာစနစ်မှ စက်မှုလယ်ယာ စနစ်ပြောင်းလဲနိုင်ရေး ခေတ်မီစက်ကိရိယာများ ဖြည့်ဆည်းဆောင်ရွက်ပေးခြင်း၊ သီးနှံအလိုက် မျိုးကောင်း၊မျိုးသန့်များ အသုံးပြုစိုက်ပျိုး နိုင်ရေးအထွက်နှုန်းကောင်းမွန်သည့် မျိုးများဖြန့် ဖြူးခြင်း၊ တောင်သူများလိုအပ်သည့် စိုက်ပျိုးရေးသွင်းအားစုများ လွယ်ကူစွာရရှိသုံးစွဲနိုင်ရေး ကူညီပေးခြင်း၊ ယခင်တစ်သီးစား မှသည် ယခုအခါနှစ်သီးစား၊ သုံးသီးစားအထိ စိုက်ပျိုးနိုင်ရေး ဆောင်ရွက်ပေးခြင်းစသည့် ကဏ္ဍများကိုလည်း စွမ်းအားရှိသ၍ ဖြည့်ဆည်း ဆောင်ရွက်ပေး လျက်ရှိပါကြောင်း၊ တိုင်းဒေသကြီး၏ စိုက်ပျိုးရေးစွမ်းအားမြှင့်တင်ရေးနှင့် စားရေရိက္ခာဖူလုံရေး အတွက် သီးနှံများပန်းတိုင်အထွက်နှုန်းရရှိရေး၊ စိုက်ဧကလျာထားချက်များ ပြည့်မီရေးအတွက် တက်ရောက်လာသည့်ဌာနများမှ ဟန်ချက်ညီညီဝိုင်းဝန်းပူးပေါင်း ကူညီဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူးက အဓိကသီးနှံ များပန်းတိုင်အထွက်နှုန်းရရှိရေး ဆွေးနွေးပွဲ၊ ပြပွဲအခမ်းအနား ကျင်းပရခြင်းနှင့် ပတ်သက်၍ လည်းကောင်း၊ တိုင်းဒေသကြီး စက်မှုလယ်ယာဦးစီးဌာန၊ ညွှန်ကြားရေးမှူးက Drum Seeder များ ထောက်ပံ့ပေးအပ်ရခြင်းအား လည်းကောင်း၊ တိုင်းဒေသကြီး စားသုံးသူရေးရာဦးစီးဌာနမှ ဒုတိယညွှန်ကြားရေးမှူးက မြန်မာ့ဆန်ပို့ကုန်ပိုမိုတိုးမြှင့် တင်ပို့နိုင်ရေးအား လည်းကောင်း၊ ကော လင်းခရိုင်၊ စိုက်ပျိုရေးဦးစီးမှူးက ဆီထွက်သီးနှံ ပန်းတိုင်အထွက်နှုန်းရရှိရေးအား လည်းကောင်း၊ စိုက်ပျိုးရေးပညာရှင် ဦးအေးပိုက ပဲမျိုးစုံပန်းတိုင်အထွက်နှုန်းရရှိရေး အခြေခံလိုအပ်ချက်များ အားလည်းကောင်း၊ တိုင်းဒေသကြီး စိုက်ပျိုရေးဦးစီးဌာနမှ လက်ထောက်ညွှန်ကြားရေးမှူးက တောင်သူနည်းပြပညာပေးမှုမြှင့်တင်ရေး မီဒီယာ၏အခန်းကဏ္ဍအား လည်းကောင်း အသီးသီး ရှင်းလင်း ဆွေးနွေးပြောကြားခဲ့ပြီး အခမ်းအနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးဝန်း အတွင်း ကျင်းပပြုလုပ်သော မုံရွာခရိုင်နှင့် ယင်းမာပင်ခရိုင်သို့ Drum Seeder များ ထောက်ပံ့ပေး အပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က မုံရွာမြို့နယ်၊ စိုက်ပျိုးရေးဦးစီးမှူးထံ Drum Seeder ၄၀ လက်အား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးမှ ဘုတလင် မြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက်အား လည်းကောင်း၊ တိုင်းဒေသကြီး စီးပွားရေးရာဝန်ကြီးက အရာတော်မြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက် အားလည်းကောင်း၊ တိုင်းဒေသကြီး သယံဇာတရေးရာဝန်ကြီးက ချောင်းဦးမြို့နယ်၊ စိုက်ပျိုးရေး ဦးစီးမှူးထံ Drum Seeder ၂၀ လက်အား လည်းကောင်း၊ တိုင်းဒေသကြီး လမ်းပန်းဆက်သွယ် ရေးဝန်ကြီးက ယင်းမာပင်မြို့နယ်၊ စိုက်ပျိုးရေးဦးစီးမှူးထံ Drum Seeder ၄၀ လက်အား လည်းကောင်း၊ တိုင်းဒေသကြီး လူမှုရေးရာဝန်ကြီးက ပုလဲမြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက်အား လည်းကောင်း၊ တိုင်းဒေသကြီး ဉပဒေချုပ်က ဆားလင်းကြီး မြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက်အား လည်းကောင်း၊ တိုင်းဒေသကြီး အစိုးရအဖွဲ့ အတွင်းရေးမှူးက ကနီမြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက် အားလည်းကောင်း အသီးသီး ထောက်ပံ့ပေးအပ်ခဲ့ကြပြီး တိုင်းဒေသကြီးတစ်ခုလုံးအနေဖြင့် Drum Seeder အလက် ၂၀၀၀ (နှစ်ထောင်)ထောက်ပံ့ပေးအပ်သွားမည် ဖြစ်သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကြက်သွန်နီအထူး ဇုန်နှင့် စံပြစိုက်ခင်းစိုက်ပျိုးတောင်သူများအား ပံ့ပိုးပစ္စည်းပေးအပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက ဒေသခံ တောင်များထံ ရွက်ဖျန်းမြေဩဇာ၊ ဝါမျိုးစေ့၊ နေကြာမျိုးစေ့များ ထောက်ပံ့ပေးအပ်ခဲ့ကြပြီး ဒေသ ခံတောင်သူများအား ရင်းရင်းနှီးနှီးလိုက်လံနှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန၊ ဆည်မြောင်းနှင့်ရေအသုံးချမှုစီမံခန့်ခြွရေးဦးစီးဌာန ပြခန်း၊ မွေးမြူရေးနှင့်ကုသရေးဦးစီးဌာန ပြခန်း၊ ငါးလုပ်ငန်းဦးစီးဌာန ပြခန်းများ၊ တိုင်းဒေသကြီး စက်မှု လယ်ယာဦးစီးဌာနမှ လက်တွန်းထွန်စက်၊ လက်တွန်းမြေဖွစက်များနှင့် မြေလွှာမဲ့စိုက်ပျိုးနည်း စနစ် (Hydroponic)၊ ပျိုးဥယျာဉ် (Nursery Farm)၊ဟင်းသီးဟင်းရွက်၊ သစ်သီးဝလံနှင့် စားဖို ဆောင်သီးနှံများ စိုက်ပျိုးထားရှိမှုများအား လိုက်လံကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။