မုံရွာ၊ ဖေဖော်ဝါရီ ၂၂

စစ်ကိုင်းတိုင်းဒေသကြီး၊ မုံရွာမြို့အားမြို့အင်္ဂါရပ်နှင့်အညီ သန့်ရှင်းသပ်ရပ်စေရေး နှင့်ရပ်ဝေးရပ်နီးမှ ခရီးသွားပြည်သူများ၊ မြို့နေပြည်သူများ စိတ်အေးချမ်းသာစွာဖြင့် သွား လာနိုင်စေရေးတို့အတွက် ဖေဖော်ဝါရီလ ၂၂ ရက်၊ နံနက်ပိုင်းက မုံရွာမြို့ရှိ လူစည် ကားရာနေရာဖြစ်သည့် သာစည်လမ်းနှင့် ပြည်ထာင်စု ဈေးကြီးကြားရှိ မီးရထားသံလမ်း တစ်လျှောက်ရှိ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက် ပွားနိုင်သည့် ရေနုတ်မြောင်းများရေစီးရေလာ ကောင်းမွန်စေရေးတို့အတွက် အ ထွေထွေ အုပ်ချုပ်ရေးဦးစီးဌာနမှဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာဝန်ထမ်းများ၊ မုံရွာဘူတာရှိ မီးရထားဝန်ထမ်းများမှ စုပေါင်း၍ သန့်ရှင်း ရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင် ရွက်နေမှုများအား တိုင်းဒေသ ကြီးဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များက သွားရောက်ကြည့် ရှုအားပေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ရပ်ကွက်နေ ပြည်သူများ၊ ဌာနဆိုင်ရာဝန်ထမ်းများအား တန်ဖိုးသင့်စားသောက်ကုန်များ၊ ဟင်းသီး ဟင်းရွက်များနှင့် စားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ကြသူများအား နံနက် စာဖြင့် ကျွေးမွေးဧည့်ခံခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၉ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစု ပေါင်းအင်အား ၁၁၀၀ ကျော်ဖြင့် မြို့သန့်ရှင်းသာယာလှပရေး လုပ်ငန်းများအား စုပေါင်း ဆောင် ရွက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ လယ်တီရပ်ကွက်ရှိ ပြည်ထောင်စု ဈေးကြီးအနီး လယ်တီရေကန်အား အဆင့်မြှင့်တင်ရေး လုပ်ငန်းခွင်သို့ရောက်ရှိရာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က လယ်တီကန်ပတ်လမ်း အရှည်- ၂၄၇၇ ပေ၊ အကျယ် - ၁၄ ပေအား ကတ္တရာခင်းခြင်း၊ ကျောက်ရိုးစီတာဘောင်နှင့် စတီးလက် ရမ်းဆောင်ရွက်ကာ ပန်းအလှ ပင်ကြီးများစိုက်ပျိုးပြီး ပြည်သူများအပန်းဖြေအနားယူနိုင်စေရန် ဆောင်ရွက်နေမှု အခြေ အနေများအား ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်ကလယ်တီ ကန်ကြီးအနီးရှိ ရပ်ကွက် ပြည်သူများ စိတ်အေး ချမ်းသာစွာဖြင့် အပန်းဖြေအနားယူနေနိုင်ရေးအတွက် တည် ဆောက်ရေးလုပ်ငန်းများအား သတ်မှတ်ကာလတွင် စံချိန်စံညွှန်းမီ အရည်အသွေးကောင်း မွန်စွာဖြင့်တည်ဆောက်ပြီးစီးရေး၊ ကုန်ကြမ်းပစ္စည်းများ လုပ်ငန်းခွင်သို့အချိန်မီရောက်ရှိ ရေးတို့အားမှာကြားပြီး ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူ များနှင့်ဖြည့်ဆည်းပေါင်းစပ် ဆောင်ရွက်ပေးကာ ကန်ပတ်လမ်းထိန်းကျောက်ရိုးစီတာ ဘောင်တည် ဆောက်နေမှုများအား လိုက်လံကြည့်ရှုစစ်ဆေးခဲ့ကြောင်း သိရသည်။

မုံရွာ၊ ဖေဖော်ဝါရီ ၂၁

စစ်ကိုင်းတိုင်းဒေသကြီး ကလေးအလုပ်သမားပပျောက်ရေးဆိုင်ရာ အလုပ်အကိုင် အခွင့်အလမ်းများ ဖန်တီးပေးရေးလုပ်ငန်းကော်မတီနှင့် လူမှု ဝန်ထမ်းဦးစီးဌာနတို့ပူးပေါင်း ဖွင့်လှစ်သည့် အခြေခံ/အဆင့်မြှင့် စက်ချုပ်သင်တန်းအမှတ်စဉ် (၇/၂၀၂၅)သင်တန်းဆင်း ပွဲအခမ်းအနားကို ဖေဖော်ဝါရီလ ၂၁ ရက်၊ မွန်းလွဲပိုင်းတွင် မုံရွာမြို့၊ ချင်းတွင်းခန်းမတွင် ကျင်းပပြုလုပ်ရာ အခမ်း အနားသို့ တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီးတရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ သင်တန်းနည်းပြများနှင့် သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မြန်မာနိုင်ငံအနေဖြင့် စိုက်ပျိုးရေးအားအခြေခံပြီး ကုန်ထုတ်လုပ်ငန်းများတိုးတက်အောင် ဆောင်ရွက်ပေးခြင်းဖြင့် ဒေသခံပြည်သူများ အလုပ်အကိုင်အခွင့်အလမ်းများရရှိပြီး မိသားစုဝင်ငွေတိုးတက်ကာ ကလေးအလုပ်သမားပပျောက်ရေးအား အထောက်အကူဖြစ်စေမည် ဖြစ်ပါကြောင်း၊ ဖွံဖြိုး ဆဲနိုင်ငံများအနေဖြင့် အလုပ်အကိုင် အခွင့်အလမ်းနည်းပါးခြင်းနှင့် မိသားစုဝင်ငွေ ရှာဖွေနိုင်မှုနည်းပါးခြင်းသည် ကလေးအလုပ်သမားများ ဖြစ်ပေါ်စေသည့် အခြေခံအကြောင်းအရင်းများဖြစ်ခြင်းကြောင့် ကလေးအလုပ်သမား လျော့နည်းပပျောက်စေရန်အတွက် နိုင်ငံတော်အနေဖြင့် လူ့စွမ်းအားအရင်းအမြစ် ဖွံဖြိုးတိုးတက်ရေးအား အလေးထား ဆောင်ရွက်လျက် ရှိပါကြောင်း၊ ကျောင်းနေအရွယ်ကလေးများအားလုံး ကျောင်းနေနိုင်ရေးကူညီဆောင်ရွက်ပေးခြင်း၊ မိသားစုအလိုက် ဝင်ငွေတိုးတက်ရရှိရေး လုပ်ငန်းများ၊ အလုပ်အကိုင်အခွင့် အလမ်းများ ဆောင်ရွက်ပေးခြင်း၊ ဆင်းရဲနွမ်းပါးမှု လျော့ချခြင်းတို့အား အရပ်ဘက်လူမှုအဖွဲ့အစည်းအားလုံးမှ ဟန်ချက်ညီညီ ပူးပေါင်းဆောင်ရွက်ကြမှသာ ကလေးအလုပ်သမားပပျောက်ရေးလုပ်ငန်းစဉ် အောင်မြင်မည် ဖြစ်ပါကြောင်း၊ မိမိတို့ တိုင်းဒေသကြီး အစိုးရအဖွဲ့အနေဖြင့် မိမိဒေသနှင့်ကိုက်ညီမှုရရှိစေမည့် အသက်မွေးမှုနှင့် ကျွမ်းကျင်မှုသင်တန်းများအား စဉ်ဆက်မပြတ် ဖွင့်လှစ်ပေးသွားရန် စီစဉ်ဆောင်ရွက်ထားရှိပါကြောင်း၊ သင်တန်းသူများအနေဖြင့် သင်တန်းမှပို့ချပေးလိုက်သည့်နည်းပညာ ရပ်များအား စိတ်ပါဝင်စားစွာဖြင့် နာယူမှတ်သားကာ သင်တန်းမှ လေ့ ကျင့်သင်ကြားပေးသည့် ပညာရပ်ဖြင့် ဝင်ငွေရရှိမည့် အလုပ်အကိုင်များရရှိပြီး မိမိတို့ဘဝ လုံခြုံမှုအတွက် အထောက်အပံ့ကောင်းများရရှိလာမည် ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ကလေးအလုပ်သမားပပျောက်ရေးကော်မတီ ဥက္ကဌ၊ တိုင်းဒေသကြီး လူမှု ရေးရာဝန်ကြီး ဦးညွန့်ဝင်းအောင်က တိုင်းဒေသကြီး အလုပ်သမား ညွှန်ကြားရေးဦးစီးဌာန ညွှန်ကြားရေးမှူး ဦးအောင်ငြိမ်းထံ ငွေကျပ် - ၃၂၁၆၄၀၀ (သုံး ဆယ်နှစ်သိန်းတစ်သောင်း ခြောက်ထောင်လေးရာကျပ်)နှင့် သင်တန်းနည်းပြထံ ဂုဏ်ပြု ချီးမြှင့်ငွေများပေးအပ်ချီးမြှင့်ပြီး တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက သင်တန်းသူများကိုယ်စား သင်တန်းသူ ၂ ဦးထံ သင်တန်းဆင်း လက်မှတ်များ ပေးအပ်ကြသည်။

ဆက်လက်၍ သင်တန်းသူများကိုယ်စား သင်တန်းသူတစ်ဦးက ကျေးဇူးတင်စကား ပြန်လည်ပြောကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသူ များနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကာ အခမ်းအနားသို့ တက်ရောက် လာသူများအား ရင်းရင်းနှီးနှီးလိုက်လံ နှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ခန်းမအတွင်းခင်း ကျင်းပြသထားသည့် သင်တန်းသူများကိုယ်တိုင်ချုပ်လုပ်ထားသည့် အဝတ်အထည်များ နှင့်သင်ထောက်ကူပစ္စည်းများအား လိုက်လံကြည့်ရှုအားပေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဖေဖော်ဝါရီ ၁၉

စစ်ကိုင်းတိုင်းဒေသကြီး၊ ပတ်ဝန်းကျင်ထိန်းသိမ်းရေးဆိုင်ရာ မွမ်းမံသင်တန်း အမှတ်စဉ်(၁/၂၀၂၅)သင်တန်းဆင်းပွဲ အခမ်းအနားကို ဖေဖော်ဝါရီလ ၁၉ ရက်၊ နံနက်ပိုင်းက တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာနရုံးရှိ သင်တန်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး ပတ်ဝန်း ကျင်ထိန်းသိမ်းရေးဦးစီးဌာနမှ အရာထမ်း၊အမှုထမ်းများနှင့် သင်တန်းသား၊ သင်တန်းသူများ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပတ်ဝန်းကျင်ထိန်းသိမ်းရေးနှင့် စီမံခန့်ခွဲမှုဆိုင်ရာလုပ်ငန်းများအား ကောင်းမွန်စွာသိရှိနားလည်ပြီး လုပ်ငန်းစွမ်းဆောင် ရည်တိုးတက်မြင့်မားလာစေရန်နှင့် လက်တွေ့နယ်ပယ်တွင် အသုံးချနိုင်စေရန် ရည်ရွယ်ပြီးဌာနတွင်း အခြေခံသင်တန်းများအား ဖွင့်လှစ်ပို့ချပေးခဲ့ရာ ၂၇ ကြိမ်ရှိပြီး သင်တန်းသား၊ သင်တန်းသူ ၄၉၁ ဦးအား လေ့ကျင့်သင်ကြားပေးခဲ့ပြီး ဖြစ်ပါကြောင်း၊ သင်တန်းသား၊သင်တန်းသူများအနေဖြင့် သင်တန်းမှရရှိလာသည့် ပတ်ဝန်းကျင်ထိန်းသိမ်းရေး အသိပညာများအား ပြည်သူလူထုသို့ ပြန်လည်ဖြန့်ဝေပေးနိုင်ပြီး ပတ်ဝန်းကျင်ထိန်းသိမ်း‌
ရေးအတွက် တစ်ခန်းတစ်ကဏ္ဍမှ ပါဝင်အကျိုးပြု နိင်မည်ဟု ယုံကြည်ပါကြောင်း၊ ပို့ချပေးလိုက်သည့် သင်ခန်းစာများအား သက်ဆိုင်ရာလုပ်ငန်းနယ်ပယ်တွင် အသုံးချကာ ပတ်ဝန်းကျင်ထိန်းသိမ်းရေးလုပ်ငန်းများအား အသိစိတ်ဓာတ်ရှိရှိဖြင့် တက်ကြွစွာပါဝင်ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာန၊ ညွှန်ကြားရေး မှူး ဦးအောင်ဇော်မြင့်က ပတ်ဝန်းကျင်ထိန်းသိမ်းရေးဆိုင်ရာ မွမ်းမံသင်တန်း ဖွင့်လှစ်ပြီးစီးမှုအခြေအနေအား ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်က ပတ်ဝန်းကျင်ထိန်းသိမ်းရေးဆိုင်ရာ မွမ်းမံသင်တန်းတွင် ပထမ၊ ဒုတိယ၊ တတိယ ထူးချွန်ဆုရရှိကြသည့် သင်တန်းသား၊ သင်တန်းသူများအား ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များအား လည်းကောင်း၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက သင်တန်းသား သင်တန်းသူများကိုယ်စား သင်တန်းသား တစ်ဦးထံ သင်တန်းဆင်းလက်မှတ်များအား ပေးအပ်ကြသည်။

ထို့နောက် သင်တန်းသား/သူများကိုယ်စား သင်တန်းသူတစ်ဦးက ကျေးဇူးတင်စကားပြန်လည်ပြောကြားကာ တိုင်းဒေသကြီး ဝန်ကြီးချုပ်နှင့် တာဝန်ရှိသူ များက သင်တန်းသား၊သင်တန်းသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာနရုံးဝန်းရှိအတွင်းရှိ လေ၊ ရေ၊ မြေ တိုင်းတာစစ်ဆေးရေးစက်ကိရိယာများအား လိုက်လံကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ချမ်းမြဝတီရပ်ကွက်ရှိ မြေ ၃၀ ဧကအကျယ်တွင် မုံရွာမြို့နှင့်အနီးဝန်းကျင်ရှိ ကျေးရွာများမှ ပြည်သူများ အားလပ်ရက်များတွင် အပန်းဖြေအနားယူနေနိုင်ရန်အတွက် မုံရွာမြို့နယ်၊ စည်ပင်သာယာရေးအဖွဲ့မှ တာဝန်ယူတည်ဆောက်နေသည့် ပြည်သူ့ဉယျာဉ်တည်ဆောက်ရေးလုပ်ငန်း ခွင်သို့ ရောက်ရှိရာ တိုင်းဒေသကြီး စည်ပင်သာယာ ရေးအဖွဲ့မှ ညွှန်ကြားရေးမှူး ဦးသစ်ထူးမြင့်က ပြည်သူ့ဥယျာဉ်မျက်နှာစာ နိုင်လွန်ကတ္တရာခင်းခြင်းလုပ်ငန်း၊ အုတ်စီ ရေမြောင်းပြုလုပ်ခြင်းလုပ်ငန်း၊ အခြေခံအလွှာပြုပြင်ခြင်းလုပ်ငန်းနှင့် မုခ်ဦးတည်ဆောက်ခြင်းလုပ်ငန်းများ ဆောင်ရွက်သွားမည့် အခြေအနေများအား ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က တည်ဆောက်လုပ်ငန်းများ သတ်မှတ် ဘဏ္ဍာနှစ်တွင် စံချိန်စံညွှန်းမီ အရည်အသွေးကောင်းမွန်စွာဖြင့် တည်ဆောက်ပြီးစီးရေး၊ လုပ်ငန်းခွင်အန္တရာယ် ကင်းရှင်းရေးတို့အား အလေးထားဆောင်ရွက်သွားကြရန် မှာကြားကာ တည်ဆောက်ရေးလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရ သည်။

မုံရွာ၊ ဖေဖော်ဝါရီ ၁၉

စစ်ကိုင်းတိုင်းဒေသကြီးအတွင်း ၂၀၂၄-၂၀၂၅ ပညာသင်နှစ်၊ အခြေခံပညာကျောင်း များနှစ်ဆုံးစာမေးပွဲနှင့် တက္ကသိုလ်ဝင်စာမေးပွဲ အောင်မြင်စွာဖြေဆိုနိုင်ရေး ညှိနှိုင်း အစည်းအဝေးကို ဖေဖော်ဝါ ရီလ ၁၉ ရက်၊ မွန်းလွဲပိုင်းက တိုင်းဒေသကြီး အစိုးရ အဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဋ္ဌများမှ Video Conferencing စနစ် ဖြင့်တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ အခြေ ခံပညာကျောင်းများနှင့် တက္ကသိုလ်ဝင်စာမေးပွဲများဖြေဆိုကြမည့် ကျောင်းသား‌ ကျောင်းသူများ စိတ်အေးချမ်းသာစွာဖြင့် စာမေးပွဲများအောင်မြင်စွာဖြေဆိုနိုင်ရေး တာဝန်ရှိသူအားလုံးမှ အလေးထားဆောင်ရွက်သွားကြရန် လိုအပ်ပါကြောင်း၊ စာမေးပွဲများဖြေဆိုနေချိန်တွင် လျှပ်စစ်မီးပြတ်တောက်မှုမရှိစေရေး၊ ကျန်းမာရေးစောင့်ရှောက်မှုများပေးထားရေး၊ အဖြေ လွှာမေးခွန်းများအား သတ်မှတ်ရက်တွင် သက်ဆိုင်ရာမြို့နယ်များသို့ အချိန်မီရောက်ရှိ ရေး၊မီးဘေးအန္တရာယ် ကြိုတင်ကာကွယ်ရေးနှင့် လုပ်ငန်းများဆောင်ရွက်ရာတွင် လုံခြုံ ရေးအသိ၊သတိတို့ဖြင့် ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီးပညာရေး မှူးရုံးမှ ညွှန်ကြားရေးမှူးက ၂၀၂၄-၂၀၂၅ ပညာသင်နှစ်၊ အခြေ ခံပညာကျောင်းများ နှစ်ဆုံးစာမေးပွဲနှင့် တက္ကသိုလ်ဝင်စာမေးပွဲ အောင်မြင်စွာဖြေဆိုနိုင်ရေး ကြိုတင်ပြင်ဆင် ဆောင်ရွက်ထားရှိမှုများအား ရှင်းလင်းတင်ပြသည်။

ဆက်လက်၍ တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ် ရေးအဖွဲ့ ဥက္ကဋ္ဌများမှ Video Conferencing စနစ်ဖြင့်လည်းကောင်း၊ မုံရွာခရိုင် စီမံအုပ် ချုပ်ရေးအဖွဲ့ဥက္ကဋ္ဌမှ မိမိတို့ခရိုင်များအတွင်း ၂၀၂၄-၂၀၂၅ ပညာသင်နှစ်၊ အခြေခံပညာ ကျောင်းများ နှစ်ဆုံးစာမေးပွဲနှင့် တက္ကသိုလ်ဝင်စာမေးပွဲ အောင်မြင်စွာဖြေဆိုနိုင်ရေး လုပ် ငန်းများ စီမံဆောင်ရွက်ထားရှိမှုများအား ရှင်းလင်းတင်ပြကြသည်။

ယင်းနောက် အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရ အဖွဲ့ဝင်များက ၂၀၂၄-၂၀၂၅ ပညာသင်နှစ်၊ အခြေခံပညာကျောင်းများ နှစ်ဆုံးစာမေးပွဲနှင့် တက္ကသိုလ်ဝင်စာမေးပွဲ အောင်မြင်စွာဖြေဆိုနိုင်ရေး ကြိုတင်ပြင်ဆင်ဆောင်ရွက်ထားရှိမှု များနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူ များ၏ အသီးသီးဖြည့်စွက်ဆွေးနွေး အကြံပြုတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားခဲ့ကြောင်း သိရသည်။

မုံရွာ၊ ဖေဖော်ဝါရီ ၁၈

စစ်ကိုင်းတိုင်းဒေသကြီး အစိုးရအဖွဲ့နှင့် မုံရွာမြို့ပေါ်ရှိ ပုဂ္ဂလိကဆေးရုံများ ၊ဘဏ်များ၊ ကိုယ်ပိုင် ကျောင်းများ၊ လူမှုရေးအသင်းအဖွဲ့များနှင့် ဘိုးဘွားရိပ်သာမှ တာဝန်ရှိသူများနှင့် တွေ့ဆုံပွဲ အခမ်းအနားကို ဖေဖော်ဝါရီလ ၁၈ ရက်၊ မွန်းလွဲပိုင်းက တိုင်းဒေသကြီး အစိုးရ အဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ တွေ့ဆုံပွဲအခမ်းအနားသို့ တိုင်းဒေ သကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌများနှင့် မုံရွာမြို့ ပေါ်ရှိ ပုဂ္ဂလိကဆေးရုံ/ဘဏ်များ၊ ကိုယ်ပိုင်ကျောင်းများ၊ လူမူရေးအသင်း အဖွဲ့များနှင့် ဘိုးဘွားရိပ်များမှ တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မုံရွာမြို့နှင့်အနီးဝန်းကျင်ရှိ ကျေးရွာများမှ ဒေသခံပြည်သူများ ကျန်းမာသန်စွမ်းစွာဖြင့် ပညာသင်ကြားနိုင်ရေး၊ ဘဏ် ဝန်ဆောင်မှုလုပ်ငန်းများ မြန်ဆန်ချောမွေ့စေရေးနှင့် လူမှုကူညီရေးလုပ်ငန်းများအား အချိန်နှင့်တစ်ပြေးညီ ကူညီဆောင်ရွက်နိုင်ရေးတို့အတွက် ယခုတွေ့ဆုံပွဲအား ကျင်းပရ ခြင်းဖြစ်ပါကြောင်း၊ ကိုယ်ပိုင်ကျောင်းများအနေဖြင့် မကြာမီ နှစ်ဆုံးအတန်းစဉ်ကူး ပြောင်းမှုစာမေးပွဲနှင့် တက္ကသိုလ်ဝင်စာမေးပွဲများ ဖြေဆိုကြတော့မည်ဖြစ်ပါ၍ မိမိတို့ ကျောင်းများအလိုက် အောင်ချက်မြင့်မားအောင် အစွမ်းကုန်ကြိုးပမ်းဆောင်ရွက် သွားကြ ရမည်ဖြစ်ပါကြောင်း၊ ကျောင်းအုပ်ကြီးများအနေဖြင့်လည်း နွေရာသီကျောင်းပိတ်ရက် တွင်ကျောင်းသား/သူများအတွက် အကျိုးပြုမည့်သင်တန်းများ စဉ်ဆက်မပြတ် ဖွင့်လှစ် သင်ကြားသွားရန် လိုအပ်ပါကြောင်း၊ ပုဂ္ဂလိကဆေးရုံများအနေဖြင့် ပြည်သူများ အသက် ရှည်ကျန်းမာသန်စွမ်းကာ ဘဝရပ်တည်နိုင်ရေးအတွက် ဆရာဝန်များနှင့် ကျွမ်းကျင်းသူ များသည် အားကိုးအားထားရာ ဖြစ်ပါကြောင်း၊ ဆေးရုံသို့လာရောက်ကုသကြသည့် ပြည်သူများအား နွေးထွေးပျူငှာစွာဖြင့် စေတနာထားကာ ကုသသွားကြရန် လိုအပ်ပါကြောင်း၊ ပုဂ္ဂလိကဘဏ်များအနေဖြင့် ပြည်သူများ ၏ ငွေသွင်း၊ငွေထုတ်လုပ်ငန်းများတွင် မြန်ဆန် ချောမွေ့‌ စေရန် စိတ်စေတနာကောင်းများဖြင့် ဝန်ဆောင်မှုပေး သွားကြရန် လိုအပ်ပါကြောင်းနှင့် လုံခြုံရေးအသိ၊သတိတို့ဖြင့် ဘဏ်လုပ်ငန်းများဆောင် ရွက်သွားကြရန် လိုအပ်ပါကြောင်း၊ လူမှုရေးအသင်းအဖွဲ့များ အနေဖြင့်လည်း ပြည်သူများ၏လူမှုကူညီရေး လုပ်ငန်း များဆောင်ရွက်ရာတွင် မိမိအသက်အား ပဓာနမထားဘဲ အချိန်နှင့်တစ်ပြေးညီ ကူညီ ဆောင်ရွက်ခဲ့ကြသည်ကို ကြားမြင်သိရှိရသည့်အတွက် မိမိတို့တိုင်းဒေသကြီး အစိုးရအဖွဲ့ အနေဖြင့် ဂုဏ်ပြုမှတ်တမ်းတင်ရှိပါကြောင်း၊ မုံရွာမြို့ရှိ ဘိုးဘွားရိပ်သာများ၌ အဘိုး၊ အဘွားများ နေထိုင်စားသောက်ရေးများ အဆင်ပြေစေရန်အတွက် မိမိတို့တိုင်းဒေသကြီး အစိုးရအဖွဲ့အနေဖြင့် လိုအပ်သည်များအား တာဝန်ရှိသူများနှင့်ပူးပေါင်း၍ ပံ့ပိုးကူညီ ဆောင်ရွက်ပေးသွားမည် ဖြစ်ပါကြောင်း၊ တွေ့ဆုံပွဲသို့တက်ရောက်လာသူများ အနေဖြင့် ပြည်သူများ၏ ကျန်းမာရေး၊ ပညာရေး၊ ငွေကြေးကဏ္ဍနှင့် လူမှုရေးဆိုင်ရာ ကိစ္စရပ်များ အဆင်ပြေချောမွေ့အောင် အားလုံးဝိုင်းဝန်းအဖြေရှာကာ ပူးပေါင်းဆောင် ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် မုံရွာမြို့ပေါ်ရှိ ကိုယ်ပိုင်ကျောင်းများမှ ကျောင်းအုပ်ကြီးများနှင့် တာ ဝန်ခံများက မိမိတို့ကိုယ်ပိုင်ကျောင်းများ၏ သင်ကြားမှု၊သင်ယူမှုလုပ်ငန်းများ ဆောင်ရွက် နေမှုအခြေအနေများအား လည်းကောင်း၊ ပုဂ္ဂလိကဆေးရုံများမှ ဆေးရုံအုပ်ကြီးများနှင့် တာဝန်ခံများက မိမိတို့ဆေးရုံများအလိုက် ကုသရေးလုပ်ငန်းများ ဆောင်ရွက်ပေးနေမှု အခြေအနေများအား လည်းကောင်း၊ ပုဂ္ဂလိကဘဏ်များမှ ဘဏ်မန်နေဂျာများက မိမိ တို့ဘဏ်များ၏ ငွေသွင်း/ငွေထုတ် လုပ်ငန်းများဝန်ဆောင်မှုပေးနေမှု အခြေအနေများ အားလည်းကောင်း၊ လူမှုရေးအသင်းအဖွဲ့များက မိမိတို့အသင်းအဖွဲ့များအလိုက် လူမှုကူ ညီရေးလုပ်ငန်းများဆောင်ရွက်ပေးနေမှု အခြေအနေများအား လည်းကောင်၊ ဘိုးဘွားရိပ်သာများမှ တာဝန်ရှိသူများက အဘိုး၊အဘွားများအား ကူညီစောင့်ရှောက်မှုပေးထားမှု အခြေအနေများအား လည်းကောင်း အသီးသီး ဆွေးနွေးတင်ပြကြသည်။

ဆက်လက်၍ အစည်းအဝေးသို့ တက်ရောက်လာကြသည့် တိုင်းဒေသကြီးအဆင့် ဌာနဆိုင်ရာများနှင့် တိုင်းဒေသကြီး အစိုးရအဖွဲ့ဝင်များက မုံရွာမြို့ပေါ်ရှိ ပုဂ္ဂလိကဆေးရုံ/ ဘဏ်များ၊ ကိုယ်ပိုင်ကျောင်းများ၊ လူမူရေးအသင်းအဖွဲ့များ၊ ဘိုးဘွားရိပ်သာများမှ တာဝန်ရှိသူ၏ ဆွေးနွေးတင်ပြချက်များအပေါ် လိုအပ်သည်များကို ဖြည့်စွက်ဆွေးနွေး တင်ပြကြ သည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူ များ၏ အသီးသီးဖြည့်စွက်ဆွေးနွေး အကြံပြုတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားခဲ့ ကြောင်း သိရသည်။

မုံရွာ၊ ဖေဖော်ဝါရီ ၁၇

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး၊ခရိုင်၊မြို့နယ်အဆင့် ဌာနဆိုင်ရာများ၊ မုံရွာခရိုင်၊ မြို့နယ် စီမံ အုပ်ချုပ်ရေးအဖွဲ့ ဥက္ကဌများနှင့် တာဝန်ရှိသူများ နှင့်အတူ ဖေဖော်ဝါရီလ ၁၇ ရက်၊ နံနက်ပိုင်းတွင် မုံရွာမြို့၊ မြို့သစ်ရပ်ကွက်ရှိ တစ်ရက်လျှင် လက်ဖက်ညွှန့်၊ လက်ဖက်ချဉ်စပ်နှင့်ပဲစုံနှစ်ပြန်ကြော်အထုပ် ၁၃၀ ပါ၊ ဂျပ်ဖာ ၁၀၀၀ ဝန်းကျင်ထုတ်လုပ် ရောင်းချနေသည့် “ပွဲတော်အုပ်” လက်ဖက်ညွှန့်၊လက်ဖက်ချဉ်စပ်နှင့် ပဲစုံနှစ်ပြန်ကြော် လုပ်ငန်းခွင်သို့ရောက် ရှိရာလုပ်ငန်းတာဝန်ခံမှ လက်ဖက်ညွှန့်၊လက်ဖက်ချဉ်စပ်နှင့် ပဲစုံနှစ်ပြန်ကြော် အမျိုး မျိုးထုတ်လုပ်နေမှု၊ ထုပ်ပိုးနေမှုများ၊ သိုလှောင်ထားရှိမှုများနှင့် ကုန်ကြမ်းစုဆောင်းထားရှိ မှုများအား လိုက်လံရှင်းလင်းပြသသည်။

ယင်းနောက် တိုင်းဒေသကြီး ဝန်ကြီးချုပ်က လက်ဖက်ညွှန့်၊လက်ဖက်ချဉ်စပ်နှင့် ပဲစုံနှစ်ပြန်ကြော်အမျိုးမျိုးအား နိုင်ငံခြား‌ ဈေးကွက်သို့ တင်ပို့ရောင်းချရေး၊ ထုတ်ပိုးမှုပုံစံ သစ်လွင်သပ်ရပ်ရေး၊ သန့်ရှင်းမှုရှိစေရေးနှင့် ဒေသခံပြည်သူများ အလုပ်အကိုင် အခွင့်အလမ်းများရရှိရေးတို့အတွက် တာဝန်ရှိသူများနှင့် ပေါင်းစပ်ဆောင်ရွက်သွားရေး တို့အားမှာကြားကာ လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့်ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ နန္ဒဝန်ရပ်ကွက်၊ မုံရွာစက်မှုဇုန်အတွင်း တစ်ရက်လျှင် ၁ တင်းခွဲဝင် အိတ် ၃၀၀ ထုတ်လုပ် ကြိတ်ခွဲနေသည့် “ငြိမ်းချမ်းရေး” ပဲခွဲစက်သို့ ရောက်ရှိရာ စက်ရုံတာဝန်ခံမှ ကုလားပဲခြမ်း ကြိတ်ခွဲနေမှုများအား လိုက်လံရှင်းလင်းပြသသည်။

ထို့နောက် တိုင်းဒေသကြီး ဝန်ကြီးချုပ်က ကြိတ်ခွဲပြီးကုလားပဲခြမ်းများအား သန့် ရှင်းသပ်ရပ်အောင်ထုတ်ပိုးရေး၊ ဈေးကွက်သို့ ဈေးနှုန်းသင့်တင့်စွာဖြင့် ရောင်းချသွားရေး တို့အား မှာကြားကာ လိုက်လံရှင်းလင်းပြသများအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ နန္ဒဝန်ရပ်ကွက်၊ မုံရွာစက်မှုဇုန်အတွင်း တစ်ရက်လျှင် ပိဿာ ၁၀၀ ဝင်၊ အိတ်ပေါင်း ၂၀၀ ကျော် ကြိတ်ခွဲနေသည့် “ပါဝါ” ဂျုံစက်ရုံသို့ ရောက်ရှိရာ စက်ရုံတာဝန်ခံမှ ခေတ်မီစက်ကြီး များဖြင့် ဂျုံကြိတ်ခွဲနေမှုများနှင့် ထုတ်ပိုးနေမှုများအား လိုက်လံရှင်းလင်းပြသသည်။

ယင်းနောက် တိုင်းဒေသကြီး ဝန်ကြီးချုပ်က လိုအပ်သည်များကို တာဝန်ရှိသူများနှင့် ဖြည့်ဆည်းဆောင် ရွက်ပေးခဲ့ပြီး စက်ရုံ အတွင်း ဂျုံကြိတ်ခွဲနေမှုများနှင့် ထုတ်ပိုးနေမှုများအား လိုက်လံကြည့်ရှုခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အောင်မင်္ဂ လာရပ်ကွက်ရှိ မုံရွာကုန်စည်ဒိုင်သို့ရောက်ရှိရာ တာဝန်ရှိသူများက မုံရွာမြို့နှင့်အခြား မြို့နယ်များမှထွက်ရှိသည့် သီးနှံမျိုးပေါင်း ၃၆ မျိုးကျော်အား ရောင်းဝယ်နေမှုများအား လိုက်လံရှင်းလင်းပြသခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာကုန်စည်ဒိုင် အတွင်းရှိ အစည်း အဝေးခန်းမတွင် မုံရွာကုန်စည်ဒိုင်ဥက္ကဋ္ဌ၊ ဒုတိယဥက္ကဋ္ဌနှင့် အဖွဲ့ဝင်များ အားရင်းရင်းနှီးနှီးတွေ့ဆုံရာ တိုင်းဒေသကြီး ဝန်ကြီးချုပ်က နှုတ်ဆက်အမှာစကား ပြော ကြားသည်။

ယင်းနောက် မုံရွာကုန်စည်ဒိုင်ဥက္ကဋ္ဌ ၊ ဒုတိယ ဥက္ကဋ္ဌနှင့် အဖွဲ့ဝင်များက မိမိတို့လုပ် ကိုင်ရောင်းဝယ်နေသည့် လုပ်ငန်းများနှင့် ပတ်သက်၍ ဖြည့်ဆည်းပေးလိုသည်များအား ဆွေးနွေးတင်ပြကြရာ တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက လိုအပ်သည်များ ကိုတာဝန်ရှိသူများနှင့် ဖြည့်ဆည်း ဆောင်ရွက်ပေးခဲ့ကြောင်း သိရသည်။