မုံရွာ ဇူလိုင် ၂

စစ်ကိုင်းတိုင်းဒေသကြီးအစိုးရအဖွဲ့ က ကြီးမှူးကျင်းပသည့် ၂၀၂၅ ခုနှစ် ၊ (၂၂ )ကြိမ်မြောက် ဝါဆိုသင်္ကန်းဆက်ကပ် လှူဒါန်းပွဲ အခမ်းအနား အောင်မြင်စွာ ကျင်းပပြုလုပ်နိုင်ရေး လုပ်ငန်းညှိနှိုင်းအစည်း အဝေး ကို ဇူလိုင်လ ၂ ရက်နေ့ နံနက် ၁၀ နာရီ အချိန်က စစ်ကိုင်းတိုင်းဒေသကြီးအစိုးရအဖွဲ့ ရုံး အစည်အဝေးခန်းမ၌ ကျင်းပပြုလုပ်ရာ အခမ်းအနားသို့ စစ်ကိုင်းတိုင်းဒေသကြီးအစိုးရအဖွဲ့ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးညွန့်ဝင်းအောင် ၊ တိုင်းဒေသကြီးအဆင့် ဖိတ်ကြားထားသူများနှင့် တာဝန်ရှိသူများ တက်ရောက် ခဲ့ကြကြောင်းသိရှိရသည်။

အစီအစဉ်အရ ဦးစွာ စစ်ကိုင်းတိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်က ၂၀၂၅ ခုနှစ် ၊ (၂၂ ) ကြိမ်မြောက် ဝါဆိုသင်္ကန်းဆက်ကပ် လှူဒါန်းပွဲအခမ်းအနားအောင်မြင်စွာကျင်းပပြုလုပ်နိုင်ရေးအတွက် ဦးစီးကော်မတီနှင့် လုပ်ငန်းကော်မတီများဖွဲ့စည်းထားရှိပြီးဖြစ်ပါကြောင်း ၊ အခမ်းအနား အား ယခင်နှစ်များကဲ့သို့ အောင်မြင်စွာ ဆောင်ရွက်နိုင်ရေး ကြိုတင်ပြင်ဆင် ဆောင်ရွက်စရာများလည်း ကြိုတင်ပြင်ဆင်ဆောင်ရွက် ထားရှိကြရန်နှင့် လုပ်ငန်းလိုအပ်ချက်များ ရှိပါကလည်း ကော်မတီအလိုက် ဆွေးနွေး ပေးကြစေလိုကြောင်း ၊ ဖိတ်ကြားပင့် ဆောင်ရမည့် ဆရာတော် သင်္ကန်း‌ တော်များနှင့် သီလရှင်များ အပါအဝင် ဝါဆိုတော်မူကြမည့် သံဃာတော်များအား အဆင်ပြေချောမွေ့စွာ လှူဖွယ်ပစ္စည်းများ ဆက်ကပ်လှူဒါန်းနိုင်ရေး ပူးပေါင်းပါဝင်ဆောင်ရွက်ကြရန် ဆွေးနွေးပြောကြားပါသည်။

ထို့နောက် တက်ရောက်လာကြသည့် လုပ်ငန်းကော်မတီ အသီးသီးမှ မိမိတို့ကော်မတီ အလိုက် ဆောင်ရွက်မည့်အစီအစဉ်များ ၊ ‌လုပ်ငန်းလိုအပ်ချက်များကို တင်ပြဆွေးနွေးခဲ့ကြပြီးနောက် တင်ပြဆွေးနွေးချက်များအပေါ် တိုင်းဒေသကြီးအစိုးရအဖွဲ့၊ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးညွန့်ဝင်းအောင်နှင့် တာဝန်ရှိသူများက ညှိနှိုင်း ဆွေးနွေးခဲ့ကြ ကြောင်းသိရှိရပါသည်။

စစ်ကိုင်းတိုင်းဒေသကြီးအစိုးရအဖွဲ့ ၏ ၂၀၂၅ ခုနှစ် ၊ (၂၂) ကြိမ်မြောက် ဝါဆိုသက်န်းဆက်ကပ်လှူဒါန်းပွဲ အခမ်းအနားကို ဇူလိုင်လ ၉ ရက်၊ ၁၃၈၇ ခုနှစ် ၊ ဝါဆိုလပြည့်နေ့ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး ချင်းတွင်းခန်းမတွင် ကျင်းပပြုလုပ်သွားမည် ဖြစ်ကြောင်း သိရှိရပြီး ယခုနှစ် ဝါဆိုကြမည့် သံဃာတော်၂၄၆၆ ပါး ၊ သီလရှင် ဆရာတော် ၁၁၁၇ ပါးတို့အား ဝါဆိုသင်္ကန်းများ ဆက်ကပ် လှူဒါန်းပေးသွားမည်ဖြစ်ကြောင်း သိရှိရသည်။

မုံရွာ၊ ဇူလိူင် ၂

ပြည်သူများအနေဖြင့် သစ်တောသစ်ပင်များ၏ တန်ဖိုးကို နားလည်မြတ်နိုးသည့် စိတ် ဓါတ်ဖြစ်ပေါ်စေရေးနှင့် သဘာဝပတ်ဝန်းကျင် စိမ်းလန်းစိုပြည်ရေး၊ ဂေဟစနစ်ညီညွှတ်မျှ တစေရေး၊ ရာသီဥတုကောင်းမွန်ရေး၊ အရိပ်အာဝါသနှင့် မျက်စိပသာဒအကျိုးများရရှိစေရေး အတွက် ရည်ရွယ်၍ ဇူလိူင် ၂ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းပညာ ရေးတက္ကသိုလ်၌ မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် ၂၀၂၅-ခုနှစ်၊ မိုးရာ သီစုပေါင်းသစ်ပင်စိုက်ပျိုးပွဲ အခမ်းအနားကို ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ် အဆင့် ဌာနဆိုင်ရာများနှင့်ဝန်ထမ်းများ၊ တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့ ဝင်များ၊ စစ်ကိုင်းပညာရေးတက္ကသိုလ် ပါမောက္ခချုပ်၊ ပါမောက္ခ/ဌာနမှူးများ၊ ဆရာ/ဆရာမများ၊ ကျောင်း သား/ကျောင်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပြည်သူများအနေဖြင့် သစ်တောဖုံး လွှမ်းမှုပြန်လည် တိုးတက် ကောင်းမွန်လာစေရေး၊ မိမိတို့ဒေသ၊ မိမိတို့ပတ်ဝန်းကျင်အား စိမ်း လန်းစိုပြေလှပရေးတို့အတွက် ယခုလိုမိုးရာသီ မြေဆီစိုခိုက်တွင် သစ်ပင်များစိုက်ပျိုးသွားကြရန် နှင့် စိုက်ပျိုးပြီဂပါကလည်း စိုက်ပျိုးသည့်သစ်ပင်များ ရာနှုန်းပြည့်ရှင်သန်စေရေးအတွက် သေပင် များထိုး ဖာထေးစိုက်ပျိုးခြင်း၊ ရေလောင်းပြုစုပေးခြင်း၊ ပေါင်းရှင်းမြေတောင် မြှောက်ပေးခြင်း၊ မြေဩဇာကျွေးခြင်း၊ မီးကာကွယ်ခြင်းစသည့် ပြစုထိန်းသိမ််းရေးလုပ်ငန်းများအား ဆက်လက် ဆောင်ရွက်သွားကြရန် လိုအပ်ပါကြောင်း၊ သစ်ပင်သစ်တောများသည် ရာသီပြောင်းလဲမှုလျော့ ကျစေခြင်း၊ ဂေဟစနစ်ညီညွတ်မျှတစေခြင်း၊ လူမှုစီးပွားဘဝဖွံ့ဖြိုးတိုးတက်စေခြင်းနှင့် ဒေသ စိမ်းလန်းစိုပြေသာယာစေရေးစသည့် အကျိုးကျေးဇူးများ ရရှိစေသည့်အတွက် သစ်တောသစ်ပင် များ၏အရေးပါပုံအား သိမြင်နားလည်လက်ခံပြီး သစ်ပင်စိုက်ပျိုးခြင်းများအား စိတ်အားထက် သန်စွာ ပူးပေါင်းပါဝင် ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက်တိုင်းဒေသကြီးဝန်ကြီးချုပ်က စစ်ကိုင်း ပညာရေးတက္ကသိုလ် ပါမောက္ခချုပ် ထံ စိုက်ပျိုးမည့်ပျိုးပင်အား လည်းကောင်း၊ တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးမှ တိုင်းဒေသကြီး အမျိုးသမီးရေးရာအဖွဲ့ ဉက္ကဌထံ စိုက်ပျိုး မည့်ပျိုးပင်အား လည်းကောင်း၊ တိုင်းဒေသကြီးအစိုးရအဖွဲ့ အတွင်းရေးမှူးက ကြက်ခြေနီတပ် ဖွဲ့ထံ စိုက်ပျိုးမည့်ပျိုးပင်အား လည်းကောင်း၊ တိုင်းဒေသကြီး ပညာရေးမှူးက မီးသတ်တပ်ဖွဲ့ထံ စိုက်ပျိုးမည့်ပျိုးပင်များအား လည်းကောင်း အသီးသီး ပေးအပ်ကြသည်။

ယင်းနောက် တိုင်းဒေသကြီး ဝန်ကြီးချုပ်က ပိတောက်ပျိုးပင်အား လည်းကောင်း၊ တိုင်း ဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးက မဟော်ဂနီ ပျိုးပင်အား လည်းကောင်း၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ်ဌာနဆိုင်ရာ ဝန်ထမ်းများ၊ တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့ ဝင်များ၊ ပါမောက္ခချုပ်၊ ပါမောက္ခ/ဌာနမှူးများ၊ ဆရာ/ဆရာမများနှင့် ကျောင်းသား၊ကျောင်းသူ များမှ သက်မှတ်နေရာများတွင် ပျိုးပင်များအား တပျော်တပါးစိုက်ပျိုးပေးကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများ ကစုပေါင်းသစ်ပင်စိုက်ပျိုးပေးနေမှုများအား လိုက်လံကြည့်ရှု အားပေးကာ တာဝန်ရှိသူများနှင့် စုပေါင်းမှတ်တမ်းတင် ဓါတ်ပုံရိုက်ကူးကြသည်။

အဆိုပါ မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် ၂၀၂၅-ခုနှစ်၊ မိုးရာသီ စုပေါင်းသစ်ပင်စိုက်ပျိုးပွဲ စစ်ကိုင်းပညာရေးတက္ကသိုလ်အတွင်း ၂ ပေနှင့်အထက် ၂ နှစ်သား အရွယ်ရှိ သစ်မျိုး ၈ မျိုး၊ စုစုပေါင်းပျိုးပင် ၇၅၀ ပင်အား စိုက်ပျိုးပေးခဲ့ကြောင်း သိရသည်။

မုံရွာ၊ ဇူလိူင် ၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံ၊ စစ်တိုင်းဒေသကြီး အစိုးရ အဖွဲ့ဝင်များနှင့် တာဝန်ရှိသူများသည် ဇူလိူင်လ ၂ ရက်၊ နံနက်ပိုင်းတွင် ငလျင်ကြောင့် ပြိုကျပျက်စီးခဲ့သည့် စစ်ကိုင်းမြို့၊ “မဟာစေတီလှ” စေတီတော်မြတ်ကြီး အသစ်ပြန်လည်တည်ထားနိုင်ရေးလုပ်ငန်းများ ဆောင် ရွက်နေမှုနှင့် စေတီတော်မြတ်ကြီးအား ပြန်လည်ရှင်းလင်းဖယ်ရှားရာမှ တွေ့ရှိရသော ဌာပန ာထားသည့် ရှေးဟောင်းဗုဒ္ဓဆိုင်ရာ ဆင်းတုတော်များနှင့် ပစ္စည်းများအား ကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ် ဆောင်ရွက်ပေးကာ အဆိုပါ စေတီတော်ကြီးအနီးရှိ ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် အာသောက မင်းတရား ကြီး တည်ဆောက်ခဲ့သည့် ရေကန်အား ကြည့်ရှုခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများသည် ငလျင်လှုပ်ခတ်မှုကြောင့် ပြိုကျပျက်စီးခဲ့သည့် စစ်ကိုင်းမြို့၊ “မရှိခဏ” စေတီတော်မြတ် ပြန် လည်တည်ထားနိုင်ရေးလုပ်ငန်းများ ဆောင်ရွက်နေမှုများနှင့် ရေဂါလံ ၆၀၀၀၀ ဆံ့ RC ရေကန် ပြန်လည်တည်ဆောက်နေမှုများအား လိုက်လံကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီး၊ တိုင်းဒေသကြီး အစိုးရအဖွဲ့ ဝင်များနှင့် တာဝန်ရှိသူများသည် ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ ရွှေမုဌောစေတီတော်နှင့် လေးကျွန်းမာရ်အောင်မြတ်စွာဘုရားများအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် လူမှုရေးအသင်းအဖွဲ့များမှ ပြန်လည်ရှင်းလင်းဖယ်ရှားနေမှုများ အားလိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ပေါင်းစပ်ညှိနှိုင်းဆောင် ရွက်ပေးခဲ့ကြောင်း သိရသည်။

မုံရွာ၊ ဇူလိူင် ၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံ၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိ သူများသည် ဇူလိူင်လ ၁ ရက်၊ နံနက်ပိုင်းတွင် စစ်ကိုင်းမြို့၊ မဟာစည်းခုံကြီး စေတီတော် မြတ်ကြီးဝန်းအတွင်းရှိ ငလျင်ဘေးသင့် ပြည်သူများအား ယာယီ Modular House များ ဖြင့်နေထိုင်နေမှုများ သွားရောက်ကြည့်ရှုအားပေးစကားများ ပြောကြားခဲ့ကြပြီး လိုအပ် သည်များ ကိုတာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး မဟာစည်းခုံ ကြီး သာသနာ့ဗိမာန်တော်ကြီး ပြန်လည်ပြုပြင်နေမှုများအား ကြည့်ရှုစစ်ဆေးသည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် ငလျင်လှုပ်ခတ်မှုကြောင့် ပြိုကျပျက်စီးခဲ့သည့် စစ်ကိုင်းမြို့၊ ရွှေစေတီဘာသန္တရသင် တန်းကျောင်းတိုက်ကြီး ရှင်းလင်းဖယ်ရှားနေမှုများအား သွားရောက်ကြည့်ရှုခဲ့ ကြပြီး လိုအပ်သည်များကို တာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ငလျင်လှုပ် ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ မြို့တော်ခန်းမ အဆင့်မြှင့်တင်ခြင်း တည်ဆောက်ရေးလုပ်ငန်းခွင်သို့ မြို့နယ်စည်ပင်သာယာရေးအဖွဲ့ အမှုဆောင်အရာရှိက တည်ဆောက်ရေးလုပ်ငန်းများ ဆောင်ရွက်နေမှုများနှင့် ပတ်သက်၍ ရှင်းလင်းတင်ပြ သည်။

ထို့နောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများနှင့် ပတ် သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးကာ မြို့တော်ခန်းမ အဆင့်မြှင့်တင်တည်ဆောက်နေမှု များအား လိုက်လံကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ငလျင်လှုပ် ခတ်မှုကြောင့် စစ်ကိုင်းမြို့၊ ဧရာဝတီမြစ် ကမ်းနားလမ်းရွေ့လျားသွားသည့်နေရာတွင် ကျောက်စာတိုင်ဖြင့် Land Mark ဖော်ပြချက်ဆိုင်းဘုတ်စိုက်ထူမည့် နေရာသို့သွားရောက် ကြည့်ရှုခဲ့ကြပြီး မြစ်ကမ်းနားတစ်လျှောက် အမြဲသန့်ရှင်းသာယာလှပရေးအတွက် တာဝန် ရှိသူများအနေဖြင့် အလေးထားဆောင်ရွက်သွားကြရန် မှာကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်း ခရိုင်/မြို့နယ် လမ်းဦးစီးဌာနရုံး၊ ခရိုင်စီမံအုပ်ချုပ်ရေးအဖွဲ့ရုံး ဝန်ထမ်းအိမ်ရာနှင့် မြို့နယ် တရားရုံး၊ ခရိုင်ကျေးလက်ဒေသဖွံဖြိုးတိုးတက်ရေးဦးစီးဌာနရုံး၊ ခရိုင်သစ်တောဦးစီးဌာန ရုံးများသွားရောက်၍ ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် ရုံးအဆောက်အဦ များနှင့် ဝန်ထမ်းနေအိမ်များ ထိခိုက်ပျက်စီးမှု၊ ပြန်လည်ပြုပြင်နေမှုများနှင့် ဝန်ထမ်းများ အား Modular House နှင့် ယာယီအဆောက်အဦများဖြင့် နေထိုင်လုပ်ကိုင်နေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ငလျင်လှုပ် ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ ကုတင် ၂၀၀ ဆံ့ ပြည်သူ့ဆေးရုံ ပြန် လည်ပြုပြင်ပြီးစီးမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဇွန် ၃၀

မြန်မာအီလက်ထရောနစ်မဲပေးစက် (MEVM) အသုံးပြုခြင်းဆိုင်ရာ နည်းပြဆရာ အဖြစ်သင်တန်းဖွင့်ပွဲနှင့် လက်တွေ့စမ်းသပ်မဲပေးခြင်း အခမ်းအနားကို ဇွန်လ ၃၀ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းမြို့၊ နှစ်(၇၀၀)ပြည်သူ့အားကစားကွင်း အတွင်းရှိ အားကစားခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ ပြည်ထောင်စုရွေးကောက်ပွဲကော်မရှင်ရုံးမှ တာဝန်ရှိသူများ၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်းသား၊သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မြန်မာအီလက်ထရောနစ်မဲ ပေးစက် MEVM အသုံးပြု၍ မဲပေးခြင်းဖြင့် ပယ်မဲဖြစ်ပေါ်မှုမရှိခြင်း၊ မဲရေတွက်ရာတွင် အချိန်ကြန့်ကြာမှုများနှင့် ကိန်းဂဏန်းလွဲမှားမှုများအား ကျော်လွှားပြီး အချိန်တိုအတွင်း တိကျမှန်ကန်သည့်ရလဒ်များ ထုတ်ဆောင်ရွက်နိုင်မည်ဖြစ်ပါ၍ အငြင်းပွားဖွယ်ဖြစ်ရပ် များ မဲမသမာမှုများမရှိနိုင်တော့ဘဲ ပိုမိုပွင့်လင်းမြင်သာသည့် တရားမျှတပြီး သိက္ခာရှိ သည့် ရွေးကောက်ပွဲတစ်ရပ် ဖြစ်ပေါ်လာမည် ဖြစ်ပါကြောင်း ပြောကြားသည်။

ယင်းနောက် ပြည်ထောင်စုရွေးကောက်ပွဲကော်မရှင် အဖွဲ့ဝင် (စစ်ကိုင်းတိုင်းဒေသ ကြီးတာဝန်ခံ)ဦးမြင့်သိန်းက ပါတီစုံဒီမိုကရေစီ အထွေထွေရွေးကောက်ပွဲကြီး ကျင်းပသွား မည့်အခြေအနေများအား လည်းကောင်း၊ ပြည်ထောင်စုရွေးကောက်ပွဲကော်မရှင်ရုံးမှ လက်ထောက်ညွှန်ကြားရေးမှူးက MEVM စက်နှင့် ပတ်သက်၍ ရှင်းလင်းပြောကြားကြ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အခမ်းအနား သို့တက်ရောက်လာသူများ၏ မြန်မာအီလက်ထရောနစ် မဲပေးစက်ဖြင့် လက်တွေ့စမ်း သပ်မဲနေမှုများအား ကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဇွန် ၃၀

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံ၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေ သကြီး အဆင့်ဌာနဆိုင်ရာများသည် ဇွန်လ ၃၀ ရက်၊ နံနက်ပိုင်းတွင် စစ်ကိုင်းမြို့၊ ရာဇမ ဏိစူဠာ ကောင်းမှုတော်စေတီမြတ်ကြီး ပြုပြင်မွမ်းမံရန်အတွက် မြို့မိမြို့ဖများ၊ ဂေါပက အဖွဲ့ဉက္ကဌ၊ အဖွဲ့ဝင်များနှင့် ညှိနှိုင်းအစည်းအဝေးသို့ တက်ရောက်ကြသည်။

ဦးစွာ “နမောတဿ”သုံးကြိမ်ရွတ်ဆို ဘုရားကန်တော့၍ အစည်းအဝေးအား ဖွင့် လှစ်ကြပြီး တိုင်းဒေသကြီး ဝန်ကြီးချုပ်က ရာဇမဏိစူဠာ ကောင်းမှုတော်စေတီတော် မြတ်ကြီး ထိခိုက်ပျက်စီးမှုများအပေါ် ရေရှည်တည်တံ့ခိုင်မြဲအောင် ပြုပြင်ဆောင်ရွက်မှု များအား တိုင်းဒေသကြီးအစိုးရအဖွဲ့နှင့် ဌာနဆိုင်ရာများမှ ပံ့ပိုးကူညီဆောင်ရွက်ပေးနေမှု အခြေအနေများကို ရှင်းလင်းပြောကြားပြီး ဒုတိယဗိုလ်ချုပ်ကြီးက ရာဇမဏိစူဠာ ကောင်းမှုတော်စေတီတော်မြတ်ကြီး ပြိုကျပျက်စီးမှုများအပေါ် ရှင်းလင်းပြီးစီးခဲ့သည့် လုပ်ငန်းများနှင့် ပြန်လည်မွမ်းမံတည်ဆောက်သွားမည့် လုပ်ငန်းများအား ရှင်းလင်းပြော ကြားသည်။

ယင်းနောက် တည်ဆောက်ရေးအဖွဲ့နှင့် ဗိသုကာပညာရှင်များက ရာဇမဏိစူဠာ ကောင်းမှုတော်စေတီတော်မြတ်ကြီး ရေရှည်တည်တံ့ခိုင်မြဲရေး ဆောင်ရွက်လျက်ရှသည့် လုပ်ငန်းအခြေအနေများအား Power Point ဖြင့် ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးခဲ့ပြီး “ဗုဒ္ဓသာသနံ စိရံ တိဌတု” သုံးကြိမ်ရွတ်ဆိုဆုတောင်းကာ အစည်းအဝေးကို ရုပ်သိမ်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ ရာဇမဏိစူဠာ ကောင်းမူတော်စေတီတော်မြတ်ကြီးနှင့် မေတ္တာရေကန် ပြန်လည်ပြုပြင်မွန်းမံနေမှုများ အား လိုက်လံကြည့်ရှုခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ စစ်ကိုင်းတောင်ရိုး ဆွမ်းဦးပုညရှင်စေတီတော်မြတ်ကြီးသို့ ရောက်ရှိရာ စေတီတော်မြတ်ကြီး ပြန်လည်ပြုပြင် မွမ်းမံရန်အတွက် မြို့မိမြို့ဖများ၊ ဂေါပကအဖွဲ့ဉက္ကဌ၊ အဖွဲ့ဝင်များနှင့် ညှိနှိုင်းအစည်း အဝေးသို့ တက်ရောက်ကြသည်။

ဦးစွာ “နမောတဿ”သုံးကြိမ်ရွတ်ဆို ဘုရားကန်တော့၍ အစည်းအဝေးအား ဖွင့် လှစ်ကြပြီး တိုင်းဒေသကြီး ဝန်ကြီးချုပ်က ဆွမ်းဦးပုညရှင်စေတီတော်မြတ်ကြီး ပြန်လည် ပြုပြင်မွမ်းမံရန်အတွက် မိမိတို့တိုင်းဒေသကြီး အစိုးရအဖွဲ့အနေဖြင့် လိုအပ်သည်များ ပူးပေါင်းဆောင်ရွက်ပေးသွားမည့် အခြေအနေများအား ရှင်းလင်းပြောကြားပြီး ဒုတိယ ဗိုလ်ချုပ်ကြီးက ဆွမ်းဦးပုညရှင်စေတီတော်မြတ်ကြီး ပြိုကျပျက်စီးမှုများအပေါ် ရှင်းလင်း ပြီးစီးခဲ့သည့်လုပ်ငန်းများနှင့် ပြန်လည်မွန်းမံတည်ဆောက်သွားမည့် လုပ်ငန်းများအား ရှင်းလင်းပြောကြားသည်။

ယင်းနောက် တည်ဆောက်ရေးအဖွဲ့နှင့် ဗိသုကာပညာရှင်များက ဆွမ်းဦးပုညရှင် စေတီတော်မြတ်ကြီး ရေရှည်တည်တံ့ခိုင်မြဲရေး ဆောင်ရွက်လျက်ရှသည့် လုပ်ငန်းအခြေ အနေများအား Power Point ဖြင့် ရှင်းလင်းတင်ပြသည်။

ဆက်လက်၍ တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးခဲ့ပြီး “ဗုဒ္ဓသာသနံ စိရံ တိဌတု” သုံးကြိမ်ရွတ်ဆို ဆုတောင်းကာ အစည်းအဝေးကို ရုပ်သိမ်းခဲ့သည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ စစ်ကိုင်းတောင်ရိုး ဆွမ်းဦးပုညရှင်စေတီတော်မြတ်ကြီးနှင့် သာသနာ့ဗိမာန်တော်ကြီး ပြန်လည်ပြုပြင်နေမှု များအား လိုက်လံကြည့်ရှုခဲ့ကြောင်း သိရသည်။