မုံရွာ၊ ဇူလိုင် ၁၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများသည် ဇူလိုင်လ ၁၉ ရက်၊ နံနက်ပိုင်းတွင် ၂၀၂၅- ၂၀၂၆ ပညာသင်နှစ်၌ မုံရွာမြို့နှင့်အနီးဝန်းကျင်ရှိ ကျေးရွာများမှ ကျောင်းသား၊ကျောင်းသူများ ကျန်း မာသန်စွမ်းစွာဖြင့် ပညာသင်ကြားနိုင်ရေးတွက် မုံရွာမြို့၊ မြို့သစ်ရပ်ကွက်ရှိ အစိုးရနည်း ပညာအထက်ကျောင်းဝန်းအတွင်း မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ဆရာ/ဆရာမများနှင့် ကျောင်းသား/ ကျောင်းသူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်နေမှုများအား လိုက်လံ ကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းသန့်ရှင်း ရေးလုပ်ငန်းများ ဆောင်ရွက်ခဲ့ကြသည့် ဝန်ထမ်းများနှင့် ဆရာ/ဆရာမများများအား တိုင်းဒေသကြီး စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာနနှင့် စည်ပင် သာယာရေးအဖွဲ့တို့မှ စားသုံးဆီများ၊ ဆန်များနှင့် ဟင်းသီးဟင်းရွက်များအား ဈေးနှုန်း သက်စွာဖြင့်ရောင်းချပေးနေမှုများအား ကြည့်ရှုအားပေးခဲ့ကြပြီး သန့်ရှင်းရေးလုပ်ငန်းများ ဆောင်ရွက်ခဲ့ကြသူများအား ကော်ဖီနှင့်မုန့်များဖြင့် ဧည့်ခံကျွေးမွေးခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၉၀၀ ဦး ကျော်ဖြင့် အခြေခံပညာကျောင်းများ၌ စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ကြ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ လယ်တီရပ်ကွက်ရှိ လယ်တီရေကန်အား ဖွံ့ဖြိုးတိုးတက်ရေးလုပ်ငန်းများ ဆောင်ရွက်နေ မှုလုပ်ငန်းခွင်သို့ ရောက်ရှိရာ တိုင်းဒေသကြီး စည်ပင်သာယာရေးအဖွဲ့မှ ဒုတိယအင်ဂျင်နီယာမှူးကြီး ဦးမြင့်အောင်က လယ်တီရေကန်အကျယ် ၇.၅ ဧကအား ကျောက်ရိုးစီမြေ ထိန်းနံရံဆောင်ရွက်ခြင်း၊ နိုင်လွန်ကတ္တရာလမ်းခင်းလုပ်ငန်းများ ဆောင်ရွက်ခြင်း၊ ကန် ပတ်လည် အရှည် - ၂၄၇၇ ပေအား စတီးလက်ရန်းများတပ်ဆင်ခြင်း၊ ပန်းအလှပင်ကြီး များစိုက်ပျိုးခြင်းနှင့် အပန်းဖြေထိုင်ခုံများ ဆောင်ရွက်ခြင်းလုပ်ငန်းများ ဆောင်ရွက်ပြီးစီး မှုလုပ်ငန်းများနှင့် ဆက်လက်ဆောင်ရွက်သွားမည့် လုပ်ငန်းများအား ရှင်းလင်းတင်ပြ သည်။

ယင်းနောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများ စံချိန်စံ ညွှန်းမီ အရည်အသွေးကောင်းမွန်စွာဖြင့် သတ်မှတ်ကာလတွင် တည်ဆောက်ပြီးစီးရေး၊ ကန်ပတ်ဝန်းကျင်အား အမြဲသန့်ရှင်းသပ်ရပ်ရေးတို့အား တာဝန်ရှိသူများအား မှာကြားကာ တက်ဆောက်ရေးလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဇူလိုင် ၁၈

စစ်ကိုင်းတိုင်းဒေသကြီးအတွင်း Digital Payment အသုံးပြိုင်နိုင်ရေး ညှိနှိုင်း အစည်းအဝေးကို ဇူလိုင်လ ၁၈ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာ များ၊ မုံရွာမြို့ရှိ တက္ကသိုလ်များမှ ပါမောက္ခချုပ်များ၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌ နှင့်မုံရွာမြို့ပေါ်ရှိ ပုဂ္ဂလိကဘဏ်များမှ ဘဏ်မန်နေဂျာများနှင့် တာဝန်ရှိသူများ တက် ရောက်ကြပြီး တိုင်းဒေသကြီးအတွင်းရှိ ကလေးခရိုင်၊ စစ်ကိုင်းခရိုင်၊ ရွှေဘိုခရိုင် စီမံအုပ် ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အစိုးရ၏ Digital စီးပွားရေးအဆောက် အအုံသို့ အသွင်ကူးပြောင်းဆောင်ရွက်မှု လုပ်ငန်း စဉ်များအား အရှိန် အဟုန်မပြတ် ဆောင်ရွက်နိုင်စေရန်နှင့် ငွေပေးချေမှုစနစ်များ ပိုမိုထိရောက်စွာ အကောင်အထည်ဖော်နိုင်ရေးအတွက် တာဝန်ရှိသူအားလုံးမှ အစဉ်တစိုက်ကြိုးပမ်း ဆောင်ရွက် လျက်ရှိပါကြောင်း၊ အများပြည်သူများအနေဖြင့် ငွေသားသုံးစွဲမှုလျှော့ချပြီး Electronic ငွေပေးချေမှုနည်းလမ်းများဖြင့် ပိုမိုပေးချေနိုင်ရေးအတွက် Digital Payment လုပ်ငန်း များအား တိုးမြှင့်ဆောင်ရွက်သွားကြရန် လိုအပ်ပါကြောင်း၊ တိုင်းဒေသကြီးအတွင်းရှိ ဌာန ဆိုင်ရာများနှင့် အဖွဲ့အစည်းများ၏ လစာငွေပေးချေမှုများအား မြန်မာနိုင်ငံတော်ဗဟို ဘဏ်မှ ညွှန်ကြားထားသည့်အတိုင်း Digital ငွေကြေးဖြင့် ဆောင်ရွက်ပေးနိုင်ရေး အတွက် မြန်မာ့စီးပွားရေးဘဏ်တွင် ဖွင့်လှစ်ထားရှိသည့် ငွေထုတ်စာရင်းများမှ Digital Payment စနစ်ဖြင့် မိမိတို့နှစ်သက်ရာဘဏ်များသို့ စာရင်းလွှဲပြောင်းထုတ် ယူနိုင်ရေး ဌာနဆိုင်ရာများ၊ အစိုးရဘဏ်နှင့် ပုဂ္ဂလိကဘဏ်များမှ တာဝန်ရှိသူအားလုံးမှ ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး မြန်မာ့စီးပွားရေးဘဏ် မန်နေဂျာ ဒေါ်ထွန်းထွန်းဦး က တိုင်းဒေသကြီးအတွင်း Digital Payment အသုံးပြုမှုနှင့် ပတ်သက်၍ ရှင်းလင်းပြော ကြားပြီး မုံရွာမြို့ပေါ်ရှိ ပုဂ္ဂလိကဘဏ်များဖြစ်ကြသည့် KBZ ဘဏ်၊ CB ဘဏ်၊ AYA ဘဏ်၊ UAB ဘဏ်၊ MCB ဘဏ်များမှ ဘဏ်တာဝန်ခံများမှ မိမိတို့ဘဏ်များမှ Digital Payment အသုံးပြု၍ ငွေသွင်း/ငွေထုတ်လုပ်ငန်းများ ဆောင်ရွက်ပေးနေမှု အခြေအနေ များ၊ ဌာနဆိုင်ရာရုံးများသို့ ဘဏ်ဝန်ဆောင်မှုလုပ်ငန်းများ လိုက်လံဆောင်ရွက်ပေးနေမှု အခြေအနေများအား ရှင်းလင်းတင်ပြကြသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများနှင့် မုံရွာမြို့ပေါ်ရှိ တက္ကသိုလ်များမှ ပါမောက္ခချုပ်များက မိမိတို့ဌာနများအလိုက် Digital Payment အသုံးပြု၍ ဝန်ထမ်းလစာများ ပေးချေဆောင်ရွက်သွားမည့် အခြေအနေများအား ရှင်းလင်းတင်ပြကြ ပြီး Digital Payment အသုံးပြု၍ ဘဏ်ဝန်ဆောင်မှုလုပ်ငန်းများနှင့် ပတ်သက်၍ သိရှိလို သည်များကို အသီးသီး မေးမြန်းကြသည်။

ထို့နောက် တိုင်းဒေသကြီးအတွင်းရှိ မုံရွာခရိုင် စီမံအုပ်ချုပ်ရေးမှူးနှင့် ကလေးခရိုင်၊ စစ်ကိုင်းခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ် ဖြင့် မိမိတို့ခရိုင်များအတွင်း Digital Payment အသုံးပြုနေမှု အခြေအနေများအား ရှင်း လင်းတင်ပြကြသည်။

ယင်းနောက် တိုင်းဒေသကြီးအဆင့် ဌာနဆိုင်ရာများ၏ Digital Payment အသုံးပြု နေမှုလုပ်ငန်းများနှင့် ပတ်သက်၍ မေးမြန်းချက်များအပေါ် ပုဂ္ဂလိဘဏ်များမှ တာဝန်ရှိသူ များက ပြန်လည်ရှင်းလင်း ပြောကြားကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း Digital Payment အသုံးပြိုင်နိုင်ရေးနှင့် ပတ်သက်၍ လိုအပ်သည်များကို ဖြည့်စွက်ဆွေး နွေး အကြံပြုတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာကြ သူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ ဇူလိုင် ၁၇

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ ဘုန်းတော်ကြီးကျောင်းတိုက်များမှ သက် တော်ရှည်ဆရာတော်ကြီးများနှင့် ဆရာတော်/သံဃာတော်များ ဝါတွင်းကာလအတွင်း ဆွမ်းကွမ်းအခက်အခဲမရှိစေရေးတို့အတွက် တိုင်းဒေသကြီး အစိုးရအဖွဲ့မှ ဆွမ်းဆန်၊ ဆီ၊ ဆား၊ ပဲ၊ ဆေးနှင့် လှူဖွယ်ဝထ္တုပစ္စည်းများ ဆက်ကပ်လှူဒါန်းပွဲကို ဇူလိုင်လ ၁၇ ရက်၊ နံနက်ပိုင်းတွင် မုံရွာမြို့၊ ဘုရားကြီးရပ်ကွက်ရှိ သာစံကျောင်းတိုက်ကြီးတွင် ကျင်းပရာ ဆက်ကပ်လှူဒါန်းပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌများနှင့် အဖွဲ့ဝင်များ တက်ရောက်ကြသည်။

ဦးစွာ “နမောတဿ”သုံးကြိမ်ရွတ်ဆို ဘုရားကန့်တော့၍ အခမ်းအနားအား ဖွင့်လှစ် ကြပြီး မုံရွာမြို့၊ သာစံကျောင်းတိုက်၊ ဦးစီးပဓာနနာယက ဘဒ္ဒန္တတေဇဝန္တ သက်တော်ရှည် ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သက်များက ငါးပါးသီလခံ ယူဆောက်တည်ကြသည်။

ယင်းနောက် သက်တော်ရှည် ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက ဆွမ်းဆန်၊ ဆီ၊ ဆား၊ ပဲ၊ ဆေးနှင့် လှူဖွယ်ဝထ္တုပစ္စည်းများ ဆက်ကပ်လှူဒါန်းခဲ့ကြပြီး တိုင်း ဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ဘုရား ကြီးရပ်ကွက်ရှိ မဟာဝိဇ္ဇာသိပ္ပံကျောင်းတိုက်ကြီးသို့ ရောက်ရှိရာ နိုင်ငံတော်ဩဝါဒါစရိယ အဘိဓဇမဟာရဌဂုရု ဘဒ္ဒန္တသူရိယ သက်တော်ရှည်ဆရာတော်ကြီးထံမှ ငါးပါးသီလခံယူ ဆောက်တည်ကြသည်။

ယင်းနောက် သက်တော်ရှည် ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက ဆွမ်းဆန်၊ ဆီ၊ ဆား၊ ပဲ၊ ဆေးနှင့် လှူဖွယ်ဝထ္တုပစ္စည်းများ ဆက်ကပ်လှူဒါန်းခဲ့ကြပြီး တိုင်း ဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ဆူးလေ ကုန်းရပ်ကွက်ရှိ ဓမ္မပါရဂူကျောင်းတိုက်ကြီးသို့ ရောက်ရှိရာ နိုင်ငံတော်ဗဟိုသံဃာ့ဝန် ဆောင် အဂ္ဂမဟာပဏ္ဍိတ ဘဒ္ဒန္တအရိယာလင်္ကာရ သက်တော်ရှည် ဆရာတော်ကြီးထံမှ ငါးပါးသီလခံယူဆောက်တည်ကြသည်။

ဆက်လက်၍ သက်တော်ရှည် ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက ဆွမ်းဆန်၊ ဆီ၊ ဆား၊ ပဲ၊ ဆေးနှင့် လှူဖွယ်ဝထ္တုပစ္စည်းများ ဆက်ကပ်လှူဒါန်းခဲ့ကြပြီး တိုင်း ဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ကြောင်း သိရသည်။

စစ်ကိုင်း၊ ဇူလိုင် ၁၇

စစ်ကိုင်းမြို့နယ်တွင် မန္တလေးငလျင်ကြီးလှုပ်ခတ်ခဲ့မှုကြောင့်ထိခိုက်ပျက်စီးခဲ့သည့် နေအိမ်များအတွက် ဇူလိုင်လ ၁၆ ရက်နေ့ နံနက်ပိုင်းက စစ်ကိုင်းမြို့နှစ်(၇၀၀) အားကစားကွင်း၊ စည်းခုံကြီးဘုရား၊ မြို့ပြနှင့်အိမ်ယာဝင်းတို့တွင် သုံးနေရာခွဲ၍ ဌာနဆိုင်ရာအဖွဲ့များမှ ထောက်ပံ့ငွေများကို ထုတ်ပေးလျက်ရှိကြောင်းသိရသည်။

စစ်ကိုင်းမြို့နယ်တွင်ငလျင်ဒဏ်ကြောင့်ပြည်သူများ ၏ နေအိမ် စုစုပေါင်း (၁၇၈၀)အိမ် ပျက်စီးဆုံးရှုံးခဲ့ပြီး အဆိုပါပျက်စီးဆုံးရှုံးခဲ့သည့်နေအိမ်များအတွက် အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှု ကော်မတီမှ ငွေကျပ်(၆၃၅၉.၂၉၇၃ ) သန်းကို ထောက်ပံ့ပေးအပ်ခဲ့ပါသည်။

အဆိုပါ ငလျင်ဘေးဒဏ်ကြောင့်ထိခိုက်ပျက်စီးခဲ့သည့် နေအိမ်များအတွက် ထောက်ပံ့ငွေပေးအပ် နေမှုများအား စစ်ကိုင်းတိုင်းဒေသကြီးအစိုးရအဖွဲ့ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးညွန့်ဝင်းအောင်၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်နှင့် တာဝန်ရှိသူများမှ လိုက်လံကြည့်ရှု့ခဲ့ကြကြောင်းသိရသည်။

မုံရွာ၊ ဇူလိုင် ၁၆

၂၀၂၅-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အသက်(၂၅) နှစ်အောက် အမျိုးသားဖူဆယ်ပြိုင်ပွဲ ဖွင့်ပွဲအခမ်းအနားကို ဇူလိုင်လ ၁၆ ရက်၊ နံနက်ပိုင်းက မုံရွာမြို့၊ ပြည်သူ့အားကစားကွင်းအတွင်းရှိ ဖူဆယ်အားကစားရုံတွင် ကျင်းပပြုလုပ် ရာအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ ပြိုင်ပွဲဝင်အသင်းများမှ နည်းပြ/အုပ်ချုပ်များနှင့် အားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယခုကျင်းပသည့် ခရိုင် ပေါင်းစုံ အမျိုးသား ဖူဆယ်ပြိုင်ပွဲကနေ အရည်အချင်းပြည့်ဝသည့် ရွတ်ပုန်းသီး အားက စားသမားများကို ရွေးချယ်ပြီး မိမိတို့တိုင်းဒေသကြီး၏ ဖူဆယ်အားကစားအဆင့်အား ပြန်လည်မြှင့်တင်ပေးသွားမည်ဖြစ်သည့်အပြင် မြန်မာ့လက်ရွေးစင်အသင်း၏ အရံအင် အားမျိုးဆက်သစ်များကိုလည်း မွေးထုတ်ပေးသွားမည် ဖြစ်ပါကြောင်း၊ ပြိုင်ပွဲဝင်အားက စားသမားများအနေဖြင့်လည်း ဒိုင်လူကြီးများ၏ဆုံးဖြတ်ချက်အား လေးစားလိုက်နာသွား ကြရန်နှင့် မိမိတို့ဘဝအတွက် ရည်မှန်းချက်ပန်းတိုင်များထားကာ မိမိ၏ ခြေစွမ်းခြေစ အရည်အချင်းအား ပေါ်လွင်အောင် အားကစားစိတ်ဓါတ်ပြည့်ဝစွာဖြင့် ကြိုးစားယှဉ်ပြိုင်ပြီး နိုင်ငံ့ဂုဏ်ဆောင် ထူးချွန်အားကစားသမားကောင်းများဖြစ်အောင် ယှဉ်ပြိုင်ကစားသွားကြ ရန်လိုအပ်ပါကြောင်း ပြောကြားခဲ့ပြီး ၂၀၂၅-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ် ဖလား ခရိုင်ပေါင်းစုံ အသက်(၂၅)နှစ်အောက် အမျိုးသားဖူဆယ်ပြိုင်ပွဲအား ဖွင့်လှစ်ပေးခဲ့ သည်။

ဆက်လက်၍ ပြိုင်ပွဲဝင်အားကစားအသင်းများမှ အားကစားသစ္စာအဓိဌာန် ရွတ် ဆိုကြပြီး တိုင်းဒေသကြီး ဝန်ကြီးချုပ်နှင့် တိုင်းဒေသကြီး တရားသူကြီး ချုပ်၊ တိုင်းဒေ သကြီး အစိုးရအဖွဲ့ဝင်များက ပြိုင်ပွဲဝင်အားကစားအသင်းများအား လေ့ကျင့်ရေး ဖူဆယ် ဘောလုံးများအား အသင်းအုပ်ချုပ်သူများထံ လိုက်လံပေးအပ်ကာ ပြိုင်ပွဲဝင်အားကစား အသင်းများမှ ကွင်းအတွင်းမှပြန်လည်ထွက်ခွာကြသည်။

ထို့နောက် တိုင်းဒေသကြီး ဝန်ကြီးချုပ်နှင့် အခမ်း အနားသို့ တက်ရောက်လာသူ များမှ အဖွင့်ပွဲစဉ်အဖြစ် ရွှေဘိုခရိုင်ဖူဆယ်ဘောလုံးအသင်းနှင့် နာဂကိုယ်ပိုင်အုပ်ချုပ်ခွင့်ရ ဒေသဖူဆယ်ဘောလုံးအသင်းတို့ ယှဉ်ပြိုင်ကစားနေမှုများအား ကြည့်ရှုအားပေးရာ ရွှေဘို ခရိုင်အသင်းမှ နာဂကိုယ်ပိုင်အုပ်ချုပ်ခွင့်ရဒေသအသင်းအား အနိုင်ရရှိသွားသည်။

အဆိုပါ ၂၀၂၅-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အသက်(၂၅)နှစ်အောက် အမျိုးသားဖူဆယ်ပြိုင်ပွဲအား ဇူလိုင်လ ၁၆ ရက်နေ့မှ ၂၁ ရက်နေ့ အထိ ကျင်းပသွားမည်ဖြစ်ပြီး တိုင်းဒေသကြီးအတွင်းရှိ ခရိုင် ၁၂ ခရိုင်မှ ပြိုင်ပွဲဝင် အားက စားသမား ၁၄၄ ဦး ဝင်ရောက်ယဉ်ပြိုင် ကစားသွားမည်ဖြစ်ကြောင်း သိရသည်။

မုံရွာ၊ ဇူလိုင် ၁၆

အခြေခံငါးမွေးမြူရေးနှင့် ရေချိုငါးများ ဆေးထိုး သားဖောက်ခြင်းသင်တန်း ကောင်းမွန်သောရေသတ္တဝါ မွေးမြူရေးကျင့်စဉ် (GAqP)သင်တန်းဖွင့်ပွဲအခမ်းအနားကို ဇူလိုင်လ ၁၆ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ အောင်ချမ်းသာရပ်ကွက်ရှိ တစ်ပိုင်တစ်နိုင်ငါးသားဖောက်စခန်းတွင် ကျင်းပရာ သင်တန်းဖွင့်ပွဲ အခမ်းအနားသို့ တိုင်း ဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ သင်တန်းနည်းပြများနှင့် သင်တန်းသား၊သင်တန်းသူများ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အတွင်း ငါးမွေးမြူရေးကန် (၇၈၁၉.၁၂)ဧက မွေးမြူထားရှိပြီး ရွှေဘိုခရိုင်တွင် အများဆုံး မွေးမြူကာ ၄င်းငါးမွေးမြူရေးကန်များမှ ငါးရိက္ခာဖူလုံစေရေးအတွက် ထုတ်လုပ်မှုသည် ပြည်တွင်းစားသုံးမှု ဖူလုံရုံသာမက ပြည်ပသို့လည်း မြန်မာနိုင်ငံမှ ရေထွက်ပို့ကုန်အဖြစ် ကမ္ဘာ့နိုင်ငံအသီးသီးသို့ နှစ်စဉ်တင်ပို့ရောင်းချလျက် ရှိပါကြောင်း၊ ငါးမွေးတောင်သူများ လိုအပ်သည့် ငါးသားပေါက်များအား ကိုယ်တိုင်သားဖောက်ထုတ်လုပ်နိုင်ရန်နှင့် ကျေး လက်နေပြည်သူများ ဝင်ငွေတိုးပွားစေမည့် တစ်ပိုင်တစ်နိုင်မွေးမြူရေးလုပ်များ ပေါ်ထွန်း လာစေရန်အတွက် ယခုလိုသင်တန်းအား ဖွင့်လှစ်ပေးရခြင်းဖြစ်ပါကြောင်းနှင့် တစ်ဘက် တစ်လမ်းမှလည်း မြစ်ချောင်းအင်းအိုင်များအတွင်းရှိ လုပ်သားပြည်သူများ ငါးစားသုံးမှုပေါ ကြွယ်ဝစေရန် ငါးမျိုးစိုက်ထည့်ခြင်းများအား တာဝန်ရှိသူအားလုံးမှ ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။
ယင်းနောက် တိုင်းဒေသကြီး ငါးလုပ်ငန်းဦးစီးဌာနမှ ညွှန်ကြားရေးမှူး ဒေါ်မိုးသူဇာအောင်က အခြေခံငါးမွေးမြူရေးနှင့် ရေချိုငါးများ ဆေးထိုးသားဖောက်ခြင်း သင်တန်း ကောင်းမွန်သောရေသတ္တဝါ မွေးမြူရေးကျင့်စဉ် (GAqP)သင်တန်းဖွင့်လှစ်ရ ခြင်း၏ ရည်ရွယ်ချက်အား ရှင်းလင်းပြောကြားပြီး သင်တန်းသူတစ်ဦးက မိတ်ဆက်စကား ပြောကြားသည်။

ဆက်လက်၍ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက သင်တန်းဖွင့်လှစ်ရခြင်းနှင့် ပတ်သက်၍ ဖြည့်စွက်ဆွေးနွေး ပြောကြား သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါငါးသား ဖောက်စခန်းအတွင်း ခင်းကျင်းပြသထားသည့် သင်တန်းတွင်အသုံးပြုသွားမည့် ဆေးဝါး ပစ္စည်းများ၊ ငါးအဟာရအစာများနှင့် ငါးမြစ်ခြင်းငါးများအား ဟော်မုန်းဆေးထိုးကာ သား ဖောက်ခြင်းနှင့် သန္ဓေအောင်ဥများ မွေးမြူထားရှိမှုများအား လိုက်လံကြည့်ရှုခဲ့ကြပြီး ပြည် သူများငါးစားသုံးမှုဖူလုံစေရန်အတွက် မွေးမြူထားရှိသည့် ငါးများရှင်သန်ကြီးထွားစေရန် နှင့်ဈေးကွက်အတွင်း ဈေးနှုန်းချိုသာစွာရောင်းချသွားရေးတို့အား တာဝန်ရှိသူများအား မှာ ကြားကာ လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အဆိုပါ အခြေခံငါးမွေးမြူရေးနှင့် ရေချိုငါးများ ဆေးထိုးသားဖောက်ခြင်း သင်တန်း ကောင်းမွန် သောရေသတ္တဝါ မွေးမြူရေးကျင့်စဉ် (GAqP) သင်တန်းအား ဇူလိုင်လ ၁၆ ရက်နေ့မှ ၁၈ ရက်နေ့အထိ စာတွေ့လက်တွေ့ သင်ကြားပေးသွားမည်ဖြစ်ပြီး သင် တန်းသား/သင်တန်းသူ ၃၂ ဦး တက်ရောက်သွားမည်ဖြစ်ကြောင်း သိရသည်။