မုံရွာ၊ မတ် ၂၁

စစ်ကိုင်းတိုင်းဒေသကြီး၊ ၂၀၂၅-ခုနှစ်၊ အပြည်ပြည်ဆိုင်ရာ သစ်တောများနေ့ အခမ်းအနားကို မတ်လ ၂၁ ရက်၊ မွန်းလွဲပိုင်းတွင် မုံရွာမြို့၊ ချင်းတွင်းခန်းမ ၌ ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူ ကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများနှင့် ဖိတ်ကြားထားသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ကမ္ဘာပေါ်တွင်ရှိသည့် အပင်နှင့် တိရစ္ဆာန်များ ရှင်သန်ကြီးထွားရန်အတွက် ကောင်းမွန်တည်မြဲသည့် ဂေဟစနစ်သည် အခြေခံအုတ်မြစ်ဖြစ်ပါကြောင်း၊ စားရေရိက္ခာများ ရရှိမှုနှင့်ထုတ်လုပ်သည့်နည်းလမ်းများ သည်သဘာဝပတ်ဝန်းကျင် အခြေခံများနှင့် နက်နက်ရှိုင်းရှိုင်း ဆက်စပ်လျက်ရှိပါကြောင်း၊ ဂေဟစနစ်များတည်ငြိမ်ကောင်းမွန်ပြီး ရာသီဉတုမျှတကောင်းမွန်မှသာ စိုက်ပျိုးရေးနှင့် စားရေရိက္ခာထုတ်လုပ်ရေးများ အောင်မြင်ဖြစ်ထွန်းလာမည် ဖြစ်ပါကြောင်း၊ မိမိတို့နိုင်ငံ၏ အဖိုးတန်သစ်တော သယံဇာတများ ရေရှည်တည်တံ့ပြီး နိုင်ငံစဉ်ဆက်မပြတ်ဖွံ့ဖြိုးတိုး တက်မှုအား အထောက် အကူပြုစေရန်အတွက် မြန်မာ့သစ်တော မူဝါဒနှင့်အညီ သစ်တော များအား စီးပွားရေးအမြင်၊ လူမှုရေးအမြင်၊ ပတ်ဝန်းကျင်ထိန်းသိမ်းရေးအမြင်အစရှိသည့် အမြင်မျိုးစုံ၊ ရှုထောင့်မျိုးစုံနှင့်ရှုမြင်ပြီး သားစဉ်မြေးဆက် ရေရှည်ထိန်းသိမ်းသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး သစ်တောဦးစီးဌာနမှ ညွှန်ကြားရေးမှူးက အပြည် ပြည်ဆိုင်ရာ သစ်တောများနေ့ ဖြစ်ပေါ်လာပုံအကြောင်းအား ရှင်းလင်းဖတ်ကြားပြီး အခမ်းအနားသို့ တက်ရောက်လာသူများမှ ၂၀၂၅-ခုနှစ်၊ အပြည်ပြည်ဆိုင်ရာ သစ်တော များနေ့ အထိမ်းအမှတ် Video Clip အား ကြည့်ရှုအားပေးကြသည်။

ထို့နောက် တိုင်းဒေသကြီး ဝန်ကြီးချုပ်က ၂၀၂၄- ၂၀၂၅ ဘဏ္ဍာနှစ်အတွင်း သစ် တောပြုစုထိန်းသိမ်းခြင်းလုပ်ငန်းတွင် တက်ကြွစွာပါဝင်ဆောင်ရွက်ခဲ့သည့် မုံရွာစီးပွား ရေးတက္ကသိုလ် ပါမောက္ခချုပ်ထံ ဂုဏ်ပြုမှတ်တမ်းလွှာအား လည်းကောင်း၊ တိုင်းဒေသ ကြီး တရားသူကြီးချုပ်က မုံရွာတက္ကသိုလ် ပါမောက္ခချုပ်ထံ ဂုဏ်ပြုမှတ်တမ်းလွှာအား လည်းကောင်း၊ တိုင်းဒေသကြီး သယံဇာတရေးရာဝန်ကြီးက မုံရွာဂေါက်ကွင်းမှ တာဝန်ရှိ သူတစ်ဦးထံ ဂုဏ်ပြုမှတ်တမ်းလွှာအား လည်းကောင်း အသီးသီး ပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ ခန်းမအတွင်း ခင်းကျင်းပြသထားသည့် ၂၀၂၅-ခုနှစ်၊ အပြည်ပြည်ဆိုင်ရာ သစ်တောများနေ့ အထိမ်း အမှတ် မှတ်တမ်းဓါတ်ပုံများနှင့် ပိုစတာများအား လိုက်လံကြည့်ရှုအားပေးခဲ့ကြောင်း သိရ သည်။

ဗန်းမောက် မတ် ၂၀

စစ်ကိုင်းတိုင်းဒေသကြီးအစိုးရအဖွဲ့ဝင်၊ တိုင်းရင်း သားရေးရာဝန်ကြီး၊ ဦးစိုင်းနိုင်နိုင်ကျော် ယနေ့ နံနက်ပိုင်းက ဗန်းမောက်မြို့၊ မြို့နယ်ပြည်သူ့ဆေးရုံသို့ မြို့နယ်အတွင်းရှိ လုပ်ငန်းရှင်များက ငွေကျပ်သိန်း (၉၅၀) တန်ဖိုးရှိ ဓါတ်မှန်စက်ပေးအပ် လှူဒါန်းပွဲ အခမ်းအနား တက်ရောက် သည်။

အဆိုပါအခမ်းအနားတွင် စစ်ကိုင်းတိုင်းဒေသကြီးအစိုးရအဖွဲ့ဝင်၊ တိုင်းရင်းသားရေးရာဝန်ကြီး၊ ဦးစိုင်းနိုင်နိုင်ကျော်က အဖွင့်အမှာစကားပြောကြားရာ၌မြို့နယ်အတွင်း လာရောက်ဆေးကုသမှုခံယူမည့် ပြည်သူများအား လွယ်ကူစွာကျန်းမာရေးစစ်ဆေးမှုခံယူနိုင်ရန်အတွက် မြို့နယ်အတွင်းရှိ တပ်ရင်းတပ်ဖွဲ့များ၊ အုပ်ချုပ်ရေးအဖွဲ့အစည်းများ နှင့် လုပ်ငန်းရှင် အလှူရှင်များ ပူးပေါင်းဆောင်ရွက်မှုဖြင့် မြို့နယ်ပြည်သူ့ဆေးရုံအတွက် ငွေကျပ်သိန်း (၉၅၀)တန်ဘိုးရှိ ဓါတ်မှန်စက် လှူဒါန်းပေးအပ်နိုင်မှုအား ဂုဏ်ပြု မှတ်တမ်းတင်ပါကြောင်းနှင့် ဒေသဖွံ့ဖြိုးရေးလုပ်ငန်းများနှင့် လုံခြုံရေး ဆောင်ရွက်နေမှုများ လိုကို ဖြည့်ဆည်းဆောင်ရွက်နိုင်ရေး ရှင်းလင်းပြောကြားပြီး၊ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးရဲမွန်အောင်၊ SNA တပ်မဟာ (၆၁၄) တပ်မဟာမှူး ဗိုလ်မှူးချုပ် ဝစ်လုံဆေးကောင်းဆိုင် နှင့် အလှူရှင်များကိုယ်စား ဦးလူအောင်တို့က လှူဒါန်းမှုအတွက် ဂုဏ်ယူဝမ်းမြောက်စကားများပြောကြားကြသည်။

ဆက်လက်၍ မြို့နယ်ပြည်သူများကိုယ်စား မြို့နယ်ကုသရေးဦးစီးမှူး ဒေါက်တာကျော်ကျော်လင်းက ကျေးဇူးတင်စကား ပြောကြားသည်။

ထို့နောက် SNA တပ်မဟာ (၆၁၄) တပ်မဟာမှူး ဗိုလ်မှူးချုပ် ဝစ်လုံဆေးကောင်းဆိုင်က ဓါတ်မှန်စက်အားပေးအပ်လှူဒါန်းရာ မြို့နယ်ကုသရေးဦးစီးမှူး ဒေါက်တာကျော်ကျော်လင်းက ဂုဏ်ပြုမှတ်တမ်း ပြန်လည်ပေးအပ်ခဲ့ကြောင်းသိရသည်။

ယင်းနောက် စစ်ကိုင်းတိုင်းဒေသကြီးအစိုးရအဖွဲ့ဝင်၊ တိုင်းရင်းသားရေးရာဝန်ကြီး၊ ဦးစိုင်းနိုင်နိုင်ကျော်က ဗန်းမောက်မြို့၊ မြို့မအခြေခံအလယ် တန်းကျောင်း စာစစ်ဌာနသို့သွားရောက်ပြီး စာမေးပွဲဖြေဆိုနေ သည့် ကျောင်းသားကျောင်းသူများအား ကြည့်ရှု အားပေးပြီး စာမေးပွဲဖြေဆိုပြီးပြန်ထွက်လာသည့် ကျောင်းသားကျောင်းသူများအား အချိုရည်ဗူးများကုသိုလ်ပြု ဝေပေးခဲ့ကြကြောင်း သိရသည်။

မုံရွာ၊ မတ် ၂၀

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ် ပညာရေးမှူးများ၊ မုံရွာခရိုင်/မြို့နယ် စီမံအုပ် ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် မတ်လ ၂၀ ရက်၊ နံနက်ပိုင်း တွင် မုံရွာမြို့၊ အမှတ်(၂)အခြေခံပညာအထက်တန်းကျောင်းနှင့် အမှတ်(၂)အခြေခံပညာ နှင့်စိုက်ပျိုး၊မွေးမြူရေးအထက်တန်းကျောင်း(အလုံ)တို့ရှိ သက်မှတ်ကျောင်းဆောင်များတွင် ကျောင်းသား၊ကျောင်းသူများ စိတ်အေးချမ်းသာစွာဖြင့် တက္ကသိုလ်ဝင်စာမေးပွဲ ဓာတုဗေဒဘာသာရပ်နှင့် ပထဝီဘာသာရပ်ဖြေဆိုနေမှုအား သွားရောက်ကြည့်ရှုအားပေး ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်က ကျောင်းသား၊ကျောင်းသူများ တက္ကသိုလ်ဝင်စာမေးပွဲ ဘာသာရပ်များအလိုက် စိတ်အေးချမ်းသာစွာဖြင့် ဖြေဆိုနိုင်ရန် အတွက်တာဝန်ရှိသူအားလုံးမှ အလေးထားဆောင်ရွက်သွားကြရန်၊ စနစ်တကျဖြေဆိုနိုင် ရေးအတွက်တာဝန်ရှိိသူများမှ ကြပ်မတ်သွားကြရန်နှင့် ကျောင်းများပတ် ဝန်းကျင်ဆူညံမှု များမဖြစ်စေရေး၊ လျှပ်စစ်မီးပြတ်တောက်မှုမရှိစေရေး၊ စာဖြေအဆောင်များအတွင်း လေ ဝင်လေထွက်ကောင်းမွန်စေရေး၊ ကျန်းမာရေးစောင့်ရှောက်မှုများပေးထားရေး၊ ယာဉ် အန္တရာယ်၊လမ်းအန္တရာယ်ကင်းရှင်းရေးနှင့် လုံခြုံရေးလုပ်ငန်းများဆောင်ရွက်ထားရှိရေး တို့အားတာဝန်ရှိသူများအား မှာကြားကာ ကြီးကြပ်ရေးမှူးများနှင့်ဆရာ/ဆရာမများအား ရင်းရင်းနှီးနှီး တွေ့ဆုံနှုတ်ဆက်ခဲ့သည်။

စစ်ကိုင်းတိုင်းဒေသကြီးအတွင်းရှိ ခရိုင်/မြို့နယ်များတွင် စာစစ်ဌာန ၃၅ ဌာနတွင် ဓာတုဗေဒဘာသာရပ် ဖြေဆိုသူကျောင်းသား/ကျောင်းသူ စုစုပေါင်း ၇၄၆၀ ဦးနှင့် ပထဝီဘာသာရပ်ဖြေဆိုသူ ကျောင်းသား/ကျောင်းသူ ၂၄၀၃ ဦး၊ စုစုပေါင်း ၉၈၆၃ ဦး ဝင်ရောက်ဖြေဆိုလျက်ရှိပြီး ဖြေဆိုမှုရာခိုင်နှုန်း- ၉၅.၈၄ ရာခိုင်နှုန်းဖြစ်သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ပြည် သူ့အားကစားကွင်းအတွင်း ၂၀၂၅-ခုနှစ်၊ နွေရာသီ အခြေခံအားကစားသင်တန်းများဖြစ် သည့် ဘောလုံး၊ ဖူဆယ်၊ အေရိုးဗစ်သင်တန်းများ လေ့ကျင့်နေမှုများအား သွားရောက် ကြည့်ရှုအားပေးပြီး တိုင်းဒေသကြီး အစိုးရအဖွဲ့ဝင်များနှင့်အတူ သင်တန်းသား/သင်တန်း သူများနှင့် နည်းပြများအတွက် တူညီဝတ်စုံများ၊ လေ့ကျင့်ရေးအားကစားပစ္စည်းများအား ပေးအပ်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါအားက စားကွင်းအတွင်းရှိ မိုးလုံလေလုံအားကစားခန်းမအတွင်း ခရာတေး၊ မြန်မာ့သိုင်း၊ ရိုးရာ ခြင်းနှင့် ကြက်တောင်သင်တန်းများ သင်ကြားလေ့ကျင့်နေမှုများအား ကြည့်ရှုအားပေးပြီး တိုင်းဒေသကြီး အစိုးရအဖွဲ့ဝင်များနှင့်အတူ သင်တန်းသား/သင်တန်းသူများနှင့် နည်းပြ များအတွက် တူညီဝတ်စုံများ၊ လေ့ကျင့်ရေးအားကစားပစ္စည်းများအား ပေးအပ်ခဲ့ကြပြီး သင်တန်းသား/သင်တန်းသူများအား ရင်းရင်းနှီးနှီးနှုတ်ဆက် အားပေးခဲ့ကြသည်။

အဆိုပါ နွေရာသီ အခြေခံအားကစားသင်တန်းတွင် ဘောလုံး၊ Fitness Dance/ အေရိုးဗစ်၊ ၊ ဖူဆယ်၊ ကရာတေး၊ စားပွဲတင်တင်းနစ်၊ ဘတ်စကက်ဘော၊ တင်းနစ်၊ ပိုက် ကျော်ခြင်း၊ ရိုးရာခြင်းလုံး၊ မြန်မာ့သိုင်း၊ ဘော်လီဘော၊ ကြက်တောင်၊ ဗိုဗီနမ်၊ အားကစား (၁၃)မျိုး၌ သင်တန်း သား၊သင်တန်းသူ ၇၄၄ ဦးတက်ရောက်လျက်ရှိရာ သင်တန်းများ အား မတ်လ ၁၀ ရက်နေ့မှ ဧပြီလ ၁၀ ရက်နေ့အထိ ဖွင့်လှစ်သင်ကြားပေးသွားမည်ဖြစ် ကြောင်း သိရသည်။

မုံရွာ၊ မတ် ၁၉

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ ဘုရားစေတီပုထိုးများသို့ အခါကြီးရက်ကြီး နေ့များနှင့် အားလပ်ရက်များတွင် မုံရွာမြို့နှင့်အနီးဝန်းကျင်ရှိ ဘုရားဖူးပြည်သူများ စိတ် အေးချမ်းသာစွာဖြင့် ဖူးမျှော်ကြည်ညိုနှိုင်ရေးအတွက် မတ်လ ၁၉ ရက်၊ နံနက်ပိုင်းတွင် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာမြို့၊ ဘုရားကြီး ရပ်ကွက်ရှိ သမိုင်းဝင် ဆုတောင်းပြည့်စေတီတော်ကြီးရှိ ရှေးဟောင်း ရန်အောင်မြင်စေတီ တော် လုံးတော်ပြည့် ရွှေသင်္ကန်းကပ်လှူပူဇော်ပြီးစီးမှုနှင့် စေတီတော် ပြန်လည်ပြုပြင် မွန်းမံနေမှုများနှင့် သမိုင်းဝင် ဆုတောင်းပြည့်စေတီတော်ကြီးအား လုံးတော်ပြည့် ရွှေ သင်္ကန်းကပ်လှူပူဇော်နိုင်ရန်အတွက် တာဝန်ရှိသူများအတူ လက်ယာရစ်တစ်ပတ် လိုက် လံကြည့်ရှုဖူးမျှော်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် သမိုင်းဝင်ဆု တောင်းပြည့်စေတီတော်ကြီး လုံးတော်ပြည့် ရွှေသင်္ကန်းကပ်လှူပူဇော်နိုင်ရေးအတွက် အဆိုပါစေတီတော်ကြီးရှိ ဂေါပကအဖွဲ့ရုံး အစည်းအဝေးခန်းမတွင် ဂေါပကအဖွဲ့ ဉက္ကဌနှင့် အဖွဲ့ဝင်များအား တွေ့ဆုံရာ ဂေါပကအဖွဲ့ ဉက္ကဌနှင့်အဖွဲ့ဝင်များက သမိုင်းဝင်ဆုတောင်း ပြည့်စေတီတော်ကြီး လုံးတော်ပြည့် ရွှေသင်္ကန်းကပ်လှူပူဇော်နိုင်ရေး အလှူငွေရရှိမှု အခြေအနေများနှင့် ရွှေသင်္ကန်းကပ်လှူပူဇော်နိုင်ရေး လုပ်ငန်းများဆောင်ရွက်သွားမည့် အခြေအနေများအား ရှင်းလင်းပြောကြားကြသည်။

ထို့နောက် တိုင်းဒေသကြီး ဝန်ကြီးချုပ်က မိမိတိုင်းဒေသကြီး အစိုးရအဖွဲ့အနေဖြင့် တိုင်းဒေသကြီးအတွင်းရှိ သမိုင်းဝင် ဘုရားစေတီပုထိုးများ၊ကျောင်းကန်များအား အလှူ ရှင်များနှင့်ပူးပေါင်းကာ လုံးတော်ပြည့်ရွှေသင်္ကန်းများ ကပ်လှူပူဇော်ခြင်း၊ လျှပ်စစ်မီး၊ရေ နှင့်ဘုရားဖူးများအဆင်ပြေစွာ ဖူးမျှော်နိုင်ရေးတို့အတွက် ဆောင်ရွက်ခဲ့မှုများနှင့် ပြန်လည် ပြုပြင်မွန်းမံရေးလုပ်ငန်းများ ဆောင်ရွက်ခဲ့မှုများအား ရှင်းလင်းပြောကြားပြီး သမိုင်းဝင် ဆုတောင်းပြည့်စေတီတော်ကြီး လုံးတော်ပြည့် ရွှေသင်္ကန်းကပ်လှူပူဇော်နိုင်ရေး လုပ်ငန်း များနှင့်ပတ်သက်၍ ရှင်းလင်းတင်ပြချက်များ အပေါ်လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ် ဆောင်ရွက်ပေးကာ စေတီတော်ကြီးရင်ပြင်နှင့်ပတ်ဝန်းကျင် အမြဲသန့်ရှင်းသပ်ရပ်စေရေးတို့အား မှာကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ရုံးကြီးရပ်ကွက်ရှိ သမိုင်းဝင် ရွှေစည်းခုံစေတီတော်ကြီးသို့ ရောက်ရှိရာ စေတီတော်ကြီး အားလာရောက်ဖူးမျှော်ကြမည့် ဘုရားဖူးပြည်သူများ စိတ်နှလုံးအေးချမ်းစွာဖြင့် ဖူးမျှော် နိုင်ရေးအတွက် စေတီတော်ကြီးပတ်ဝန်းကျင် သန့်ရှင်းသပ်ရပ်ရေးတို့အား လိုက်လံကြည့် ရှုဖူးမျှော်ခဲ့ကြပြီး စေတီတော်ကြီး တောင်ဘက်စောင်းတန်းပြန်လည် ပြုပြင်မွန်းမံနေမှု များအား ကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ကွေ့ကြီး ရပ်ကွက်ရှိ အရှ့ဘက်ကန်သာယာကန်ရှိ ရာပြည့်ကပ်ကျော်စေတီတော်ကြီးသို့ ရောက်ရှိ ရာစေတီတော်ကြီး ပတ်ဝန်း ကျင်နှင့် အာရုံခံအတွင်း သန့်ရှင်းသပ်ရပ်မှုရှိစေရေးတို့အား လိုက်လံကြည့်ရှုဖူးမျှော်ခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့ကြောင်း သိရသည်။

မုံရွာ၊ မတ် ၁၇

စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် တိုင်းဒေသကြီး အားကစား နှင့်ကာယပညာဦးစီးဌာနမှ ကြီးမှူးဖွင့်လှစ်သည့် ၂၀၂၅-ခုနှစ်၊ နွေရာသီ အခြေခံအားကစားသင်တန်းများ ဖွင့်ပွဲအခမ်းအနားကို မတ်လ ၁၇ ရက်၊ နံနက်ပိုင်းတွင် မုံရွာမြို့၊ ပြည် သူ့အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ နည်းပြများ၊ သင်တန်းသား၊ သင်တန်းသူများနှင့်မိဘများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က လူငယ်လူရွယ်များစာရိတ္တနှင့် စိတ်ဓါတ်ကြံ့ခိုင်ပြီး ဘက်စုံဖွံ့ဖြိုးတိုးတက်သည့် အားကစားသမား လူတော်လူကောင်းများ ပေါ်ထွက်လာစေရေး၊ လူငယ်များအားကစားနည်းအလိုက် နည်းစနစ်များ၊ ဥပဒေများ ကျွမ်းကျင်လိုက်နာမှုရှိစေရေး၊ ကျောင်းသားလူငယ်များ နွေရာသီအားလပ်ရက်ကာလများ တွင်အချိန်ကိုအကျိုးရှိစွာ အသုံးပြုနိုင်ရန်ဆိုသည့် ရည်ရွယ်ချက်(၃)ရပ်ဖြင့် အားကစား နည်း(၁၃)မျိုးအား ဖွင့်လှစ်သင်ကြားပေးခြင်း ဖြစ်ပါကြောင်း၊ သင်တန်းသား၊သင်တန်း သူများအနေဖြင့် ယခုသင်တန်းမှသင် ကြားပို့ချချက်များအား ကြိုးစားသင်ယူလေ့ကျင့်ပြီး ရပ်ကွက်၊ကျေးရွာ၊မြို့နယ်အဆင့်မှနေပြီး နိုင်ငံတော်မှအားထားရသည့် နိုင်ငံ့ဂုဏ်ဆောင် အားကစားမောင်မယ်များ အဆင့်အထိရောက်ရှိအောင် ကြိုးစားအားထုတ်သွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝနှ်ရှိသူများသည် သင်တန်းသား/ သင်တန်းသူများ၏ မြန်မာ့သိုင်း၊ ကရာတေး၊ ဘောလုံး၊ တင်းနစ်၊ Fitness Dance တို့ဖြင့် သရုပ်ပြသမှုများအား ကြည့်ရှုအားပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သရုပ်ပြသဖျော် ဖြေသွားကြသည့် သင်တန်းသား၊သင်တန်းသူများနှင့် သင်တန်းနည်းပြများအား ဂုဏ်ပြု ချီးမြှင့်ငွေများနှင့် သင်ထောက်ကူအားကစားပစ္စည်းများ ပေးအပ်ချီးမြှင့်ခဲ့ကြပြီး ဖွင့်ပွဲ အခမ်းအနားသို့ တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

အဆိုပါ နွေရာသီ အခြေခံအားကစားသင်တန်းတွင် ဘောလုံး၊ Fitness Dance/ အေရိုးဗစ်၊ ၊ ဖူဆယ်၊ ကရာတေး၊ စားပွဲတင်တင်းနစ်၊ ဘတ်စကက်ဘော၊ တင်းနစ်၊ ပိုက် ကျော်ခြင်း၊ ရိုးရာခြင်းလုံး၊ မြန်မာ့သိုင်း၊ ဘော်လီဘော၊ ကြက်တောင်၊ ဗိုဗီနမ်၊ အားကစား (၁၃)မျိုး၌ သင်တန်း သား၊သင်တန်းသူ ၇၄၄ ဦးတက်ရောက်ကြပြီး သင်တန်းကာလ ၁ လ ကြာဖွင့်လှစ်သင်ကြား ပို့ချပေးသွားမည်ဖြစ် ကြောင်း သိရသည်။

မုံရွာ၊ မတ် ၁၇

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ မုံရွာတက္ကသိုလ် ပါမောက္ခချုပ်၊ တိုင်ဒေသကြီး/ခရိုင်/မြို့နယ် ပညာရေးမှူး များ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် မတ်လ ၁၇ ရက်၊ နံနက်ပိုင်းတွင် မုံရွာမြို့၊ အမှတ်(၂)အခြေခံပညာ အထက်တန်းကျောင်း (အလုံ)နှင့် အမှတ်(၂)အခြေခံပညာအထက်တန်း ကျောင်းတို့တွင် ကျောင်းသား၊ကျောင်းသူ များစိတ်အေးချမ်းသာစွာဖြင့် တက္ကသိုလ်ဝင်စာမေးပွဲ မြန်မာဘာသာရပ်ဖြေဆိုနေမှုအား သွားရောက်ကြည့်ရှုအားပေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်က ကျောင်းသား၊ကျောင်းသူများ စိတ် အေးချမ်းသာစွာဖြင့် စာမေးပွဲဖြေဆိုနိုင်ရန်အတွက် ကျန်းမာရေးစောင့်ရှောက်မှုများပေး ထားရေး၊ မီးဘေးအန္တရာယ်ကြိုတင်ကာကွယ်ရေး လုပ်ငန်းများဆောင်ရွက်ထားရှိရေးနှင့် လုံခြုံရေးလုပ်ငန်းများ ဆောင်ရွက်ထားရှိမှုများအား တာဝန်ရှိသူများမှ လိုက်လံရှင်းလင်း ပြသမှုများအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ကြီးကြပ်ရေးမှူးများနှင့် ဆရာ/ဆရာမများအား ရင်းရင်းနှီးနှီးတွေ့ဆုံနှုတ် ဆက်ခဲ့သည်။

စစ်ကိုင်းတိုင်းဒေသကြီးအတွင်းရှိ ခရိုင်/မြို့နယ်များရှိ စာစစ်ဌာန ၃၅ ခုတွင် ကျောင်းသား၊ကျောင်း သူ စုစုပေါင်း - ၁၀၃၀၅ ဦး ဝင်ရောက်ဖြေဆိုလျက်ရှိကြောင်း သိရသည်။