မုံရွာ၊ မေ ၂၈

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများသည် မေလ ၂၈ ရက်၊ နံနက် ပိုင်းတွင် ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ ရာဇမဏီစူဠာ ကောင်းမူတော်စေတီတော်ကြီးသို့ ရောက်ရှိရာ စေတီတော်ကြီးအား ကြံ့ခိုင်မှုများပြန်လည်စစ်ဆေးရန်အတွက် စက်ယန္တယားများဖြင့် လုပ်ငန်းများဆောင်ရွက်နေမှုများနှင့် စေတီတော်ကြီးမြောက်ဘက်မုဒ်ရှိ မေတ္တာကန်တော် ထိခိုက်ပျက်စီးမှုများအား လိုက်လံ ကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ၂၀၂၅-၂၀၂၆ ပညာသင်နှစ်၊ ကျောင်းသား/ကျောင်းသူများ ပညာသင်ကြားမှု အဆင်ပြေစေရန်အတွက် စစ်ကိုင်းမြို့၊ အမှတ်(၃) အခြေခံပညာအထက်တန်း၌ အလျား - ၁၂၀ ပေ၊ အနံ - ၃၀ ပေ၊ ၁ ထပ်ကျောင်းဆောင် အဆောက် အဦ ၄ လုံး တည်ဆောက်နေမှုများနှင့် ရွာထောင်ရပ်ကွက် အခြေခံပညာအလယ်တန်းကျောင်း(ခွဲ)၌ အလျား - ၉၀ ပေ၊ အနံ - ၃၀ ပေ၊ ၁ ထပ် ကျောင်းဆောင်၊ အလျား - ၆၀ ပေ၊ အနံ - ၃၀ ပေ၊ ၁ ထပ်ကျောင်းဆောင်နှင့် အာဆီယံ The AHA Centre မှ ထောက်ပံ့လှူဒါန်းသည့်ကွန်တိန်နာကျောင်းဆောင် (Prefabricated Schools) ၁ လုံး တည်ဆောက်နေမှုများအား လိုက်လံကြည့်ရှုစစ်ဆေးပြီး တည်ဆောက်ရေးလုပ်ငန်းများ စံချိန်စံညွှန်းမီ အရည်အသွေးကောင်းမွန်စွာဖြင့် သတ်မှတ်ကာလတွင် တည်ဆောက်ပြီးစီးရေးတို့အား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ နှစ် ၇၀၀ ပြည်သူ့အားကစားကွင်းရှိ မိုးလုံလေလုံအားကစားခန်းမတွင် ကျင်းပပြုလုပ်သည့်ငလျင်ဘေးသင့်ပြည်သူများအတွက် ပန်းခင်းစီမံချက် နိုင်ငံသားစီစစ်ရေးကတ်ပြားများနှင့် အိမ်ထောင်စုလူဦးရေစာရင်းဆောက်ရွက်ပေးခြင်း အခမ်းအနားသို့ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားပြီး စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌ ဦးမျိုးအောင်က ငလျင်ဘေးသင့်ပြည်သူများ အတွက် ပန်းခင်းစီမံချက် နိုင်ငံသားစီစစ်ရေးကတ်ပြားများနှင့် အိမ်ထောင်စုလူဦးရေစာ ရင်းဆောက်ရွက်ပေးရခြင်းနှင့် ပတ်သက်၍ ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ စစ်ကိုင်းခရိုင် စီမံအုပ်ချုပ်ရေးအဖွဲ့ ဉက္ကဌနှင့် လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန၊ စစ်ကိုင်းခရိုင်ဦးစီးမှူးတို့က ငလျင်ဘေးသင့်ပြည်သူများအား နိုင်ငံသားစီစစ် ရေးကတ်ပြားများ အသီးသီးပေးအပ်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက် လာကြသည့် ငလျင်ဘေးသင့်ပြည်သူများအား စားသောက်ဖွယ်ရာများ လိုက်လံဝေငှပေးခဲ့ကြောင်း သိရသည်။

မုံရွာ၊ မေ ၂၈

၂၀၂၅ ရက် မတ်လ ၂၈ ရက်နေ့တွင် အလွန်ပြင်းထန်သည့် မြေငလျင်လှုပ်ခတ်ခဲ့မှုကြောင့် အသက်ဆုံးရှုံးမှုများနှင့် ပျက်စီးဆုံးရှုံးခဲ့ရမှု ၂ လ ပြည့်အဖြစ် ဆုတောင်းမေတ္တာပို့သ၍ အမျှ အတမ်းပေးဝေခြင်း အခမ်းအနားကို မေလ ၂၈ ရက်၊ နံနက်ပိုင်းတွင် စစ်ကိုင်းမြို့၊ စစ်ကိုင်းတောင်ရိုး၊ ဆွမ်းဦးပုညရှင်စေတီတော်မြတ်ကြီးရှိ သာသနာ့ဗိမာန်တွင် ကျင်းပပြုလုပ်ရာ အခမ်းအနားသို့ တိုင်ဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ ရပ် ကွက်နေပြည်သူများ တက်ရောက်ကြသည်။

ဦးစွာ “နမောတဿ”သုံးကြိမ်ရွတ်ဆို ဘုရားကန်တော့၍ အခမ်းအနားအား ဖွင့် လှစ်ကြပြီး နိုင်ငံတော်ဩဝါဒါစရိယ၊ အဂ္ဂမဟာသဒ္ဓမ္မဇောတိကဓဇ၊ စစ်ကိုင်းမြို့၊ သောတ ပန်ရပ်ကွက်၊ ခေမာသီဝံကျောင်းတိုက် ဘဒ္ဒန္တပညာသီရိ ဆရာတော်ကြီးထံမှ တိုင်းဒေသ ကြီး ဝန်ကြီးချုပ်နှင့်ဇနီး၊ ဧည့်ပရိသတ်များက ငါးပါးသီလခံယူဆေက်တည်ကြသည်။

ယင်းနောက် ဆရာတော်အရှင်သူမြတ်များက မေတ္တာသုတ်ပရိတ်တရားတော်များရွတ်ပွားသရစ္စျာယ် ချီးမြှင့်တော်မူကြပြီး ဆရာတော်ကြီးများနှင့် ပင့်သံဃာဆရာတော်များ ထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသ ကြီးအဆင့် ဌာနဆိုင်ရာများက လှူဖွယ်ဝတ္ထုပစ္စည်းများ ဆက်ကပ်လှူဒါန်းကြသည်။

ဆက်လက်၍ နိုင်ငံတော်သံဃမဟာနာယကအဖွဲ့(အဖွဲ့ဝင်) စစ်ကိုင်းမြို့၊ ရွှေဘုန်းပွင့်ကျောင်း တိုက်၊ အဂ္ဂမဟာပဏ္ဍိတ၊ ဘဒ္ဒန္တပဏ္ဍဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့်ဇနီး၊ ဧည့်ပရိတ်သတ်များက အနုမောဒနာတရား နာယူကြည်ညိုကာ ရေစက်သွန်းချအမျှပေးဝေကြပြီး “အနိစ္စဝတ သင်္ခါရ” အစချီသော သံဝေဂဂါထာအား ရွတ် ဆို၍ အနားအခမ်းကို ရုပ်သိမ်းခဲ့ကြသည်။

ထို့နောက် ပင့်သံဃာဆရာတော်ကြီးများအား အဆိုပါစေတီတော်ကြီးရှိ ဂေါပက အဖွဲ့ရုံးခန်းတွင် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များက မုန့်နှင့်အချိုပွဲများ ဆက်ကပ်လှူဒါန်းခဲ့ကြောင်း သိရသည်။

မုံရွာ၊ မေ ၂၈

စစ်ကိုင်းမြို့နှင့်အနီးဝန်းကျင်ရှိကျေးရွာများမှ ငလျင်ဘေးသင့်ပြည်သူများအား ကျန်းမာရေးစောင့်ရှောက်မူများ စစ်ဆေးကုသခွဲစိတ်ပေးနေသည့် မလေးရှားနိုင်ငံ ဆေး ကုသမှုအဖွဲ့အား စစ်ကိုင်းတိုင်းဒေသကြီး အစိုးရအဖွဲ့မှ ဂုဏ်ပြုနေ့လယ်စာဖြင့် တည်ခင်းဧည့်ခံပွဲကို မေလ ၂၈ ရက်၊ မွန်းလွဲပိုင်းတွင် ကျင်းပပြုလုပ်ရာ ဂုဏ်ပြုနေ့လည် စာစားပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မလေးရှားနိုင်ငံ စစ်သံမှူး၊ ဆေးကု သရေးအဖွဲ့ခေါင်းဆောင်နှင့် အဖွဲ့ဝင် များတက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က မလေးရှားနိုင်ငံ ဆေးကုသမှုအဖွဲ့အနေဖြင့် စစ်ကိုင်းမြို့ ငလျင်ဘေးကြောင့် ဒဏ်ရာရရှိသူများအပါအဝင် စစ်ကိုင်းမြို့နှင့်အနီးဝန်း ကျင်ရှိကျေးရွာများမှ ပြင်ပလူနာပေါင်း ၃၆၄၃ ဦးအား စစ်ဆေးကုသကြည့်ရှုပေးခြင်းနှင့် လူနာ ၃၀၅ ဦးအား အသေးစားခွဲစိတ်မှု ဆောင်ရွက်ပေးခဲ့ပြီး လိုအပ်သည့်ဆေးဝါးကုသမှု များနှင့် ဆေးဝါးထောက်ပံ့မှုများအား ရက်ပေါင်း ၃၇ ရက်ကြာ ဆေးကုသပေးခဲ့မှုအတွက် စစ်ကိုင်းမြို့ ပြည်သူများကိုယ်စား မိမိတို့တိုင်းဒေသကြီး အစိုးရအဖွဲ့မှ အထူးပင်ကျေးဇူး တင်ရှိပါကြောင်းနှင့် မလေးရှားဆေးအဖွဲ့နှင့်အတူ ပူးပေါင်း၍ ဆောင်ရွက်ပေးခဲ့သည့် စစ်ကိုင်းမြို့၊ ဆေးရုံဝန်ထမ်းများ၊ ကျန်းမာရေးဝန်ကြီးဌာနမှ စေလွှတ်ပေးခဲ့သည့် ဆေး ပညာရှင်များကို ကျေးဇူးတင်ရှိပါကြောင်း ပြောကြားခဲ့သည်။

ယင်းနောက် မလေးရှားနိုင်ငံ စစ်သံမှူး Colonel Norulhisyam bin Md Shuib မှ ကျေးဇူးတင်စကား ပြန်လည်ပြောကြားပြီး တိုင်းဒေသကြီး ဝန်ကြီးချုပ်နှင့် တိုင်းဒေသ ကြီး လူမှုရေးရာဝန်ကြီးတို့က မလေးရှားနိုင်ငံ စစ်သံမှူးနှင့် ဆေးကုသရေးအဖွဲ့ခေါင်း ဆောင်များထံ အမှတ်တရ လက်ဆောင်ပစ္စည်းများ ပေးအပ်ခဲ့ကြပြီး ဂုဏ်ပြုနေ့လည်စာဖြင့် တည်ခင်းဧည့်ခံကာ အမှတ်တရ စုပေါင်းမှတ်တမ်းဓာတ်ပုံများ ရိုက်ကူးခဲ့ကြောင်း သိရသည်။

မုံရွာ၊ မေ ၂၇

စစ်ကိုင်းတိုင်းဒေသကြီး၊ စစ်ကိုင်းမြို့၊ စက်မှုဇုန် ၆ လမ်း ကိုယ်အားကိုယ်ကိုး ကွန် ကရစ်လမ်းဖွင့်ပွဲ အခမ်းအနားကို မေလ ၂၇ ရက်၊ နံနက်ပိုင်းက စစ်ကိုင်းမြို့၊ စက်မှုဇုန် ၆ လမ်းမုဒ်ဦးရှေ့တွင် ကျင်းပပြုလုပ်ရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး သက်ပုံ၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိ မြို့ဖများနှင့် စက်မှုဇုန်လုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က လမ်းများကောင်းမွန်လာသည် နှင့်အမျှ ပြည်သူများ သွားလာရေးလွယ်ကူ၍ ပညာရေး၊ ကျန်းမာရေး၊ လူမှုရေး၊စီးပွားရေး၊ ပိုမိုဖွံ့ဖြိုးတိုးတက်ကာ လူနေမှုအဆင့်အတန်းမြင့်မားရေးကို အထောက်အကူပြုစေမည် ဖြစ်ပါကြောင်း၊ ယနေ့ဖွင့်လှစ်လိုက်သည့်လမ်းသည် ယခင်က မြေသားလမ်းသာဖြစ်ပြီး မိုးရွာသွန်းချိန်တွင် တောင်ကျရေများစီးဆင်းပြီး မိုးရေတိုက်စားမှုများကြောင့် လမ်းမျက် နှာပြင်တွင် ချိုင့်ခွက်များဖြစ်နေ၍ စက်ရုံအလုပ်ရုံများသို့ အလုပ်လုပ်ကိုင်ရန် သွားလာ သည့်ဝန်ထမ်းများ၊ ကုန်တင်ယာဉ်များ၊ ရပ်ကွက်နေပြည်သူများ၊ ဌာနဆိုင်ရာဝန်ထမ်း များ၊ အနီးဝန်းကျင်ရှိ တက္ကသိုလ်/ဒီဂရီကောလိပ်များမှ ဆရာ/ဆရာမများနှင့် ကျောင်း သား/ကျောင်းသူများ သွားလာမှုခတ်ခဲခဲ့ပါကြောင်း၊ ယခုလို ကွန်ကရစ်လမ်းမကြီးတစ်ခု ဆောင်ရွက်ပြီးခြင်းကြောင့် စက်မှုဇုန်ထွက်ကုန်ပစ္စည်များ သယ်ပို့ရာတွင် လွယ်ကူချော မွေ့လျင်မြန်ကာ ကုန်စည်စီးဆင်းမှု မြန်ဆန်လာစေမည် ဖြစ်ပါကြောင်း၊ ယခုကွန်ကရစ် လမ်းသစ်ကြီး ဖွင့်လှစ်လိုက်ပြီဖြစ်ပါ၍ ယခင်သွားလာမှုအခတ်အခဲများ အဆင်ပြေချော မွေ့လာစေမည် ဖြစ်ပါကြောင်း ပြောကြားခဲ့သည်။

ယင်းနောက် စက်မှုဇုန်စီမံခန့်ခွဲရေးကော်မတီ ဉက္ကဌ ဦးကိုကိုမြင့်က စက်မှု ဇုန် ၆ လမ်း ကိုယ်အားကိုယ်ကိုး ကွန်ကရစ်လမ်းနှင့် ပတ်သက်သည့် လုပ်ငန်းဆိုင်ရာများ ဆောင်ရွက်ခဲ့မှု အခြေအနေများအား ရှင်းလင်းပြောကြားပြီး စက်မှုဇုန်လုပ်ငန်းရှင် တစ်ဦးက ကျေးဇူးတင်စကား ပြန်လည်ပြောကြားသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံ၊ တိုင်းဒေသကြီး စည်ပင်သာယာရေးအဖွဲ့ ညွှန် ကြားရေးမှူး ဦးသစ်ထူးမြင့်၊ စစ်ကိုင်းခရိုင် စီမံအုပ်ချုပ်ရေးအဖွဲ့ ဉက္ကဌ ဦးမျိုးအောင်နှင့် စစ်ကိုင်းစက်မှုဇုန် ဉက္ကဌ ဦးကိုကိုမြင့်တို့က စစ်ကိုင်းမြို့၊ စက်မှုဇုန် ၆ လမ်း ကိုယ်အား ကိုယ်ကိုး ကွန်ကရစ်လမ်းသစ်အားဖဲကြိုးဖြတ်ဖွင့်လှစ်ပေးကပြီး နောက် စုပေါင်းမှတ်တမ်းတင် ဓါတ်ပုံရိုက်ကူးကာ ကွန်ကရစ်လမ်း သစ်အား ဖြတ်သန်းကြည့်ရှုခဲ့ကြသည်။

အဆိုပါ ကွန်ကရစ်လမ်း သစ် အား စစ်ကိုင်းတိုင်းဒေသကြီး စည်ပင်သာယာရေးအဖွဲ့မှ ဘိလပ်မြေအိတ် ၁၀၂၀၀ အိတ်၊ ပြည်သူ/လုပ်ငန်းရှင်များ၏ ထည့်ဝင်ငွေကျပ် ၁၈၀ သန်း၊ စုစုပေါင်းငွေကျပ် ၄၃၅ သန်း ဖြင့် လမ်းအရှည် ၄၅၀ ပေ၊ အကျယ် ၁၈ ပေ၊ ထု ၉ လက်မထုဖြင့် စစ်ကိုင်းမြို့နယ် စည်ပင်သာယာရေးအဖွဲ့မှ တာဝန်ယူဆောင်ရွက်ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် စစ်ကိုင်းစက်မှုဇုန်ရှိ “ယူကရိန်း” သံရည်ကျို၊ ပန်းလုံးနှင့် ဟင်းဂလိုင်းစက်ရုံ၊ “ရွှေမြန်မာ” သံရည်ကျိုနှင့် သံနန်းဆွဲစက်ရုံများသို့ ရောက်ရှိရာ စက်ရုံတာဝန်ခံများမှ စက်ရုံအတွင်း သံထည်အမျိုးမျိုးထုတ်လုပ်နေမှုများအား လိုက်လံရှင်းလင်းပြသရာ တိုင်း ဒေသကြီး ဝန်ကြီးချုပ်နှင့် ဒုတိယဗိုလ်ချုပ်ကြီးတို့က လိုက်လံကြည့်ရှုခဲ့ကြပြီး ရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် စစ်ကိုင်းမြို့နှင့် အနီးဝန်းကျင်ကျေးရွာများမှ ဒေသခံပြည်သူ ၁၂၀၀ ဦးကျော်အား အလုပ်အကိုင်အခွင့်အလမ်းများ ဖန်တီးပေးနေသည့် “ကျင်းရှင်း” နည်းပညာသို့ ရောက်ရှိရာ စက်ရုံတာဝန်ခံက ဖုန်းအားသွင်းကြိုးနှင့် ကွန်ပျူတာစပ်ဆက်သုံး ဝါယာကြိုးအမျိုးမျိုး ထုတ်လုပ်နေ မှုလုပ်ငန်း အခြေအနေများအား လည်းကောင်း၊ စစ်ကိုင်းစက်မှုဇုန် ဉက္ကဌက စစ်ကိုင်း စက်မှုဇုန်အတွင်း စက်မှုလုပ်ငန်းများဆောင်ရွက်နေမှု အခြေအနေများအား ရှင်းလင်း တင်ပြကြရာ ဝန်ကြီးချုပ်က လိုအပ်သည်များ ဖြည့်ဆည်းပေါင်းစပ် ဆောင်ရွက်ပေးပြီး စက်ရုံ အတွင်း ဖုန်းအားသွင်းကြိုးနှင့် ကွန်ပျူတာစပ်ဆက်သုံး ဝါယာကြိုးအမျိုးမျိုး ထုတ်လုပ် နေမှုများအား လိုက်လံကြည့်ရှုခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် ငလျင်ကြောင့် စစ်ကိုင်းမြို့၊ စစ်ကိုင်းတောင်ရိုးရှိ ပတ္တမြားစေတီတော် ပြိုကျပျက်စီးမှုဖြစ်ပွားခဲ့ရာ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် လူမှုရေး အသင်းအဖွဲ့များမှ ပူးပေါင်း၍ ပြန်လည်ရှင်းလင်းဖယ်ရှားပြီးစီးမှုအား သွားရောက်ကြည့် ရှုခဲ့ကြပြီး စေတီတော်ပြန်လည်တည်ထားကိုးကွယ်နိုင်ရေးအတွက် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် စစ်ကိုင်းမြို့၊ ဝါးချက်ကျေးရွာ၊ အခြေခံပညာအထက်တန်းကျောင်းခွဲသို့ ရောက် ရှိရာ ဆရာ/ဆရာမများနှင့် ရင်းရင်းနှီးနှီးတွေ့ဆုံပြီး ငလျင်ဒဏ်လှုပ်ခတ်ခဲ့မှုကြောင့် စစ်ကိုင်းမြို့နယ်အတွင်း ပြန်လည်ရှင်းလင်းဖယ်ရှားရေးလုပ်ငန်းများ ဆောင်ရွက်နေမှုနှင့် ပြန်လည်ထူထောင်ရေးလုပ်ငန်းများ ဆောင်ရွက်နေမှု လုပ်ငန်းအခြေအနေများအား လှည့်လည်ကြည့်ရှုပြီး ဆရာ ၊ ဆရာမများအတွက် စားသောက်ဖွယ်ရာများ ပေးအပ်ခဲ့ကြသည်။

ဆက်လက်ပြီး မွန်းလွဲပိုင်းတွင် စစ်ကိုင်းမြို့၊ အသင်္ခယာရိပ်သာ၌ UNDP Myanmar ဌာနကိုယ်စားလှယ် Mr Titon Mitra အဖွဲ့နှင့် တွေ့ဆုံ၍ ငလျင်ကြောင့် ပြိုကျပျက်စီးခဲ့သည့် စစ်ကိုင်းမြို့ပေါ်ရှိ စာသင်ကျောင်းများ၊ ဆေးရုံအဆောက်အဦများနှင့် လူနေအိမ်တိုက်တာများ ပြန်လည် ထူထောင်ရေးလုပ်ငန်းများတွင် ပူးပေါင်းဆောင်ရွက်မည့် အခြေအနေများအား ရင်းရင်း နှီးနှီးတွေ့ဆုံဆွေးနွေးခဲ့ကြကြောင်း သိရသည်။

မုံရွာ၊ မေ ၂၆

မန္တလေးငလျင်ကြီးကြောင့် ထိခိုက်ပျက်စီးခဲ့သည့် စစ်ကိုင်းမြို့ပေါ်ရှိ အခြေခံပညာ ကျောင်းများအတွက် အာဆီယံ The AHA Centre မှ ထောက်ပံ့လှူဒါန်းသည့် ကွန်တိန် နာကျောင်းဆောင် (Prefabricated Schools)များ လွှဲပြောင်းပေးအပ်ပွဲ အခမ်းအနားကို မေလ ၂၆ ရက်၊ နံနက်ပိုင်းတွင် စစ်ကိုင်းမြို့၊ ရွာထောင်ရပ်ကွပ်ရှိ ဒီဇယ် အခြေခံပညာ အလယ်တန်းကျောင်းတွင် ကျင်းပပြုလုပ်ရာ အခမ်းအနားသို့ စစ်ကိုင်တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့ နယ်အဆင့် ဌာနဆိုင်ရာများ၊ အာဆီယံ The AHA Centre ၏ အမှုဆောင်ညွှန်ကြား ရေးမှူး Mr Lee Yam Ming နှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ငလျင်ဘေးကြောင့် ထိခိုက် ပျက်စီးခဲ့သည့် စာသင်ကျောင်းများအား အချန်မီ လည်ပတ်နိုင်ရေး၊ မိုးမကျမီ မိုးအကာ အောက်ရောက်ရှိနိုင်ရေး၊ ပျက်စီးမှုများအား ပြန်လည်ရှင်းလင်းရေးလုပ်ငန်းများအား အလေးထားဆောင်ရွက်လျက်ရှိပြီး စစ်ကိုင်းမြို့ပေါ်ရှိ ငလျင်ဘေးသင့်ကျောင်းများအနက် အထကခွဲ ရန်နိုင်၊ အထကခွဲ ရွာထောင်၊ အလကခွဲ ဒီဇယ်၊ အလကခွဲ ပါရမီနှင့် အလကခွဲ ဇေယျာ စသည့် စာသင်ကျောင်း ၅ ကျောင်းအတွက် အာဆီယံ The AHA Centre မှ ယာယီကျောင်းဆောင်များအား ကိုယ်တိုင်လာရောက်လှူဒါန်းပေးမှုအပေါ် နိုင်ငံတော် ကိုယ်စား အထူးပင်ကျေးဇူးတင်ရှိပါကြောင်း ပြောကြားခဲ့သည်။

ယင်းနောက် အာဆီယံ The AHA Centre ၏ အမှုဆောင်ညွှန်ကြားရေးမှူး Mr Lee Yam Ming မှ ကွန်တိန်နာကျောင်းဆောင် (Prefabricated Schools)များ ထောက်ပံ့ပေး အပ်ရခြင်းအား ရှင်းလင်းပြောကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများထံကွန်တိန်နာကျောင်းဆောင် (Prefabricated Schools)များ လွှဲပြောင်းပေးအပ်ပြီး တိုင်း ဒေသကြီးအစိုးရအဖွဲ့မှ ဂုဏ်ပြုမှတ်တမ်းလွှာများ ပြန်လည်ပေးအပ်သည်။

ဆက်လက်၍ တိုင်းဒေသကြီး ပညာရေးမှူးရုံးမှ ဒုတိယညွှန်ကြားရေးမှူးချုပ် ဦးသက်လေးဦးက ကျေးဇူးတင်စကား ပြန်လည်ပြောကြားပြီး စုပေါင်းမှတ်တမ်းဓါတ်ပုံ ရိုက်ကူးခဲ့ကြသည်။

အဆိုပါ အာဆီယံ The AHA Centre မှ ထောက်ပံ့လှူဒါန်းသည့် အလျား- ၁၂၀ ပေ၊ အနံ- ၃၀ ပေ၊ ၂ ဆောင်၊ အလျား- ၉၀ ပေ၊ အနံ - ၃၀ ပေ၊ ၁ ဆောင်နှင့် အလျား -၆၀ ပေ၊ အနံ - ၃၀ ပေ၊ ၂ ဆောင် ကွန်တိန်နာကျောင်းဆောင် ၅ ဆောင်အား ထောက်ပံ့လှူဒါန်း ခဲ့သည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံနှင့် တာဝန်ရှိသူများသည် မွန်းလွဲပိုင်းတွင် ၂၀၂၅- ခုနှစ်၊ တက္ကသိုလ်ဝင်စာမေးပွဲ ပြန်လည်ဖြေဆိုကြမည့် စစ်ကိုင်းမြို့ပေါ်ရှိ ကျောင်းသား/ ကျောင်းသူများအား စစ်ကိုင်းပညာရေးတက္ကသိုလ်အတွင်းရှိ သတ်မှတ်စာသင်ဆောင်များ တွင်စခန်းသွင်း သင်ကြားပေးနေမှုများအား လိုက်လံကြည့်ရှုခဲ့ကြပြီး စခန်းသွင်းသင်ကြား နေစဉ်ကာလအတွင်း ဆရာ၊ဆရာမများနှင့် ကျောင်းသား၊ကျောင်းသူများ အုပ်ချုပ်၊ ထောက်ပံ့ရေး၊ နေထိုင်စားသောက်ရေး အဆင်ပြေစေရန်နှင့် ကျန်းမာရေးများ ကောင်း မွန်စေရန်တို့အတွက် တာဝန်ရှိသူများမှ အလေးထားဆောင်ရွက်သွားကြရန် မှာကြားခဲ့ သည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် စစ်ကိုင်းမြို့၊ အမှတ်(၁)အခြေခံပညာအထက်တန်းကျောင်းသို့ ရောက်ရှိရာ ငလျင် ဘေးဒဏ်ကြောင့် နေအိမ်များထိခိုက်ပျက်စီးခဲ့သည့် စစ်ကိုင်းမြို့ပေါ်ရှိ အခြေခံပညာ ကျောင်းများမှ ဆရာ/ဆရာမများအား ယာယီနေအိမ်အဆောက်အဦများ တည်ဆောက် ပေးထားမှုများအား သွားရောက်ကြည့်ရှုကာ ဆရာ/ဆရာမများအား ရင်းရင်းနှီးနှီးနုတ် ဆက်အားပေးခဲ့ကြပြီး အဆိုပါကျောင်းဝန်းအတွင်း ယာယီကျောင်းဆောင်အဆောက် အဦများတည်ဆောက်နေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန် ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် ငလျင်ဘေးဒဏ်ကြောင့် အဆောက်အဉီများ ထိခိုက်ပျက်စီးခဲ့သည့် စစ်ကိုင်းမြို့၊ မြို့ပြနှင့်အိမ်ရာဦးစီးဌာန၊ ဝန်ထမ်းအိမ်ရာအတွင်းနေထိုင်ကြသည့် ဌာနဆိုင်ရာ အသီး သီးမှဝန်ထမ်းများ ယာယီနေထိုင်နိုင်ရန်အတွက် ကွန်တိန်နာလူနေအိမ် အဆောက်အဦ များတည်ဆောက်နေမှုများအား သွားရောက်ကြည့်ရှုခဲ့ကြပြီး တည်ဆောက်ပြီးစီးနေသည့် ကွန်တိန်နာလူနေအိမ်များအား အမှန်တကယ်လိုအပ်သည့် ဌာနဆိုင်ရာအသီးသီးရှိ ဝန်ထမ်းများအား စနစ်တကျခွဲဝေချထားပေးရန်အတွက် တာဝန်ရှိသူများအား မှာကြားခဲ့ သည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် ငလျင်ဘေးဒဏ်ကြောင့် ပြိုကျပျက်စီးခဲ့သည့် စစ်ကိုင်းမြို့၊ ရွှေဟင်္သာတိုက်သစ် ဘုန်းတော်ကြီးကျောင်းတိုက်ကြီးအတွင်းရှိ သာသနိကအဆောက်အဦများအား တပ်မ တော်သားများ၊ မြန်မာနိုင်ငံရဲတပ်ဖွဲ့ဝင်များနှင့် လူမှုရေးအသင်းအဖွဲ့ဝင်များမှ ပြန်လည် ရှင်းလင်းပေးနေမှုများအား လည်းကောင်း၊ အဆိုပါ ဘုန်းတော်ကြီးကျောင်းတိုက်ဘေး လမ်းအား မြေသားမြှင့်တင်နေမှုနှင့် လမ်းချဲ့နေမှုများအား ကြည့်ရှုခဲ့ကြပြီး လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ခဲ့ကြောင်း သိရသည်။

မုံရွာ၊ မေ ၂၄

စစ်ကိုင်းတိုင်းဒေသကြီးအစိုးရအဖွဲ့ ကျောက်မီးသွေး တူးဖော်လုပ်ကိုင်လျက်ရှိသည့် ကုမ္ပဏီများ လျာထားချက်အပြည့် ထုတ်လုပ်သယ်ယူရေး ညှိနှိုင်းအစည်းအဝေးကို မေလ ၂၄ ရက်နေ့ မွန်းလွဲပိုင်းက စစ်ကိုင်းတိုင်းဒေသကြီးအစိုးရအဖွဲ့ရုံး အစည်းအဝေးခန်းမ(၁)၌ ကျင်းပပြု လုပ်ရာ စစ်ကိုင်းတိုင်း ဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်း၊ တိုင်းဒေသကြီးအဆင့် တာဝန်ရှိပုဂ္ဂိုလ်များ၊ တိုင်းဒေသကြီးအတွင်းရှိ မော်လိုက်၊ ကလေး၊ ခန္တီးမြို့နယ်များမှ ကုမ္ပဏီလုပ်ငန်းရှင် တာဝန်ရှိသူ များ တက်ရောက်ကြသည်၊၊

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးမှာ ကျောက်မီးသွေး တူးဖော်ထုတ်လုပ်မှုလုပ်ငန်း လုပ်ကိုင်ဆောင်ရွက်လျက်ရှိသည့် ကုမ္ပဏီများ အနေဖြင့်လျာထားချက်အပြည့်အဝထုတ်လုပ်ရေး၊ တူးဖော်ပြီးကျောက်မီးသွေးများ မြစ်ရေတက်ချိန် တွင် သယ်ယူနိုင်ရေး စီမံဆောင်ရွက်သွားရန်အတွက် လုပ်ငန်းဆောင်ရွက်နေမှုများနှင့် လိုအပ် ချက်များအား ပံ့ပိုးကူညီဆောင်ရွက်ပေးမည်ဖြစ်ကြောင်း၊ မိုးတွင်းကာလချင်းတွင်းမြစ်ရေ လမ်းကြောင်းကောင်းမွန်ချိန်အတွင်း အဓိကထား သယ်ယူပို့ဆောင်သွားရန်ဖြစ်ကြောင်း၊ ဇူလိုင်လ၊ ဩဂုတ်လနှင့် စက်တင်ဘာလ မြစ်ရေတက်ချိန် မှာ ကျောက်မီးသွေး သယ်ယူပို့ဆောင်ရာတွင် အဆင်ပြေကြောင်း၊ ယခင်နှစ်တွင် ရေကြီးရေလျှံမှု ကြောင့် အခက်အခဲများ ကြုံတွေ့ခဲ့ရသော်လည်း တူးဖော်ထုတ်လုပ်ပြီး ကျောက်မီးသွေးများ လေလွင့်ဆုံးရှုံးမှု မဖြစ်စေရန် ကြိုးပမ်းသယ်ဆောင်တာကို တွေ့ရကြောင်း၊ သက်ဆိုင်ရာ တာဝန်ရှိသူများရဲ့ ဖြည့်ဆည်းပေါင်းစပ် ဆောင်ရွက်မှုဖြင့် ကျောက်မီးသွေးထုတ်လုပ်မှု၊ သယ်ယူမှုကို အတိုင်းအတာတစ်ခုအထိ ဆောင်ရွက်နိုင်သည်ကို တွေ့ရကြောင်း၊ ဆက်လက်ပြီး ကြိုးပမ်းဆောင်ရွက်သွားရန် လိုကြောင်း၊ ရေကြောင်းခရီးလုံခြုံရေးအတွက် လုံခြုံရေးတပ်ဖွဲ့ များနှင့်ပေါင်းစပ်ညှိနှိုင်း ကူညီဆောင်ရွက်ပေးမည်ဖြစ်ကြောင်း၊ လုပ်ငန်းများ ကောင်းမွန်စွာ လည်ပတ်လုပ်ကိုင်ခြင်းဖြင့် ကုမ္ပဏီအကျိုး၊ ဒေသခံပြည်သူနှင့် နိုင်ငံတော်အတွက် အကျိုး စီးပွားဖြစ် ထွန်းမည်ဖြစ်ကြောင်း၊ ကုမ္ပဏီလုပ်ငန်းရှင်များအနေဖြင့် လုပ်ငန်းများပုံမှန် လည်ပတ်နိုင်ရေး ကြိုးပမ်း ဆောင်ရွက်စေလိုကြောင်း၊ ထုတ်လုပ်မှု လျာထားချက်ပြည့်မီအောင် ကြိုးပမ်းဆောင်ရွက်ကြ ရန်၊ ကုမ္ပဏီများအနေဖြင့်လုပ်ငန်း ဆောင်ရွက်နေမှုများနှင့် မိမိတို့လိုအပ်ချက်၊ မိမိတို့ အခက်အခဲများကို ပွင့်ပွင့် လင်းလင်းတင်ပြဆွေးနွေးရန် ဖြစ်ကြောင်း၊ စစ်ကိုင်းတိုင်းဒေသကြီးအတွင်း ကျောက်မီးသွေးထုတ်လုပ်မှုအခြေအနေမှာ လျာထား ချက်အပေါ် ၂၀၂၀-၂၀၂၁ ဘဏ္ဍာရေးနှစ် တွင် ၁၁၈.၅၄%၊ ၂၀၂၁-၂၀၂၂ (မီနီ) ဘဏ္ဍာရေးနှစ်တွင် ၅၀.၁၈%၊ ၂၀၂၂-၂၀၂၃ ဘဏ္ဍာရေးနှစ်တွင် ၅၉.၅၈%၊ ၂၀၂၃-၂၀၂၄ ဘဏ္ဍာရေးနှစ်တွင် ၁၇၄.၅၈%၊ ပြီးခဲ့တဲ့၂၀၂၄-၂၀၂၅ ဘဏ္ဍာရေးနှစ်တွင် ၁၃၁.၃၀ % အကောင်အထည် ဖော်ဆောင် ရွက်နိုင်ပါကြောင်း၊ ယခု ၂၀၂၅-၂၀၂၆ ဘဏ္ဍာရေးနှစ်တွင် ထုတ်လုပ်မှုလျာထားချက်ပြည့်မီ ကျော်လွန်အောင် ဆောင်ရွက်သွား ရန်လိုကြောင်းနှင့် ကုမ္ပဏီများမှလည်း ထုတ်လုပ်မှုလျာထား ချက်ပြည့်မီအောင် ကြိုးပမ်းဆောင် ရွက်ရန်ဖြစ်ကြောင်း၊ ထုတ်လုပ်ပြီး ကျောက်မီးသွေးများ လေလွင့်ဆုံးရှုံးမှုမဖြစ်စေရေး ဈေးကွက်သို့ အမြန်တင်ပို့ရန် လိုအပ်ကြောင်း၊ ချင်းတွင်းမြစ်ရေ ကြောင်းကောင်းမွန်သည့်အချိန်တွင် ထုတ်လုပ်ပြီး ကျောက်မီးသွေးများကို ဈေးကွက်သို့ တင်ပို့နိုင်ရေး ယခုအချိန်ကတည်းပင် လိုအပ်သည်များ ကြိုတင်ပြင်ဆင်ဆောင်ရွက်သွားရန်နှင့် ကျောက်မီးသွေးတူးဖော်ထုတ်လုပ်ရာတွင် ပတ်ဝန်းကျင်ထိခိုက်မှု အနည်းဆုံးဖြစ်စေရေး ဆောင်ရွက်ရန် လိုအပ်ပါကြောင်း၊ တူးဖော်ထုတ်လုပ်ပြီးစီးခဲ့သည့် မြေနေရာများအား သဘာဝ ပတ်ဝန်းကျင် ထိန်းသိမ်းရေး၊ ဂေဟစနစ်ဖြည့်တင်းရေးအတွက် မိုးရာသီကာလတွင် စီမံချက်ချ မှတ်၍ ကြီးမြန်သစ်ပင်များ မဖြစ်မနေပြန်လည်စိုက်ပျိုးဆောင်ရွက်ရန် တိုက်တွန်းပြောကြား ခဲ့သည်။

ဆက်လက်၍ အမှတ်(၁)သတ္ထုတွင်းလုပ်ငန်း ဦးဆောင်ညွှန်ကြားရေးမှူးနှင့် ရန်ကုန်မြို့တော် စည်ပင်သာယာရေးကော်မတီမှ ဒုတိယညွှန်ကြားရေးမှူးချုပ်တို့က ကျောက်မီးသွေး တူးဖော် လုပ်ကိုင်လျက်ရှိသည့် ကုမ္ပဏီများ လျာထားချက်အပြည့် ထုတ်လုပ်သယ်ယူရေးနှင့် သက်ဆိုင် သည့် လုပ်ငန်းများအား ဆွေးနွေးတင်ပြကြပြီးနောက် တက်ရောက်လာကြသော တိုင်းဒေသကြီး အတွင်းရှိ မော်လိုက်၊ကလေး၊ခန္တီး မြို့နယ်များမှ ကုမ္ပဏီလုပ်ငန်းရှင် တာဝန်ရှိသူများ၏ လုပ်ငန်း ကဏ္ဍအလိုက် လိုအပ်ချက် အခက်အခဲများကို တင်ပြဆွေးနွေးခဲ့ကြသည်။

ထို့နောက် တိုင်းဒေသကြီးသယံဇာတရေးရာဝန်ကြီးက ကျောက်မီးသွေး တူးဖော် လုပ်ကိုင်လျက်ရှိသည့် ကုမ္ပဏီများ လျာထားချက်အပြည့် ထုတ်လုပ်သယ်ယူရေးလုပ်ဆောင်မှု များနှင့် စပ်လျဉ်းပြီး အသေးစိတ် ဖြည့်စွက်အကြံပြုဆွေးနွေးမှုများနှင့် တက်ရောက်လာကြသူများ ၏ အထွေထွေဆွေးနွေးမှုများအပေါ် တိုင်းဒေသကြီးဝန်ကြီးချုပ်က လိုအပ်သည်များကို တာဝန်ရှိ သူများနှင့် ညှိနှိုင်းပေါင်းစပ်ဆောင်ရွက်ပေးကာ နိဂုံးချုပ်အမှာစကားပြောကြားပြီး အစည်းအဝေး ကို ရုပ်သိမ်းလိုက်ကြောင်းသိရသည်။