မုံရွာ၊ ဇွန် ၃

စစ်ကိုင်းတိုင်းဒေသကြီး၊ စစ်ကိုင်းမြို့၊ တရားမဝင်ကုန်သွယ်မှုတိုက်ဖျက်ရေး ပူး ပေါင်းစစ်ဆေးရေးအဖွဲ့ ဧရာဝတီတံတား(ရတနာပုံ)နှင့် စစ်ကိုင်းမြို့ထွက် ကံတလူဂိတ် တို့ရှိလုံခြုံရေးအဖွဲ့များနှင့် တွေ့ဆုံပွဲ အခမ်းအနားကို ဇွန်လ ၃ ရက်၊ နံနက်ပိုင်းတွင် စစ်ကိုင်းမြို့၊ အသင်္ခယာရိပ်သာဧည့်ခန်းမ၌ ကျင်းပပြုလုပ်ရာ တွေ့ဆုံပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ခရီးသွားပြည်သူများ လုံခြုံ အေးချမ်းစွာဖြင့် ခရီးသွားလာနိုင်ရေးနှင့် ကုန်စည်စီးဆင်းမှု မြန်ဆန်ရေးတို့အတွက် စီမံအုပ်ချုပ်ရေးအဖွဲ့များနှင့် လုံခြုံရေးတပ်ဖွဲ့ဝင်များအနေဖြင့် မိမိတို့လုပ်ကိုင်ဆောင်ရွက် နေသည့်လုပ်ငန်းများအပေါ် တာဝန် ကျေပွန်လိုစိတ်ဖြင့် ဌာနများအချင်းချင်း ပူးပေါင်း ဆောင်ရွက်သွားကြရန် လိုအပ်ပါကြောင်း၊ မြို့ဝင်မြို့ထွက် လုံခြုံရေးဂိတ်များတွင် ခရီး သည်တင်မော်တော်ယာဉ်များနှင့် ကုန်တင်ယာဉ်များအား တရားမဝင်ငွေကြေးကောက် ခံမှုများမရှိစေရေး၊ တရားမဝင်ကုန်ပစ္စည်းများ တင်ဆောင်မှုများမရှိစေရေးနှင့် လုပ်ငန်း များဆောင်ရွက်ရာတွင် အဂတိတရားကင်းရှင်းစွာဖြင့် ဆောင်ရွက်သွားကြရန် လိုအပ်ပါ ကြောင်း၊ လုပ်ငန်းများဆောင်ရွက်ရာတွင် လုံခြုံရေးအသိ၊သတိတို့ဖြင့် နေထိုင်သွားလာ ဆောင်ရွက်ကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး ဒုတိယရဲတပ်ဖွဲ့ မှူး၊ ခရိုင်စီမံအုပ်ချုပ်ရေးအဖွဲ့ ဥက္ကဌနှင့်အဖွဲ့ဝင်များက လုံခြုံရေးလုပ်ငန်းများဆောင် အခြေအနေများအပေါ် ရှင်းလင်းဆွေးနွေး ပြောကြားပြီး တရားမဝင်ကုန်သွယ်မှု တိုက်ဖျက်ရေး ပူးပေါင်းစစ်ဆေးရေးအဖွဲ့ ဧရာဝတီတံတား (ရတနာပုံ)နှင့် စစ်ကိုင်းမြို့အထွက် ကံတလူဂိတ်တို့ရှိ စုပေါင်းလုံခြုံရေးအဖွဲ့များမှ တာဝန်ရှိသူများက မိမိတို့ဆောင်ရွက်နေ သည့် လုပ်ငန်းများနှင့်ပတ်သက်၍ ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က တွေ့ဆုံပွဲသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့ကြောင်း သိရသည်။

မုံရွာ၊ ဇွန် ၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ် ရေးအဖွဲ့ ဉက္ကဌများနှင့် တာဝန်ရှိသူများသည် ဇွန်လ ၂ ရက်၊ နံနက်ပိုင်းတွင် ၂၀၂၅-၂၀၂၆ ပညာသင်နှစ်၊ စစ်ကိုင်းမြို့၊ ပိုးတန်းရပ်ကွက်၊ အမှတ်(၂)အခြေခံပညာအလယ်တန်း ကျောင်းသို့ ရောက်ရှိရာ ကျောင်းသား၊ကျောင်းသူများ စိတ်အေးချမ်းပေါ်ရွှင်စွာဖြင့် ပညာ သင်ကြားနေမှုအား လိုက်လံကြည့်ရှုခဲ့ကြပြီး အဆိုပါကျောင်းဝန်းအတွင်းရှိ အလျား - ၁၂၀ ပေ၊ အနံ - ၃၀ ပေ၊ ၁ ထပ် ကျောင်းဆောင် ၃ ဆောင် အဆောက်အဦသစ်များ ဆောက်လုပ်နေမှုအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန် ရှိသူများသည် စစ်ကိုင်းမြို့၊အမှတ်(၃)အခြေခံပညာအထက်တန်းကျောင်းသို့ ရောက်ရှိရာ ကျောင်းသား၊ကျောင်းသူ များ စိတ်အေးချမ်းသာစွာဖြင့် ပညာသင်ကြားနေမှုအား လိုက်လံကြည့်ရှုခဲ့ကြပြီး အလျား -၁၂၀ ပေ၊ အနံ - ၃၀ ပေ ၁ ထပ်ကျောင်းဆောင် ၃ ဆောင် အဆောက်အဦသစ်များ ဆောက်လုပ်နေမှုအား ကြည့်ရှုစစ်ဆေးခဲ့ကြပြီး သင်ကြားရေးလုပ်ငန်းများနှင့် ပတ်သက် ၍လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းပညာရေးတက္ကသိုလ် လေ့ကျင့်ရေးအထက်တန်းကျောင်းနှင့် ရွာထောင်ရပ်ကွက်၊ အခြေခံပညာ အလယ်တန်းကျောင်း ဒီဇယ်ရှိ ကျောင်းသား၊ကျောင်းသူများ အေးချမ်းတည်ငြိမ်စွာဖြင့် ပညာသင်ကြားနေမှုအား ကြည့်ရှုခဲ့ကြပြီး ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် ကျောင်းဆောင်များ ပြန်လည်ပြင်ဆင် တည်ဆောက်နေမှုအား ကြည့်ရှုစစ်ဆေးခဲ့ကြ သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ဇေယျာကွက်သစ်ရပ်ကွက်ရှိ အခြေခံပညာအလယ်တန်းကျောင်းခွဲနှင့် ရွာထောင်ရပ်ကွက်၊ အခြေခံပညာအလယ်တန်းကျောင်းများခွဲသို့ ရောက်ရှိရာ ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင်ကြားနေမှုအား လိုက်လံကြည့်ရှုခဲ့ကြပြီး သင်ကြားရေး လုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် စစ်ကိုင်းမြို့၊ ပိုးတန်းရပ်ကွက်ရှိ အမှတ်(၁)အခြေခံပညာအထက်တန်း ကျောင်းနှင့် အမှတ် (၂)အခြေခံပညာအထက်တန်း ကျောင်းများသို့ သွားရောက်၍ ကျောင်းသား၊ကျောင်းသူ များအေးချမ်းပျော်ရွှင်စွာဖြင့် စာသင်ကြားနေမှုများအား လိုက်လံကြည့်ရှုခဲ့ကြပြီး အဆိုပါ ကျောင်းဝန်းများအတွင်းရှိ ကျောင်းဆောင်သစ်များ ဆောက်လုပ်နေမှုများအား ကြည့်ရှု စစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ကြောင်း သိရသည်။

မုံရွာ၊ မေ ၃၁

၂၀၂၅-၂၀၂၆ ပညာသင်နှစ်၊ စစ်ကိုင်းမြို့နှင့်အနီးဝန်းကျင်ရှိကျေးရွာများမှ ကျောင်းသား၊ကျောင်းသူများ ကျန်းမာသန်စွမ်းကာ စိတ်အေးချမ်းသာစွာဖြင့် ပညာသင်ကြားနိုင် ရေးအတွက် မေလ ၃၁ ရက်၊ နံနက်ပိုင်းတွင် စစ်ကိုင်းမြို့၊အမှတ်(၃)အခြေခံပညာ အထက်တန်းကျောင်းဝန်းအတွင်းရှိ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများရေစီးရေလာ ကောင်းမွန်စေရေးတို့အတွက် အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင် သာယာရေးအဖွဲ့များ၊ လူမူရေးအသင်းအဖွဲ့များ၊ ခရိုင်/မြို့နယ် အဆင့်ဌာနဆိုင်ရာ ဝန်ထမ်းများ၊ ဆရာ/ဆရာမများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင် ရွက်နေမှုများအား တိုင်းဒေသကြီးဝန်ကြီးချုပ်
ဦးမြတ်ကျော်၊ တိုင်းဒေသကြီးအစိုးရအဖွဲ့ဝင်များက သွားရောက်ကြည့်ရှုအားပေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ဌာနဆိုင်ရာ ဝန်ထမ်းများနှင့် ဆရာ/ဆရာမများအား စားသုံးဆီများ ဈေးနှုန်းသက်သာစွာဖြင့် ရောင်းချ ပေးနေမှုများအား ကြည့်ရှုအားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ကြ သူများအား နံနက်စာဖြင့် ကျွေးမွေးဧည့်ခံခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၄၀၀ ဦး ကျော်ဖြင့် မြို့သန့်ရှင်းသာယာလှပရေးနှင့် အခြေခံပညာကျောင်းများ၌ စုပေါင်းသန့်ရှင်း ရေးလုပ်ငန်းများ ဆောင်ရွက်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ စစ်ကိုင်းစက်မှုဇုန်အတွင်းရှိ မဏ္ဍိုင်ဂျပ်စက္ကူစက်ရုံ၊ မဏ္ဍိုင်တစ်ရှူးစက္ကူစက်ရုံ၊ “နိုင်းစတား”ခေါက်ဆွဲစက်ရုံနှင့်ရေသန့်ရေခဲစက်ရုံများသို့ ရောက်ရှိရာ စက်ရုံတာဝန်ခံများမှ စက်ရုံအတွင်း ကုန်ပစ္စည်းများထုတ်လုပ်နေမှု အဆင့်ဆင့်တို့အား လိုက်လံရှင်း လင်းပြသကြသည်။

ထို့နောက် တိုင်ဒေသကြီး ဝန်ကြီးချုပ်က ထုတ်ကုန်ပစ္စည်းများအား အရည်အသွေး ပြည့်မီစွာဖြင့် ပြည်သူများလက်ဝယ် ဈေး နှုန်းသင့်တင့်စွာဖြင့် ထုတ် လုပ်ရောင်းချသွားရေး၊ ဒေသခံပြည်သူများ အလုပ် အကိုင်အခွင့်အလမ်းများရရှိရေး၊ စက်ရုံမှစွန့်ပစ်ပစ္စည်းများ အား သဘာဝပတ်ဝန်းကျင်ထိခိုက်မှုမရှိစေရေး၊ လုပ်ငန်းခွင်အန္တရာယ်ကင်းရှင်းရေးတို့အားမှာကြာကာ လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ရွာထောင်ရပ်ကွက်ရှိ “ထွန်းတောက်အောင်”ငွေထည်၊ကြေးထည်လုပ်ငန်းသို့ရောက်ရှိရာ လုပ်ငန်းရှင်မှ ငွေထည်၊ကြေးထည်အမျိုးမျိုး အရောင်တင်ခြင်း လုပ် ငန်းများဆောင်ရွက်နေမှု၊ ငွေထည်၊ကြေးထည် ပန်းအိုးအမျိုးမျိုးပြုလုပ်နေမှုများအား လိုက်လံရှင်းလင်းပြသသည်။

ယင်းနောက် တိုင်းဒေသကြီး ဝန်ကြီးချုပ်က လိုက်လံရှင်းလင်းပြသမှုများအပေါ် လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ “ထွန်းတောက်အောင်”ငွေထည်၊ကြေးထည်အရောင်းဆိုင်အတွင်း ငွေထည်၊ကြေးထည် အမျိုးမျိုးပြုလုပ်ရောင်းချနေမှုများအား သွားရောက်ကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ မြို့ သစ်ရပ်ကွက်ရှိ “မြသီတာ”ပဲမှုန့်ကြိတ်စက်ရုံလုပ်ငန်းသို့ ရောက်ရှိရာ လုပ်ငန်းရှင်မှ ပဲမှုန့် စိမ်း၊ပဲမှုန့်ကြက် အမျိုးမျိုးထုတ်လုပ်ရောင်းချနေမှုများအား ရှင်းလင်းပြသရာ တိုင်းဒေသ ကြီးဝန်ကြီးချုပ်က ရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မေ ၃၀

စစ်ကိုင်းတိုင်းဒေသကြီး၊ စစ်ကိုင်းခရိုင် စိုက်ပျိုး၊ မွေးမြူရေးကြီးကြပ်မှုအဖွဲ့များနှင့် တွေ့ဆုံပွဲကို မေလ ၃၀ ရက်၊ မွန်းလွဲပိုင်းတွင် စစ်ကိုင်းခရိုင်၊ စီမံအုပ်ချုပ်ရေးအဖွဲ့ရုံး အစည်းအဝေးခန်းမတွင် ကျင်းပြုလုပ်ရာ တွေ့ဆုံပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ စစ်ကိုင်းခရိုင် စိုက်ပျိုး၊ မွေးမြူရေး ကြီးကြပ်မှုအဖွဲ့များ တက်ရောက်ကြသည်။

ဦးစွာ စစ်ကိုင်းခရိုင် စိုက်ပျိုးရေးဦးစီးဌာန၊ ခရိုင်ဦးစီးမှူးက စစ်ကိုင်းခရိုင်အတွင်း သီးနှံများစိုက်ပျိုးထားရှိမှု အခြေအနေများအား လည်းကောင်း၊ ခရိုင်မြေစာရင်းဦးစီးဌာန၊ ခရိုင်ဦးစီးမှူးက စစ်ကိုင်းခရိုင်၏ မြေယာကိစ္စရပ်များအား လည်းကောင်း၊ ခရိုင်ဆည် မြောင်းနှင့်ရေအသုံးချမှုစီမံခန့်ခွဲရေးဦးစီးဌာန(ရေအရင်းအမြစ်)မှ လျှပ်စစ်မြစ်ရေတင်စနစ် ဖြင့်စိုက်ပျိုးရေ ပေးဝေနေမှု အခြေအနေများအား လည်းကောင်း၊ ခရိုင်ဆည် မြောင်းနှင့် ရေအသုံးချမှုစီမံခန့်ခွဲရေးဦးစီးဌာန(ဆည်မြောင်း)မှ စိုက်ပျိုးဧရိယာများသို့ ရေပေဝေနေမှု အခြေအမျေားအား လည်းကောင်း၊ ခရိုင်မွေးမြူရေးနှင့်ကုသရေးဦးစီးဌာနမှ တိရိစ္ဆာန်များ မွေးမြူထားရှိမှုနှင့် အသား/ဉ ထုတ်လုပ်မှုအခြေအနေများအား လည်းကောင်း၊ ခရိုင်ငါး လုပ်ငန်းဦးစီးဌာနမှ ငါးများမွေးမြူထားရှိမှုနှင့် ငါးသားပေါက်ထုတ်လုပ်မှု အခြေအနေများ အားလည်းကောင်း၊ ခရိုင်စီမံအုပ်ချုပ်ရေးအဖွဲ့ ဉက္ကဌက ခရိုင်အတွင်း စိုက်ပျိုး၊မွေးမြူရေး လုပ်ငန်းများ ဆောင်ရွက်နေမှု အခြေအနေများအား လည်းကောင်း အသီးသီးရှင်းလင်း တင်ပြကြသည်။

ဆက်လက်၍ တိုင်းဒေသကြီး အစိုးရအဖွဲ့ဝင်များက စစ်ကိုင်းခရိုင်အတွင်း စိုက်ပျိုး မွေးမြူရေးလုပ်ငန်းများ ဆောင်ရွက်နေမှု အခြေအနေများအပေါ် ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က စစ်ကိုင်းခရိုင်အတွင်းရှိ ပြည်သူများ စားရေရိက္ခာဖူလုံပြည့်ဝစေရေးအတွက် တာဝန်ရှိသူအားလုံးမှ အလေးထားဆောင်ရွက် သွားကြရန် လိုအပ်ပါကြောင်း၊ ရာသီအလိုက်စိုက်ပျိုးသည့် သီးထပ်သီးနှံအားလုံးကိုပန်းတိုင်အထွက် နှုန်းပြည့်မီကျော်လွန်အောင် ဒေသခံတောင်သူများနှင့် ပေါင်းစပ် ဆောင်ရွက်သွားကြရန် လိုအပ်ပါကြောင်း ပြောကြားခဲ့ပြီး ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မေ ၃၀

ငလျင်လှုပ်ခတ်မှုကြောင့် စစ်ကိုင်းတိုင်းဒေသကြီး၊ စစ်ကိုင်းမြို့၊ ရာဇမဏိစူဠာ ကောင်းမူတော်စေတီတော်မြတ်ကြီး ရေရှည်တည်တံ့အောင် ပြုပြင်မွမ်းမံရန်အတွက် နာယက ဆရာတော်ကြီးများ ထံမှဩဝါဒခံယူခြင်း အခမ်းအနားကို မေလ ၃၀ ရက်၊ နံနက်ပိုင်းတွင် အဆိုပါစေတီ တော်ကြီးရှိ ဂေါပကအဖွဲ့ရုံးခန်းမတွင် ကျင်းပပြုလုပ်ရာ ဩဝါဒခံ ယူပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး သက်ပုံ၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသသကြီး/ ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ ဂေါပကအဖွဲ့ဥက္ကဋ္ဌနှင့်အဖွဲ့ဝင်များ တက်ရောက်ကြ သည်။

ဦးစွာ “နမောတဿ”သုံးကြိမ်ရွတ်ဆို ဘုရားကန်တော့၍ အခမ်းအနားအား ဖွင့်လှစ်ကြပြီး နိုင်ငံတော်ဩဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မဇော တိက၊ သောဌသမရွှေကျင်သာသနာပိုင်၊ သီတဂူကမ္ဘာ့တက္ကသိုလ်များ၏ အဓိပတိ ကျေးဇူး တော်ရှင် သီတဂူဆရာတော်ကြီးထံ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် ဧည့်ပရိတ်သတ်များက ငါးပါးသီလ ခံယူဆောက်တည်ကြသည်။

ယင်းနောက် ဒုတိယဗိုလ်ချုပ်ကြီး သက်ပုံက ရာဇမဏိစူဠာ ကောင်းမှုတော်စေတီ တော်မြတ်ကြီး ပြိုကျပျက်စီးမှုများအပေါ် ရှင်းလင်းပြီးစီးခဲ့သည့် လုပ်ငန်းစဉ်များအား ဦးစွာလျှောက်ထားခဲ့ပြီး ပြုပြင်ရေးလုပ်ငန်းများဆောင်ရွက်မည့် အင်ဂျင်နီယာများက ငလျင်ဒဏ်ကြောင့် စေတီတော်မြတ်ကြီး ထိခိုက်ပျက်စီးနှင့်ပြုပြင်ဆောင်ရွက်သွားမည့် အခြေအနေများကို Power Point ဖြင့် ရှင်းလင်းလျှောက်ထားသည်။

ထို့နောက် တိုင်းဒေသကြီး ဝန်ကြီးချုပ်က ရာဇမဏိစူဠာ ကောင်းမှုတော်စေတီ တော်မြတ်ကြီး ထိခိုက်ပျက်စီးမှုများအပေါ် ရေရှည်တည်တံ့ခိုင်မြဲအောင် ပြုပြင်ဆောင် ရွက်မှုများအား တိုင်းဒေသကြီးအစိုးရအဖွဲ့မှ ပံ့ပိုးကူညီဆောင်ရွက်ပေးနေမှု အခြေအနေ များကို ဖြည့်စွက်လျှောက်ထားခဲ့သည်။

ဆက်လက်၍ သီတဂူဆရာတော်ကြီးနှင့် နိုင်ငံတော်အဆင့် ထေရ်ကြီး၊ဝါရ်ကြီး ဆရာတော်ကြီးများက ဩဝါဒကထာ မြွတ်ကြားကြပြီး “ဗုဒ္ဓသာသနံ စိရံ တိဌတု” သုံး ကြိမ်ရွတ်ဆိုဆုတောင်းကာ အခမ်းအနားကို ရုပ်သိမ်းခဲ့ကြသည်။

ထို့နောက် သီတဂူဆရာတော်ကြီးနှင့် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ် ကြီး၊ တာဝန်ရှိသူများက ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ ရာဇမဏိစူဠာ ကောင်းမူတော်စေတီတော်မြတ်ကြီး စိန်ဖူးတော်အား ကြည့်ရှုစစ်ဆေးခဲ့ ကြောင်း သိရသည်။

မုံရွာ၊ မေ ၂၉

စစ်ကိုင်းတိုင်းဒေသကြီး၊ စစ်ကိုင်းမြို့၊ ငလျင်ဘေး ဒဏ်သင့်ပြည်သူများအတွက် ဒုတိယအကြိမ် အလှူငွေပေးအပ်ပွဲ အခမ်းအနားကို မေလ ၂၉ ရက်၊ မွန်းလွဲပိုင်းတွင် စစ်ကိုင်းမြို့၊ အသင်္ခရာရိပ်သာဧည့်ခန်းမတွင် ကျင်းပပြုလုပ်ရာ အလှူငွေပေးအပ်ပွဲ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် အလှူရှင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူများမှ ၂၀၂၅-ခုနှစ်၊ မတ်လ ၂၈ ရက်၊ မြန်မာစံတော်ချိန် ၁၂ နာရီ၊ ၅၁ မိနစ်၊ ၂ စက္ကန့်အချိန်တွင် ပြင်းအား ၇.၇ ရစ်(ခ်)တာစကေးရှိ အလွန်ပြင်းထန်သည့် ငလျင်လှုပ်ခတ်ခဲ့မှုကြောင့် အသက်ဆုံးရုံးမှုများနှင့် ပျက်စီးဆုံးရုံးမှုများအတွက် စာနာနားလည်မှုများနှင့်တူ ထပ်တူ ခံစားချက် ဝမ်းနည်းခြင်း၊ အထိမ်းအမှတ် ၁ မိနစ်ငြိမ်သက်ကာ ဦးညွတ်အလေးပြုခဲ့ကြ သည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၅-ခုနှစ်၊ မတ်လ ၂၈ ရက်နေ့တွင် လှုပ်ခတ်ခဲ့သည့် မန္တလေးငလျင်ကြီးကြောင့် မိမိတို့စစ်ကိုင်းတိုင်းဒေသကြီး အတွင်း သေဆုံးသူ ၅၄၅ ဦး၊ ထိခိုက်ဒဏ်ရာရရှိသူ ၉၄၅ ဦး၊ လူနေအိမ် ၄၅၀၀ ကျော်၊ ဌာန ဆိုင်ရာရုံးအဆောက်အဦများနှင့် အင်းဝတံတားအပါအဝင် များစွာပျက်စီးဆုံးရှုံးခဲ့ရပါ ကြောင်း၊ ငလျင်ဘေးသင့်ပြည်သူများအတွက် နိုင်ငံတော်နှင့် မိမိတို့ တိုင်းဒေသကြီးအစိုးရ အဖွဲ့အနေဖြင့် ကူညီထောက်ပံ့ပေးအပ်မှုများအား အချိန်နှင့်တစ်ပြေးညီ စနစ်တကျလက် ဝယ်ရောက်ရှိအောင် စီမံကြီးကြပ်စီစဉ် ဆောင်ရွက်ပေးလျက်ရှိပါကြောင်း၊ အလှူရှင်များအနေဖြင့်လည်း ယခုလို ငလျင်ဘေးဒဏ်ထိခိုက်ခဲ့ရသည့် စစ်ကိုင်းမြို့အတွက် အလှူငွေ များပေးအပ်လှူဒါန်းခြင်းအတွက် ငလျင်ဘေးဒဏ်ခံစားခဲ့ရသည့် စစ်ကိုင်းမြို့ရှိ ပြည်သူ များကိုယ်စား အထူးပင်ကျေးဇူးတင်ရှိပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များထံ အလှူရှင် ၁၁၄ ဦးမှ အလှူငွေကျပ် စုစုပေါင်း ငွေကျပ် ၁၅၀၆၃၆၅၀၀၀ (သိန်းပေါင်း တစ်သောင်း ငါးထောင် ခြောက်ဆယ်သုံးသိန်း ခြောက်သောင်းငါးထောင်) ကျပ်အားအသီးသီး ပေးအပ်လှူဒါန်းကြပြီး ဂုဏ်ပြုမှတ်တမ်းလွှာများ ပြန်လည်ပေးအပ် ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ၂၀၂၅-၂၀၂၆ ပညာသင်နှစ်၊ ကျောင်းသား/ကျောင်းသူများ ပညာသင်ကြားမှု အဆင်ပြေစေရန်အတွက် စစ်ကိုင်းမြို့၊ ပိုးတန်းရပ်ကွက်ရှိ အမှတ်(၂)အခြေခံပညာအလယ်တန်းကျောင်းရှိ အလျား - ၁၂၀ ပေ၊ အနံ - ၃၀ ပေ၊ ၁ ထပ်ကျောင်းဆောင် အဆောက်အဦ ၃ ဆောင် တည်ဆောက် နေမှု၊ မင်းလမ်းရပ်ကွက် အခြေခံပညာအလယ်တန်းကျောင်း(ခွဲ)ထူပါရုံ၌ “ကြံ့နှစ်ကောင် ဖောင်ဒေးရှင်း”မှဆောက်လုပ်လှူဒါန်းသည့် အလျား - ၁၂၀ ပေ၊ အနံ - ၃၀ ပေ၊ ၁ ထပ် ကျောင်းဆောင် ၁ ဆောင်နှင့် ပိုးတန်းရပ်ကွက်ရှိ အမှတ်(၂)အခြေခံပညာအထက်တန်း ကျောင်းရှိ အလျား - ၆၀ ပေ၊ အနံ - ၃၀ ပေ၊ ၁ ထပ် ကျောင်းဆောင် ၂ ဆောင် တည် ဆောက်နေမှုများအား လိုက်လံကြည့်ရှုခဲ့ကြပြီး တည်ဆောက်ရေးလုပ်ငန်းများ စံချိန်စံညွှန်းမီ အရည်အသွေးကောင်းမွန်စွာဖြင့် သတ်မှက်ကာလတွင် တည်ဆောက်ပြီးစီးရေးတို့အား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ငလျင်လှုပ်ခတ် မှုကြောင့် ပြိုကျပျက်စီးခဲ့သည့် “သကျဓီတာ” သီလရှင်စာသင်တိုက်ကြီးအတွင်းရှိ အဆောက်အဦများအား မီးသတ်တပ်ဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များ၊ လူမှုရေး အသင်းအဖွဲ့အဝင်များက စက်ယန္တယားကြီးများဖြင့် ပြန်လည်ရှင်းလင်းဖယ်ရှားနေမှုများ အားကြည့်ရှုခဲ့ ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင် ရွက်ပေးခဲ့ကြောင်း သိရသည်။