မုံရွာ၊ ဩဂုတ် ၇

၂၀၂၄ ခုနှစ် ဩဂုတ်လ ၁၂ နေ့တွင်ကျရောက်မည့် အပြည်ပြည်ဆိုင်ရာ လူငယ်များနေ့ကို လူငယ်များ၏ အရေးပါမှုနှင့် လူ့အဖွဲ့အစည်းအတွင်း လူငယ်များ၏ အခန်းကဏ္ဍများကို မီးမောင်းထိုးပြရန်ရည်ရွယ်ပြီးစစ်ကိုင်းတိုင်းဒေသကြီး လူငယ်ရေးရာကော်မတီမှ အပြည်ပြည်ဆိုင်ရာလူငယ်များနေ့ အထိမ်းအမှတ် စာစီစာကုံးနှင့် စကားရည်လုပြိုင်ပွဲကို ယနေ့ နံနက်ပိုင်းက မုံရွာတက္ကသိုလ် ဘွဲ့နှင်းသဘင် ခန်းမ၌ ကျင်းပပြုလုပ်ရာ အခမ်းအနားသို့ စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်နှင့် တိုင်းဒေသကြီး အစိုးရအဖွဲ့ဝင် ဝန်ကြီးများ၊ မုံရွာတက္ကသိုလ်၊ ခေတ္တပါမောက္ခချုပ် ဒေါက်တာသန်းသန်းဝင်း၊ တိုင်းဒေသကြီး အဆင့်ဌာနဆိုင်ရာ တာဝန်ရှိသူများ၊ စကားရည်လုပြိုင်ပွဲ အကဲဖြတ်ဒိုင်များ၊ တက္ကသိုလ်အဆင့် ကောလိပ်အဆင့် ‌နှင့် အခြေခံပညာအဆင့် ကျောင်းများမှ ဆရာ၊ဆရာမများနှင့်ပြိုင်ပွဲဝင် ကျောင်းသားကျောင်းသူများ၊ ဖိတ်ကြားထားသူများ တက်ရောက်ကြသည်။

ဦးစွာ အခမ်းအနားတွင် မုံရွာတက္ကသိုလ်၊ ခေတ္တပါမောက္ခချုပ်ဒေါက်တာသန်းသန်းဝင်းက အမှာစကား ပြောကြားသည်။

ထို့နောက် ‌စကားရည်လုပြိုင်ပွဲဒိုင်ချုပ်၊ မုံရွာတက္ကသိုလ်၊ ဒုတိယပါမောက္ခချုပ် ဒေါက်တာခင်နွဲ့အေးက ပြိုင်ပွဲအမှတ်ပေးစည်းမျဉ်းများကို ရှင်းလင်းတင်ပြသည်။

ဆက်လက်ပြီး စကားရည်လုပြိုင်ပွဲ အကဲဖြတ်ဒိုင်များနှင့် မိတ်ဆက်ပေးကာစကားရည်လုပြိုင်ပွဲ စတင်ယှဉ်ပြိုင်ခဲ့ကြသည်။

ထို့နောက် စကားရည်လုပြိုင်ပွဲတွင် မုံရွာတက္ကသိုလ်၊ မုံရွာစီးပွားရေးတက္ကသိုလ်၊ မုံရွာပညာရေးဒီဂရီကောလိပ်၊ သူနာပြုသင်တန်းကျောင်း၊ အထက ၂ မုံရွာ နဲ့ အထွေထွေအုပ်ချုပ်မှုရုံးဌာနတို့မှ ပြိုင်ပွဲဝင် ၃၀ ဦး ကို အဖွဲ့ ၁၀ ဖွဲ့ခွဲကာ ခေတ်မီတာကောင်းတယ်/မကောင်းဘူး ၊ ဆိုရှယ်မီဒီယာသုံးတာ ကောင်းတယ်/မကောင်းဘူး၊ နည်းပညာသုံးတာ ကောင်းတယ်/မကောင်းဘူး ‌ ခေါင်းစဥ်တို့ဖြင့်လည်းကောင်း ၊စာစီစာကုံးပြိုင်ပွဲတွင် မုံရွာတက္ကသိုလ်၊ မုံရွာစီးပွားရေး တက္ကသိုလ်၊ မုံရွာပညာရေးဒီဂရီကောလိပ်၊ သူနာပြုသင်တန်းကျောင်း၊ မုံရွာ၊ အထွေထွေအုပ်ချုပ်မှုရုံး၊ တိုင်းကျန်းမာနဲ့ ပြန်ကြားရေးနှင့်ပြန်သူ့ဆက်ဆံရေး ဦးစီးဌာနတို့မှ ပြိုင်ပွဲဝင် ၄၂ ဦး ပါဝင်ပြီး "လူငယ်အင်အားစွမ်းပကားဖြင့် နိုင်ငံ့ဂုဏ်ရောင်အလင်းဆောင် " ခေါင်းစဥ်ဖြင့် လည်းကောင်း အသီးသီး ‌ပါဝင်ယှဥ်ပြိုင်နေမှုတို့အား တိုင်းဒေသကြီး ဝန်ကြီးချုပ် ဦးမြတ်ကျော်နှင့်အဖွဲ့က လှည့်လည်ကြည့်ရှုအားပေးခဲ့ပြီး အခမ်းအနားတွင် မုံရွာတက္ကသိုလ် မှ အကအလှယိမ်းအဖွဲ့များ၏ သီဆိုကပြဧည့်ခံဖျော်ဖြေမှု့တို့အား ကြည့်ရှုအားပေးခဲ့ကြပြီး နောက် ယိမ်းအဖွဲ့များအား တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က ဂုဏ်ပြုချီးမြှင့်ငွေများ ပေးအပ်ခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့်အဖွဲ့သည် တက်ရောက်လာကြသူများအား ရင်းရင်းနှီးနှီး လိုက်လံနှုတ်ဆက်ခဲ့ပြီး တာဝန်ရှိသူများက စားစရာမုန့်မျိုးစုံနှင့် လက်ဖက်ရည်တို့ ပေးဝေ‌နေမှုတို့အား ကြည့်ရှုအားပေးခဲ့ပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးခဲ့သည်။

အဆိုပါ စစ်ကိုင်းတိုင်းဒေသကြီး လူငယ်ရေးရာကော်မတီ အပြည်ပြည်ဆိုင်ရာလူငယ်များနေ့ အထိမ်းအမှတ် စာစီစာကုံးနှင့် စကားရည်လုပြိုင်ပွဲတို့တွင် ပထမ၊ဒုတိယ၊တတိယ ထူးချွန်ဆုရ ကျောင်းသားကျောင်းသူများအား ဩဂုတ်လ ၁၂ ရက်တွင်စစ်ကိုင်းတိုင်းဒေသကြီး အစိုးရအဖွဲ့ရုံး ချင်းတွင်းခန်းမတွင် ကျင်းပပြုလုပ်မည့် စစ်ကိုင်းတိုင်းဒေသကြီး လူငယ်ရေးရာကော်မတီ အပြည်ပြည်ဆိုင်ရာလူငယ်များနေ့ အခမ်းအနားတွင် ထိုက်ထိုက်တန်တန် ဂုဏ်ပြုဆုများ ပေးအပ်ချီးမြှင့်သွားမည်ဖြစ်ကြောင်း သိရသည်။

မုံရွာ၊ သြဂုတ် ၆

စစ်ကိုင်းတိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီ (၇/၂၀၂၄) အစည်း အဝေးကို သြဂုတ်လ ၆ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေး ခန်းမတွင်ကျင်းပရာ အစည်းအဝေးသို့ ဒေသဆိုင်ရာခရီးသွားလုပ်ငန်း ကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ ဒုတိယဥက္ကဌ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ခရီးသွားလုပ်ငန်းကော်မတီ အတွင်းရေးမှူးနှင့်အဖွဲ့ဝင်များ၊ ဟိုတယ်/တည်းခိုရိပ်သာလုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ အစည်းအဝေးအား လစဉ်လတိုင်း ကျင်းပဆောင်ရွက်လျက်ရှိရာ ခရီးသွားလုပ်ငန်းနှင့်ပတ်သက် သည့် အရေးကြီးလုပ်ငန်းဆောင်တာများ၊ ရေရှည်လုပ်ရမည့်ကိစ္စရပ်များ၊ လုပ်ငန်းရှင်များ အတွက် လိုအပ်ချက်များကို ယခုလိုပုံမှန်တွေ့ဆုံခြင်းဖြင့် သိရှိဖြေရှင်း ဆောင်ရွက်ပေးနိုင်ခဲ့ပါ ကြောင်း၊ ဟိုတယ်၊မိုတယ်၊ သယ်ယူပို့ဆောင်ရေးနှင့် စားသောက်ဆိုင်များ၊ ဒေသထွက်အမှတ်တရ ပစ္စည်းအရောင်းဆိုင်များ၊ ဝန်ဆောင်မှုပေးနေသူများ၊ ဧည့်လမ်းညွှန်များစသည့် လူတန်းစား အလွှာအသီးသီးထံ တိုက်ရိုက်ဝင်ငွေရရှိစေသည့်အတွက် အားလုံးအဆင်ပြေချောမွေ့ စီးပွားဖြစ် ထွန်းစေရန် အဓိကဖြစ်ပါကြောင်း၊ ခရီးသွားလုပ်ငန်းကဏ္ဍသည် အလုပ်အကိုင်အခွင့်အလမ်း ဖန်တီးပေးမှုတွင် ဦးဆောင်နေ ရာတွင်ရပ်တည်နေသည့် စီးပွားရေးလုပ်ငန်း တစ်ခုဖြစ်ပါကြောင်း၊ ခရီးသွားလုပ်ငန်းကဏ္ဍများ ဖွံ့ဖြိုးတိုးတက်လာပါက နိုင်ငံတော်၏စီးပွားရေးအား များစွာအထောက်အကူပြုမည့်အပြင် နိုင်ငံ ခြားဝင်ငွေတိုးပွားလာမည်ဖြစ်သည့်အတွက် အကျိုးကျေးဇူးများစွာ ရရှိမည်ဖြစ်ပါကြောင်း၊ ဒါကြောင့် မိမိတို့တိုင်းဒေသကြီး၏ ခရီးသွားလုပ်ငန်းဖွံ့ဖြိုးတိုးတက်ရေး ခရီးသွားပြည်သူများ စိတ်အေးချမ်းသာစွာတည်းခို နေထိုင်ရေးတို့အတွက် အခုလိုလစဉ်လတိုင်း မပျက်မကွက် ညှိနှိုင်း ပူးပေါင်း ဆောင်ရွက်သွားရမည် ဖြစ်ပါကြောင်း ပြောကြားခဲ့သည်။

ယင်းနောက် ဒေသဆိုင်ရာခရီးသွားလုပ်ငန်းကော်မတီ ဒုတိယ ဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ်ငန်းဆိုင်ရာများ နှင့်ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွားလုပ်ငန်း ကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ ၆/၂၀၂၄ ၏ အစည်းအဝေးဆုံးဖြတ်ချက်များအပေါ် ဆောင်ရွက်ထား ရှိမှုနှင့် ဆောင်ရွက်ဆဲအခြေအနေများ၊ ယခုအစည်းအဝေးတွင် ဆုံးဖြတ်အတည်ပြုပေးရမည့် ကိစ္စရပ်များနှင့် တိုင်းဒေသကြီး အတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်းတင်ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များနှင့် ဟိုတယ်/တည်းခိုရိပ်သာ လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီးသွားလုပ် ငန်းဆိုင်ရာကိစ္စရပ်များ၊ ခရီးသွားဝင်ရောက်မှု၊ ခရီးသွားဒေသများပတ်ဝန်း ကျင်များတွင်သန့်ရှင်း သာယာလှပရေး လုပ်ငန်းများဆောင်ရွက်နေမှု၊ လမ်းပန်းဆက်သွယ်မှုကောင်းမွန်ရေး၊ လုံခြုံရေး အခြေအနေများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်းအဝေးသို့တက်ရောက်လာသူများ၏ အကြံပြုဆွေးနွေးတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ သြဂုတ် ၅

၂၀၂၄-ခုနှစ်၊ ပြည်နယ်နှင့်တိုင်းဒေသကြီး အသက်(၂၅)နှစ်အောက် အမျိုးသား/အမျိုးသမီး ဖူဆယ်ပြိုင်ပွဲသို့ ဝင်ရောက်ယှဉ်ပြိုင်မည့် စစ်ကိုင်းတိုင်းဒေသကြီး အမျိုးသား/သမီး ဖူဆယ် အသင်းအား အောင်နိုင်ရေးအလံပေးအပ်ပွဲ အခမ်းအနားကို သြဂုတ်လ ၅ ရက်၊ နံနက်ပိုင်းတွင် မုံရွာမြို့၊ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်းပပြုလုပ်ရာ အခမ်းအနားသို့ တိုင်ဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ အသင်းအုပ်ချုပ်သူများနှင့် အားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အစိုးရအနေဖြင့် အားက စားကို အမျိုးသားရေးတာဝန်တစ်ရပ်အနေဖြင့် အဘက်ဘက်မှ အားပေးမြှင့်တင် ဆောင်ရွက် လျက်ရှိရာ မိမိတို့တိုင်းဒေသကြီးအစိုးရအနေဖြင့်လည်း အားကစားမူဝါဒများ အားအကောင် အထည်ဖော်နိုင်ရန်အတွက် အစွမ်းကုန်ပံ့ပိုးကူညီ ဆောင်ရွက်လျက်ရှိပါကြောင်း၊ တိုင်းဒေသကြီး ဖူဆယ်လက်ရွေးစင် အမျိုးသား/အမျိုးသမီး အားကစားသမားများအနေဖြင့် ယခင်နှစ်က အမျိုး သားအသင်းသည် ဆီမီးဖိုင်နယ်၊ အမျိုးသမီးအသင်းသည် ကွာတားဖိုင်နယ်အဆင့်အထိသာ ရောက်ရှိခဲ့သည့်အတွက် ယခုနှစ်တွင် ဆုတံဆိပ်များရရှိအောင် ကြိုးစားသွားကြရန် လိုအပ်ပါ ကြောင်းနှင့် ယခင်နှစ်မှအတွေ့အကြုံ များအားရယူကာ မလိုလားအပ်သည့် အမှားမျိုးများ မဖြစ်အောင် ကြိုတင်ပြင်ဆင်ပြီး ပြတ်သားသည့်အရှုံး/အနိုင်ရလဒ် ပေါ်ထွက်အောင် ကြိုးစားယှဉ် ပြိုင်သွားကြရန် လိုအပ်ပါကြောင်း၊

ပြိုင်ပွဲကျင်းပရေးကော်မတီမှ ထုတ်ပြန်ထားသည့် စည်းမျဉ်း၊စည်းကမ်းများအား လေးစား လိုက်နာသွားကြရန်နှင့် မိမိတစ်ဦးချင်းအောင်နိုင်ရေး၊ မိမိတို့တိုင်းဒေသကြီး အသင်းအောင်နိုင် ရေးအတွက် ကိုယ်စွမ်းဉာဏ်စွမ်းရှိသလောက် အစွမ်းကုန်ကြိုးစား ယှဉ်ပြိုင်ခဲ့ကြရန် လိုအပ်ပါ ကြောင်း၊ အားကစားသမားများအနေဖြင့်လည်း ပြိုင်ပွဲတိုင်းအား အနိုင်မခံအရှုံးမပေးသည့် ဇွဲစိတ်ဓါတ်ဖြင့် အောင်မြင်မှုများရရှိအောင် ယခုပြိုင်ပွဲကနေကြိုးစားပြီး စည်းမျဉ်း/စည်းကမ်း ဘောင် ထဲမှတရားမျှတစွာ ကြိုးစားယှဉ်ပြိုင် ကစားသွားကြရန်နှင့် အားကစားဖြင့်နိုင်ငံ့ဂုဏ်အားမြှင့် တင်နိုင်သည့် နိုင်ငံဂုဏ်ဆောင် ကစားသမားကောင်းများဖြစ်အောင် ကြိုးစားယှဉ်ပြိုင်သွား ကြ ရန်လိုအပ်ပါကြောင်း ပြောကြား ခဲ့သည်။

ယင်းနောက် တိုင်းဒေသကြီး ဝန်ကြီးချုပ်က တိုင်းဒေသကြီး အမျိုးသား/သမီး ဖူဆယ် အသင်းနည်းပြများနှင့် အသင်းအုပ်ချုပ်သူတို့ထံ ဂုဏ်ပြုထောက်ပံ့ငွေကျပ် - ၁၂၉၈၇၀၀၀ (တစ် ရာနှစ်ဆယ့်ကိုးသိန်းရှစ်သောင်းခုနှစ်ထောင်ကျပ်)နှင့် အောင်နိုင်ရေးအလံတို့အား ပေးအပ်သည်။
ဆက်လက်ပြီး တိုင်းဒေသကြီး အမျိုးသား/သမီးဖူဆယ်အသင်း အုပ်ချုပ်သူက ပြိုင်ပွဲဝင် ရောက်ယှဉ်ပြိုင်သွားမည့် အခြေအနေများအား ရှင်းလင်းပြေကြားပြီး စုပေါင်းမှတ်တမ်းတင် ဓါတ်ပုံရိုက်ကူးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက တိုင်းဒေသကြီး အမျိုးသား/ သမီး ဖူဆယ်အားကစားသမားများ၊ အသင်းနည်းပြများနှင့် အုပ်ချုပ်သူများအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။

မုံရွာ၊ ဩဂုတ် ၅

စစ်ကိုင်းတိုင်း‌ဒေသကြီး အစိုးရအဖွဲ့၏ကြီးကြပ်မှုဖြင့် တိုင်းဒေသကြီးဥပဒေချုပ်ရုံးနှင့် တိုင်းဒေသကြီး ပညာရေးဌာနတို့ပူးပေါင်း ကျင်းပသည့် ဥပဒေအသိပညာပြန့်ပွားရေးသင်တန်း အမှတ်စဉ်(၂/၂၀၂၄) ကို သြဂုတ်လ ၅ ရက် နံနက် ၉ နာရီခွဲတွင် မုံရွာမြို့ အမှတ်(၁)အခြေခံပညာအထက်တန်းကျောင်း (အလုံ) ရွှေလုံခန်းမ၌ ကျင်းပသည်။

သင်တန်းဖွင့်ပွဲတွင် စစ်ကိုင်းတိုင်းဒေသကြီးဝန်ကြီးချုပ်ဦးမြတ်ကျော်က မုံရွာမြို့နယ်အတွင်းရှိ အခြေခံပညာကျောင်းများမှကျောင်းသားကျောင်းသူများအနေဖြင့် ကျောင်းစာအပြင် ဥပဒေရေးရာအသိပညာများကို သိရှိပြီးလေးစား လိုက်နာဆောင်ရွက်နိုင်ရန် အထူးလိုအပ်ပါကြောင်း၊ ကျောင်းသား ကျောင်းသူများသည် နိုင်ငံသား တစ်ဦးအနေဖြင့် နိုင်ငံ၏ဥပဒေရေးရာများကို သေချာစွာ သိရှိနားလည်ပြီး နိုင်ငံ့တာဝန်ကျေပွန်စေရန် ဆောင်ရွက်ရမည်ဖြစ်ကြောင်း၊ နိုင်ငံ၏အနာဂတ် ဖြစ်သည့်လူငယ်များကို ဥပဒေအသိပညာများ ပြန့်ပွားစေရန် ပို့ချပေးမည့် တိုင်းဒေသကြီးဥပဒေချုပ်ရုံးမှ ဥပ‌ဒေအရာရှိ များ၊ စစ်ကိုင်းတိုင်းဒေသကြီးတရားလွှတ်တော်မှ တရားသူကြီးများ၊ အမှတ်(၁၇)ယာဥ်ထိန်းရဲ ဒုတပ်ဖွဲ့ခွဲ(စစ်ကိုင်း) ဒုတပ်ဖွဲ့ခွဲမှူး တို့အားကျေးဇူးတင်ရှိကြောင်း ပြောကြားသည်။

ဆက်လက်ပြီး တိုင်းဒေသကြီး တရားလွှတ်တော်တရားသူကြီးချုပ်ဦးဇော်ထူး၊ တိုင်းဒေသကြီး ‌ဥပဒေချုပ် ဒေါ်လှလှဝင်း နှင့် တိုင်း‌ဒေသကြီးရဲတပ်ဖွဲ့မှူး ရဲမှူးကြီး နိုင်လင်း တို့က သင်တန်းသား သင်တန်းသူများအား အားပေးစကားများပြောကြားခဲ့ကြသည်။

ထို့နောက် စစ်ကိုင်းတိုင်းဒေသကြီးဝန်ကြီးချုပ် ဦးမြတ်ကျော်နှင့် အဖွဲ့က သင်တန်းပို့ချပေးမည့် တိုင်းဒေသကြီး ဥပဒေချုပ်ရုံးမှ ဥပဒေပညာ ရှင်များအား ရင်းရင်းနှီးနှီးတွေ့ဆုံနှုတ်ဆက်ပြီး သင်တန်းပို့ချပေးနေမှုအား ကြည့်ရှုအားပေး ခဲ့ကာ လိုအပ်သည်များကို တာဝန်ရှိသူများနှင့် ပေါင်းစပ် ဖြည့်ဆည်းဆောင်ရွက်ပေးခဲ့သည်။

အဆိုပါသင်တန်းတွင် မုံရွာမြို့နယ်အတွင်းရှိ အခြေခံပညာကျောင်းများမှ Grade 11 နှင့် Grade 12 တို့မှ ကျောင်းသားကျောင်းသူ (၁၅၀)အား လူကုန်ကူးမှုတားဆီးနှိမ်နှင်းရေးဥပဒေ၊ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာ ဥပဒေ၊ ပြည်သူ့စစ်မှုထမ်းဥပဒေ၊ တရားစီရင်ရေးအကြောင်း သိကောင်းစရာများ၊ အကြမ်းဖက်မှုတိုက်ဖျက်ရေး ဥပဒေ၊ ကလေးသူငယ်အခွင့်အရေးများဆိုင်ရာ ဥပဒေ၊ လူကုန်ကူးမှုတိုက်ဖျက်ရေးဥပဒေ၊ ယာဥ်အန္တရာယ်ကင်းရှင်းရေးနှင့် မော်တော်ယာဥ်စီမံခန့်ခွဲမှု ဥပဒေတို့ကို သြဂုတ် ၅ ရက်မှ ၆ ရက် နေ့အထိ သင်ကြားပို့ချသွားမည် ဖြစ်ကြောင်း သိရသည်။

မုံရွာ၊ သြဂုတ် ၃

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ ဆရာတော်၊ သံဃာတော်များ ဝါတွင်းကာလ အတွင်း စိတ်အေးချမ်းသာစွာဖြင့် တရားဘာ၀နာများ ပွားများနိုင်စေရန်အတွက် သြဂုတ်လ ၃ ရက်၊ နံနက်ပိုင်းတွင် မုံရွာမြို့၊ မဟာဇောတိကာရာမပါဠိတက္ကသိုလ် ကျောင်းတိုက်ကြီးအတွင်း သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ် မြောင်းများရေစီးရေ လာကောင်းမွန်စေရေးတို့အတွက် တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့များ၊ မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာဝန်ထမ်းများ စုပေါင်း၍ သန့်ရှင်းရေး လုပ်ငန်းများ ဆောင်ရွက်ခဲ့ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်နေမှုများအား တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက ကြည့်ရှုစစ်ဆေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ရပ်ကွက်နေပြည်သူများနှင့် ဌာနဆိုင်ရာ ဝန်ထမ်းများအား တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှင့် စားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးပြီး စုပေါင်းသန့်ရှင်းရေး လုပ်ငန်းများဆောင်ရွက်ခဲ့ကြသူများအား နံနက်စာဖြင့် ကျွေးမွေးဧည့်ခံခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၂ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၈၀၀ ကျော်ဖြင့် ဘုန်းတော်ကြီးကျောင်းများနှင့် မြို့သန့်ရှင်းသာယာလှပရေး လုပ်ငန်းများကို စုပေါင်းဆောင်ရွက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မဟာဇောတိကာရာ မပါဠိတက္ကသိုလ်ကျောင်းတိုက်ကြီးရှိ ဆရာတော်၊ သံဃာတော်များ ဝါတွင်းကာလအတွင်း ဆွမ်း အခက်အခဲမရှိစေရေးတို့အတွက် လှူဖွယ်ပစ္စည်းများနှင့် ဆွမ်းဆန်၊ ဆီ၊ ဆား၊ ပဲ အမယ် ၄ မျိုး ဆက်ကပ်လှူဒါန်းပွဲသို့ တက်ရောက်ကြသည်။

ဦးစွာ ဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီးအစိုးရအဖွဲ့ဝင်များနှင့်ဇနီးများက လှူဖွယ်ပစ္စည်းများနှင့် ဆွမ်းဆန်၊ ဆီ၊ ဆား၊ ပဲ အမယ် ၄ မျိုးအား ဆက်ကပ်လှူဒါန်းကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထား ခဲ့သည်။

အဆိုပါ မဟာဇောတိကာရာ မပါဠိတက္ကသိုလ်ကျောင်းတိုက်ကြီးရှိ ဆရာတော်၊ သံဃာတော် ၅၇၅ ပါးတို့အတွက် တိုင်းဒေသကြီးအစိုးရအဖွဲ့မှ ဆွမ်းဆန် - ၄၇ အိတ်၊ ဆီ - ၈၆ ပိဿာ၊ ဆား - ၃၆ ပိဿာ၊ ပဲ - ၈၆ ပိဿာတို့အား ဆက်ကပ်လှူဒါန်းခဲ့ကြောင်း သိရသည်။

မုံရွာ၊ သြဂုတ် ၁

စစ်ကိုင်းတိုင်းဒေသကြီး၊ မုံရွာတက္ကသိုလ်ကျောင်းဝန်းအတွင်းရှိ ဆုတောင်းပြည့်စေတီ တော်မြတ်ကြီး ဗုဒ္ဓါဘိသေက အနေကဇာတင်မင်္ဂလာ အခမ်းအနားကို သြဂုတ်လ ၁ ရက်၊ နံနက် ပိုင်းက အဆိုပါကျောင်းဝန်းအတွင်းရှိ စေတီတော်ကြီး ပရဝုဏ်အတွင်းကျင်းပရာ အခမ်းအနား သို့ပင့်သံဃာဆရာတော်ကြီးများ၊ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသ ကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနင့်ဇနီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ မုံရွာတက္ကသိုလ်၊ စီးပွားရေးတက္ကသိုလ်မှ ပါမောက္ခချုပ်၊ ဒုတိယပါမောက္ခချုပ်များ၊ ပါမောက္ခ/ဌာနမှူးများ၊ ဆရာ/ဆရာမများနှင့်အလှူရှင်များ တက် ရောက်ကြသည်။
ဦးစွာ “နမောတဿ”သုံးကြိမ်ရွတ်ဆို ဘုရားကန်တော့၍ အခမ်းအနားအားဖွင့်လှစ်ကြ ပြီး ဆရာတော်၊သံဃာတော်အရှင်သူမြတ်များက ဗုဒ္ဓါဘိသေက အနေကဇာတင် ပူဇော်ကြသည်။
ယင်းနောက် မုံရွာမြို့၊ အုတ်ကန်တောရပရိယတ္တိစာသင်တိုက်၊ ပဓာနနာယက အဂ္ဂမဟာ ပဏ္ဍိတ၊ ဘဒ္ဒန္တမာနိက ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည်ပရိသတ်များ ငါးပါးသီလခံယူဆောက်တည်ကြသည်။
ဆက်လက်ပြီး ဆရာတော်၊ သံဃာတော်အရှင်သူမြတ်များမှ ရွတ်ပွားသရဇ္ဈာယ်ချီးမြှင့် တော်မူသည့် ပရိတ်တရားတော်များအား တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက နာယူကြည်ညိုကြသည်။
ဆက်လက်၍ ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်း ဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက လှူဖွယ် ပစ္စည်းများဆက်ကပ်လှူဒါန်းကြသည်။
ထို့နောက် မုံရွာမြို့၊ ရန်ကင်းကျောင်းတိုက်၊ ပဓာနနာယက ဒွိပိဋကဓရ၊ ဒွိပိဋကကောဝိဒ၊ အဂ္ဂမဟာပဏ္ဍိတ ဘဒ္ဒန္တပညာဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည်ပ ရိသတ်များက အနုမောဒနာတရား နာယူကြည်ညိုပြီး လှူဒါန်းမှုအစုစုတို့အတွက် ရေစက် သွန်းချအမျှပေးဝေကာ “ဗုဒ္ဓသာသနံ စိရံ တိဌတု”သုံးကြိမ်ရွတ်ဆိုဆုတောင်းကာ အခမ်းအနား ကို ရုပ်သိမ်းခဲ့ကြသည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာတက္ကသိုလ် ကျောင်းဝန်းအတွင်းရှိ ဆုတောင်းပြည့်စေတီတော်မြတ်ကြီး ရေရှည်တည်တံ့ခိုင်မြဲရေး၊ ကျောင်း သား/သူများ စိတ်အေးချမ်းသာစွာဖြင့် ဖူးမျှော်နိုင်ရေးအတွက် ရင်ပြင်တော်ပတ်ဝန်းကျင် သန့်ရှင် သပ်ရပ်ရေးတို့အား လိုက်လံကြည့်ရှုစစ်ဆေးခဲ့ကြသည်။
ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာတက္ကသိုလ် ဥပဒေ ပညာဌာနရှိ စာကြည့်တိုက်နှင့် မုံရွာပညာ့ရိပ်သာအိမ်ရာဝန်းအတွင်းရှိ လူနေအိမ် အဆောက်အဦ များနှင့် Gym အခန်းတို့အား လိုက်လံကြည့်ရှုစ်စစ်ဆေးပြီး မြန်မာစာဌာနရှိ ကျောင်းသား/သူ များအား ရင်းရင်းနှီးနှီးနှုတ်ဆက်ကာ စိတ်အေးချမ်းသာစွာ ပညာသင်ကြားနေမှုများအား ကြည့်ရှု အားပေးပြီ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာတက္ကသိုလ်ရှိ အစည်းအဝေးခန်းမတွင် ဒုတိယပါမောက္ခချုပ်များ၊ ပါမောက္ခဌာနမှုးများ၊ ဆရာ/ဆရာမများနှင့် တွေ့ဆုံရာ မုံရွာတက္ကသိုလ် ဒုတိယပါမောက္ခချုပ်က ဘာသာရပ်အလိုက် သင်ကြားရေးလုပ်ငန်း အခြေအနေများဆောင်ရွက်နေမှုနှင့် ကျောင်း၏လိုအပ်ချက်များအား ရှင်းလင်းတင်ပြကြရာ တိုင်းဒေသကြီး ဝန်ကြီးချုပ်က လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းတွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ တိုင်းဒေသကြီးရုံးမှ နိုင်-၄ တိုက်ဆိုင်စစ် ဆေးနေမှုများအား ကြည့်ရှုစစ်ဆေးပြီး ဝန်ထမ်းများအား ရင်းရင်းနှီးနှီးနှုတ်ဆက်ကာ လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။