မုံရွာ အောက်တိုဘာ ၃၁

စစ်ကိုင်းတိုင်းဒေသကြီးအတွင်း ရာသီဥတုပြောင်းလဲမှုကြောင့် စိုက်ပျိုးရေးကဏ္ဍတွင် သက်ရောက်နိုင်မှုအပေါ် ဖြေရှင်းဆောင်ရွက်မည့် နည်းပညာပေးဆွေးနွေးပွဲကို အောက်တိုဘာလ ၃၁ ရက်နေ့၊ နံနက်ပိုင်းတွင် စစ်ကိုင်းမြို့၊ စစ်ကိုင်းခရိုင် စိုက်ပျိုးရေးဦးစီးဌာနရုံးရှိ မြတ်ဇေယျာခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်နှင့် အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ဒေသခံတောင်သူများနှင့် ဖိတ်ကြားထားသူများ တက်ရောက်ကြသည်။ရှေးဦးစွာ တိုင်းဒေသကြီး ဝန်ကြီးချုပ်ဦးမြတ်ကျော်က အယ်လ် နီညိုဖြစ်ပေါ်သည့် နွေရာသီကာလတွင် ပူပြင်းခြောက်သွေ့ခြင်း၊ မိုးခေါင်ရေရှားမှုပြဿနာများနှင့် lကြုံတွေ့လာရခြင်း၊ မုတ်သုံမိုးနည်းလာခြင်း၊ မိုးလေဝသနှင့်ရာသီဥတု အပြောင်းအလဲဖြစ်စဉ်များဖြစ် ပေါ်လေ့ရှိပါကြောင်း၊ မုတ်သုံကာလ တိုတောင်းလာခြင်းကြောင့် အပူချိန်မြင့်မားသည့် နွေရာသီကာလများ ရှည်လျားလာပြီး စိုက်ပျိုးရေ၊ သောက်သုံးရေရှားပါးမှုပြဿနာများ ပေါ်ပေါက်လာနိုင်ပါကြောင်း၊ မိမိတို့တိုင်းဒေသကြီးအနေဖြင့် ကြိုတင်ပြင်ဆင်မှုများအား ပြုလုပ်ကြရမှာဖြစ်တာကြောင့် အယ်လ်နီညိုဖြစ်စဉ်များအကြောင်း တောင်သူများအား အသိပညာပေးခြင်း၊ စိုက်ပျိုးရေများ ကြိုတင်သိုလှောင်ခြင်း၊ ရေကို အလဟဿမဖြစ်စေဘဲ အလေအလွင့်နည်းနည်းဖြင့် အကျိုးရှိရှိ ထိထိရောက်ရောက် သုံးစွဲနိုင်ရေးနည်းပညာပေးခြင်း၊ စိုက်ပျိုးရေးအတွက် ရေအရင်းအမြစ်များ ရှာဖွေခြင်း၊ အပူဒဏ်နှင့်မိုးခေါင်ရေရှားဒဏ်ခံနိုင်သည့် သီးနှံမျိုးများပြောင်းလဲစိုက်ပျိုးခြင်း၊ ရာသီဥတုအခြေအနေနှင့် လိုက်လျော ညီထွေဖြစ်မည့် သီးထပ်သီးညှပ်ပုံစံများ ပြောင်းလဲစိုက်ပျိုးရေးတို့အား နည်းပညာပေးခြင်း၊ လက်တွေ့ပြသခြင်းများကို အရှိန်အဟုန်မြှင့်ပြီး ဆောင်ရွက်သွားကြရန် မှာကြားလိုပါကြောင်း၊ မိမိတို့တိုင်းဒေသကြီး၏ စိုက်ပျိုးထုတ်လုပ်မှုအပေါ် ထိခိုက်မှုမဖြစ်စေရန်အတွက် ရေ အရင်းအမြစ်စီမံခန့်ခွဲမှုများကိုလည်း စနစ်တကျပြုလုပ်သွားကြရန် လိုအပ်ပါကြောင်း၊ သက်ဆိုင်ရာဌာနများအနေဖြင့်လည်း တိုင်းဒေသကြီးအတွင်းရှိ ရှိရင်းစွဲ ရေအရင်းအမြစ်များ အင်အားမပျက်စီးအောင်ထိန်းသိမ်းခြင်း၊ စိုက်ပျိုးရေအား လေလွင့်ဆုံးရှုံးမှု အနည်းဆုံးဖြစ်အောင် စီမံသုံးစွဲခြင်းတို့အပါအဝင် စိုက်ပျိုးရေးအတွက် အသက်သွေးကြော ဖြစ်သည့်ရေကို ရွှေကဲ့သို့ အလားတန်ဖိုးထားကာ အယ်လ်နီညိုရာသီဥတုကာလကို ကျော်ဖြတ်ကြရမှာ ဖြစ်ပါကြောင်း၊ ပြောင်းလဲဖြစ်ပေါ်နေသည့် ရာသီဥတုဖြစ်စဉ်များကို စဉ်ဆက်မပြတ်လေ့လာပြီး အယ်လ်နီညို ရာသီဥတုပြောင်းလဲမှု ဖြစ်စဉ်ကြောင့် စိုက်ပျိုးရေး၊ မွေးမြူရေးကဏ္ဍ အပါအဝင် သက်ဆိုင်ရာ ကဏ္ဍများတွင် ထိခိုက်မှုမဖြစ်ပေါ်စေရေး အတွက် မိုးလေဝသဖြစ်စဉ်များကို အစဉ်သတိပြုပြီး မိမိကဏ္ဍအလိုက် ကြိုတင်ကာကွယ်ခြင်း၊ ပြင်ဆင်ခြင်းဆောင်ရွက်ခြင်းများဖြင့် တိုင်းဒေသကြီး၏စိုက်ပျိုးထုတ်လုပ်မှုများ ထိခိုက်မှုမဖြစ်ပေါ်စေရေး ကြိုးပမ်းဆောင်ရွက်သွားကြရန် တိုက်တွန်း ပြောကြားခဲ့သည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုးက ရာသီဥတု ပြောင်းလဲမှုကြောင့် စိုက်ပျိုးရေးကဏ္ဍတွင် သက်ရောက်နိုင်မှုအပေါ် ဖြေရှင်း ဆောင်ရွက်မည့် အခြေအနေများအား လည်းကောင်း၊ တိုင်းဒေသကြီး စိုက်ပျိုးဦးစီးဌာနမှ ညွှန်ကြားရေးမှူး ဦးဝင်းလိူင်ဦးက ရာသီဥတုပြောင်းလဲမှုကြောင့် တောင်သူများထိခိုက်မှုမရှိစေ ရေး ကြိုတင်ဆောင်ရွက်ထားရှိမှု လုပ်ငန်းအခြေအနေများအား လည်းကောင်း၊ စစ်ကိုင်းခရိုင် စိုက်ပျိုးရေးဦးစီးဌာနမှ ခရိုင်ဦးစီးမှူးမှ ခရိုင်အတွင်းစိုက်ပျိုးထားရှိသည့် သီးနှံအခြေအနေများ အား လည်းကောင်း ရှင်းလင်းဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံ နုတ်ဆက်အားပေးပြီး စိုက်ပျိုးရေးသုံး ပိုးနှင်ဆေး လက်တွေ့သရုပ်ပြသနေအား ကြည့်ရှုအားပေးကာ အခမ်းအနားကို ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့နယ်၊ ညောင်ပင်စဉ်ကျေးရွာ တောင်သူ ဦးသောင်းညွှန့် စိုက်ပျိုးထားရှိသည့် မုံရွာရွှေဒဂါး ပဲစဉ်းငုံသီးနှံ ပန်းတိုင်အထွက်နှုန်းရရှိရေး နည်းပညာပေးကွင်းပြပွဲသို့ ရောက်ရှိရာ စစ်ကိုင်းခရိုင် စိုက်ပျိုးရေးဦးစီးဌာန ခရိုင်ဦးစီးမှူးမှ ခရိုင်အတွင်း စိုက်ပျိုးထားရှိသည့် ဆောင်းသီးနှံနှင့် ဆက်လက်စိုက်ပျိုးမည့် လုပ်ငန်းများအား ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က တောင်သူများအတွက် ဒေသနှင့်ကိုက်ညီသည့် မျိုးကောင်း၊ မျိုးသန့်များရရှိရေး၊ စိုက်ပျိုးရေးသွင်းအားစုများ ပြည့်မီစွာရရှိရေး၊ စိုက်ပျိုးရေ လုံလောက်စွာရရှိရေးနှင့် စိုက်ပျိုးသည့်သီးနှံများ ပန်းတိုင်အထွက်နှုန်းရရှိရေးတို့အား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဒေသခံတောင်သူများနှင့်အတူ တောင်သူ ဦးသောင်းညွှန့် စိုက်ပျိုးထားရှိသည့် ပဲစဉ်းငုံသီးနှံ ပန်းတိုင်အထွက် နှုန်းရရှိရေး နည်းပညာပေးကွင်းနှင့် ဆင်းရတနာ ၈ နှမ်းစိုက်ခင်း အောင်မြင်ဖြစ်ထွန်းနေမှုများအား လိုက်လံကြည့်ရှုအားပေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွားမြှင့်တင်ရေးရန်ပုံငွေဖြင့် MSMEs လုပ်ငန်းများဆောင်ရွက်နေသည့် စစ်ကိုင်းမြို့၊ ပါရမီရပ်ကွက်ရှိ မြင့်မိုရ်ဦး ဝါကြိတ်စက်သို့ ရောက်ရှိရာ စက်ရုံလုပ်ငန်းရှင်မှ ဝါ ကြိတ်ခွဲ ထုတ်လုပ်နေမှု၊ ကုန်ကြမ်းရရှိမှု၊ပြည်တွင်းနှင့်ပြည်ပ‌ေဈးကွက်များသို့တင်ပို့ရောင်းချနေမှု၊ ဝါစေ့ဆီကြိတ်ခွဲထုတ်လုပ်နေမှုများ နှင့် လုပ်ငန်းများတိုးချဲ့လုပ်ကိုင်သွားမည့် အခြေအနေများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ အောက်တိုဘာ ၃၀

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် အောင်တိုဘာလ ၃၀ ရက်နေ့၊ နံနက်ပိုင်းတွင် စစ်ကိုင်းမြို့ရှိ နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက်နေသည့် MSMEs လုပ်ငန်းများ ဆောင်ရွက်နေမှုများအား သွားရောက်ကြည့်ရှုအား ပေးခဲ့ကြသည်။

            ရှေးဦးစွာ စစ်ကိုင်းမြို့၊ ပျူခံရပ်ကွက်ရှိ ရွှေလမင်း ကျောက်စိမ်းအချောထည် အမျိုးမျိုး ရောင်းဝယ်ရေးဆိုင်နှင့် စိန်ကုန်းရပ်ကွက်ရှိ ကျောက်ချောထည်လုပ်ငန်းများသို့  ရောက်ရှိကြရာ ဆိုင်အတွင်းခင်းကျင်းပြသထားသော ကျောက်ချောထည်ပစ္စည်းများ အားလိုက်လံကြည့်ရှုအား ပေးခဲ့ကြပြီး လုပ်ငန်းရှင်များမှ ကျောက်စိမ်းအချောထည် အမျိုးမျိုးထုတ်လုပ်နေမှု အဆင့်ဆင့် အား လိုက်လံရှင်းလင်းပြသကြသည်။

            ယင်းနောက် တိုင်းဒေသကြီး ဝန်ကြီးချုပ်က ကျောက်ချောထည်ထုတ်လုပ်မှုအား ပြည် တွင်း၊ပြည်ပဈေးကွက်များသို့ အရည်အသွေးပြည့်မီစွာဖြင့် ထုတ်လုပ်ရောင်းချသွားရေး၊ ဒေသခံ ပြည်သူများ အလုပ်အကိုင်အခွင့်အလမ်းရရှိရေးနှင့် ကုန်ကြမ်းများရရှိရေးတို့အတွက် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ရွာထောင်ရပ်ကွက်ရှိ ထွန်းထွန်း ငွေထည်၊ကြေးထည် ရောင်းဝယ်ရေးဆိုင်သို့ ရောက်ရှိရာ ဆိုင် တာဝန်ခံမှ ငွေထည်၊ကြေးထည်ပစ္စည်းအမျိုးမျိုး ရောင်းချ၊ထုတ်လုပ်နေမှုများအား လိုက်လံရှင်း လင်းပြသရာ တိုင်းဒေသကြီး ဝန်ကြီးချုပ်က ရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး ငွေထည်၊ကြေးထည် ထုတ်လုပ်နေ မှုများအား လိုက်လံကြည့်ရှုအားပေးခဲ့ကြသည်။ 

            ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ပန်းဘဲ တန်းရပ်ကွက်ရှိ စိုး နို့ဆီထုတ်လုပ်ရေးစက်ရုံသို့ ရောက်ရှိရာ ဒိန်ချဉ်နှင့်နှို့ဆီ ထုတ်လုပ်နေမှုများ နှင့် ထုတ်ပိုးနေမှုတို့အား လိုက်လံကြည့်ရှုအားပေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

မုံရွာ အောက်တိုဘာ ၃၀

စစ်ကိုင်းတိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အောက်တိုဘာလ ၂၉ ရက်နေ့၊ သီတင်းကျွတ်လပြည့်နေ့ ညနေပိုင်းတွင် စစ်ကိုင်းမြို့၊ ရာဇမဏိစူဠာ ကောင်းမှုတော်စေတီတော် မြတ်ကြီးတွင် ကိန်းဝပ်စံပယ်တော်မူသော ဂေါတမမြတ်စွာဘုရားရှင်၏ လက်ဝဲအောက် စွယ်တော်မြတ်အစစ် ၁ ဆူ၊ အနားရစ်လေးရစ်ပါ မြသပိတ်တော် ၁ လုံး၊ ဆံတော် ၁၁ ဆူနှင့် ဓာတ်တော်မွေတော်များစွာ ပထမအကြိမ် ဆီးမီး(၉၀၀၀) ထွန်းညှိကပ်လှူပူဇော်ပွဲ အခမ်းအနား သို့ တက်ရောက်ကြသည်။

ရှေးဦးစွာ နမောတဿ (၃)ကြိမ်ရွတ်ဆို ဘုရားကန်တော့၍ အခမ်းအနားအား ဖွင့်လှစ် ကြပြီး စစ်ကိုင်းမြို့၊ ခေမာသီဝံကျောင်းတိုက်ကြီး၏ ဦးစီးပဓာနနာယက၊ နိုင်ငံတော်သြဝါဒါ စရိယ၊ အဂ္ဂမဟာသဒ္ဓမ္မဇောတိကဓဇ ဘဒ္ဒန္တပညာသီရိ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ငါးပါးသီလ ခံယူဆောက်တည်ကြ သည်။

ဆက်လက်ပြီး ဆရာတော်၊ သံဃာတော်ကြီးများထံမှ မေတ္တာသုတ်ပရိတ်တရားတော် အား နာယူကြည်ညိုပြီး ပင့်သံဃာဆရာတော်၊ သံဃာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တာဝန်ရှိသူများ၊ အနုပညာရှင်များမှ လှူဖွယ်ပစ္စည်းများအား ဆက်ကပ် လှူဒါန်းခဲ့ကြသည်။

ထို့နောက် အခမ်းအနား ဒုတိယပိုင် အစီအစဉ်အား ဆက်လက်ကျင်းပရာ စစ်ကိုင်းမြို့၊ လေးကျွန်းမြေအုဌ်ကျောင်း ဘဒ္ဒန္တဓမ္မပီယာလင်္ကာရ ဂန္တဝါစကပဏ္ဍိတ ဆရာတော်ကြီးနှင့် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီး အဆင့်ဌာနဆိုင်ရာများ၊ နိုင်ငံကျော်အနုပညာရှင်များမှ ဆီးမီးများ စတင်ထွန်းညှိကပ်လှူပူဇော်ကြသည်။ 

ဆက်လက်ပြီး ဆရာတော်ကြီးနှင့် တိုင်းဒေသကြီး ဝန်ကြီးချုပ်၊ တာဝန်ရှိသူများမှ ရာဇမဏိစူဠာ ကောင်းမှုတော်စေတီတော်မြတ်ကြီး၏ ရင်ပြင်ပတ်လည်တွင် ဌာနဆိုင်ရာ ဝန်ထမ်းများ၊ မြို့နေပြည်သူများ၊ ဘုရားဖူးလာရောက်ကြသူများက တစ်ပြိုင်တည်း ဆီးမီး ၉၀၀၀ ထွန်းညှိကပ်လှူ ပူဇော်နေများအား လိုက်လံကြည့်ရှုအားပေးခဲ့ကြောင်း သိရသည်။    

မုံရွာ ၊ အောက်တိုဘာ ၂၉

စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်းတောင်ရိုး သမိုင်းဝင်ဆွမ်းဦးပုညရှင်စေတီ တော်ကြီးရှိ ပုညရှင်သာသနာ့ဗိမာန်တော် ရေစက်ချမင်္ဂလာ အခမ်းအနားကို အောက်တိုဘာလ ၂၉ ရက်နေ့၊ နံနက်ပိုင်းတွင် အဆိုပါစေတီတော်ကြီး၌ ကျင်းပရာ အခမ်းအနားသို့ နိုင်ငံတော် သြဝါဒါစရိယ၊ စစ်ကိုင်းမြို့၊ စစ်ကိုင်းတောင်ရိုး သီတဂူကမ္ဘာ့ ဗုဒ္ဒတက္ကသိုလ်များ၏ အဓိပတိ၊ အဘိဓဇအဂ္ဂမဟာသဒ္ဒမ္မဇောတိက၊ အဘိဓဇမဟာရဌဂုရု၊ သောဠသမရွှေကျင်သာသနာပိုင် သီတဂူဆရာတော်ကြီးနှင့် နိုင်ငံတော်သြဝါဒါစရိယ ဆရာတော်ကြီးများ၊ ဆွမ်းဦးပုညရှင် သြဝါဒါစရိယ ဆရာတော်ကြီးများ၊ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသ ကြီး တရားသူကြီးချုပ်နှင့် အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ များ၊ နိုင်ငံကျော်အနုပညာရှင်များ၊ မြို့မိမြို့ဖများ၊ အလှူရှင်များနှင့် ဖိတ်ကြားထားသူများ တက်ရောက်ကြ သည်။   

ရှေးဦးစွာ နိုင်ငံတော်သြဝါဒါစရိယ၊ စစ်ကိုင်းမြို့၊ စစ်ကိုင်းတောင်ရိုး သီတဂူကမ္ဘာ့ဗုဒ္ဒ တက္ကသိုလ်များ၏ အဓိပတိ၊ အဘိဓဇအဂ္ဂမဟာသဒ္ဒမ္မဇောတိက၊ အဘိဓဇမဟာရဌဂုရု၊ သောဠသ မရွှေကျင်သာသနာပိုင် သီတဂူဆရာတော်ကြီး၊ စစ်ကိုင်းတောင်ရိုး ခေမာသီဝံကျောင်းတိုက် ဆရာတော်ကြီးနှင့် တိုင်းဒေသကြီး ဝန်ကြီးချုပ် ဦးမြတ်ကျော်တို့က ဆွမ်းဦးပုညရှင် သာသနာ့ ဗိမာန်တော်ကြီး တိုးချဲ့ရင်ပြင်တော်ပေါ်တွင် မင်္ဂလာကျောက်စာအား တစ်ပြိုက်နက်စက်ခလုတ် နှိပ် ဖွင့်လှစ်ပေးကာ အမွှေးနံ့သာရေများ ပတ်ဖျန်းပေးခဲ့ကြသည်။   

ယင်းနောက် ကျေးဇူးတော်ရှင် သီတဂူဆရာတော်ကြီးနှင့် ကြွရောက်တော်မူလာကြကုန် သော ဆရာတော်၊ သံဃာတော်များမှ ပုညရှင်သာသနာ့ဗိမာန်တော်ကြီးအတွင်းရှိ ဗုဒ္ဒရုပ်ပွား တော်များအား ဘုရားအနေကဇာတင်လှူပူဇော်ကြသည်။

ဆက်လက်ပြီး ပုညရှင်သာသနာ့ဗိမာန်တော် ရေစက်ချမင်္ဂလာအခမ်းအနားကို ကျင်းပရာ ပင့်သံဃာဆရာတော်ကြီးများနှင့် အခမ်းအနားသို့ တက်ရောက်လာသူများမှ နမောတဿ (၃) ကြိမ်ရွတ်ဆို ဘုရားကန်တော့၍ အခမ်းအနားအား ဖွင့်လှစ်ကြသည်။

ထို့နောက် နိုင်ငံတော်သြဝါဒါစရိယ၊ စစ်ကိုင်းမြို့၊ စစ်ကိုင်းတောင်ရိုး သီတဂူကမ္ဘာ့ဗုဒ္ဒ တက္ကသိုလ်များ၏ အဓိပတိ၊ အဘိဓဇအဂ္ဂမဟာသဒ္ဒမ္မဇောတိက၊ အဘိဓဇမဟာရဌဂုရု၊ သောဠသ မရွှေကျင်သာသနာပိုင် သီတဂူဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် တာဝန်ရှိသူ များက ငါးပါးသီလ ခံယူဆောက်တည်ကြသည်။

ဆက်လက်ပြီး ဆရာတော်၊ သံဃာတော်ကြီးများထံမှ မေတ္တာသုတ်ပရိတ်ေတရားတော် အား နာယူကြည်ညိုပြီး တိုင်းဒေသကြီး ဝန်ကြီးချုပ်မှ သာသနာရေးဆိုင်ရာများနှင့် ပုညရှင် သာသနာ့ဗိမာန်တော် တည်ဆောက်ရခြင်းအကြောင်းအား ရှင်းလင်းလျှောက် ထားခဲ့သည်။  

ထို့နောက် ပင့်သံဃာဆရာတော်၊ သံဃာတော်ကြီးများထံ တိုင်းဒေသကြီး ဝန်ကြီးချုပ်နှင့် ဇနီး၊ တာဝန်ရှိသူများ၊ အလှူရှင်များမှ လှူဖွယ်ပစ္စည်းများအား ဆက်ကပ်လှူဒါန်းခဲ့ကြပြီး နိုင်ငံ တော်သြဝါဒါစရိယ၊ စစ်ကိုင်းမြို့၊ စစ်ကိုင်းတောင်ရိုး သီတဂူကမ္ဘာ့ဗုဒ္ဒတက္ကသိုလ်များ၏ အဓိပတိ၊ အဘိဓဇအဂ္ဂမဟာသဒ္ဒမ္မဇောတိက၊ အဘိဓဇမဟာရဌဂုရု၊ သောဠသမရွှေကျင်သာသနာပိုင် သီတဂူဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် တာဝန်ရှိသူများက လှူဒါန်းမှုအစုစု တို့အတွက် ရေစက်သွန်းချအမျှပေးဝေကြသည်။

ဆက်လက်ပြီး ပုညရှင်သာသနာ့ဗိမာန်တော် အောင်ပွဲသီချင်းအား ရွှေတံဆိပ်ဆုရှင် တက်ခေတ်လင်းဇော်မှ သီဆိုပူဇော်သည်။

ယင်းနောက် ဆရာတော်၊ သံဃာတော်အရှင်သူမြတ်များနှင့် ဧည့်ပရိတ်သတ် အပေါင်း တို့မှ “ဗုဒ္ဓသာသနံ စိရံ တိဌတု” သုံးကြိမ်ရွတ်ဆိုဆုတောင်းကာ အခမ်းအနားကို ရုပ်သိမ်းခဲ့ကြ သည်။

အဆိုပါ စစ်ကိုင်းမြို့၊ ဆွမ်းဦးပုညရှင်စေတီတော်မြတ်ကြီး အနောက်ဘက်တွင် အလျား - ၁၅၃ ပေ၊ အနံ - ၆၃ ပေ၊ အမြင့် - ၅၄ ပေရှိ အဆောက်အဦအား ဘိုးပိုင် ၉၉ လုံးဖြင့် တိုးချဲ့ကာ ပုညရှင်သာသနာ့ဗိမာန်တော်ကြီးအား အထပ် ၄ ထပ် ဖြင့် တည်ဆောက်ခဲ့သည်။

ထို့နောက် ပင့်သံဃာဆရာတော်ကြီးများအား တိုင်းဒေသကြီး ဝန်ကြီးချုပ်နှင့် တာဝန်ရှိသူ များ၊ အလှူရှင်များက နေ့ဆွမ်းများဆက်ကပ်လှူဒါန်းခဲ့ကြပြီး ဧည့်ပရိတ်သတ်များအား စတုဒီ သာများဖြင့် ဧည့်ခံကွေးမွေးခဲ့ကြသည်။ 

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် စစ်ကိုင်းမြို့၊ စစ်ကိုင်းတောင်ရိုး သီတဂူဝိပဿနာအကယ်ဒမီရိပ်သာသို့ ဆွမ်းဆန်တော်နှင့်လှူ ဖွယ်ပစ္စည်းများ ဆက်ကပ်လှူဒါန်းခြင်း အခမ်းအနားသို့ တက်ရောက်ကြသည်။

ရှေးဦးစွာ နိုင်ငံတော်သြဝါဒါစရိယ၊ စစ်ကိုင်းမြို့၊ စစ်ကိုင်းတောင်ရိုး သီတဂူကမ္ဘာ့ဗုဒ္ဒ တက္ကသိုလ်များ၏ အဓိပတိ၊ အဘိဓဇအဂ္ဂမဟာသဒ္ဒမ္မဇောတိက၊ အဘိဓဇမဟာရဌဂုရု၊ သောဠသ မရွှေကျင်သာသနာပိုင် သီတဂူဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် တာဝန်ရှိသူ များမှ ငါးပါးသီလ ခံယူဆောက်ကြသည်။

ယင်းနောက် သီတဂူဆရာတော်ကြီးနှင့် ဆရာတော်၊သံဃာတော်များထံ တိုင်းဒေ သကြီး ဝန်ကြီးချုပ်နှင့်ဇနီး၊ တာဝန်ရှိသူများက ဆွမ်းဆန်တော်နှင့်လှူဖွယ်ပစ္စည်းများ ဆက်ကပ်လှူဒါန်း ခဲ့ကြသည်။  

ထို့နောက် သီတဂူဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် တာဝန်ရှိသူများက လှူဒါန်းမှုအစုစုတို့အတွက် ရေစက်ချအနုမောဒနာတရား နာယူကြည်ညို ပြီး “ သီတဂူ အဓိဌာန် “ ရွတ်ဆိုကာ အခမ်းအနားကို ရုပ်သိမ်းခဲ့ကြောင်း သိရသည်။

.

.

.

.

.

.

မုံရွာ ၊ အောက်တိုဘာ ၂၈

မြစ်ချောင်းများအတွင်းသို့ စည်းကမ်းမဲ့စွာအမှိုက်စွန့်ပစ်ခြင်းမပြုဘဲ စနစ်တကျ အမှိုက်စွန့်ပစ်ခြင်းကြောင့် စိုက်ပျိုးရေး၊ ရေအားလျှပ်စစ်၊ ရေကြောင်းလမ်းသယ်ယူပို့ဆောင်ရေး၊ ရေထု ညစ်ညမ်းမှုနှင့် အဏ္ဏဝါပတ်ဝန်းကျင်ညစ်ညမ်းမှုတို့အား ကာကွယ်တားဆီးစေနိုင်ရန် ရည်ရွယ်၍ စစ်ကိုင်းတိုင်းဒေသကြီး အစိုးရအဖွဲ့၏ဦးဆောင်မှုဖြင့် တိုင်းဒေသကြီး ပတ်ဝန်းကျင်ထိန်းသိမ်း ရေးဦးစီးဌာနနှင့် တိုင်းဒေသကြီး စည်ပင်သာယာရေးအဖွဲ့တို့ ပူးပေါင်းဆောင်ရွက်သည့် ဧရာဝ တီမြစ်အတွင်း အမှိုက်စွန့်ပစ်ခြင်း ကာကွယ်တားဆီးရေးလှုပ်ရှားမှု စုပေါင်းအမှိုက်ကောက်ခြင်း အား အောက်တိုဘာလ ၂၈ ရက်၊ နံနက်ပိုင်းတွင် စစ်ကိုင်းမြို့၊ ဧရာဝတီမြစ်ကမ်းတစ်လျှောက် အား တိုင်းဒေသကြီး/ခရိုင်/မြို့နယ်အဆင့်ဌာန ဆိုင်ရာဝန်ထမ်းများ၊ တပ်မတော်သားများ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးဝန်ထမ်းများ၊ လူမှုရေးအသင်း အဖွဲ့ဝင်များ၊ ရပ်ကွက်နေပြည်သူများ စုစုပေါင်းအင်အား ၄၀၀ ဦးကျော်ဖြင့် တပျော်တပါး စုပေါင်းအမှိုက်ကောက်ခြင်းနှင့် သန့်ရှင်းရေးလုပ်ငန်းများ ဆောင်ရွက်ခဲ့ကြသည်။ အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်ရာသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝနှ်ရှိသူများက သန့်ရှင်းရေးလုပ်ငန်းများ ဆောင်ရွက်နေကြသူများနှင့်အတူ ဧရာဝတီမြစ် အတွင်း အမှိုက်စွန့်ပစ်ခြင်း ကာကွယ်တားဆီးရေးလှုပ်ရှားမှု စုပေါင်းအမှိုက်ကောက်ခြင်းများ ပူးပေါင်းဆောင်ရွက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ခုတင် ၂၀၀ ဆံ့၊ အထွေထွေရောဂါကု ပြည်သူ့ဆေးရုံကြီးတွင် တပ်မတော်သားများ၊ မြန်မာနိုင်ငံရဲ တပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ စည်ပင်သာ ယာရေးအဖွဲ့များ၊ လူမူရေးအသင်းအဖွဲ့များ စုပေါင်း၍ ဆေးရုံပတ်ဝန်းကျင် ဥပဓိရုပ်ကောင်းမွန် ရေးနှင့် သန့်ရှင်းသပ်ရပ်စေရေး၊ သစ်ပင်ခြုံနွယ်များ၊ ပေါင်းမြက်များ ခုတ်ထွင်ရှင်းလင်းခြင်း၊ ရေနုတ်မြောင်းများ ရေစီးရေလာကောင်းမွန်စေရေးတို့အတွက် သန့်ရှင်း ရေးလုပ်ငန်းများ ဆောင်ရွက်နေမှုများအား သွားရောက်ကြည့်ရှုအားပေးခဲ့ကြသည်။ ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းသန့်ရှင်းရေး လုပ်ငန်းများ ဆောင်ရွက်နေကြသူများအား စားသောက်ဖွယ်ရာများဖြင့် ဧည့်ခံကျွေးမွေးခဲ့ကြပြီး စုပေါင်းသန့်ရှင်ရေးလုပ်ငန်းများ ဆောင်ရွက်ခဲ့ကြသူများအား အခြေခံစားသောက်ကုန်များ ရောင်းချပေးနေမှုများအား ကြည့်ရှုအားပေးခဲ့ကြသည်။ အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၂၉ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၃၆၀၀ ဦးကျော်ဖြင့် ပြည်သူ့ဆေးရုံများနှင့် မြို့သန့်ရှင်းသပ်ရပ်သာယာရေးလုပ်ငန်းများကို စုပေါင်းဆောင်ရွက်ခဲ့ကြောင်း သိရသည်။ .

. 

.

မုံရွာ အောက်တိုဘာ ၂၇

စစ်ကိုင်းတိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အောက်တိုဘာလ ၂၇ ရက်မွန်းလွဲပိုင်းတွင် ဧရာဝတီမြစ်အတွင်း တိုင်းဒေသကြီး ရေအရင်းအမြစ်နှင့်မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ တာဝန်ယူဆောင်ရွက်နေသော စစ်ကိုင်းမြို့၊ သီတဂူအမှတ် ၂ မြစ် ရေတင်စက် ရေရရှိရေးအတွက် အလျား - ၁၄၅၀ မီတာ၊ အနံ ၃၅ မီတာ၊ ရေစစ်မျဉ်း အောက်အနက် ၂.၅ မီတာ သောင်တူးဖော်ခြင်းလုပ်ငန်း ဆောင်ရွက်မည့် မြစ်ကြောင်းတစ်လျှောက်သို့ ရေယာဉ်ဖြင့်ရောက်ရှိ ကြသည်။ ရှေးဦးစွာ ရေအရင်းအမြစ်နှင့်မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ တိုင်းဒေသကြီးဦးစီးမှူးမှ ဧရာဝတီမြစ်အတွင်း သောင်တူးဖော်ခြင်းလုပ်ငန်းများ ဆောင်ရွက်သွားမည့် လုပ်ငန်းအခြေအနေများအား ရှင်းလင်းတင်ပြသည်။ ယင်းနောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ဧရာဝတီမြစ်ကြောင်း တစ်လျှောက် သောင်တူးလုပ်ငန်းများ ဆောင်ရွက်သွားမည့် နေရာများအား လိုက်လံကြည့်ရှုစစ် ဆေးခဲ့ကြောင်း သိရသည်။ .