မုံရွာ၊ ဇန်နဝါရီ ၂၆

ကျောင်းသား၊ ကျောင်းသူလူငယ်လေးများအား နိုင်ငံချစ်စိတ် မျိုးချစ်စိတ်ဓာတ်များ မြင့်မား လာစေပြီး၊ စာပေနှင့်အနုပညာစွမ်းအား၊ အားကစားတို့ဖြင့် အသိပညာဗဟုသုတကြွယ်ဝပြီး မှန် ကန်သည့်အတွေး အခေါ်အယူအဆများနှင့် နိုင်ငံတည်ဆောက်ရေး လုပ်ငန်းများတွင် ပါဝင်ပူး ပေါင်းဆောင်ရွက်လာစေရန် ရည်ရွယ်၍ စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်းကျင်းပသည့် ဗလငါးတန်ဖွံ့ဖြိုးရေး လူငယ်ပွဲတော်အခမ်းအနားကို ယနေ့နံနက်ပိုင်းက မုံရွာမြို့ အမှတ် (၂)အခြေခံပညာအထက်တန်း ကျောင်း (အလုံ)၌ ကျင်းပပြုလုပ်ခဲ့ကြောင်း သိရသည်။

အဆိုပါ အခမ်းအနားသို့ စစ်ကိုင်းတိုင်းကြီးဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး၊ ခရိုင်၊မြို့နယ် အဆင့် ဌာနဆိုင်ရာများ၊ ဆရာဆရာမများနှင့် ကျောင်းသားကျောင်းသူများ တက်ရောက်ကြ သည်။

ဦးစွာ ကျောင်းသား၊ကျောင်းသူများက “လောကအားမာန်” တေးသီချင်းသီဆို၍ အခမ်းအနားကို ဖွင့်လှစ်ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၄ခုနှစ်၊ ဖေဖော်ဝါရီလ (၁၂)ရက်နေ့၊(၇၇)နှစ်မြောက် ပြည်ထောင်စုနေ့ အခါသမယကို ရောက်ရှိတော့မှာ ဖြစ်ပါကြောင်း၊ ပြည်ထောင်စုကြီး ကမ္ဘာတည်သရွေ့တည်တံ့ခိုင်မြဲနေစေရန် စည်းလုံးညီညွတ်မှုစွမ်းပကားဖြင့် နိုင်ငံတိုးတက်ရေးကို ကြိုးပမ်းဆောင်ရွက်ကြရမှာ ဖြစ်ပါကြောင်း၊ ပြည်ထောင်စုကြီး တည်တံ့ ခိုင်မြဲရေး၊ ထာဝရငြိမ်းချမ်းရေးရရှိရေး၊ တိုင်းပြည်သာယာဝပြောရေးနှင့် စားရေရိက္ခာဖူလုံရေး၊ နိုင်ငံတစ်ဝန်း တစ်ပြေးညီဖွံ့ဖြိုးတိုးတက်ရေး၊ တစ်မျိုးသားလုံး ကျန်းမာကြံ့ခိုင်ပြီး အလုပ်အကိုင် အခွင့်အလမ်းများရရှိရေး ချစ်ခင်ရင်းနှီးစည်းလုံးမှုတည်ဆောက်ရေးတို့အား ပြည်ထောင်စုစိတ် ဓါတ်ဟူသည့် ဝံသာနုရက္ခိတတရားအပေါ်အခြေခံ၍ တည်ဆောက်ကြလျှင် မျှော်မှန်းထားသည့် အတိုင်အောင်မြင်ဖြစ်ထွန်းလာမှာဖြစ်ပါကြောင်း၊တိုင်းပြည်တစ်ခု တိုးတက်ဖွံ့ဖြိုးခြင်း၏ အခြေခံသည် ပညာတတ်လူ့အရင်းအမြစ်များ ပေါကြွယ်ဝခြင်းပင်ဖြစ်ပါကြောင်း၊ အသိပညာ၊အတတ်ပညာ ပြည့်စုံသည့် လူသားအရင်းအမြစ် ကောင်းများ မဖြစ်မနေလိုအပ်သည်ဟု မိမိအနေဖြင့် ယုံကြည်သည့်အတွက်လည်း ယခုကဲ့သို့ လူငယ်ပွဲတော်ကို ကျင်းပရခြင်းဖြစ်ပါကြောင်း၊ နိုင်ငံတော်အစိုးရအနေဖြင့် လူငယ်များကို အရည် အချင်းပြည့်ဝသည့် နိုင်ငံ့သားကောင်းများ ဖြစ်ထွန်းလာစေရန်အတွက် လူငယ်ရေးရာမူဝါဒများ ကိုခေတ်ကာလနှင့်ကိုက်ညီအောင် ပြင်ဆင်ချမှတ်ဆောင်ရွက်လျက်ရှိရာ လူငယ်ရေးရာ အသိ ပညာပေးဟောပြောပွဲများ၊ လူငယ်စကားဝိုင်းများ၊ လူငယ်နှင့်စာပေအနုပညာပြပွဲများ၊ ကျောင်း သားအားကစားပြိုင်ပွဲများ၊ ပြပွဲပြိုင်ပွဲများတွင် တက်ရောက်ဆွေးနွေးပြသယှဉ်ပြိုင်ခြင်းများကို ဆောင်ရွက်ပေးနေသည့်အတွက် လူငယ်များ၏ အသိပညာနှင့် အတွေးအမြင်များ ပိုမိုဆန်းသစ် တိုးတက်လာစေမှာ ဖြစ်ပါကြောင်း၊နိုင်ငံတော်ဖွံ့ဖြိုးတိုးတက်ရေး လုပ်ငန်းများတွင် လူငယ်များပါဝင်လာနိုင်စေရန် အခွင့် အရေးပေးပြီး လက်တွဲဆောင်ရွက်ပေးကြရန်နှင့် လူငယ်များအား ရိုးရာယဉ်ကျေးမှု အမွေအနှစ် များချစ်မြတ်နိုးစေပြီး နိုင်ငံ့တာဝန်ကျေပွန်စေမည့် သားကောင်းရတနာများဖြစ်အောင် ပြုစုပျိုး ထောင်ပေးကြပြီး ကျောင်းသား၊ကျောင်းသူ လူငယ်များအနေဖြင့်လည်း အစဉ်လေ့လာသင်ယူမှု များနှင့် အတတ်ပညာ၊ အသိပညာပြည့်စုံပြီး နိုင်ငံ၏အနာဂတ်အတွက် အားကိုးအားထားပြုနိုင်မည့်သူများဖြစ်အောင် ကြိုးစားသွားကြရန် တိုက်တွန်းပြောကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဗလငါးတန်ဖွံ့ဖြိုးရေး အထက်တန်း၊ အလယ်တန်း၊ မူလတန်းအဆင့် စာစီစာကုံး၊ ကဗျာရွတ်၊ ပုံပြင်ပြော၊ ဆေးရောင် ခြယ်ပြိုင်ပွဲများ၌ ပထမ၊ ဒုတိယ၊ တတိယဆုရရှိကြသော ကျောင်းသား၊ကျောင်းသူများအား ဆုများအသီးသီး ပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမှတ်(၂) အခြေခံပညာ အထက်တန်းကျောင်း(အလုံ)မှ ကျောင်းသား၊ကျောင်းသူလေးများ၏ တေးသီချင်းများဖြင့် သီဆို ကပြဖျော်ဖြေမှု့အား ကြည့်ရှုအားပေးခဲ့ပြီး တိုင်းဒေသကြီး လူမူရေးရာဝန်ကြီး ဦးဝင်းမြတ်စိုးက တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန တိုင်းဒေသကြီးဦးစီးမှူးထံ ထောက်ပံ့ငွေများပေးအပ်ကာ အခမ်းအနားကို ရုပ်သိမ်းခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဗလငါးတန်ဖွံ့ဖြိုးရေး လူငယ်ပွဲတော်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ခင်းကျင်းပြသထားသော ဗလငါးတန်ဖွံ့ဖြိုးရေးလူငယ်များဆောင်ရွက်မှု မှတ်တမ်းဓါတ်ပုံများ၊ လှပသာယာပြည်မြန်မာ၊ အေးချမ်းသာယာပြည်မြန်မာ ဆုရမှတ်တမ်းဓါတ်ပုံများ၊ တိုင်းဒေသကြီးအတွင်းမှ အထင်ကရ ပုဂ္ဂိုလ်များ၊ အထင်ကရနေရာများနှင့် တိုင်းဒေသကြီးအစိုးရအဖွဲ့၏ ဒေသဖွံ့ဖြိုးဆောင်ရွက်မှု မှတ်တမ်းဓာတ်ပုံများ၊ စာအုပ်စာစောင်ပြသထားရှိမှုများအား လည်းကောင်း၊ကျောင်းသား ကျောင်းသူလေးများ ကာယဉာဏဖွံ့ဖြိုးရေး ဉာဏ်စမ်းပဟေဠိပြိုင်ပွဲ၊ စက္ကူခေါက်ပြိုင်ပွဲ၊ စကား ပုံဆက်ပြိုင်ပွဲနှင့် ခါးကွင်းလှည့်ပြိုင်ပွဲတို့အားလည်းကောင်း၊ ပတ်ဝန်းကျင်ထိန်းသိမ်းရေးဦးစီးဌာ နမှပြသထားသည့် ပတ်ဝန်းကျင်ထိန်းသိမ်းရေးဆိုင်ရာ အသိပညာပေးပြဘုတ်များနှင့် ဉာဏ်စမ်း ပဟေဠိပြိုင်ပွဲများ၊ လူမှုဝန်ထမ်းဦးစီးဌာနက ပြသထားသည့် အသိပညာပေးပြဘုတ်များနှင့် ဉာဏ်စမ်းပဟေဠိပြိုင်ပွဲများ၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနက ပြသထားသည့် သဘာဝဘေးအန္တရာယ်ဆိုင်ရာ အသိပညာပေးပြဘုတ်များနှင့် ဉာဏ်စမ်းပဟေဠိပြိုင်ပွဲများ၊ စက်မှုလက်မှုအထက်တန်း ကျောင်း(မုံရွာ)မှပြသထားသည့် စက်မှုလက်မှုဆိူင်ရာ အသိပညာပေး ပြပွဲများအားလည်းကောင်း၊ လူငယ်များ ဗလငါးတန်ဖွံ့ဖြိုးရေး ခွက်နင်းပြိုင်ပွဲ၊ အာလူးကောက်ပြိုင်ပွဲ၊ ဂုံနီအိတ်စွပ်ပြိုင်ပွဲနှင့် ပူးပေါင်းဖောက် အပြေးပြိုင်ပွဲစသည့် အားကစားပြိုင်ပွဲများတွင် ကျောင်းသား ကျောင်းသူလေးများ ပါဝင်ယှဉ်ပြိုင်နေမှုများအားလည်းကောင်း လိုက်လံကြည့်ရှုအားပေးခဲ့ပြီးနောက် သက်ဆိုင်ရာပြိုင်ပွဲများအလိုက် ဆုရရှိကြသော ကျောင်းသား၊ကျောင်းသူလေးများအား ဝန်ကြီးချုပ်နှင့်တာဝန်ရှိသူများက ဆုတံဆိပ်၊ ငွေသားဆုများ နှင့်လက်ဆောင် ပစ္စည်းများပေးအပ်ကာ တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးခဲ့ကြောင်း သိရှိရသည်။

မုံရွာ ၊ ဇန်နဝါရီ ၂၅

စစ်ကိုင်းတိုင်းဒေသကြီး ၂၀၂၄-ခုနှစ်၊ (၇၇)နှစ်မြောက်၊ ပြည်ထောင်စုနေ့ အခမ်းအနား ကျင်းပနိုင်ရေး လုပ်ငန်းညှိနှိုင်းအစည်းအဝေးကို ဇန်နဝါရီလ ၂၅ ရက်၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင် ရာများ၊ အခမ်းအနားကျင်းပနိုင်ရေး ကော်မတီဝင်များနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က (၇၇)နှစ်မြောက်၊ ပြည်ထောင်စုနေ့အခမ်းအနားအား အောင်မြင်စွာကျင်းပနိုင်ရေးအတွက် ကော်မတီများဖွဲ့စည်းတာဝန် ပေးအပ် ထားပြီး ဖြစ်ပါကြောင်း၊ ကော်မတီအဖွဲ့ဝင်များအနေဖြင့် အခမ်းအနားအား တိုင်းဒေသကြီး အဆင့်နှင့်လျှော်ညီအောင် ခမ်းခမ်းနားနား ပြင်ဆင်ဆောင်ရွက်သွားကြရန်နှင့် ဖိတ်ကြားမှုအပိုင်း နှင့်ယာဉ်ရပ်နားမှုအပိုင်းတို့တွင် ကျင်းပမည့်နေရာနှင့် အဆင်ပြေအောင် ဖိတ်ကြားစေလိုပါကြောင်း၊ သက်ဆိုင်ရာဌာနဆိုင်ရာများမှ မိမိတို့လုပ်ဆောင်ရမည့် လုပ်ငန်းတာဝန်များအား ကြိုတင်ပြင်ဆင်တောင်ရွက်ကြမှသာ သက်မှတ်အချိန်မှီပြီးစီးမှာ ဖြစ်ပါကြောင်း၊ လုံခြုံရေးကို လည်း အလေးထားကြပ်မတ်ကြရန်နှင့် ဌာနဆိုင်ရာရုံးအဆောက်အဦများ၌ လျှပ်စစ်အလှဆင်မီးများထွန်းညှိ၍ လှပအောင်ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ဆက်လက်ပြီး ၂၀၂၄-ခုနှစ်၊ (၇၇)နှစ်မြောက် ပြည်ထောင်စုနေ့အခမ်းအနား အောင်မြင်စွာကျင်းပနိုင်ရေး ကော်မတီအသီးသီးမှ တာဝန်ရှိသူများက မိမိတို့ကော်မတီများအလိုက် တာဝန် ယူဆောင်ရွက်သွားမည့် လုပ်ငန်းအခြေအနေများနှင့် ပတ်သက်၍ အသီးသီး ရှင်းလင်းဆွေးနွေး တင်ပြကြသည်။

ဆက်လက်၍ တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက် ရောက်လာသူများက ၂၀၂၄-ခုနှစ်၊ (၇၇)နှစ်မြောက် ပြည်ထောင်စုနေ့အခမ်းအနား အောင်မြင်စွာ ကျင်းပနိုင်ရေး လုပ်ငန်းများနှင့် ပတ်သက်၍ လိုအပ်သည်များကို အထွေထွေအကြံပြု ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့်ဖြည့်ဆည်းပေါင်း စပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ ၊ ဇန်နဝါရီ ၂၅

စစ်ကိုင်းတိုင်းဒေသကြီးအစိုးရအဖွဲ့ ဒေသတည်ငြိမ်အေးချမ်းရေးနှင့် အကောင်အထည် ဖော်ဆောင်ရွက်နေသည့် လုပ်ငန်းများအောင်မြင်အောင်ဆောင်ရွက်ရေး ညှိနှိုင်းအစည်းအဝေး (၁/၂၀၂၄)ကို ဇန်နဝါရီလ ၂၅ ရက်နေ့၊ မွန်းလွဲပိုင်းတွင် တိုင်းဒေသကြီးအစိုးရအဖွဲ့ရုံး အစည်း အဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေ သကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်စီမံအုပ်ချုပ်ရေး အဖွဲ့ ဥက္ကဋ္ဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ခန္တီးခရိုင်များ၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ် ရေးအဖွဲ့ ဥက္ကဋ္ဌများက Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ ပြည်သူများ လူမူစီးပွားဘ၀ ဖွံ့ဖြိုးတိုးတက်ရေးနှင့် လုံခြုံရေးအတွက် ဒေသတည်ငြိမ်အေးချမ်းရေး၊ တရားဥပဒေစိုးမိုးရေး အပြည့်အဝရရှိစေရန် တာဝန်ရှိများအနေဖြင့် အလေးထား ဆောင်ရွက် သွားကြရန် လိုအပ်ပါကြောင်း၊ မိမိတို့တိုင်းဒေသကြီးအစိုးရအဖွဲ့ အနေဖြင့် စိုက်ပျိုးရေး၊မွေးမြူ ရေးထုတ်ကုန်များအား တိုးမြှင့်ထုတ်လုပ်နိုင်ရေး၊ MSME လုပ်ငန်းများတိုး ချဲ့ဆောင်ရွက်နိုင် ရေးတို့ကို အလေးထားဆောင်ရွက်လျက်ရှိသလို ဒေသဖွံ့ဖြိုးလုပ်ငန်းများ အနေဖြင့်လည်း ဘဏ္ဍာ ရေးနှစ်အတွင်း ခွင့်ပြုချက်ချထားပေးသည့် လုပ်ငန်းများအပြည့်အ၀ အကောင်အထည်ဖော် ဆောင်ရွက်နိုင်ရေးနှင့် နယ်မြေအခြေအနေ အရမဆောင်ရွက်နိုင် သည့်လုပ်ငန်းများအား တည် ငြိမ်အေးချမ်းသည့်နေရာများတွင် ပြောင်းရွေ့ဆောင်ရွက်နိုင်ရေး အချိန်မီတင်ပြ၍ သက်မှတ်ကာ လအတွင်းပြီးစီးအောင် ဆောင်ရွက်နိုင်ရေး သက်ဆိုင်ရာဌာနများအလိုက် ကြီးကြပ်ဆောင်ရွက် သွားကြရန် လိုအပ်ပါကြောင်း၊ ခွင့်ပြုရန်ပုံငွေများဖြင့် ဒေသဖွံ့ဖြိုးရေးလုပ်ငန်းများအား အကောင်အထည် ဖော်ဆောင် ရွက်ရာတွင် လုပ်ငန်းများအား သတ်မှတ်ကာလအတွင်း အရည်အသွေးကောင်းမွန်၍ စံချိန်စံ ညွှန်းမီ အကောင်အထည်ဖော်ဆောင်ရွက်ပြီးစီးအောင် တာဝန်ရှိသူများမှ မြေပြင်အထိကွင်းဆင်း ကြပ်မတ်ဆောင်ရွက်ပေးသွားကြရန် လိုအပ်သကဲ့သို့ နိုင်ငံတော်မှရသင့်ရ ထိုက်သည့် အခွန်အခ များအား ပြည့်မီစွာကောက်ခံရရှိရေး အလေးထားကြိုးပမ်း ဆောင်ရွက်သွားကြရန် လိုအပ်ပါကြောင်း တိုက်တွန်းပြာကြားသည်။

ယင်းနောက် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ ခရိုင်/ မြို့နယ်များအတွင်း မိမိတို့ဌာနများအလိုက် အကောင်အထည်ဖော်ဆောင်ရွက်နေသည့် ပညာ ရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ လမ်းပန်းဆက်သွယ်ရေး၊ ဒေသဖွံ့ဖြိုးရေး၊ မြို့သာ ယာလှပရေးနှင့် ကုန်ဈေးနှုန်းတည်ငြိမ်ရေး၊ မြို့နယ်များအတွင်း အခြေခံစားသောက်ကုန်များ ရောင်းချပေးနေမှု၊ MSMEs လုပ်ငန်းများ၊ အငြိမ်းစားဝန်ထမ်းများအား စားသောက်ဖွယ်ရာ များနှင့် ကျန်းမာရေးစောင့်ရှောက်ပေးနေမှု အခြေအနေများနှင့် ပတ်သက်၍ Power Point ဖြင့် အသီးသီး ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေးခရိုင်၊၊ ခန္တီးခရိုင်များ၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဋ္ဌ များက Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များ၏ ဒေသ တည်ငြိမ်အေးချမ်းရေးနှင့် အကောင်အထည်ဖော် ဆောင်ရွက်နေသည့် လုပ်ငန်းများဆောင်ရွက် နေမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြပြီး မုံရွာခရိုင် စီမံအုပ်ချုပ် ရေးအဖွဲ့ ဥက္ကဋ္ဌက ခရိုင်အတွင်း ဒေသတည်ငြိမ်အေးချမ်းရေးနှင့် အကောင်အထည်ဖော် ဆောင် ရွက်နေသည့် လုပ်ငန်းများအား ရှင်းလင်းတင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက် လာ သူများက တိုင်းဒေသကြီးအတွင်း ဒေသတည်ငြိမ်အေးချမ်းရေးနှင့် အကောင်အထည် ဖော်ဆောင် ရွက်နေသည့် လုပ်ငန်းများအောင်မြင်အောင်ဆောင်ရွက်ရေး လုပ်ငန်းများနှင့် ပတ်သက်၍ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ ၏အသီးသီး ဖြည့်စွက်အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်း အဝေးကို ရုပ်သိမ်းခဲ့ကြောင်း သိရသည်။

မုံရွာ ၊ ဇန်နဝါရီ ၂၄

နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌက ဂုဏ်ထူးဆောင်ဘွဲ့တံဆိပ်နှင့်ဘွဲ့လက်မှတ် များ ချီးမြှင့်အပ်နှင်းခြင်းခံရသည့် သရေစည်သူဘွဲ့ရ နိုင်ငံတော်သြဝါဒါစရိယ၊ အဘိဓဇမဟာ ရဌဂုရု၊ အဘိဓဇအဂ္ဂမဟာ သဒ္ဓမ္မဇောတိက၊ သောဠသမရွှေကျင် သာသနာပိုင်၊ သီတဂူကမ္ဘာ့ ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တ ဉာဏိဿရနှင့် သီရိပျံချီဘွဲ့ရ သီတဂူကမ္ဘာ့ဗုဒ္ဒတက္ကသိုလ် ပါမောက္ခ ဒေါက်တာဘဒ္ဒန္တ ကုသလ ဆရာတော်ကြီးများအား ဂုဏပူ ဇော်ပွဲအခမ်းအနားကို ဇန်နဝါရီလ ၂၄ ရက်နေ့၊ နံနက်ပိုင်းတွင် စစ်ကိုင်းမြို့၊ စစ်ကိုင်းတောင်ရိုး၊ ဆွမ်းဦးပုညရှင်သာသနာ့ဗိမာန်တော်ကြီးတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် ဖိတ်ကြားထားသူများ တက်ရောက်ကြသည်။

ဦးစွာ “ နမောတသ” သုံးကြိမ်ရွတ်ဆိုဘုရားကန်တော့၍ အခမ်းအနားအား ဖွင့်လှစ်ကြပြီး နိုင်ငံတော်သြဝါဒါ စရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာ သဒ္ဓမ္မဇောတိက၊ သောဠ သမရွှေကျင် သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာ ဘဒ္ဒန္တ ဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ငါးပါးသီလ ခံယူဆောက်တည်ကြသည်။

ယင်းနောက် သီတဂူဆရာတော်ကြီးမှ သမ္မောဒနီယသြဝါဒကထာ မြွတ်ကြားပြီး တိုင်းဒေသကြီး ဝန်ကြီးချုပ်နှင့်ဇနီး၊ တာဝန်ရှိသူများက လှူဖွယ်ပစ္စည်းများ ဆက်ကပ်လှူဒါန်း ကြပြီး ဂေါပကအဖွဲ့ဥက္ကဋ္ဌထံ အလှူရှင်များက ပုညရှင်သာသနာ့ဗိမာန်တော်ကြီးအတွက် အလှူငွေများ ပေးအပ်လှူဒါန်းကြသည်။

ထို့နောက် သီတဂူဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် တာဝနှ်ရှိသူများမှ အနုမောဒနာတရား နာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချ အမျှပေးဝေ ကာ “ ဗုဒ္ဓသာသနံ စိရံ တိဌတု ”သုံးကြိမ်ရွတ်ဆိုဆုတောင်းကာ အခမ်းအနားကို ရုပ်သိမ်းခဲ့သည်။

ယင်းနောက် ဆရာတော်ကြီးများအား တိုင်းဒေသကြီး ဝန်ကြီးချုပ်နှင့် တာဝန်ရှိသူများ က နေ့ဆွမ်းများ ဆက်ကပ်လှူဒါန်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းတောင်ရိုး အပြည်ပြည်ဆိုင်ရာဗုဒ္ဓဘာသာ ပညာရေးစင်တာတွင် ကျင်းပပြုလုပ်သော တိုင်းဒေသကြီး အစိုးရအဖွဲ့မှ ဆွမ်းဆန်တော်အိတ်(၁၀၀) ဆီ ၁၀၀ ပိဿာ ဆက်ကပ်လှူဒါန်းပွဲ အခမ်းအနားသို့ တက်ရောက်ကြသည်။

ဦးစွာ “ နမောတသ” သုံးကြိမ်ရွတ်ဆိုဘုရားကန်တော့၍ အခမ်းအနားအား ဖွင့်လှစ် ကြပြီး အပြည်ပြည်ဆိုင်ရာဗုဒ္ဓဘာသာပညာရေးစင်တာ ပဓာနနာယကဆရာတော် ဒေါက်တာအရှင် သောဘိတ အဂ္ဂမဟာသဒ္ဓမ္မဇောတိကဓဇ အရှင်သူမြတ်ထံမှ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ငါးပါးသီလ ခံယူဆောက်တည်ကြသည်။

ယင်းနောက် ဆရာတော်ကြီးအား တိုင်းဒေသကြီး ဝန်ကြီးချုပ်က တိုင်းဒေသကြီး အစိုးရ အဖွဲ့မှ ပေးအပ်ချီးမြှင့်သည့် ဇေယျာလူမှုထူးချွန်(ပထမ)အဆင့် ဆုတံဆိပ်၊ဝတ္ထုငွေ၊ ဆွမ်းဆန် တော်၊ ဆီနှင့်လှူဖွယ်ပစ္စည်းများအား လည်းကောင်း၊ ပင့်သံဃာဆရာတော်များထံ တိုင်းဒေသ ကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက ဆွမ်းဆန်တော်၊ဆီနှင့် လှူဖွယ်ပစ္စည်းများ အသီးသီးဆက်ကပ်လှူဒါန်းကြသည်။

ထို့နောက် ဒေါက်တာအရှင်သောဘိတထံမှ တိုင်းဒေသကြီး ဝန်ကြီးချုပ်နှင့် တာဝနှ်ရှိ သူများမှ အနုမောဒနာတရား နာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချ အမျှပေးဝေကာ “ ဗုဒ္ဓသာသနံ စိရံ တိဌတု ”သုံးကြိမ်ရွတ်ဆိုဆုတောင်းကာ အခမ်းအနား ကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ အောင်မြေဦးကျောင်းတိုက်သို့ ရောက်ရှိရာ စစ်ကိုင်းတိုင်းဒေသကြီး အစိုးရအဖွဲ့မှ ပေးအပ် ချီးမြှင့်သည့် ဇေယျာလူမှုထူးချွန်(ပထမ)အဆင့် ဆုတံဆိပ်၊ဝတ္ထုငွေနှင့် လှူဖွယ်ပစ္စည်းများအား ဆက်ကပ်လှူဒါန်းခဲ့ကြောင်း သိရသည်။

မုံရွာ ၊ ဇန်နဝါရီ ၂၄

(၇၆)နှစ်မြောက် စိန်ရတုလွတ်လပ်ရေးနေ့ ဂုဏ်ထူးဆောင်ဘွဲ့များ ချီးမြှင့်အပ်နှင်းခြင်း အခမ်းအနားကို ဇန်နဝါရီလ ၄ ရက်နေ့တွင် ကျင်းပခဲ့ပြီး နိုင်ငံတော်စီမံအုပ်ချုပ်ရေး ကောင်စီ ဥက္ကဋ္ဌ၊ နိုင်ငံတော်ဝန်ကြီးချုပ်က ဘွဲ့ခံဆရာတော်၊ လူပုဂ္ဂိုလ်များအား ဂုဏ်ထူးဆောင်ဘွဲ့များကို ချီးမြှင့်အပ်နှင်းသည်။

အဆိုပါ ဂုဏ်ထူးဆောင်ဘွဲ့များ အပ်နှင်းခြင်းအခမ်းအနားသို့ အကြောင်းအမျိုးမျိုး ကြောင့် ကိုယ်တိုင်သော်လည်းကောင်း၊ ကိုယ်စားသော်လည်းကောင်း တက်ရောက်ရယူနိုင် ခဲ့ခြင်းမရှိဘဲ အဝေးရောက်လက်ခံရယူမည့် ဘွဲ့ခံဆရာတော်၊ လူပုဂ္ဂိုလ်များအား ဘွဲ့များချီးမြှင့် အပ်နှင်းခြင်း အခမ်းအနားကို ဇန်နဝါရီလ ၂၄ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်းတောင်ရိုး၊ သီတဂူသံဝေဇနိယဓမ္မဗိမာန်တော်ကြီးတွင် ကျင်းပသည်။

အခမ်းအနားသို့ ဘွဲ့တံဆိပ်တော်ရ ဆရာတော်ကြီးများ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင် ရာဝန်ထမ်းများ၊ မြို့မိမြို့ဖများနှင့် ဖိတ်ကြားထားသူများ တက်ရောက်ကြသည်။

ဦးစွာ နိုင်ငံတော်သြဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ငါးပါးသီလခံယူဆောက်တည်ကြသည်။

ယင်းနောက် နိုင်ငံတော်သြဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာ သဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာ တော်၊ ဒေါက်တာဘဒ္ဒန္တဉာဏိဿရ ဆရာတော်ကြီးထံ သရေစည်သူဘွဲ့တံဆိပ်၊ ဘွဲ့လက်မှတ်နှင့် လှူဖွယ်ပစ္စည်းများအား လည်းကောင်း၊ သီတဂူကမ္ဘာ့ဗုဒ္ဓတက္ကသိုလ် ပါမောက္ခ ဒေါက်တာ ဘဒ္ဒန္တ ကုသလထံ သီရိပျံချီဘွဲ့တံဆိပ်၊ဘွဲ့လက်မှတ်နှင့် လှူဖွယ်ပစ္စည်းများအား တိုင်းဒေသကြီး ဝန်ကြီးချုပ် ဦးမြတ်ကျော်က လက်ရောက်ဆက်ကပ် လှူဒါန်းသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ရွှေမင်း ဝံရိပ်သာ ဧည့်ခန်းမတွင် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၊ နိုင်ငံတော် ဝန်ကြီးချုပ်က ပေးအပ်ချီးမြှင့်သည့် ဝဏ္ဏကျော်ထင်ဘွဲ့တံဆိပ်ရရှိသည့် ကျန်းမာရေးဝန်ကြီးဌာနမှ သားဖွား ဆရာမ ဒေါ်သိန်းရီအား ဘွဲ့တံဆိပ်နှင့်ဘွဲ့လက်မှတ်အား ပေးအပ်ချီးမြှင့်ခဲ့သည်။

ဆက်လက်ပြီး သီတဂူဆရာတော်ကြီး၊ တိုင်းဒေသကြီး ဝန်ကြီးချုပ်နှင့် တာဝန်ရှိသူ များသည် ၂၀၂၂-၂၀၂၃ ဘဏ္ဍာရေးနှစ်၊ ဧရာဝတီမြစ်၊ စစ်ကိုင်းမြို့နယ်၊ သီတဂူအမှတ်(၂) မြစ်ရေ တင်စက်ရေရရှိရေး အလျား- ၁၄၅၀ မီတာ၊ အနံ- ၃၅ မီတာ၊ ရေစစ်မျဉ်းအောက်အနက် (၂.၅) မီတာ (သောင်တူး)ခြင်းလုပ်ငန်းခွင်သို့ ရောက်ရှိရာ တိုင်းဒေသကြီး ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာန တိုင်းဒေသကြီးဦးစီးမှူးမှ လုပ်ငန်းများဆောင်ရွက် နေမှု များအား Power Point ဖြင့် ရှင်းလင်းတင်ပြပြီး တိုင်းဒေသကြီး ဝန်ကြီးချုပ်က ဖြည့်စွက်ရှင်းလင်းတင်ပြသည်။

ယင်းနောက် သီတဂူဆရာတော်ကြီးမှ သောင်တူးခြင်းလုပ်ငန်းများ ဆောင်ရွက်နေမှုများနှင့် ပတ်သက်၍ လိုအပ်သည်များကို မိန့်ကြားခဲ့ကြောင်း သိရှိရသည်။

မုံရွာ ၊ ဇန်နဝါရီ ၂၃

စစ်ကိုင်းတိုင်းဒေသကြီး၊ စစ်ကိုင်းပညာရေးတက္ကသိုလ် ၂၀၂၃-၂၀၂၄ ပညာသင်နှစ် မောင်မယ်သစ်လွင်ကြိုဆိုပွဲ အခမ်းအနားကို ဇန်နဝါရီလ ၂၃ ရက်နေ့၊ မွန်းလွဲပိုင်းတွင် အဆိုပါ ကျောင်းရှိ ဘွဲ့နှင်းသဘင်ခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင် ရာများ၊ ပါမောက္ခချုပ်နှင့် ပါမောက္ခဌာနမှူးများ၊ ဆရာ/ဆရာမများ၊ ကျောင်းသား၊ကျောင်းသူများ တက်ရောက်ကြသည်။

ဦးစွာ စစ်ကိုင်းပညာရေးတက္ကသိုလ် ကျောင်းသား၊ကျောင်းသူများက တေးသီချင်း အက အလှများဖြင့် သီဆိုကပြဖျော်ဖြေကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းပညာရေးတက္ကသိုလ် ပထမနှစ်သင်တန်းသို့ တက်ရောက်လာကြသော ကျောင်းသား၊ကျောင်းသူများအား စစ်ကိုင်း တိုင်းဒေသကြီးအစိုးရအဖွဲ့မှ မောင်မယ်သစ်လွင်များအားလုံးကို လှိုက်လှိုက် လှဲလှဲကြိုဆိုပါကြောင်း၊ စစ်ကိုင်းပညာရေးတက္ကသိုလ်သည် ပညာရေးဆိုင်ရာ အမြင့်ဆုံးဘွဲ့ဖြစ်သည့် ပညာရေး ပါရဂူဘွဲ့များကိုပါ ပေးအပ်ချီးမြှင့်နိုင်ခဲ့ပြီး နောင်နှစ်များတွင်လည်း ပညာရေးပါရဂူဘွဲ့ရများ ဆက်လက်မွေးထုတ်ပေးနိုင်ရေးအတွက် တာဝန်ရှိသူများအားလုံး မှဝိုင်းဝန်းပူးပေါင်းဆောင်ရွက် ပေးသွားကြရန် လိုအပ်ပါကြောင်း၊ ကျောင်းသား၊ကျောင်းသူ များအနေဖြင့်လည်း သက်ဆိုင်ရာ သင်တန်းနှစ်အလိုက် ပညာကိုကြိုးစားလေ့လာသင်ယူ၍ ဆရာ၊ဆရာမများ၏ ပြောဆိုဆုံးမ စကားကိုနားထောင်ကာ မိမိတက္ကသိုလ်၏ ဂုဏ်သိက္ခာမြင့်မားအောင် ကြိုးစားကြစေလိုပါ ကြောင်း၊ စစ်ကိုင်းပညာရေးတက္ကသိုလ်တွင် ပညာဆည်းပူးနေစဉ်ကာလအတွင်း ကျန်းမာရေးကို ဂရုစိုက်၍ ကျောင်းသား၊ကျောင်းသူအချင်းချင်း စည်းလုံးညီညွတ်စွာဖြင့်နေထိုင်ကာ ပညာဖြင့် အလင်းဆောင်နိုင်သူများဖြစ်အောင် ကြိုးစားသွား ကြရန် တိုက်တွန်းပြောကြားသည်။

ဆက်လက်ပြီး စစ်ကိုင်းပညာရေးတက္ကသိုလ် ပါမောက္ခချုပ် ဒေါက်တာမြတ်မြတ်သော်က ကြိုဆိုနှုတ်ခွန်းဆက်စကားပြောကြားသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ ပါမောက္ခချုပ် နှင့် ဒုတိယပါမောက္ခချုပ်များက စစ်ကိုင်းပညာရေးတက္ကသိုလ်သို့ အမှတ်အများဆုံးဖြင့် ဝင်ခွင့်ရ ရှိသူ၊ ၂၀၂၃-ခုနှစ်၊ (၂၄)ကြိမ်မြောက် မြန်မာ့ရိုးရာယဉ်ကျေးမှု အဆို၊အက၊အရေး၊အတီးပြိုင်ပွဲနှင့် တက္ကသိုလ်ပေါင်းစုံ အားကစားပြိုင်ပွဲများတွင် စစ်ကိုင်းပညာရေးတက္ကသိုလ်မှ ဆုရရှိကြသော ကျောင်းသား၊ကျောင်းသူများအားဆုများ အသီးသီးပေးအပ်ချီး မြင့်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းမှတ်တမ်း တင်ဓါတ်ပုံရိုက်ကူးကာ အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံ နှုတ်ဆက်အားပေးကာ အခမ်းအနားကို ရုပ်သိမ်းခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ပါရမီ ရပ်ကွက်ရှိ နိုင်ငံ့စီးပွားမြင့်တင်ရေးရန်ပုံငွေဖြင့် လုပ်ငန်းဆောင်ရွက်နေသည့် စိန်ကြည် ခေါက်ဆွဲ စက်ရုံသို့ ရောက်ရှိကြသည်။

ဦးစွာ စက်ရုံတာဝန်ခံမှ စက်ရုံအတွင်းလုပ်ငန်းများ ဆောင်ရွက်နေမှုအား လိုက်လံ ရှင်းလင်းပြသပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကုန်ကြမ်းသိုလှောင်ရုံ၊ အမျှင်ဖြတ်စက်၊ Dryer Room ၊ အခြောက်ခံစက်နှင့် ပါကင်ထုတ်ပိုးနေမှုများနှင့် စိန်ကြည် ခေါက်ဆွဲစက်ရုံမှ ထုတ်လုပ်သော ခေါက်ဆွဲများခင်းကျင်းပြသထားရှိမှုများအား ကြည့်ရှုစစ်ဆေးပြီး ဈေးကွက်သို့တင်ပို့ရောင်းချနိုင်ရေးအတွက် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ပဲကတိုးကျေးရွာ၊ တောင်သူဦးအောင်မင်း စိုက်ပျိုးထားသော မုံရွာဂျူံဖြူ ၂ ဧက၊ အထွက်နှုန်း တိုးတက်ရေးစံပြကွက်သို့ ရောက်ရှိကြသည်။

ဦးစွာ စစ်ကိုင်းခရိုင်၊ စိုက်ပျိုးရေးဦးစီးဌာန ဦးစီးမှူးမှ စစ်ကိုင်းခရိုင်အတွင်း ၂၀၂၃-၂၀၂၄ ခုနှစ်၊ ဂျူံမျိုးကွဲအလိုက် စိုက်ပျိုးထားရှိမှုအား လည်းကောင်း၊ ဆည်မြောင်းနှင့်ရေ အသုံးချမှုစီ မံခန့်ခွဲရေးဦးစီးဌာနမှ မြို့နယ်ဦးစီးမှူးက စိုက်ပျိုးရေရရှိရေး လုပ်ငန်းများဆောင်ရွက်ထားရှိမှု အခြေအနေများအား ရှင်းလင်းဆင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ တာဝန်ရှိသူများအတူ ဒေသခံတောင်သူများအား ရွက်ဖြန်းမြေသြဇာများ ထောက်ပံ့ပေးအပ်ခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဂျူံသီးနှံအထွက်နှုန်းတိုးတက်ရေးစံပြကွက် အောင်မြင်ဖြစ်ထွန်းနေမှုနှင့် ဆိုလာစနစ်ဖြင့် စိုက်ပျိုးရေပေးဝေနေမှုများအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။